深宵食堂 (已結業)

辛勞一日的工作，約個朋友聊天, 揀左間居酒屋串燒 深宵食堂個名都好特別呢間餐廳都氣氛唔錯，waitress好耐心咁介紹每一樣食物比我地聽燒雞翼雞皮燒得香脆，肉身肥厚雞肉好嫩口好滑 肉質嫩滑多汁, 好香口, 好味吉列廣島蠔沾上滿滿的麵包糠，外層酥脆脆口,蠔肉汁多惹味又香脆松化。汁燒白鱔$68白鱔汁香,肉質爽滑油分充足嫩滑香口, 燒汁入晒魚肉好味軟殼蟹沙律 $58軟殼蟹吃出啖啖肉的,沙律很大份質感實在。芝士蟹肉玉子燒($68)：玉子燒上寫上了「深宵」二字，疍卷夠滑而且皮不厚,切開後芝士都慢慢流出來，芝士是流心的蛋香十足又香又軟又滑。

我本人係深宵食堂漫畫超級擁躉, 所以好想有機會將漫畫裡面所有菜式帶到現實一試其真實滋味, 機會終於出現啦～去到食堂門口我已經能夠感受到日本平民式既食堂風格, 真係好想快啲入去試晒所有漫畫菜式!! 雖然地方唔算大, 可能樓上鋪關係, 但完全無令人侷促感覺, 我觀察店裡面所有擺設, 哈～不出所料, 真係有一套完整既深宵食堂漫畫放左喺書架上面, 如果個老闆同漫畫裡面既一樣打扮就令我更加投入啦～哈！我好心急打開個 menu 睇, 真係有漫畫裡面菜式呀～我一口氣點左奴豆腐、蜜燒八爪魚、枝豆、雞軟骨、雞泡魚乾、燒秋葵同京蔥、貓飯同奶油飯, 其實仲有好多野想食, 但真係驚自己眼濶肚窄, 食唔晒, 浪費食物, 正想收手時, 老闆話一定要試個芝士年糕, 講到好好味咁, 無理由唔試咖呵！第一樣出現我面前既係蜜燒八爪魚, 我即刻笑左出聲 , 同漫畫一模一樣, 食落感覺好清甜同爽口 , 跟住係奴豆腐, 屬於凍食, 個汁酸酸甜甜幾醒胃, 枝豆、雞軟骨就無乜特別～個雞泡魚乾比預期好, 乾身但起碼唔會燒到柴皮咁, 好香口, 送酒一流。蔬菜燒物方面, 水分保存得好好, 唔錯!! 嘩~~輪到我最想試既貓飯同奶油飯啦～若

同朋友跑完步係附近搵野食，有朋友提議去宜間餐廳食串燒，話好味又平，於是一行三人就去食喇!!!餐廳於位6樓，一出lift就見到~~門口細細，但裝修擺設甚有日本風味!!煙肉荔枝卷一串3粒岩岩好同朋友一人一粒!咁多串燒中，宜家個係最好味!絕對係宜家餐廳必食之選!!!!一片薄薄既煙肉包住去核既荔枝，入口不但食到有果香，仲有一陣煙肉香味!!煙肉雖然煙燻過，但唔會"鞋"口，又唔靱，同荔枝十分match!!!!

工作之餘，輿友人聚聚，是件陿意的事情。上周末就與好友去了銅鑼灣的“深宵食堂”。餐廳雖不算大，但充满日式風情，不錯。餐牌上的選擇都頗多。鹽燒鯖魚，好新鮮，燒得香气四溢，肉質細膩滑嫩，口感鮮甜！川式茄子，茄子上加了七味粉和蒜末， 濃郁蒜香冲击着味蕾，茄子鬆軟鮮香而不膩。芝士年糕，燒的外脆内軟，芝士香味濃郁。煙肉荔枝卷，鹹香的煙肉与鮮甜的荔枝都幾夾，燒後的荔枝依舊鮮甜多汁。冬菇亦鮮美可口。七味魷魚圈，這是一道非常吸引人的菜式，上枱香味撲鼻，炘粉香口好味，魷魚爽口彈牙，非常惹味！芝麻雞翼，金黄色好吸引，食落香脆肉汁保留

老闆勁無禮貌, 呼呼喝喝, 地方細都唔係咁下嘩??!野食等勁耐, 和牛串收得貴, 但一啲都唔特別, 好有呃錢嘅感覺!最平凡嘅雞翼都整得唔好食, 又乾又凍, 非常失望!

