津屋爐端燒 (已結業)

九龍城除左可以食泰菜，其實仲有其他選擇。今日就試了一間在地舖的日本料理，餐廳內的座位很寬敞，什至比很多樓上餐廳都坐得舒適。點了個小菊的二人套餐，平日的星期二至五優惠價$398，已有齊沙律、刺身、湯及三道菜。三文魚刺身，油脂十分豐富，很香的魚脂味道，入口滑滑的。鹽燒鯖魚，材料簡簡單單的一道菜，但卻盡顯師傅的燒魚功架，魚燒得仍保持肉汁，但魚皮則燒得香脆似即食紫菜。燒完加少少檸檬汁已很美味。鐵板金菇牛肉卷，肥牛內卷著一大札金菇，因為鐵板燒時加入了醬汁，外面的牛肉甜甜的，入面的金菇保持著爽口。黑豚肉野菜鍋，很多菜及黑豚肉的一大鍋，黑豚肉肉質鬆軟細嫩，就算吃到最後，被熱湯滾耐了，肉質仍然鬆軟。

一直想試呢間居酒屋 今日終於夾到時間😬七點幾去到唔使等位🤫坐低見到menu勁多版! 揀到眼花😂除左基本壽司🍣刺身 卷物等日式食物仲有啲燒羊呀 燒物呀😻😻店員送上餐前小食 既然係我最愛的豬耳☺️爽脆入味之後叫左個蕃茄沙律 有驚喜！佢個蕃茄去左皮 連埋芝麻醬同勁新鮮既沙律菜🥗為我地打開左胃😸咁多款卷物 覺得呢個蔥碎吞拿魚腩卷最有趣吸引佢個吞拿魚同飯既比例係一比一用料很足呢飯卷入面包住青瓜絲 令整體口感中和番👍有魚腩的rich和青瓜的清新今次無揀到串燒 因為想試下呢個蟹肉忌廉薯餅👅👅啲忌廉夾埋蟹肉好creamy 而又唔會太膩🤟🏻同埋層皮都唔厚架😼呢個韓風焗石蠔好有趣🤗開頭以為下面墊住蘿蔔絲 但原來係鹽 🤪整體好有詩意😂想講佢個汁真係好豐富 又唔會完全cover蠔既鮮味最後叫左個鍋燒烏冬 炸蝦同叉燒食到我地好飽了😂😂烏冬的確彈牙 但啲紫菜有啲太硬🤔最後食左每人二百零蚊 飽到由九龍城行番去黃大仙當做運動🙈🙈

今日同50胃朋友仔嚟到係九龍城呢間爐端燒，舖頭都唔算難揾，落車行5分鐘就到，而且門口招牌好搶眼，好易望到裝修好日式居酒屋feel，播住啲音樂，幾有情調menu有輕輕介紹下佢地～好啦介紹下今日食既野首先有前菜 - 漬豬耳，酸酸甜甜加啲芝麻，開胃又香口豬耳唔會太硬，幾爽口跟住都係前菜嘅火燄三文魚沙律，三文魚有厚度，燒得剛剛好，表層少少脆，咬落去十分軟滑沙律份量OK夠，唔怕有會乾啪跟住叫咗啲小食 - 三文魚/油金魚刺身 同 胸軟骨餃子，刺身OK，餃子比較特別，出面少見都唔錯，皮薄餡靚，口感同食雞軟骨差唔多feel但再軟身少少 XD主菜就點咗個野菜廣島蠔粥，粥底煮得幾軟綿，入面有5隻蠔都算重手，配料有娃娃菜同菇，都幾夾之後追加咗份燒自家制雞肉丸棒，配埋生蛋同醬汁食都幾特別最後有芝麻雪糕做甜品好重芝麻味，好食總結嚟講都係唔錯嘅一餐～

家住九龍城既朋友，再度約我食飯，由於我今日開會早放既關係，決定再就佢。黎左間日本餐廳，環境唔錯。講下d野食先。。漬豬耳酸酸味味，豬耳好爽口，係一道好開胃既前菜。火燄三文魚沙律三文魚灸得岩岩好，外表燒得好香，內裏軟滑甘香。沙律菜新鮮，dressing俾得大方。油甘魚同三文魚厚切大大塊，甘香雞軟骨餃子平時已經鐘意食雞軟骨，加上覺得用雞軟骨整餃子好特別，所以就叫左5隻。D皮好薄，咬落好多汁，雞軟骨燒得香，食落chap chap聲，ok的。汁燒雞肉丸骨棒又係軟骨啊！發覺呢間野好鐘意用軟骨入饌，睇佢個介紹嗰雞串係自家制，係冇防腐劑既，wow。燒得帶點焦香，點埋d生蛋食，又幾好味廣島蠔雜菜粥裏面有5隻大大既廣島蠔，雜菜有娃娃菜同菇，個粥好鮮甜好健康。我鐘意整碎d蠔食，咁樣就每啖都有蠔食芝麻雪糕重芝麻味，甜度適中。總括食物質素唔錯，店員服務態度好，支持小店。

