淥鼎記

營業中

休息中

好喜歡係到飲茶呀真係🥹❤️地方大 環境舒適 食物質素仲要very good ! 而且唔淨係得中式點心 仲有日、川、西式食物，夜晚有埋火鍋放題(⁎⁍̴̛ᴗ⁍̴̛⁎) 種類好多 樣樣都唔馬虎 真係要讚🤭黃金鮮蝦餃 💰$18高橋蘿蔔糕 💰$22杞子高湯鮮竹卷 💰$26潮洲蒸粉果 💰$22🌟🌟黑松露赤螺三文魚酥 💰$36 (推薦🤤)* 早茶免收10%服務費 / 下午茶有9折優惠

老公同阿女話想打邊爐，我揀咗呢間好多人話好嘅，阿女話佢食過好食，咁就放心去食啦。訂咗枱去到唔使點等就入得，不過就坐門口收銀位多人出出入入。侍應姐姐見我一個坐响度，提我出去攞嘢飲住等👍飲品款式大路，揀咗自家製竹庶水(密封包裝好一杯杯放雪櫃)主菜5選1我哋揀咗椰子雞㷛，侍應姐姐又提我哋食完個雞㷛先叫其他嘢食，到時幫我哋換個㷛同湯底。每枱會送一份魚生船、海鮮拼盆、牛小排，新鮮美味，冇乜食力嘅我哋，食完呢幾份已經半飽，淨係掛住食，影完呢啲之後其他都冇影相啦，另外叫咗2轉其他火鍋料已經好飽，手打丸都唔錯，海蝦好鮮味，蜆就普通正常，上菜速度都快要，最後每人有一杯Häagen-Dazs雪糕

老公同阿女想打邊爐，所以搵咗4間比佢哋揀，阿女話呢間好食，質素好，即刻上網訂位所以唔使等。坐低咗侍應姐姐話叫我去攞咗嘢飲先慢慢點餐(因為佢2個未到)。我哋點咗揶子雞㷛（4選1），侍應姐姐話食完個雞㷛先，慢慢再叫其他嘢，佢跟住會幫我哋再轉火鋦。魚生船、海鮮鍋及牛小排先後送上，每枱一份，份量係按人頭計算，估唔到魚生船都好新鮮有水準，而且仲係厚切嘅，其實食完呢幾樣野都已經飽咗半啦，繼續叫埋其他蝦、蜆、豬、牛、羊、手打丸⋯⋯等正常火煱料，仲有蔬菜、魚皮⋯⋯其他嘢可自己出去揀，飲品款式大路，最喜歡有自家店製嘅竹蓆茅根水，餐後每人一杯Häagen-Dazs 自選口味，十分滿足$368 另外加一服務費，可以由7點半食到11點（最後落單時間10點3），我哋由8點入坐到10點半，用餐時間充足可以慢慢食

為花膠美人鍋而來，果然沒有失望。觀塘店地方好大，獲安排坐卡位寬躺舒服，食物可以放得晒張枱。QR落單，基本上都不需要叫店員幫手，非常方便。湯底選擇多，花膠美人鍋清甜滋潤，而且紅棗花膠也多，真係要當湯飲。肉類方面，豬牛羊都有，牛肉仲有細分，安格斯封門柳，安格斯牛肩胛，伊比利亞黑毛豬，黑兒豬腩卷，紐西蘭羊肉片，呢個組合絕對有誠意。驚喜地發現有日本枝豆，自助區仲有日本醬油同wasabi拎，而我就係鐘意牛肉加少少wasabi食。手打丸反而細細粒，唔會食到飽晒。自助區同樣有豐富食材，比較特別係餃款夠多，丸類蔬菜類都好足。另一驚喜位是蔬菜好新鮮，仲會用保鮮紙包住，保質都做得好好。飲品區都好多選擇，特別有自家製竹蔗茅根同茶類，仲分埋常溫同凍飲，非常貼心。上座先送上四碟前菜，火鍋前都已經有好野食，麻辣鴨舌，鴨血幾出色，再食炸酥肉夠開胃。