深宵食堂既食物好多都係跟返日本劇集入面既食物，例如貓飯。位於厚福街樓上鋪，一入去就覺得係一個可以傾到計又食到好野既地方，同朋友友了幾樣燒物唱唱水，不過呢度有最低消費每位$200。選擇唔少，我就點左幾個我自己最想食既黎試下，要讚一下店入面得２個男人做野，台數不少，佢地手腳好開合作得好好，出菜速度合度，值得一讚！　川式茄子($68)茄子份量好大，原條的茄子鋪滿７味粉同蒜粒，份外香口入味而且有少少辣辣地。茄子唔會太淋又唔會太乾身，連皮食都得，慢慢挑下挑下咁食，幾得意。蒜片牛柳($66)牛柳好淋唔似係用鬆粉’啦’到淋果種，唔似放題果Ｄ hea 肉，牛肉味重，加埋蒜片令到更有咬口，最岩一邊食一邊飲啤酒！好回味！芝士蟹肉玉子($68)戲肉終於黎到！係深宵食堂入面改良左既芝士蟹肉玉子，上面仲用咖汁寫左＂深宵＂左兩個字，點可以唔相機食先呢？店員好體貼，會等你影完曬相先再過黎幫我地切開佢。果然有驚喜，一拉起第一舊既時候，芝士已經差唔多要流出黎，真係好多芝士，食得多會有Ｄ肥膩，建議同２－３個朋友些牙。汁燒白鱔 ($68)記得好耐之前食過汁燒白鱔之後就愛上了，呢串白鱔都冇令我失望，肉厚而且彈牙，成條都會有鱔

有時在看日劇時，會看到男女主角在一家居酒屋吃宵夜，把酒聊天。這日晚上，與友人想休息一翻，決到找一家日式居酒屋吃晚飯，便到了位於銅鑼灣的深宵食堂吃晚飯。 以串燒及炸物作主打，內裡裝潢有日本風格。 大量日本漫畫，勾起小時的回憶，很吸引。 先來一碟炸薯格，十分香脆外，而且不太油，吃下帶有一點點咸，建議配上茄汁會較好。 重點：串燒終於來了，先來一口牛，店員放上薯仔上，令牛肉本身的油脂可以流在薯仔上。牛肉十分鮮嫩，咬下去十分軟及入味，串燒咬下去流出一口牛肉汁，十分juicy!! 牛舌方面，平日十分喜歡點上牛舌吃，而大量胡椒在表面，更突顯出牛舌本身的味道。牛舌咬下去爽口，很有口感。上佳之作 羊架亦另一至愛，平日吃羊架會覺得食相有困難。而這個羊架會將骨肉分開，減少了平日的煩惱。羊架方面有點點羊身的羶味，但只屬輕量，羊架肉味十足，加上了羊架配上薄荷醬，更加將整體加分。 最後，當然要點上蔬菜類平衡一下子。翠玉瓜及冬菇在串燒烤下，前者十分清爽，剛剛熟的感覺帶來更清新的味道。至於冬菇方面，烤完的冬菇味道十分濃，冬菇烤得很乾身，將水鎖緊。整體來說，夜宵好去處，乃上乘水準之作。

經過一日的辛勞工作，最想約個朋友，揾處清淨的地方，一邊聊天一邊食串燒，舒緩一下工作的壓力！位於銅鑼灣樓上鋪的“深宵食堂”就係一個不錯的選擇！店內地方唔大，但裝潢雅致，吸引左好多情侶前來幫襯，原來拍拖唔一定行街睇戲，食串燒也是一種情趣香草燒羊架，一向都好鍾意食羊架，但就最怕佢大大件食起來毫無儀態，呢度就切定一件件，好易入口，仲要切到每件都有少少脂肪黏著，醮上秘製醬汁更是滋味無窮！汁燒帆立貝，帆立貝好大隻，食落無渣好鲜甜生燒牛脷芯，黑椒和炭香的混合，更令牛脷爽脆惹味咋眼睇落真係似八爪鱼仔，食落脆卜卜好香甜！雞泡魚干，燒完鮮甜香口美味！奴豆腐本來應該係頭盤，但本人鍾意食完一輪熱辣辣嘅串燒後再食佢，感覺清涼“墜火”，豆腐好滑溜，酸酸甜甜的秘製醬汁更是惹味非常，最後連D菜都全部食晒。今晚食過的呢幾味燒物皆出色，服務亦周到，下次會再黎！

