淥鼎記

營業中

休息中

淥鼎記今次直接walkin就入到去啦，我地食左358+1既set，一黎送左個魚生拼盤加海鮮，魚生以打邊爐既店黎講算係幾高質，海鮮比左超多隻蝦我地食，真係幾正!然後都真正主菜更係既和牛，佢既美國和牛真係好好食，個種牛味係好正，我諗兩個人食左10幾碟!然後到野飲，佢有恆溫櫃同凍櫃，一開始仲走左去恆溫櫃拎，以為點解D茶唔凍，點知原來行錯左，佢有D自己整既茶包，大大杯，對於鐘意飲茶既我黎講非常好，用黎打邊爐一流!

今日幫朋友慶祝生日 同佢嚟到觀塘亞太中心嘅呢間淥鼎記火鍋度打邊爐晚飯時間嚟到人已經超級多 如果你食嘅就記得book位啦 兩個人被安排咗去二人卡位 都算坐得幾舒適揀咗個花膠雞湯 湯底幾清淡不過都 有好香嘅雞味 花膠厚身係彈牙嘅口感全部嘢都係任點任食 點少得安格斯牛肩胛油花分佈平均肉色紅潤夠曬新鮮黑豚肉都有兩款唔同嘅選擇 其中一款比較瘦 同樣非常新鮮 一啲豬臊味都冇鹵水雞腳 炆得又淋又入味麻醬秋葵 非常爽脆加埋芝麻醬超開胃呀其他蔬菜丸類都係任飲任食

傳統的港式點心，賦予其可愛的造型， 都變成~~~~「呃like」 點心。鹹水角化身🦢天鵝🥢油炸芋頭酥變身優雅的🦢白天鵝，要大讚芋頭酥外的粉漿薄身脆爽，一點不油膩。黃金鮮蝦餃🥢帶金邊的蒸餃，十分豪，內餡的原粒🦐蝦啖啖肉，好味！春風得意腸粉🥢粉紅色嘅腸粉包住鬆脆炸粉入面仲有爽脆鮮蝦蟹子龍皇燒賣， 啖啖肉即叫即蒸熱辣辣嘅點心特別好食五年陳皮牛肉球, 唔係咁食到陳皮味😅， 不過加埋喼汁，就特別好食🤣🧀芝士🦐蝦長春捲， 其實我想食炸餛飩多啲😅不過呢一間就冇， 不過呢一個芝士腸春捲都唔錯收咗甲嘅靚靚鳳爪，醃得好入味👍🏻椒釀蝦膠， 如果🌶辣椒辣就更好最後有可愛🐻造型， 🐻熊仔🍋利賓納

之前已經聽過呢間餐廳，知道佢都幾出名，今次決定黎試吓佢個任食火鍋😋😋😋餐廳位於一亞太中心，距離地鐵站行三至5分鐘就到，好方便🤣🤣一上到去已經見到裝修好有中華特色😍😍環境好靚而且好闊落😚坐得好舒服食物選擇超級多🤩🤩🤩除咗一般嘅丸類（貢丸、墨魚丸等），仲有鵝腸、炸魚皮、生根、響鈴、芝士腸⋯⋯仲有帶子添啊🤤🤤🤤而且衛生做得超級好，每一種食物都獨立蓋住👍🏻👍🏻👍🏻👍🏻提供咗好多唔同款式嘅調味料😚可以按照自己喜好配搭嘢飲選擇超級多，除咗有一般紙包飲品、無糖茶、汽水，仲有自家品牌嘅竹蔗茅根😍湯底好足料！！叫咗芫荽皮蛋豆腐湯，有超級多芫荽係面，湯底有好多豆腐好大塊，仲有好多皮蛋🤣🤣🤣特別要讚揚呢個前菜👍🏻👍🏻👍🏻👍🏻四小碟全部都好好食，超香超麻辣，而且各有特色，食完好開胃啊😋😋😋😋