最近幾日打風落雨，就會好想食d暖既野😙聽朋友講Lee間火鍋店好抵食，咁就一於去試試啦😋今次我地係食早場$228任食火鍋放題，7點半前還枱😉入到去見到好多唔同種類既食材非常整齊咁排列曬係度，好乾淨同埋好新鮮👍叫左個花膠美人鍋，好足料，好多花膠😋前菜有4款，有鴨舌，鴨血，雲耳，炸雞條，非常出色😋點肉類就係用Qr code ，d肉都好新鮮，有肉既甘甜味👍😋飲品櫃有2個，有好多選擇，包裝飲品罐裝飲品就一定有啦，但除此之外仲有幾款自家製飲品👍 有竹蔗茅根， 蜜桃烏龍茶等👍😋整體黎講都幾抵食，質素都唔錯，感覺乾淨，款式多👍

觀塘亞太中心成座野都好多食肆，中、日式、西餐非常多選擇，今晚約左個舊同事，緊係要搵間坐得舒服，任飲任食嘅落腳地慢慢嘆啦😋。8樓嘅淥鼎記，中午飲茶我都係常客，晚飯火鍋任食都係第一次。店舖地方非常寬敞闊落，裝修中式合壁格調高尚，卡位亦特別多，坐得非常舒適。坐低第一件事緊係要四出巡視下有咩好野食啦🤣，近門口有一個區域取火鍋配菜，幾十款全部整齊以膠盒盛載，乾淨整齊；各款丸類、雲吞餃子🥟、蔬菜瓜果、響鈴、魷魚、牛栢葉……等等，最估唔倒連扇貝同炸魚皮都有😋⋯⋯。飲品就放於兩個大大雪櫃內，除一般汽水飲品，另外仲有淥鼎記自家製嘅竹蓆水、烏龍茶同茉莉茶。返埋位就見到有一份四式前菜，麻辣雲耳、鴨舌、鴨血同一碟好似係炸魚嘅香口野，呢個送酒一流👍🏻。今晚清清地order荽茜皮蛋湯底 ，拿拿聲點每款肉類都點左一碟，最後精選幾款係可以今晚不停encore嘅😂，安格斯肥牛，入口即溶；牛肩胛最有口感；封門柳比較林滑，牛味較重；豬腩片肥瘦適中，口感都唔錯。脆鯇腩都係必選；仲有推介係手打丸，爽口彈牙，呢個都係encore 食唔停。最後要提提果杯竹蓆水真係好好飲，唔會太甜，清熱又消暑，目測每枱嘅食客都緊有幾杯係枱面😄。

今次又俾我發掘到呢間超抵食嘅無限時火鍋放題喇！成人只係二百幾蚊一位，慢慢食，無壓力!我講緊嘅係 #淥鼎記【觀塘店】，好彩當日我地 5：30pm已入座，因為一過6點，啲人就蜂擁而至。。。餐廳環境地方闊落，坐得好舒服～呢度嘅湯底都有幾多選擇，我地揀左花膠美人湯，有唔少花膠㗎，好足料！奉上前菜四小碟，當中有我喜歡嘅豬耳和鴨血，味道都唔錯～呢度提供大量丸類、餃子、響鈴、炸魚皮、台式米糕、蔬菜類等，而飲品有部分仲係自家製的，我就試左洛神花茶，幾特別，健康清怡。。。全部都係自助形式，任飲任食。Scan QR Code 可以落單點豬、牛、羊、海鮮和手打丸類等，脆肉鯇同雞子好新鮮，而且雞子粒粒都好大粒喔！一啲都唔hea~整體嚟講，食物質素屬中上～ 呢個質素，二百幾蚊／位無限時任食認真超值! 如果想食埋雞煲、豪華海鮮盤同刺身等美食，可以直接揀佢地個「爵爺套餐」，都只係三百幾蚊／位咋～正呀！

放假可以同媽媽去飲茶行街今日去遠少少行下APM咁就喺附近搵野食搵到呢間點心，酸菜魚，火鍋乜都有得食嘅餐廳😂最後睇到餐牌連刺身丼都有得食相當多元化！好開心坐到窗口位有日光仲可以遠望到凱匯用QR code落單簡單方便點心選擇幾多除左點心，我見到都多人叫酸菜魚等等做午膳點心全部都新鮮熱辣！酥皮鳳梨叉燒包包皮香脆包肉軟熟配上叉燒饀料一鹹一甜份外滋味！香芋天鵝酥天鵝造型非常可愛～可惜我要一啖食左佢芋泥饀唔會太多太膩松露龍王燒賣用上黑松露嘅燒賣更添香氣燒賣嘅豬肉饀料爽口份量都頗大唔錯蟹籽叉燒腸佢個叉燒腸幾特別除左叉燒仲有生菜作饀腸粉皮薄饀靚除左試左點心我地仲叫左兩款特飲分別係凍朱古力同凍檸茶兩款都有隻熊公仔將飲品倒喺熊公仔上面佢就會慢慢溶化原來熊公仔係特飲做成嘅冰好可愛又好細心唔怕冰塊溶化令凍飲變淡👍👍同媽媽一齊打左個靚咭～就繼續我地嘅下午茶😊

