混亂拉麵 (已結業)

見成日有人排隊, 今天看沒多少人, 試一下.叫了個第2幅圖的麵, 拉麵有得揀粗度，湯超咸, 又濃，又吾鮮，啲油浮哂響面，啲叉燒同麵都無味, 整體來說, 除了咸味....只有塩味，吾明點解成日有人排隊食⋯⋯我自己就吾會再食。

由於同行朋友特地話想試呢間拉麵, 我地就一齊去試6點半左右去到都唔洗等位佢有好多款揀既而我揀呢款係混亂全部入咩都有要留意加倍係正常份量我呢個芽菜係3倍(影得唔好)望落係好高的但味道呢 不過不失啦可能我揀左粗麵 我感覺有D似食緊車仔麵既感覺只係係間日本拉麵店食咁佢湯底亦係偏濃的全部入雖然好抵食 但係我唔鍾意D芝士粉混埋落D湯度因為混左落去個感覺更似車仔麵...同埋想講盡量唔好叫3倍份量 唔係你基本上芽菜係無味因為掂唔到湯個人覺得叫普通款都可以但我唔會再食可能我覺得呢個全部入差唔多接近100蚊但食緊車仔麵味道...

上次食完混亂拉麵後，順手買左兩盒家麵返屋企，今日試吓自己有冇大師咁好手勢 我首先食左豬骨味，湯不太肥膩也能掛在拉麵上十分好味。作為個人的口味，因為吃得不太辣，沒放太多特製醬油，湯底被鰹魚粉，炸蒜中和了帶點苦味。可考慮用不辣的日本醬油代替，更加能帶出豬骨濃湯味。

放工會合女友往混亂拉面，食$95混亂全餐，內有叉燒，筍、朱貝脂、芝士粉、玉子蛋、牙菜、紫菜和中粗面，面好足料，略嫌湯底比較咸和牙菜不入味，飲完少少湯便感覺口渴，但個面整體好好食，叉燒入口即熔，玉子蛋好香甜、面都好好食。

湯底偏淡，因為加左3倍野菜就更加淡野菜其實就係芽菜，份量超多但無味，完全白灼。蛋幾好味，而且入味，拉麵我選幼身既texture 都唔錯。但湯底同叉燒都太淡，應該唔會再來

用餐時間是下午2:30pm ,見無咩客就入去啦,上一次去是12月,印象都不太錯的.用膳地方都幾有日本拉麵小店的風味.環境衛生乾淨.座位談不上舒適,但不會太迫,都ok.叫左三倍(最多)菜的混亂拉麵(粗麵)$75同雪碧$10.自問都叫鍾意食菜, 但啲菜真係超超多. 只能食到三分之二(已經好勁),大家去食就量力而為啦不過啲芽菜好生,又唔入味.义燒都係一般般,十分淡味,建議大家夾住濃味既背脂一齊食,口感會好好多 ,麵就不錯有咬口背脂

之前成日經過呢間野都冇入去試,今次特登見佢冇咩人,就膽粗粗走入去食聽人講呢度食可以加好多芽菜,食麵唔飽食菜都飽,所以特登叫碗兩倍菜o既試下(佢仲有三倍菜,但我驚食死~~)碗麵一出黎時我就知大獲,成座山咁高,加埋芝士,滯到爆其實碗麵唔係特別好食,而且加埋咁大份,點好食都食到冇感覺....

個個係open rice 也對混亂拉麵比好評今日即管試一試一貫日式拉麵的風格店員奉上想紙張客人可以自己揀選配料及面的粗幼我選擇了最出名的混亂全部入拉麵拉麵一上台的時候樣子十分吸引配菜加上玉子完全覆蓋整碗拉麵可是功底不足玉子在奉上時已經不再流心了在飲飲湯底令我完全體會到什麼是味精再試試荀美味的酸 不會是變了吧？！整碗拉麵份量十分大足夠吃飽一個男孩的份量份量是大但價錢也比較貴而且味道也不是十分突出食過一次就算留待那些食家繼續正評下去吧

可能係我食過最難食既拉麵。拉麵有得揀粗度，算係成碗麵入面做得最好，湯底超咸，又吾鮮，啲油浮哂響面，得個大碗，啲叉燒又肥得濟，吾明點解成日有人排隊食⋯⋯我自己就吾會再食。

未到之時係有期望的，不過食完之後十分之失望門口廣告牌寫到又話咩細食者不合式乜乜之類因為見佢收成85元一碗，諗住點都有一定份量點知估錯晒原來所謂大碗只係因應個人要求加一大堆呀菜落去，反而 d 拉麵幾野就冇晒至於 d 叉燒好似煲湯豬肉咁，淋到90歲冇牙呀伯都食到總結就係比85元食一碗這樣的麵，冇可能 

