深宵食堂 (已結業)

扮工左四日，終於星期四，梗係要食好西獎勵下自己!!之前有朋友已經介紹過已經餐廳環境舒適，食品質素又高，聞名不如吃，一試難忘!餐廳唔算好大，但勝左全部都係sofa 椅，扮工勞累左一天，一邊吃好西，一邊坐係度休息，真係好舒服!!!!!上邊左一果個係吉列大蝦($32@2隻)，上邊右側芝士蝦球($36@6粒)，下邊既係芝麻雞翼($48@3隻)同吉列廣島蠔（$42@4隻）吉列大蝦肉質爽口新鮮，炸粉又唔算太厚，配上沙律醬，十分開胃!!!熱辣辣的芝士蝦球粒粒金黃色，未食已經俾佢深深吸引!!!外層炸皮仲好鬆化，入面充滿芝士且呈半溶既狀態，一口咬落去就有好多芝士絲，芝士拉絲…不論味覺定視覺都一流!!炸物之皇一定非芝麻雞翼莫屬!!!!芝麻雞翼名不虛傳，真係有好多芝麻係雞翼面，絕對係真材實料!!!!!咬落去雞翼皮脆而肉嫩多汁，仲食到有少少雞油既香味添，十分惹味 !!而中意食蠔既朋友，絕對要試試吉列廣島蠔!!!! 以呢個價錢黎講，真係算高質又抵食!!!隻隻炸蠔都脹卜卜，而且炸粉係一點都不厚，外皮鬆脆而唔油!貪吃既我一啖咬落去，點知bi左d汁出黎，真係好新鮮好juicy!!!大家食既時候要小心燙口唷!!!自家製

朋友愛吃日式串燒，相約到深宵食堂來個串燒夜，即時想起，日本漫畫改編的連續劇深夜食堂， 自己是 Master 的忠實粉絲，所以，單聽餐廳的名字，已經有一種莫名的親切感。先來蒜蓉燒大蝦，面層蘸滿蒜蓉，燒得非常香口，肉質彈牙， 一道出色的燒物。 燒白鱔，火喉精準，油香四射，肉質爽脆有彈性，慢慢細嚼，令人一再回味。 汁燒一口牛，面層微焦，肉質腍滑，豐富的油脂提升了肉味的馥香。 汁燒帆立貝，香氣裊裊，一口份量，不油不韌，非常鮮美。 四季荳，我的至愛，入口爽脆清甜，簡單灑點海鹽，已美味十足。 豚肉露筍卷，薄切豚肉裹著翠綠鮮嫰的露荀，清新健康又滋味。 冰燒菠蘿，愈燒愈香甜，，咬一口，水潤多汁，一解之前的油膩。 到深宵食堂吃串燒，氣氛實在輕鬆自在，令人可完全陶醉於美味燒物之中，雖然座位只有三十來個，但空間感十足，確實可說得上是一間療癒系的食堂。

聞名已久的深宵食堂 今次終於試到啦 四川茄子其實就是烤茄子配上七味粉吧茄子烤至淋甜 一絲絲的 十分juicy皮卻太大塊 又很硬 我想是不能吃的吧 金菇牛肉爽爽的金菇配上牛肉 一如既往 是最佳的配搭 不怕會硬和痴牙 白鱔這個價錢 本身期望會有更多件 但原來只有4小件 皮脆肉淋 沒有腥味 醬汁份量好 不會太多 鵝肝石窩飯鵝肝沒有筋 配上熱辣辣既石窩飯 也非常配合 醬汁好味 有淡淡的甜味 十分開胃 芝麻雞翼非常熱 而且juicy 一咬下去就有雞油出來有陣陣的芝麻香