今日試咗樓上食肆，食咗火鍋放題，$228/位，晚市黎講我簡直覺得超值，我同朋友都食到滿足地離開。首先，成間餐廳啲位非常之闊落，坐得好舒服，餐具好乾淨，服務生態度都好好。一坐低，服務員端上左一盤前菜俾我哋，有麻辣鴨舌，蝦餅同埋酥炸魷魚。雖然呢間係主打做火鍋嘅但係呢三樣嘅味道已經贏晒。由於朋友不嗜辣，我哋點左有辣有唔辣嘅鴛鴦湯底，藥膳湯底同埋酸菜麻辣湯底 。首先講嗰個湯底先，藥膳湯底足料到不行了，有海量黨參，紅棗龍眼肉同北菧。啲黨參紅棗龍眼肉都係超甜，個湯底好補。麻辣酸菜湯底又係超足料，啲酸菜好夠味，麻香味獨特，唔會太辣。火鍋嘅牛丶豬丶羊肉都好新鮮，食得出用料上乘。手打丸非常彈牙。自助形式取的食物種類凡多，一盒盒十分衞生。啲炸魚皮都非常脆身無油益味。講到飲料，佢有自家製的竹蔗茅根水，各式各樣嘅茶飲，仲有唔同嘅罐裝飲品供人選擇。吃個大滿足。

成年無黎呢間觀塘淥鼎記打邊爐，今晚一於encore！今晚食小寶套餐，7:30前離座價錢$228加一。落單用QR code，包以下食物：湯底有八款揀，包括皮蛋莞莤豆腐鍋，大紅袍麻辣鍋，澳門豬骨鍋，菠蘿沙嗲鍋，老壇酸菜麻辣鍋，花膠美人鍋，正宗藥膳鍋，田園農香番茄鍋。今次揀左菠蘿沙嗲鍋，超正，夠哂濃味又唔過份，加左唔少新鮮菠蘿等佢少少辣辣哋又少少甜，仲有京蔥絲，我哋好鍾意。菠蘿沙嗲鍋令到所有食材都非常好味，真係必點，而且其實唔算太辣，好惹味。食到最尾都仲夠味，完全唔洗另點醬汁。安格斯極佳級精修肥牛安格斯封門柳安格斯封門柳一客兩片，好瘦，不過都唔韌。美國安格斯牛肩胛美國安格斯牛肩胛一客兩大片，就多少少肥膏，唔好淥太耐都好嫩，個人覺得牛味較好。唔會太薄切，食落有質感。伊比利亞黑毛豬伊比利亞黑毛豬一客3片，豬味好濃又嫩口。黑兒豬卷腩黑兒豬卷腩一客多片，係圓形切割，就脂肪較多。紐西蘭羊肉片紐西蘭羊肉片都係係圓形切割，一客兩片。食落好嫩口，脂肪少，味道只有少少羶。鮮脆鯇魚片淥一陣就食好脆口，好有魚鮮味又健康。手打鯪魚丸，墨魚手打丸，蝦丸手打丸手打鯪魚丸，墨魚手打丸，蝦丸手打丸細細粒，非常彈牙，果然係手

一向都非常鍾意食火鍋，好享受涮下涮下既果種feel，而且好中意食肉+火鍋醬料，所以今次專登嚟試吓一間從來都冇試過嘅火鍋店，就係呢間係觀塘既淥鼎記啦～湯底嚟講今次揀咗花膠美人鍋，真係好多花膠好足料喎！佢d肉都好新鮮，試左美國安格斯牛肩胛、安格斯封門柳同埋伊利比亞黑毛豬，都唔錯，個人黎講最中意第一種～另外佢仲有好多手打丸，例如蝦丸、墨魚丸同埋鯪魚丸，口感好好，很彈牙，值得一提嘅係佢仲有好多新鮮飲料，例如杯裝嘅竹蔗茅根，綠妍茉莉茶同埋蜜桃烏龍茶，對於鍾意飲嘢嘅我非常吸引😋