觀塘｜淥鼎記🥢精緻點心🐻應有盡有～一行六個人去食，唔係所有都影到相同食到🥲，但整體嚟講一大班人係幾抵食，每款都食到啲。仲要冇加一，平均每人$100多啲👍🏻👍🏻平日12點幾去到都唔駛等，但坐低咗一陣就好快滿座～🐻熊仔造型飲品 $20/1(左) ✅奶茶- 濃滑茶香(中) ✅朱古力奶- 香滑重奶味，記得倒之前用飲管攪勻‼️(右) ✅檸檬茶- 茶底唔會苦澀👍🏻✅ 香芋天鵝酥(3件) $36- 外面鬆化不油膩👍🏻入邊嘅芋頭餡好香又滑🔸春風得意腸粉 $36- 腸粉少少煙靭，但味道較普通✅ 安蝦咸水角(3件） $22- 同樣唔會炸到好油膩，個皮唔會太厚🤤✅ 抹茶奶皇流沙包(3件) $30- 原來三個包皮都唔同味，但同樣係奶黃流沙餡- 抹茶、士多啤梨、原味- 抹茶幾好食，越嚼越香，但偏淡- 奶黃流沙偏奶味，鹹蛋黃味唔係幾出，好流心😈✅ 蛋煎糯米夾(3件) $32- 好新式嘅我糯米雞整法，表面搽咗鹹蛋黃醬，然後拎去煎，幾特別🤣🔸五年陳皮牛肉球(3件) $28- 唔睇返都唔知落咗陳皮，普通～✅ 醬汁鳳爪 $26- 朋友話寬粉幾入味～🔸蟲草花鮮蝦草菌餃(3件) $26- 超適合打卡，又健康🔸高

之前喺呢間餐廳食過點心覺得啲嘢都幾好食見到都好多人打邊爐所以今日專登走去食打邊爐。今次我哋叫咗個任飲任食小寶套餐只係$228一位，湯底方面有八款今次我哋就叫做花膠美人鍋湯底，請個湯底入邊有啲花膠，紅棗，杞子十分滋補。自助區方面就有啲丸類飲品同蔬菜類等等選擇，另外肉類有幾款選擇包括牛肉，豬肉，羊肉仲有脆魚腩同有啲手打丸Tim ，d 手打丸非常之彈牙真係必食推介，飲品方便我就最鍾意佢哋自家制既竹蔗茅根打邊爐啱晒用黎清下熱氣。呢個套餐仲包左四款小食包括有麻辣鴨血，麻辣鴨舌，炸酥肉，同蝦多士啲小食全部非常入味食到停唔到口。呢間餐廳有咁多配料選擇同真係非常抵食而且食物質素更加係唔錯，下次一定要再約埋屋企人再食多次先得！

餐廳環境： 一般中式火鍋餐廳裝修， 我們一行五人安排卡坐，感覺有些迫夾。食物質素： 聽聞這間餐廳酸菜魚很出色，所以我們叫了一份六人份量的酸菜魚，加了午餐肉和萵筍做配菜， 酸菜魚真的十分出色，酸辣度非常足夠，比一般專做酸菜魚的餐廳還好吃， 鱸魚片亦非常嫩滑。 另外還叫了很多點心， 值得推介的有鮑汁雞腳， 蝦餃和燒賣。 鮑汁雞腳一定要試，炆得非常淋之餘還非常入味，入口有即溶的感覺， 試過很多酒樓的鳳爪這間是第一位。燒賣上面加了黑松露，令這個燒賣黑松露非常濃沃，皆因本人很喜歡吃黑松露，所以十分推介這個燒賣，略嫌豬肉太多吃不出有蝦。蝦餃蒸得乾身，非常飽滿 ，蝦餃皮適中。服務態度： 沒有太大特別，主要是自助下單。

已經一段時間無打邊爐，約埋三五知己一齊去，見到有個爵爺套餐十分之抵，冇限時任食，最適合我哋一班掛住傾偈嘅女仔。呢度地方大，座位非常舒適，唔會覺得逼。火鍋配料自助區食物種類非常多，而且每一個盒都有蓋擒住，乾淨衛生。飲品種類都有不同選擇，我選擇左自家製的竹蔗茅根水，味道清甜，打邊爐最適合。我哋叫咗花膠美人鍋，一上到枱見到很多花膠，我哋先飲咗湯再打邊爐，湯底鮮甜。另外有小食，可以等湯滾之前食少少填下肚仔。牛肉有幾款，全部都肉味濃郁，可以無限追加。一定要試手打蝦丸和墨魚丸，爽脆可口。