日本的「深夜食堂」相信深為人知，但香港這一家「深宵食堂」大家又留意到嗎?當大家下班準備回家時才是這家食堂一天的正式開始來到門口按了門錢後要等待店家開門(〃･ิ‿･ิ)ゞ 雖然不是在小巷，但店環境倒是給一種很親切的感覺居高臨下的高桌，其實坐得有點不習慣~不過這裡的座位確實不算太多Menu很有趣的是這種木板，每次一翻就總是會發出清脆的聲音另外也有深宵推介的喔 (*>ω<*)蚧肉沙律 ($42) 本來想吃燒蔬菜，但媽媽對這興趣更大!!沙律汁比較清淡一點~整體吃下去就是很清中的感覺。蚧肉倒是頗清甜自家制豬軟骨手打湯烏冬 ($44)小小的一碗，因為擔心只吃串燒不夠飽~所以點這個來打底豬軟骨炆得很入味，湯底也超濃郁~烏冬則是扁身的那種，口感頗彈牙芝士蝦球 (6粒/$38) & 吉列廣島蠔 (4隻/$42)小小的很脆口，吃時要小心燙口 (´ε｀*) 內裡的芝士熱辣辣~香味四溢當然也點媽媽愛吃的蠔~尺寸也算大粒~蠔味濃郁吃到一半才醒起要點飲品ヽ(○´з')ﾉ 蜂蜜柚子茶 (熱/$38) x2大量的柚子在杯底~飲前記得要好好攪底喔接下來是 香草羊架 (2件/$78) 已經拆好骨~吃時超方便啊

朋友介紹說深宵食堂的銅鑼灣店是更有情調, 特別走去一試, 根據當晚經驗所見, 預訂座位便無需要乾等一場。店內座位不算多, 因此坐要坐得親蜜一點, 如果不介意與其他食客分享傾偈話題, 這店的氣氛不錯。豚肉露筍卷  $38翠嫩幼露筍被豚肉包裹著再拿去燒烤, 帶出鹹香, 肉味與筍味的交替富層次, 美味~煙肉荔枝卷  $36煙肉味道偏鹹, 配以甜度豐富的荔枝, 果香中和了油膩感, 令人回味。一口牛  $78一客兩串, 每串牛肉也是丁方大小, 燒烤後肉質具彈性亦不失細嫩, 口感鬆化, 調味得宜。以啤酒襯托串燒, 甚麼勞累即時紓緩。煙肉蠔卷 $38燒得剛好, 香口惹味, 蠔味濃又帶甜, 鮮甜蠔汁得以保留, 送啤酒一流！奶油飯  $26彈牙熱飯拌入無鹽牛油及醬油, 味道濃郁也不油膩, 吃著很順口!

因為OpenRice不時都會請睇戲，XO仔得以認識到日本又係漫畫、又係電視劇、又係電影o既「深宵食堂」。契妹講起先知原來有粉絲亦好潮地因此名作喺香港先後開咗兩間「深宵食堂」，二人就親週一傍晚最唔迫人o既時間一探究竟。 位於大廈六樓o既食店門外設有候座區，旁邊擺放有餐牌及雜誌報導供食客一邊等一邊參考。要進入餐廳磨砂玻璃正門必先按鈴 ，等待芝麻開門。店子不大，一邊為四人卡位區。另一邊則為合併式二至多人散座。我地契兄妹二人被安排入座其中一張高櫈位置，講真兩個肥人坐得都幾唔自然 。由於餐桌面積有限，兩口子最終採取邊食邊叫o既方式慢慢享用美食。 芝麻雞翼（$48/三隻）：芝麻雞翼果然皮脆肉嫩，少辣惹味，唔怪得知咁多人推介 。 芝士蝦球（$38/六粒）：眼見金黃色o既蝦球冇煙出，諗住唔會好熱啦，點知細佬一口咬落去，入面流心o既芝士真係好熱 ，仲燙親條脷添。芝士蝦球不但滾熱辣，芝士夠流心，外層o既炸皮仲好鬆化，蝦膠餡亦好爽脆，估唔到「深宵食堂」又幾有料到喎！ 芝士年糕（$36）：芝士年糕同芝士蝦球無論係味道定質感都極之唔同，但效果卻一樣咁精彩！芝士年糕一定要親熱食，其皮薄香脆，芝心