店舖位於九龍城，可乘搭小巴或巴士到達附近車站再步行至店舖。門面裝修以木質作主調，趟木門有點重量。內里木質桌面闊落而光潔，椅子連軟墊，舒適。除了日常餐牌，還有時令餐牌供客人選擇。柚子燒酌hkd28酒香味清爽而綿延，柚子香撲鼻。入口酒味較重，微微散發淡果香。菠蘿果酒hkd38菠蘿味重，甜度相對較高，容易入口。入口果味濃郁，飄散著淡淡酒香。前菜: 芝麻八爪魚豆腐hkd20豆腐味濃，質感濃厚香滑，入口於嘴內化開。彩虹卷hkd148壽司米包蟹柳及青瓜絲再用三文魚、油甘魚、赤身覆蓋卷物，醋米份量調配合適，刺身新鮮不腥不膩，整個咬下口感不錯👍。韓風焗石蠔hkd65芝士奶油的醬汁香濃惹味，焗後表面凝固內里香滑。石蠔入口嫩滑，質感柔軟，鮮甜不腥。牛肉壽喜鍋hkd128湯底香濃，以菇、菜、芋絲作配料，再以大片牛肉作主菜而成，再打隻生雞蛋於表面。牛肉味濃郁，入口有厚度而彈牙有韌性，配白飯吃得歡快。最後送上豆腐雪糕，入口冰極即融，豆腐味重。價錢便宜，店員體貼溫馨有居家感，食物味道不錯，環境乾淨。

今日喺九龍城想食日本菜。見到依間餐廳個門面好似幾特別所以就去試吓。過去餐廳唔算好多人，但係幾闊坐得幾舒服。所有都係木枱木凳，好有日式嘅味道。睇吓份Menu見到Menu都好多頁仲有幾多張特色時令菜單！因為menu太大份所以我冇影，我就淨係影咗份特別菜單俾大家睇吓！首先第一味我地叫左侍應推薦既池魚王刺身。一客$200 但我地只係叫左半份。池魚係香港好少食，依份池魚食落去絕對有係日本食既水準！肉質鮮甜，好有魚味但唔會太腥。雖然佢係厚切但係都入口即融，好食！之後我地就叫左個三色冷豆腐$98三色係有海膽、吞拿魚、三文魚子。海膽既鮮甜加上吞拿魚散出黎既魚油再加上三文魚子既咸香，好夾！依三種咁濃咁鮮既味道再配撘埋滑豆腐去中和下，令所有味可以係口入面留得更耐！之後上左個前菜仲有個芝士雞肉軟骨棒$35個軟骨棒好有驚喜！咬落去好多肉汁，仲有粒粒既軟骨好有口感！加埋芝士將香味提得更濃烈。之後就到個主菜！熊本蠔鍋$128個鍋有五隻超級肥美既蠔、豆腐、什菜。個五隻蠔食落超級鮮甜，完全冇腥味。最正係配埋個湯，成個湯底都係蠔既鮮味，啲什菜仲要吸收曬所有精華，咬落去就將鮮味提返出黎！個湯底用黎撈飯做湯飯真係一絕！所以

去九龍城食牛肉餅、泰國菜同糖水甜品屬於常事，今日一於試下日本菜爐端燒津屋爐端燒，位置係太子道東對面，有地下隧道連接，算交通方便地鋪來說，價錢不算太昂貴街上寒風刺骨馬上入內避風眼尾一督，門口好像有放置暖風機，因此室溫調和，並不焗促座位也比同類型日式餐館要闊，十分寬敞舒適可以舒舒服服細閱餐牌點菜先來個前菜，味道微酸帶甜，蓮藕夠爽甜脆口，頗適合餐前開胃看網上介紹，牛舌比較出名，果然值得一讚鐵板奉上，香氣迫人，牛味越嚼越濃，唔會鞋口，兼之份量甚多，2人平均各有6-7粒金菇、黃椒、洋蔥吸收肉汁後連白飯食非常惹味牛舌味道濃郁，因此店員奉上味噌湯清清舌頭白蔥青蔥非常清甜爐端燒固然要嘗試一下燒物燒磨菇乍看平凡，一咬竟然仍有大量水份湧出但又燒得剛剛好、清除了菇類的草腥味清甜磨菇與雞肉十分配合除了牛舌有意外驚喜，第二驚喜非焗蠔莫屬醬汁似混和了芝士及千島醬，酸酸甜甜，味道獨特；蠔身圓潤飽滿，非常鮮甜，多汁Creamy，並無腥氣，絕非市面放題之流可以比擬丼飯都係津屋主打之一所以即管一試圖中可見三文魚略為薄身，不過光澤亮麗，入口甘香另外，係香港比較少機會食到蟹肉丼，通常都係日本食多津屋蟹肉固然無日本當地咁好食，