收工後問老婆食乜，佢話想打邊爐，之後即興去咗「淥鼎記」，發現「小寶套餐 」幾抵，19:30前離座只係$228😆，120分鐘放題夠晒時間享用🎉。一共有八款湯底，我哋揀咗「花膠美人鍋」，補腎知陰，有40多種火鍋配料揀👍🏻。🥢美國安格斯牛肩胛一碟一片，鮮紅色，牛肉嫩薄，油脂均勻，必點之選☺️。🥢安格斯封門柳一碟多片，呈深紅色，顏色相對牛肩胛較沉穩，油脂分布較多。🥢手打蝦肉丸&手打墨魚丸質素高，彈牙滑嫩，新鮮手打令人眼前一亮🤤🥢紐西蘭羊肉片一碟兩片，羊羶味足，入口即化👍🏻。除此以外，自家製涼茶（竹蔗茅根、綠妍茉莉茶、洛神花茶）與別不同，蔬菜（生菜、皇帝菜、娃娃菜、萵筍等）都好新鮮，款式選擇都多👍🏻。📍淥鼎記 (觀塘)觀塘觀塘道414號壹亞太中心8樓

想食火鍋🍲幾時食都得的，今晚到左呢間可以任飲任食的#淥鼎記，真係想食咩都有，最緊要係價錢合理。選咗$248 美人鍋花膠湯底，任食火鍋🍲套餐，。之後再到自助區取飲品、丸類、菇類、跟醬料，蔬菜用保鮮紙獨立包，夠晒乾淨衛生，食得安心☺️👍。再坐低慢慢用QR選食物。
滋潤養顏的花膠湯底好足料，花膠好大片，紅棗同杞子好養生，越煲越入味。肉類有美國安格斯牛肩胛、安格斯牛小排、羊同豬…夠薄身、輕輕滾滾便食得，仲有雞件、脆脘魚腩、手打丸，食到飽飽的☺️😋。
食物品質高又豐富，坐得又舒服😌，確係唔錯👍👍。

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻想一次過食到打邊爐,刺身,酸菜魚，咁你就真係要試下淥鼎記。想知道又靚又好玩地方?    fai.lok.mode仲會係社交平台分享相片同攝影心得。 ______________________________門面已經好有中式設計，兩個大大的舞獅頭。叫左爵爺套餐 $358再加一，算係偏貴，但啲野食都係靚野，之後仲可以任40款火鍋配料同6款前菜。酸菜鱸魚主菜四選一，揀左酸菜鱸魚，6個人食，上左兩大碟，麻而不辣，怕辣人士都可接受。日本直送時令刺身真係每一樣都好新鮮，件件都厚切。fai.lok都未試過係香港成隻鮑魚刺身咁食，食落比想像中更爽口，不過每樣刺身每人只有一塊，鍾意刺身的朋友就真係唔夠喉。花膠美人鍋6個人有5個都唔係好食得辣，所以都係叫啲美人鍋，花膠落到成鍋都係。豪華海鮮拼盤& 美國頂級牛小排落左個湯底，個海鮮拼盤同牛小排就跟住黎，依兩款係for你打邊爐，你可以掃qr code點啲火鍋配料/前菜，出面都有飲品同丸/菜拎，但fai.lok建議，揀少少自己喜歡

平時lunch都會嚟飲茶、有食酸菜魚/雞煲，所以今次就冇升級轉喇。今次係食小寶套餐，120分鐘任食火鍋，鴛鴦湯底揀咗大紅袍麻辣鍋同澳門豬骨鍋，麻辣鍋唔會好辣（唔知有冇分辣度，但我落單點都叫咗小辣先😂），豬骨湯足料清甜。牛肉有幾款，重點食安格斯牛肉，豬肉都好唔錯，鍾意豬腩肉，肥瘦剛好，推介手打墨魚丸/蝦丸，彈牙！仲有40幾款配料可自取，眼看擺放位置乾淨整齊，衛生ok~值得一提前菜酥肉，就咁食定係放入個湯淥一淥再食都好味😛有自家製飲品，竹蔗茅根/冷泡茶👍🏻

