75
55
42
港鐵深水埗站 C2 出口, 步行約5分鐘 繼續閱讀
電話號碼
28118606
開飯介紹
非主流日本拉麵,口感有層次感、有驚喜。 繼續閱讀
獎項殊榮
最優秀開飯新餐廳 (2015)
營業時間
星期一至日
12:00 - 15:00
17:30 - 21:00
付款方式
現金
座位數目
28
其他資料
Wi-Fi
酒精飲品
自帶酒水
電話訂座
外賣服務
加一服務費
食評 (188)
等級2 2018-09-30
347 瀏覽
(長文慎入)見有唔少劣評,但我同事又好似好鍾意,我決定自己試一次,睇吓係咩料。一入到去,覺得好特別,同香港大部份拉麵店唔同,裝修raw得嚟幾日本。坐喺啲煮麵師傅前嘅"bar枱"位等拉麵,見佢有個細磅用嚟磅麵嘅份量好認真。第一次來,我決定揀兩倍野菜,唔要背脂,正常大蒜嘅玉子拉麵。原來啲麵係由煮麵師傅直接俾我嘅,有個銀色"梯"碟托底,都幾搞笑喎,但我好鍾意佢親手遞俾客人嗰吓。講返碗麵,嘩,好大碗呀!兩倍野菜已勁大兜,野菜係略為炒過嘅芽菜同椰菜,正是本人最鍾意嘅其中兩種菜。心諗今次發達啦咁多實飽,因為我當時好肚餓。首先飲啖湯,冇背脂一啲唔肥又唔會濃夾杰,幾啱我口味。我揀中太麵都夠粗夠咬口,食吓隻蛋,竟然好好味,係我近日食3間深水埗拉麵最好味嘅,佢應該加咗啲自家製味落去,唔知點講,總之有驚喜。只可講句,呢間拉麵一定唔係人人都鍾意,因為我覺得佢賣點係芽菜,唔加嘅話,會嫌佢兩塊叉燒太細。對於芽菜控同粗麵控,呢度一定係天堂,我食咗幾啖,已覺得好開心好抵一定要翻炒呢間店。簡直想一面食一面寫食評🤣仲有,好鍾意佢放好多樽水俾人自己serve自己,成間嘢嘅感覺係輕鬆古怪,好特別真係有啲混亂,係一間特色但唔係迎合到所有大眾嘅拉麵店。最重要係食到好飽嘅罪惡感,其實只嚟自芽菜,I love it♥️ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-30
224 瀏覽
開業四年多,混亂拉麵在外間的評價,只有好與差,兩極化沒有中間分界,黑白分明。我屬於白的一邊,愛死它們的二朗系拉麵,是我輩重口味之友的佳音,野菜三倍,蒜蓉兩倍好喇,背脂三倍,再配以粗身麵條,$98一碗,好像由開業至今也沒有加過價。可惜,全港唯一的二朗系,營業至今年十月七號便結業,消息一出,有人歡喜,當然,我是愁的一邊啦。拉麵陳並沒有一口咬定混亂拉麵會永遠消失,不排除遲些會再戰江湖,身為長期擁躉,這天下班由公司跑過來,剛好五公里,冒著身水身汗,坐在吧檯前。我算是第一批客人,最終等了大約二十分鐘,拉麵才能奉上,這是我光顧多次之中,等候時間最長的一次。冰水在拉麵店雖不是必然,但是在大熱天時,沒有它實在不行。背脂三倍,野菜三倍,生蒜兩倍的all in,我坐下之時,師傅還未準備好,同一時間只做三碗,炒菜是即炒,或許是人手不夠,這次等得比較久一點,幸好我不太趕時間。濃郁的湯是其殺著,不過今次略嫌多了一點點膻;粗麵煙韌,晶瑩剔透的背脂,一口咬下即爆油香;炒菜做足本份,生蒜的惹味要找個臭味相投的人同行,事後打得火熱也沒有隔膜,哈哈!叉燒的質素頗粗糙,好像是吃過多次之中,最為遜色的一次呢。喝到湯汁一滴不剩,之前燃燒的卡路里,最終本利歸還。希望他日再重遇,我會懷念你。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-19
412 瀏覽
日式簡約裝潢,採用木色為主,關上門讓人想窺探內裡,帶點神祕感。裡面只有傳統拉麵單人座位,向住拉麵師傅,冇卡座提供。點菜單系用日文,不過都帶繁體翻譯。野菜、大蒜同背脂(豬背部脂肪,姐系豬油,用來增加湯頭濃郁),免費增量,切記眼闊肚窄。食完之後想大叫一聲「真系好混亂!」混亂全部入拉麵 $98,顧名思義,所有材料具備,糖心蛋、芝士粉、叉燒、荀...貪心叫左野菜(芽菜)增量,令到湯底淡味左,芝士粉同湯頭吾match , 隻味臭臭地好吾舒服! 繼續閱讀
(以上食評乃用戶個人意見 , 並不代表OpenRice之觀點。)
等級2 2018-09-12
429 瀏覽
我唔敢講係世界上最難食既拉面但一定係我食過咁多間,最伏,最難食既一間見到網上有推介,重一心滿懷希望咁,衝去食誰知.....沒有最失望,只有更失望我絕對唔係敵方打手,剛食完,只想打感受有勇氣的勇者可以去試既真心除左隻蛋好食之外,其他真係混帳!唔係混亂咁簡單肉凍的菜有炒過,但無味的拉麵最左有咬牙黎形容之外,想不到更多暈等我重要一起身,見到就快三點鐘,衝落樓去試下間鋪只開12:00-15:00/18:00-21:00 繼續閱讀
(以上食評乃用戶個人意見 , 並不代表OpenRice之觀點。)
等級2 2018-09-09
413 瀏覽
路過深水埗被店舖的名字及裝修吸引,見幾日式風格,就即管一試。店舖內座位差不多全是吧檯,面對住煮麵師父。選麵嘅menu有過膠,並用炭筆點選,可用手指刷掉,我比較欣賞其環保概念。拉麵可選擇的基本上只有配料,如加粟米、芝士與否,但可免費加大野菜、芽菜及蒜的份量。拉麵都頗大碗,但麵身較硬,叉燒都頗厚身但不夠入味。但拉麵中的溫泉蛋係用日本蛋,味道不錯。食物只是不過不失,但相對下,價錢接近成百蚊一碗似乎略貴。 繼續閱讀
(以上食評乃用戶個人意見 , 並不代表OpenRice之觀點。)