忘了有多久冇去過九龍城。今天相約亞妹去九龍城逛吓七記，然後去食晚飯。以前去九龍城多數吃泰國菜，又或者吃潮洲打冷。正在找尋美食時，剛考路過呢間日本餐廳，相請不如偶遇，就試下日本菜。室內裝修簡簡單單，頗舒服。服務員殷勤招待。讚👍先來一個沙律同前菜開下胃清酒煮沙白，清甜鮮中帶少許清酒味叫左2件人氣自家製雞肉棒，芝士雞肉丸骨棒，超大塊芝士。亞妹至愛。汁燒雞肉丸骨棒，配蛋又幾好味三文魚蟹肉丼，my favourite 呀，加埋熱騰勝麵士湯。超滿足。鉄板牛舌粒，非常惹味飽餐一頓後，店員端上抹茶& 豆腐雪糕。非常滿足

成日搭車經過九龍城 都見到呢間對住大馬路嘅津屋爐端燒 今日難得放假約埋朋友過嚟試一試 享用一頓美味和式晚餐餐廳有多款和式食物提供選擇 例如刺身 壽司 串燒 鍋物 酒類 飯類及麵類 一應俱全坐低無耐餐廳職員就為我們送上前菜 八爪魚涼拌青瓜 青瓜清甜爽脆 八爪魚煙韌彈牙 配上自家調配嘅醬汁 感覺清新開胃餐牌上有新菜式推出 於是柯打咗一份 鮭· 拖羅蓉雙色卷$98兩件三文魚蓉壽司+ 兩件拖羅蓉壽司壽司飯與刺身蓉嘅比例係1比1 食落去軟淋淋 好香魚脂香味 壽司飯中間包住青瓜絲 咬落爽脆 層次分明 仲有蟹子在口腔中爆發 非常鮮味七味燒黑豚腩串餐廳用咗七味粉調味 用高溫將五花腩的油份逼出 唔會食到成口油 反而令肉質更爽脆 燒自家製雞肉丸棒雞肉丸棒外面搽咗自家製嘅醬汁一齊燒 所以食落唔會嚡口/乾身 依然可以保持肉汁及雞肉既嫩滑另外仲配上特別嘅和式醬汁 中間是蛋黃 蛋黃旁的不是蛋白 而是日式甜甜地的醬汁 把兩者混合在一起 作為雞肉丸棒的醬汁 又別有一番風味 令雞肉棒錦上添花燒大蘑菇 肥大肉厚 菇味香濃 咬開多汁 不需要任何調味 吃出食材嘅真鮮味見天氣凍凍地叫咗個鍋物食下 食完成個人暖番曬赤蝦鮮蠔鍋配豆

九龍城有不少餐廳與美食，在網上睇到呢間餐廳都唔錯，好友就話去一試，都很容易找到位於太子道西門口都很顯眼，都有日式風格入面好有日式氣派，環境都很寬敞舒適前菜前菜係蟹子青瓜沙律/每位$10，份量較少，味道一般溫泉蛋田園沙律沙律菜都很新鮮，但味道一般，醬汁都不多，但溫泉蛋能加添色彩韓風焗石蠔賣相很滋味吸引，面上佈滿著芝士蠔的熟度剛好，十分鮮美三文魚、拖羅蓉雙色卷比目魚濃湯鍋比目魚都鮮嫩細滑，湯底濃郁新鮮美味雪糕餐後送雪糕紅豆味🍦

九龍城在我的腦海裏印象，祗係個舊機場，一個舊區，對它不太了解。以前以為九龍城只有泰國菜，原來有隱世好正嘅日本餐廳。平時工作壓力大，舒緩一下壓力，約下好友聚下，又可以輕鬆一下，找下好嘢食，之前上網查過，聽聞呢間喺在九龍城好正的日本餐廳。今晚好幸運有好友帶路，可以唔使拎住你google map一路行一路揾。經過了一條直路向左邊的時候，終於揾到了津屋爐端燒。抬頭一看，明亮的大大招牌發覺已經到左餐廳門囗。門口有手寫的黑板餐牌精美的Menu。Menu～広島蠔，睇到已流囗水了。筷子套最高味覺体驗前菜，魚籽豆腐，入囗好滑加埋爆爆的魚籽，令到豆腐味道更豐富。我們睇左份menu, 樣樣都想食，唔知揀邊樣好。於是叫左火焰三文魚沙律，有車厘茄，新鮮生菜，加埋爽口的青瓜，三文魚被火槍燒過，淋上芝蔴醬汁，食落囗感好特別，又有另一番滋味。火焰三文魚沙律燒安格斯牛仔骨牛仔骨肥瘦均勻，燒得不會太老, 仲保留了大量肉汁，好juicy, 一啖又一啖，食唔停口呀！趁著要等下一道菜上桌時，欣賞一下餐廳裝修同埋擺設。餐廳內，充滿日式風格裝修餐廳內，檯凳好日式，有居酒屋feel ，感覺好似置身於日本。點了大和牛肉石鍋飯，餐廳侍