以往曾看過一個叫深夜食堂的漫畫，一間小居酒屋，簡單的菜單，老闆會根據客人的要求和故事做出各種不在餐單上的料理，然後帶出一個個充滿人情味的故事夜深時分，在銅鑼灣仍開業的餐廳已是屈指可數，我恰巧找到了這一間深宵食堂坐下與女友點了深宵蟹肉芝士玉子燒，相當驚喜，食指大動芝士年糕，金黃色，咬下有芝士軟心，煙韌，記得一定要襯熱食啊，相當美味炸蠔，多汁鮮甜日式炒烏東，一個字正，炒得恰到好處，又彈牙，汁又好味　　燒帶子，雞軟骨，中規中矩來到深宵食堂，簡約的設計反而使食客更加舒適，因為畢竟時已深夜，大家都想簡簡單單的吃個夜宵，不需太特別，雖然老闆不會像深夜食堂的漫畫中料理各種不在餐單上的料理，但環境氣氛仍有濃濃人情味，令人感到繁忙了一天終於能夠好好靜下來品嚐美食因為美食才能感到活著

叫兩串、啤一啤，朋友就理應間中這樣子聚一聚。這間營業至深夜的日本餐廳，正正適合我和夜貓族聚會。 餐牌選擇都頗多，我們在消夜時間都要任性一下。 餐廳放置大量日本漫畫，營造日本動漫氣氛。朋友點上數款小食和飯麵類。 串燒牛脷芯。牛脷芯入口爽口彈牙，上面的黑椒微辣惹味，沒有乾身鞋口的感覺👍🏻 芝麻雞翼。即叫即炸，非常熱脆辣口。雞翼肉汁豐富，肉質非常嫩滑，外層香脆香口👍🏻 露荀豚肉卷。香脆露荀被薄薄豚肉包上，入口軟腍多汁。露荀新鮮爽脆，豚肉肉汁豐富，整體味道配合得宜😉 燒白鱔。皮脆肉滑👍🏻👍🏻👍🏻外層香脆香口，內裡肉質非常滑溜香甜，軟綿綿的口感帶有香口惹味的味道。 金菇肥牛卷。金菇爽甜，肥牛軟腍，配上燒汁黎味道豐富惹味。金菇略微有小小痴牙，但整體味道香甜豐富😉 川燒茄子。大大片茄子加上大量七味粉和蒜末，味道香濃惹味。燒得香甜的茄子沒有乾身，保持水份和甜味，惹味無比😉 👍🏻👍🏻👍🏻👍🏻👍🏻👍🏻鵝肝什菌石鍋飯。至愛😍 鵝肝香口香膩，入口油脂香味濃郁。醬汁豐富，包上粒粒白飯，惹味非常。鵝肝香味濃郁，醬汁豐富惹味，整體油香滿滿。 日式炒烏冬。烏冬爽

今晚同朋友喺對面大廈揼完骨，點都要食少少野嘅! 等咗大約20分鐘左右就到我地喇! 入到去即刻明白點解要等咁耐，因為鋪面細細，得八張枱左右，同埋應該係無時間限制，枱枱都係大枱傾計，所以多過兩個人嘅話就要等好耐喇...要試嘅話建議兩個人比較好，不過咁樣就食少好多野嘅......好似我地咁兩個女仔，時間又唔早，所以食得唔多野，今晚試咗:蟹肉沙律 - 加咗醋汁嘅沙律，好開胃，蟹肉又無霉，唔錯!燒雞腎 - 燒過嘅雞腎口感爽脆汁燒白鱔 - 外皮燒得香脆，而且非常入味又唔覺有骨，雖然成$70一串，不過都抵嘅!炒手打烏冬 - 烏冬煙煙韌韌，味道甜甜地，飽肚之選其實仲想試芝士蟹肉玉子燒，不過今晚無哂!! 好失望...唯有下次再黎啦!

來到銅鑼灣同尖沙咀都有分店，且頗受歡迎既深宵食堂食晚飯 位置樓上鋪，都算方便 煙肉荔枝卷味道好好 完全不突兀的組合反而很match 煙肉香同荔枝甜夾得好好 係呢度我最喜歡的菜式之一 一定要試 芝麻雞翼雞翼身帶少少辣, 脆身、好惹味 雞翼尖味道亦好好芝麻味不算突出 調味料是我最喜歡的 羊架味道都好正，咬口幾好重點係調味料特別有風味，好耐未試過好食的羊架了 黑松露鵝肝野菌石窩飯野菌爽口，鵝肝質感軟腍，帶著淡淡黑松露香氣飯粒稍嫌過份濕潤，沒有預期石窩帶出既焦脆口感 芝士蚧肉玉子燒呢個就不推介了 不算太特別，芝士味無乜。蛋味有但很淡，玉子燒不算很嫩滑但幸好唔會嚡口 蚧肉比較少 而整體主要嚐到既 只係茄醬味 一口牛這樣的出場方式頗特別，因爲特別用籤串住牛肉粒 直立式插在一件厚切的薯仔上 是影相位 牛肉粒食落牛味一般 質感嘛嘛 不過可以一試