表弟仔考完試, 為獎勵佢, 放工帶咗佢去食放題, 宵夜時段9點後入座, 供應120分鐘限時任飲任食套餐, 揀咗其中一款小寶套餐, 對比無限時放題套餐, 冇咗四選一主菜、刺身、海鮮併盤同埋Haagen-Dazs雪糕, 而價錢相差$130左右。對於帶小朋友/比較細食嘅朋友, 純粹想打邊爐, 小寶套餐較為抵食, 另外亦可每位+$28升級要埋主菜, 價錢可謂睇餸食飯。平日晚餐廳滿座, 設大部分卡位, 抽風亦做得不錯, 沒有出現煙霧瀰漫、焗促感。呢度設有混醬、飲品同火鍋配料自助區,每款火鍋配料都有盒蓋好, 衛生做得唔錯, 主要有丸類、餃類、蔬菜、魷魚、鵝腸、即食麵等等…肉類、少量熟食自行scan QR code落單,湯底揀咗菠蘿沙嗲, 沙嗲味濃郁惹味, 但菠蘿味就唔多突出。我地仲追加咗酸菜魚, 有大中小辣度選擇, 二人份量都有一大盤, 真係抵食。推介大家必食酸菜魚, 魚質超嫩滑, 稍有少少力度夾起都已經散, 配有多種配菜同埋酸辣平均嘅湯底, 極為惹味開胃。仲有少少闊薯粉, 完全索咗個湯, 超入味, 而且極林滑。火鍋食材方面,  小寶套餐均有齊豬、牛、羊、雞肉類選擇, 每款肉均為薄切, 烚幾秒就食

講到淥鼎記，其實我好幾年前都試過一次，但果次體驗慘不忍睹，時隔幾年，決定再試試淥鼎記外賣，睇下其實上次係咪只是單純五好彩😂1. 黑松露赤螺三文魚酥 8.5/10呢個點心真係五錯，酥皮夠酥脆，沙律醬同黑松露醬調得剛剛好，咬落口有脆脆既螺同三文魚味，good😋2. 黃金鮮蝦餃 6/10呢個就一般啦，同點心專門店無得比，蝦餃比起上兩個post的豪隍蝦餃相形見拙，想食好味既蝦餃都係去果間啦。不過蝦肉又唔係話霉既，算合格3. 奶黃流沙包 8/10呢個好味啊!爆餡，奶黃餡偏甜，鹹蛋黃味無咁濃4. 老壇酸菜鱸魚片米線 8/10酸菜魚片又出奇地優秀wor!平平地既價錢食到有魚肉紋理既魚片，明顯唔係用好平既巴沙魚，酸菜湯好夠味，酸酸辣辣幾刺激，值得嗌👍🏻5. 香芋天鵝酥 8.5/10呢間野既炸物整體比蒸點優秀，呢個天鵝酥都好好食。炸得五會食曬d油，外皮係乾爽薄脆既，內裡芋頭好飽滿，肉粒餡都有存在感，好食6. 蝦膠煎釀虎皮椒 4/10呢隻蝦膠釀椒就真係喚起曬我d回憶😂😂😂都證明呢間野無換過師傅，點解可以同我幾年前食既一樣，蝦膠係五起膠既??有無食過既朋友仔同我一樣感受，蝦肉好散，令我好疑惑，唔通呢個係淥鼎

同老人家食嘢離不開飲茶，呢間位於觀塘淥鼎記有幾特別喎，可以飲茶食點心、酸菜魚或者打邊爐都得。點心款式好多又有特色，QR code落單竟然見到仲有埋日式料理，刺身、壽司、丼飯選擇，可謂老少咸宜～🌟蟹子龍皇燒賣 飲茶必點，大大粒，多蟹籽，肉質彈牙，好食～🌟抹茶奶皇流沙包貪佢綠色夠特別，奶黃好流心，一咬落去奶黃湧出嚟，但抹茶味卻欠缺～🌟香芋天鵝酥天鵝造型，打卡一流。新鮮炸到金黃色，外皮好酥脆，入面有芋泥同肉碎餡，但鵝頸部份唔知係咩嚟，硬身，唔知食唔食得😆🌟芝士蝦長春卷五條特長春卷，點沙律醬吃好香口，芝士味濃，新鮮炸至金黄色，香脆而不油膩！🌟流心紫薯我最愛紫薯必叫，炸得好脆，一咬下去流心紫薯餡就會流出嚟，好好食😋🌟酥皮鳳梨叉燒包竟然真係有菠蘿，個包好軟熟，菠蘿加叉燒，味道又好夾～🌟鳳瓜排骨日本珍珠飯用珍珠飯又幾特別又好味，唔錯唔錯！🌟芝士玉子燒呢個真係好好食，叫咗三四碟😆 上面燒到半融嘅芝士，口感軟滑同玉子燒真係好夾😋🌟金鉑芝麻卷依家好少酒樓有呢一個，質地幾彈牙，唔會太甜，芝麻味好香～🌟芒果布甸呢個中伏了，雖然份量好多，但係食咗一兩啖已經唔想食，冇芒果味又唔幼滑，自己整可能仲好味😓