火鍋放題 🥗🥢 仲要無限時，真好一坐低就點左個唔辣雞煲 🐔 - 有芹菜洋蔥配上嫩滑🐔雞肉，好惹味跟住嚟個4小碟- 有辣有唔辣，每款都好好食刺身拼盤- 質素普普通通， 勝在樣樣有啲有三文魚🐟、 北寄貝🐚、蝦🦐、帶子花膠美人鍋- 所謂花膠其實係魚肚，不過都好黏口，加上有紅棗杞子，個湯好清甜火鍋料 :每位大人都有海鮮盆👍👍仲有牛肉，豚肉， 彈牙丸類又有自助吧選擇其他火鍋食物飲品都係自助，有凍同常溫選擇整體好抵食，好滿意👍👍👍

淥鼎記今日難得老婆我都收早當然睇吓附近有咩好食，今日到老公話事想食打邊爐，諗起之前喺觀塘區附近有一間唔錯嘅餐廳度心血來潮想再試一試佢哋嘅裝修到非常之舒服，有別於其他嘅打邊爐店佢哋坐得好，坐落去都唔會好侷促嘅感覺，而且佢哋嘅食材都係標榜高質素同埋自家制手作今次我哋叫咗個小寶餐，配料都幾多，肉類嘅選擇都好多我就比較推介嘅就係安格斯，佢哋食起上嚟油脂比例啱啱好，又唔會太肥另外配料都好多種，丸類啦同埋其他嘅蔬菜類選擇多好多飲品方便佢哋都有唔錯嘅選擇，除咗有竹蔗茅根，佢哋仲有其他花茶嘅選擇雖然價錢係比較貴少少但係坐得舒服而且食材有高質，絕對係觀塘區高尚嘅選擇

今日冇嘢做就同咗幾個朋友嚟觀塘食飯，喺九龍東黎講東塘都算係小美食天堂，即管就試吓呢間中菜。呢幢大廈成幢大廈都係食肆，呢間中菜就佔據咗其中一層，一出門口已經見到裝修非常之復古，好有宮廷氣息，已經好期待入邊嘅食物了。聽朋友講呢間中菜館唔係淨係食中菜咁簡單， 佢係出名食酸菜魚/水煮魚，午市更有少少似飲茶食點心，晚市仲更加有火鍋放題，都真係估佢唔到。呢間餐廳方便在全部親單都係掃QR code黎落菜單嘅，所有食物分門別類，有時都真係唔使掂着污糟邋遢嗰份餐牌。一嚟到梗係要叫個招牌酸菜魚先啦，酸菜魚好大份，魚湯非常濃郁，辣味非常之有層次，辣椒用咗泡椒，花椒，指天椒，青胡椒，一層一層嘅辣味會引到你食完一啖又一啖，魚片都算幾嫩滑。呢度午市有另外一個特點，就係可以叫日本刺身食，份量可以自己控制，對於人少少嚟食飯來講都算幾體貼。我哋叫咗有帶子刺身，北寄貝，吞拿魚。刺身質素合格。另外點心都係例牌叫嗰啲，我哋叫咗特色腸粉，脆炸XO醬蘿蔔糕，蝦餃燒賣呢度就不得不提，佢哋全部一籠都係兩粒，好似頭先咁講，非常之體貼人少少嚟食嘢嘅份量。呢個菠蘿叉燒包做得幾唔錯，菠蘿面頭脆皮，入面夾雜着嫩滑嘅叉燒餡，整體層次做得唔錯。除

多數食火鍋都會食火鍋放題😬早排去咗「淥鼎記」食「小寶套餐」120分鐘任食火鍋😜.田園農香蕃茄鍋🍲有蕃茄🍅西芹、如果芫荽🌿湯底唔算好濃，但都唔會太淡☺️.肉類🥩美國安格斯牛肩胛肉味濃郁🐄 🥢安格斯封門柳呈深紅色，油脂分布平均🤤伊比利平黑毛豬🐖比較瘦，不過質素幾好👍🏻安斯格極佳精選肥牛都ok🐂.特色丸類🍢包括手打鯪魚丸🐟墨魚手打丸🦑蝦丸手打丸🦐3款丸都係新鮮手打👨🏻‍🍳所以食落好彈牙😆.火鍋配料區🧆有各式各樣嘅丸類🦀餃子🥟海鮮🐚🐠麵食🍜蔬菜🥬🥕🌽推介香菇雞肉餃🍄🐓好香菇味又足料😋.飲品區🥤有自家製竹蔗茅根🎋綠妍茉莉茶🌼洛神花茶🌸仲有各種茶類飲品🍵汽水🥤