我同阿姨感情一向唔錯，閒時都會約埋一齊搵食，今日就同佢去到銅鑼灣行街，shopping過後又係時候開飯，係銅記行左一陣發現間間餐廳都好多人，於是就向內街搵食，行行吓就去左深宵食堂~可能由於屬樓上舖關係，餐廳未算多人，唔使等位之餘仲坐得好舒適！睇左一輪襲餐牌後就點左幾款食物！先黎就有芝士蚧肉玉子燒，個樣幾精緻，切開後蛋香十足，加上溶化的芝士慢慢流出，伴以蛋漿和適量的蕃茄汁下，尤為美味，細味數口後就發現中間還夾雜著點點蚧肉，十分滋味的同時，也極有層次！之後上來便是我最愛的豆腐，吃在口中滑溜到可以直滑入食道之中，而且更充滿豆香，另伴上的芝麻漿亦不會過咸，同時當中更有不少芝麻顆粒，很是美味~平日最like食雞翼的我又點少得叫呢款炸物，首先個樣好金黃，輕嚼一口就已經能食出師傅曾經為雞翼調味，所以肉質甚為嫩滑濃香，另外不得不讚就是炸得微乾之餘更是十分脆口，令我食完一隻就好想食埋另外2隻屬牛精既我就最鍾意食牛，呢2串一口牛就真係我近年食過最好食既牛串燒之一，因為肉質嫩滑的同時，火候又燒得恰到好處，口味更是充滿濃濃牛肉香，食在口中不知不覺就好快食完，用來送啤酒就是一流！再黎係羊架，個樣看似油麻地，但食

去了前陣子非常人氣的深宵食堂, 第一次在重陽節前夕晚, 見到門口有好多人排隊, 還是放棄, 走了去吃辣蟹. 但見到深宵食堂個門口好有feel, 又心思思想試, 所以平日夜晚去了多一次, 今次好好多, 不用等位, 不過都接近滿座, 對於樓上店來說, 生意不俗. 我們坐了近窗位置的高臺, 可以望到銅鑼灣街道上的車水馬龍, 真的很有食宵夜那種帶點唏噓的感覺, 氣氛完全對板. 大概都估計到是參考日劇"深夜食堂", 這裡很最大的不同是這店中做侍應的老闆. 很開心, 很好客的, 拎食物去每一臺時, 總會吹一兩句水. 自家製豬軟骨手打湯烏冬, $44份量比想像中細, 不過幾好, 可以吃多點不同的食物. 雖然碗仔細細, 豬軟骨還是有很多件, 豬肉一咬即化, 醬汁很入味, 值得呀. 湯頭比較鹹, 豬骨湯味很濃郁, 很傑身, 掛在烏冬上令到烏冬滑滑的, 一直滑入口腔, 大滿足. 秋冬夜裡吃一碗熱湯烏冬, 真是一種享受. 8吋蒜蓉大虎蝦, $72 x 2侍應老闆說我們點了這個, 真識食. 佢話, 本來的是8吋, 佢自己覺得不夠大不夠好吃, 換了10吋的大蝦, 價錢不變. 上臺時見到大蝦真的很大件 不過...