喜歡食串燒既我今日同朋友黎到銅鑼灣既深宵食堂。大約六點半去到，店內約有三、四枱客，入座後，慢慢有其他人客到達。小店坐位唔多，應該只有20-30個座位。牆上要放左好多漫畫，唔知係咪可以借比客人睇？食物款式唔算好多，但一般日本小店都係貴精不貴多，尊做好一樣料理。食物即叫即燒，所以要耐心等候。等左一陣，食物熱辣辣送到。第一樣送到既係 一口牛 ($78 2串) 兩串牛柳粒放係薯仔上面，賣相新奇！牛柳肉厚味濃，燒至七成熟剛好，不過肉質偏向有嚼口。豚肉露筍卷 ($38) 露筍鮮嫩清甜，包係油脂香口既燒豚肉入面係不錯既組合。煙肉荔枝卷 ($36) 第一次食煙肉荔枝卷，原來係咁好食！荔枝本身好清甜，用油香既煙肉包住荔枝，成了一咸一甜既對比，而荔枝亦可以中和煙肉既油膩感。芝麻雞翼 ($48) 雞翼炸得好香脆，咬開雞肉仍見肉汁，雞皮外灑上芝麻，食起上黎更可口味美！芝士蝦球 ($38) 一客有6粒蝦球，蝦膠彈牙，中間有點點芝士，如果芝士份量增加味道會更好。胡麻蕃茄 ($48) 非常新鮮既蕃茄！蕃茄好大個，每片都切得有厚度，食起上黎好清新，配上胡麻醬更能夠帶出蕃茄既甜味。生燒牛舌 ($38) 呢款比較失望，牛

Godbro XO was introduced to the Japanese dorama, Midnight Diner, by OpenRice's earlier movie ticket event.  We were talking about the dorama's influence on popular culture, and I mentioned that there is a restaurant inspired by the dorama in Hong Kong, which spiked XO's interest, so we decided to pay the restaurant a visit.We went to the restaurant the Monday before New Year's Eve hoping that the restaurant wouldn't be too busy since people might be resting between celebrations, but the restaura

最近一直在銅鑼灣工作，因利成便也多了在附近覓食。今次放工黎到嘅係呢間以串燒為主打的小店。作為初來埗到嘅新人，只好做伸手黨靠前輩帶我捐窿捐隙覓食喇。餐廳係時代廣場附近，地點就腳，不過因為位處商廈裡面，位置就相對隱蔽。之前有套戲叫深宵食堂，原來有間餐廳都叫深宵食堂。唔喺同事介紹都唔識黎。地方都算事事正正，坐得幾舒服。一口牛 $78擺碟值得一讚，一口牛垂直插落薯仔上面，講個樣已經先聲奪人。而且肉質鮮嫩，完全唔會韌，不過調味方面有少少似喼汁嘅味道，有點非主流。p.s. 個薯仔係唔食得嘅翠玉瓜 & 鮮冬菇好juicy，好好好好好好食。冬菇上面鋪滿木魚絲，再加上鹽調味。翠玉瓜同樣都有加到鹽調味。難得兩者本身嘅鮮味突出，加上少量調味已經好夠，燒得恰到好處，所以外層微焦，但蔬菜本身嘅水份依然鎖住喺裡面。葁燒豚肉飯姜、豚肉、珍珠米同燒汁本身就係最佳配搭。最欣賞豚肉香而不膩。豚肉露荀卷好食好食好食。因為很重要所以要說三次。極薄切嘅豚肉包覆入面嘅露荀，露荀岀面買好貴，呢到食到都幾抵。口感crispy嘅露荀同香口嘅豚肉比例正好，最怕豚肉太厚犧牲左口感，或者露荀太多過份搶fo。雞泡魚搭配沙律醬雞泡魚先燒烤再切絲