菜單豐富，圖文並茂...店員推介食生蠔，有熊本生蠔喎，亦有焗生蠔...前菜雞肉丸，滿滿免治雞肉～細細粒一啖一口～上湯生蠔，剛好半生熟～套飯餐裏面，跟咗白飯及麵豉湯，生蠔煱入邊，有椰菜金菇麵豉湯... 味道層次豐富，剛好送飯～再嚟焗蠔，面頭嗰個醬汁，好似中菜沙拉骨嗰個沙律醬咁味～好特別～🤡😋串燒腎，燒得熟之餘，唔熱氣～再嚟一個我的最愛大啡菇，今次讓左免治雞肉響入邊，好新鮮嘅配搭呀... 大啡菇嘅汁，浸透咗免治雞肉～仲送埋每位雪糕添～

剛剛一星期帶小b到台北放電，最後一餐去左一間超伏的居酒屋，帶著咁樣嘅情緒回港，第一件事就係食返餐好嘅補數。剛好經過九龍城，突然想起呢間一直都想試的居酒屋。留意到呢間店其實係因為呢個吸睛大招牌甫入小店，乾淨企理，正正係大阪街頭實力小店的格局。點菜後先上個餐前小食 - 厚切蛋，內裹有少許帶子裙邊點綴，本以為普通貨色，郤已帶來驚喜對呢餐飯期望大大提升！好彩無令我失望見前菜做得好，於是又點個柚子蘿蔔試下！柚子味濃又無搶蘿蔔本身的風頭！爽脆醒胃食得高興，試埋飛機貨日本池魚王！池魚本身好細條，通常一條池魚大約做到一客成品，而池魚王就大條d, 通常一條做到兩三客。魚大自然魚味更濃，肉質比較上乘。呢客池魚王無令我失望，新鮮味濃，肉質嫩亦盡顯師傅刀功了得，件件整齊歸一，清切通透，宜家一路寫一路仲好回味見飛機貨咁新鮮，叫埋宮崎蠔刺身試下，大大隻生蠔，調味剛剛好，一流食到興起，叫多兩串串燒，沖繩黑豬鮮菇卷，師傅廚藝真係得，包得扎實，一放落口豚肉同冬菇汁完全爆發！超好味！另一串係芥末雞肉丸骨棒，食得出係靚肉，燒得好味！最後叫個高野豆腐五目煮跟餐，意外地發現竟用上日本豆腐，成本貴好多！日本豆腐特色就係豆味勁濃，

上星期同幾個朋友一齊係尖沙咀行街 買左唔少野 大家都為左去旅行而買需要既用品～血拼過後 大家都好肚餓 要搵野食黎充飢 於是有朋友就提議去食泰國菜 因為之前喺九龍城食過覺得水準好好 想再去試其他菜式 於是我地就決定一齊去九龍城食晚飯～點知去到先發現冇開 我地就喺附近睇下有冇其他好食既餐廳 但由於朋友好執著地表示只係食佢心目中最正既泰菜館 我地就決定轉食其他菜式 利行下見到津屋爐端燒 九龍城竟然屹立左一間日本料理 我地心思思想入去試菜 😋😋我地去到既時候係7點幾 餐廳入面仲未有好多食客 但好快就人山人海 食客既笑聲不斷 氣氛幾熱鬧 我地見到有套餐 睇落好抵 不過諗諗下又想自己點唔同既菜式 所以最後我同朋友都係決定單點～枱面一早佈置好 日式既餐具、熱茶、紙巾、醬油等 一應俱全 非常貼心☺️餐廳設計既餐牌精美簡潔 有一本餐牌囊括所有菜式、食物 、飲品～ 食物方面 頭盤、主菜、燒物、刺身同埋甜品 每一道菜都非常吸引 至於飲品方面 佢地有咖啡、汽水、茶同埋特色飲料 任君選擇😍前菜 茄子x 魚 🍆🐟 $20首先上左一個頭盤 茄子配魚好正～ 兩者都係我既至愛！味道既清新 又帶點魚香 絕對係高質既前菜 令