「深宵食堂」靈感來自日本漫畫「深夜食堂」, 據說部分食物更是參考漫畫做法製成, 我不是漫畫迷, 也沒看過那漫畫, 不過對「深宵食堂」早有聽聞, 很有興趣來這裡吃串燒菜式, 今晚就約了友人來晚飯, 我們都不是夜貓子, 深宵不深宵對我們不太重要。「深宵食堂」在銅鑼灣時代廣場附近百樂中心的樓上舖, 要按門鈴才開門, 感覺有點神秘。店內用木板作牆身裝飾, 牆上放置一些漫畫, 有特大L字長梳化, 甚有家庭式味道。本來亦都有一些小小日式居酒屋的味道....但這邊的卡位, 加上電視大聲播放無線劇集, 又令人有點錯覺在茶餐廳中用膳。餐廳有一個MENU, 部分食物有圖片參考, 不過MENU上只有菜名沒有價錢。要找價錢, 就要在這疊像吃日式放題的點選紙裡找, 這樣有點不方便呢, 如能在MENU裡一併印上價錢就好了。一天工作忙碌過後, 發現常常都忘了喝足夠的水, 我們先叫兩杯飲品解解喝....利賓納提子汁 $38 - 濃度適中, 冰滾解渴, 這提子汁和串燒很夾, 吃著串燒喝口提子汁覺得很爽快。蜂蜜柚子茶 $38 - 友人叫的蜂蜜柚子茶, 落的蜂蜜柚子汁不夠, 以致味道有點清淡。鴨胸沙律 $48鴨胸已被切成絲

今日太太放假，攜同細周生到銅鑼灣逛街，晚上試了一間日式串燒店「深宵食堂」。餐廳地方不大，曲尺型格局，以木製傢具作裝飾擺設。近入口的飾櫃，放了不少聖鬥士玩隅。在餐廳的另一角，則擺放了不少漫畫，可供食客借閲。再加上放於天花燈槽的酒瓶酒盒，和風感更重。芝士蝦球：蝦球賣相小巧，外脆內彈，芝士半溶起絲。建議追加蝦肉份量，相信彈牙感及蝦香會更為突出。八寸蒜香大虎蝦：大虎蝦足八寸長，肉質新鮮結實，以香蒜作調味，十分香口，值得推介。吉列廣島蠔：吉列成品金黃香脆，雖然以吉列香口方式製作，鮮蠔的自然味道還能吃得出，更驚喜是蠔身仍保留了相當水份，吃時燙嘴嫩口。汁燒白鱔：選料肥美，魚肉帶甜。豚肉露筍卷：豚肉薄切無乜特別，露筍選用幼小款式，食感嫩口。煙肉荔枝卷：煙肉本質香口，但膩感重，夾上清甜可口的荔枝吃，香口仍在，膩感已除，兩者味道非常匹配。一口牛：牛肉口感鬆軟，牛香OK，調味稍稍鹹了少許。炸薯格：特意為細周生點選，即點即炸當然香脆可口。鵝肝什菌石窩飯：以燒熱石鍋製作，出品熱辣，拌勻鵝肝襯飯吃，每囗飯皆沾上豐腴肝香，十分惹味。配上的和風醬汁口味帶甜，調味亦佳。什菌以雞脾菇及靈芝姑入饌，味道和鵝肝頗為合襯，亦是

在今年初的大阪行，誤打誤撞撞入一間很地道的小居酒屋，居酒屋內不僅散發濃厚的串燒香氣，老闆跟食客們似是熟絡有傾有講洋溢著溫暖的人情味，情況就似活生生的日劇、電影當中《深夜食堂》一樣，至今都令人懷念當晚的串燒和老闆的熱情招待﹔回到香港，銅鑼灣也有一家叫深宵食堂主打串燒，當中的招牌蟹肉玉子燒都引來不少食家們青睞，接近蛋痴的我，當然也要一試玉子燒味道如何﹔深宵食堂位於百樂中心6樓，晚飯時段尤其多人等侯升降機，所以預早五至十分鍾就最好不過﹔推開印有深宵食堂磨砂玻璃門，牆身用上與檯面一樣的木色設計，格局的骰﹔連餐牌都貫徹木色風格，再刻上深宵食堂四個字﹔打頭陣的是招牌蟹肉玉子燒($78)，廚師更用茄汁印上深宵兩字，捲起玉子燒表面不算平滑，但切開可以清楚看到蛋漿混合了流心芝士緩緩流出，芝士味頗香濃能輕微拉絲，蟹肉份量亦頗多足料，就味道來說，香濃芝士稍微會遮蓋蛋香，蛋痴表示較為失望，玉子燒可以有進步的空間﹔煙肉荔枝卷($38/串)，燒得表面香脆的煙肉包著雪白荔枝肉，荔枝肉鮮甜帶有豐富肉汁能夠中和煙肉的油膩感，入口同時又帶著啖啖鮮甜荔枝香，兩種不同口感食材配搭起來卻無違和感，口感豐富確實不錯，連絕少吃荔枝