講到食串燒，平時都是去天后一帶覓食，不過今日和朋友在銅鑼灣行街行到無力，所以決定近近地在附近尋找串燒店，見深宵食堂評價不錯，一於試試。凍豆腐胡麻醬超多，加上豆腐入口冰凍，愛豆味的朋友表示不錯。蓮藕片是我的最愛之一，口感脆脆，上面灑滿七味粉，味道濃郁。又大又多汁的燒冬菇，不用多作調味已經很讚。大大粒帆立貝，熟度燒得剛好，肉質軟綿。煙肉蠔，也是我的最愛之一，煙肉外皮帶點脆香，麻辣牛舌烏冬，辣度正好是我喜歡，不會麻至口舌無感。炒烏冬，醬汁鹹中帶甜，吃起來偏濕潤，比起湯烏冬更好味。啖啖厚肉的燒魷魚，入口鮮味，不會過於油膩，一定要試！最後來一份菠蘿，又多汁又清甜。

今日同朋友去銅鑼灣行完街去左深宵食堂食飯傾計~又有電視睇，幾好 本來想叫忌廉溝鮮奶，嫌$48貴，揀左$18既普通汽水，臨走果陣聽到格離枱話佢杯忌廉溝鮮奶好好飲呀...我就有少少後悔無叫到，好想知係咪真係好好飲呀芝麻雞翼 $48/3隻無炸漿係外皮度，所以雞皮又香又薄又脆，一咬落去好雞汁流出來，好味啊！芝士蝦球 $38/6粒仲諗住呢個價錢係普通貨色，點知蝦丸係手打蝦丸，中間芝士又多，好驚喜 燒汁白鱔 $78/1串睇落係貴左啲，但試過又覺得值得，鱔肉嫩滑，魚油甘香，底面燒到脆卜卜...好好味.. 一口牛 $78/2串肉質不錯，但牛味不很濃鵝肝雜菌石鍋飯 $108大大舊鵝肝係面，配埋雜菌，珍珠米，由於用熱辣辣石鍋上，壓下撈下又壓左好多好香脆既飯焦出來，用上簡單醬油調味，更能突出鵝肝既甘香 豚肉露荀卷 $48 不錯吃！

人小小兩個人，想找間食物份量唔太多的餐廳。諗起想試好耐的深宵食堂，於是趁平日人冇咁多人去試。沒有餐牌之下，我同朋友都係上返open rice 睇食評同相選野食。今次係抱住期望而來，然後帶住驚喜地返屋企！先黎介紹芝麻燒雞翼，外皮咬落乾身香脆，不會油淋淋，但皮內肉質鮮嫩，極之juicy! 這種一脆一嫩的感覺令我想起名古屋的雞翼。 然後到玉子燒，因為不在點菜紙上，要另外order 。這個玉子燒內是充斥著半溶芝士，從中間一分二時，芝士後中流出。先是吃到淡淡的蛋味，其後芝士味跟住上，重點是芝士不會過於濃烈搶去雞蛋的味道。 再來牛舌，其實果時一見到個牛舌有啲失望，因為得薄切，但食落味道剛剛好，不會過咸。咬落煙韌彈牙，不過略帶油膩。 最後個牛肉飯，雖然上菜時我腦中閃過果間牛肉飯快餐店個名，但其實味道真係好唔同。我最鐘意佢個汁，濃厚的牛肉汁且略帶甜，令我好想成個食晒佢。 個人覺得最好叫埋啤酒，咁就perfect池了。

朋友極力推薦，係銅鑼灣有間上樓日式小店既芝麻雞翼好好食。昨晚就決定試一試，雖然係樓上鋪，但位處鬧市，好容易找到。餐廳面積很細，但座位尚算舒適，先叫左一碗豬軟骨手打湯烏冬，豬軟骨夠淋滑，烏冬煙靭之餘也滑口，再來一碗汁燒牛肉飯，洋蔥跟牛肉是最佳配搭，鋪滿一小碗。牛肉雖然不是什麼頂級貨色，但也夠滑不鞋口，只是汁醬略淡。最精彩當然人係招牌菜芝麻雞亦，果然名不虛傳，香口之餘不覺太油，雞肉嫰滑帶汁，忍不住再叫多一份。 再嚟碟灑上孜然粉既蓮藕片，蓮藕本身冇味，孜然粉味濃，配搭特別，可以一試！汁燒帆立貝燒汁夠味，帆立貝新鮮無渣，亦唔會燒到乾哂身，食落香甜鮮味。總括來講，我和朋友都覺得出品滿意，下次會再嚟。