與女友去混亂一下我已經不是第一次去，因女友未去過，所以帶佢試下。由於午餐時間未過，全場爆滿，但老闆娘的招待真的不錯，好有禮貌，好快就有位。 我地叫左個乜都有既混亂拉麵，兩倍菜，中拉麵。拉麵 仍保持著一如以往的水準，彈牙爽甜，我地叫左兩倍菜，令濃郁嘅湯底溝淡返，喜歡吃芽菜的人，我建議你點三倍菜。湯底濃嘅原因其實係有芝士粉，不愛芝士既朋友要叫令一款了。拉麵加入了粟米同金蒜，令湯底更甜香，個人口味，愛order一枝可樂，感覺可解味精，這店offer的可樂是枝裝，好夠汽！！！如你細食，建議叫一碗大，然後share都夠飽！

早上剛開鋪就已經開始見到有少許的人龍！早上星期5，唔係放飯時段同假日，如果要排長龍，未必一試！入去前可以望一望黃色的A4 Size 告示牌 琴日試混亂拉麵(深水埗)睇其他網友的圖，睇落好壯觀，好混亂同友人一齊去試，叫左混亂全入，即包括有叉燒，溏心蛋，芽菜，荀，蒜，豬背脂(肥豬肉) 同 雞扒混亂(每日限量20碗)，雞扒長15cm，闊10cm(未煎之前)，值得一試！試食完畢，混亂全入拉麵點了傳說中３倍野菜(*芽菜)，１倍蒜，正常豬背脂，5mm 太麵！總覺得太麵比中麵好食，食落有口感，彈牙！湯底沒有想象中咸，傳聞豬骨湯底係極濃同極咸！，服務態度不錯，環境一般(地方有限)，有茶水供應(純粹過濾一下)，可自帶水，汽水$10 樽裝！但太麵太少，叉燒一開始試完全沒味道，要浸在湯底5-10分鐘，吃落才有味道，要注意的是芝士粉要一開始溶落湯底，更加好味。另外如全３倍配料，太麵會係極底，同埋吃落好麻煩，(可拎一隻碗，將配料分開)，但我係一層層食，同無懼混亂情況，所以唔洗碗！如果熱愛肥豬肉+蒜+芽菜，可試試全3倍的！另外雞扒真係比混亂全入更好食，原因雞扒個肉+肉汁+雞皮，比前面既鋪，好食好多，3樣野都好配合

之前成日經過呢間店,都見有好多人排隊,好啦,今日就黎試下佢有幾好食先。 先影下個鋪面,其實係冇咩裝修,但反而有D特色,但特色得黎又有D簡陋(係咪好廢話呢?! )一入到鋪頭入面座位已滿,不過還好未有人龍,我同朋友就等下一張就可以入座。等候期間店員先將選餐紙遞上,款式不多,有6款(其中一款係神秘拉麵)與友人各叫了混亂全部入拉麵及可樂等候期間睇見此款拉麵,詢問店員,原來每天只供應20麵,早市晚市各半,想試嘅朋友要早D排隊。混亂全部入拉麵,有粟米、溫泉蛋、芝士粉、紫菜、荀、蒜蓉、芽菜、豚肉。其實整體來講都唔錯,只是對於我來講份量都比較多會食唔曬,而且湯底比較濃。走時才睇到這個告示,我胃口比較少,所以....大家看看才去試吧。

適合愛重口味的人士品嚐選擇：全部入（雜錦）拉麵麵質：中太麵，有嚼勁，夠彈牙湯底：很濃郁的味精湯玉子：頗流心，味道適中豚肉：薄切、肥美、油膩其他配料：芽菜、椰菜都清爽總結：一試無仿，但欠吸引力再試

作為香港拉麵界先驅，陳方藤 (Metro Chan) 真是不得不佩服， 先後開過豚王、 隠家及俺之沾麵 拉麵店，之後再開這檔混亂拉麵，間間都有特色及名氣，不得不拍一拍手掌。 混亂拉麵只適合男人去食，原因是樣樣材料份量多多，再加上這間拉麵店的特式是加入背脂(豬背脂肪)及芝士粉，相當重口味及易肥，加上賣相如店名一樣，非常混亂，相信女人會卻步。店鋪陳設亦較傾向日式，只有廿個吧檯位，沒有什麼特色擺設，較為大路直接，近門口有一個銷售處，售賣可回家烹飪的拉麵手信盒。 我曾經去過幾次混亂拉麵吃麵，通常一個人應該很易入座，但是在混亂拉麵卻非次次如願，原因有時大排長龍，有時是麵條一早全部售完，關門休息。說到麵條，混亂拉麵分為中太麵(幼麵)及太麵(粗麵)，太麵大約闊度5mm，中太麵比其他拉麵店的幼麵都較為粗及扁身 。 我點選了混亂全部入拉麵，要太麵，全部入即是什麼材料都有， 拉麵一上桌，對於非常肚餓的我己經非常滿意，原因是份量很多，肯定飽肚，結果食完真是非常飽肚，豚骨湯味濃，半熟蛋亦呈膠狀，味道合格可以，至於芝士粉，建議先與熱湯混和，否則吃時口感會有一粒粒的感覺，叉燒半肥，口感可以。廚工亦很專心烹飪。 顧