泰COOL (翩匯坊) (已結業)

假日跟我家大少（小狗）散散步食個lunch，不嬲都見到好多狗狗喺度食飯，而且餐廳喺海旁邊，感覺都好舒服。今次來呢度試一試。呢度嘅午餐非常之便宜，只是$46起呢個係香葉煎蛋肉碎飯，啊仔話幾好食呢個係我嘅菠蘿炒飯配雞翼， 雞翼好好食但係個炒飯我覺得完全唔得呢個係Massman 牛坑腩飯，佢哋冇話味道幾好另外叫咗呢三樣小食，春卷加$6丶炸魚餅加$15丶肉碎生菜包加$10，講真雖然係平但係味道都麻麻我哋有帶飲品不過忘記咗影相😊

今日係朋友屋企玩，完左之後一齊係附近食嘢～呢間泰cool環境位置唔錯，就係海傍，都幾有情調，食完仲可以係海傍散下步～叫左炭燒豬頸肉，豬頸肉好有咬口好爽，而且份量都幾多下，好抵食，配既泰式醬料也相當唔錯～泰式豬手飯豬手色澤相當唔錯，令人食慾大增～ 豬手整到好軟好腍，好吃😋豬手d皮好正～d皮連住肉食👍👍半份炸蝦餅蝦餅對切左方便入口👍新鮮炸出來很香口～蝦肉好彈牙～芒果沙冰雖然依家係冬天，但都忍唔住想叫杯沙冰飲，好好飲冇叫錯到，而且好大杯，2個人飲都覺得好多～

好少行去TKO海傍食飯今日行過去發現原來仲有好多間小店而呢間就係黃色小店質素唔錯，服務都好好，主打泰式食物同飲品價錢比較中等，其他都貴啲冬蔭雞湯河 $58出面睇餐牌見到幾特別冬蔭公入面有雞食而且食到有雞髀雞胸雞翼冬蔭公味湯底好濃，有嗰種香料味入面亦有好多配料仲有好重蕃茄酸甜味我鍾意佢酸甜味重辣度唔算好辣，剛剛好有少少辣味凍泰式奶茶+$6比泰國飲嗰啲無咁甜所以我覺得唔錯甜度剛好，奶味較重，茶味再重啲會更好

我同大班朋友昨天晚上去「泰Cool」食晚飯，諗住有戶外餐枱，可以一邊食一邊吹水，之後叫左好多唔同款式嘅泰國莱，諗住咁耐無出街食飯，食餐勁嘅，叫到食物成枱都係，但發覺無一樣食物好食，咖哩牛甜到有糖尿病，燒羊架燒到黑晒，炒鹹魚介蘭，鹹魚同介蘭係分開味，連最common嘅炒通菜都炒得唔好食，另外仲叫左4隻串燒大蝦，蝦肉無味，連鹽味都冇，蝦又黐實支竹簽，食物極差，而且隻碟黐立立，有啲黑色一點點，極嘔心，真係無下次。

難得這段時間工作不算繁忙，於是約了好友吃下午茶。好友提議到將軍澳泰Cool，因為這裏環境清靜開揚，適合我倆暢談。餐廳外貌給人一種悠閒的感覺，餐廳內外排放着大大小小的木餐桌，戶外還有太陽傘遮擋陽光；室內也播放着悠揚的樂曲，給人一種度假的感覺。餐廳的下午茶套餐也不少，包有湯粉和飯，但我們只想吃些小食和甜品，於是決定散點。朋友極力推薦這裏的椰青，說她早前到來品嚐覺得非常美味，令我也很想試試。椰青清甜潤喉，水份十足，我們連椰肉也吃下，絕不能錯過。小食拼盤$88四式小食拼盤有雞翼、魚餅、蝦餅和春卷，雞翼兩只開邊，讓客人更容易進食，外皮微脆，味道帶香甜；春卷鬆脆；泰式魚餅和蝦餅香料氣味香濃，咬落彈牙。香芒糯米飯這款甜點是我最愛，半只香甜芒果，配上熱騰騰、軟綿綿的糯米飯和紫米，加上甜奶，非常滿足。總括而言，環境開揚，對開視野廣闊，感覺優閒，下次也要跟家人到來品嚐和享受一下。

將軍澳海傍原來都有幾多好野食，今次又食泰國野，哈哈。餐廳叫做泰COOL，有D現代感都幾特別。環境布置有用過心機，幾有格調，有戶外開放的位置，亦都有室內。因為天氣有D涼，我地選左室內。先黎個泰式小食，我地揀左泰式春卷，一共八件，外表好鬆脆，熱辣辣好正。金邊粉，泰國餐廳必食，呢款用蛋包著，仲有蝦放在面，賣相幾吸引，價錢88蚊。仲有比較值得推介，係泰式蠔仔蛋，用鐵版盛載，保留左蠔仔蛋既溫度，分量都唔少。潮州蠔蛋就食過，泰式蠔蛋就第一次。個人覺得有驚喜。食泰國野唔少得泰式飲品，我同朋友點左斑蘭椰子奶，幾香口。埋單唔使300蚊，感覺唔錯。

朋友揀左呢間黃店，所以就入將軍澳試試佢。餐廳嘅位置都有少少入，不過好在食完飯可以喺海濱位置行吓散下步，減下肥(*¯︶¯*)叫咗個泰式鳳爪，兩個人食嘅份量就OK，但係如果多人食嘅話就應該會唔夠分。另外叫咗豬牛雞串燒同埋燒豬頸肉。燒豬頸肉係好食嘅，夠香口。不過串燒就麻麻哋，overcooked, 豬肉食到我牙較都軟😂泰式炒金邊粉配蝦。賣相100分🤩佢係有個蛋皮包住個金邊粉，不開佢黎食味道都算幾好，不過就有啲太油啦，食到底果陣直情係油浸金邊粉😵最後我地都叫左個馬拉盞炒通菜，份量超級多，兩個人唔會食得晒😦都係食到咁上下覺得有啲油。每人埋單around $2xx 食物質素ok。

今日去左將軍澳海傍呢間新開既泰國菜環境好好， 隔離都見到有d不同菜式既餐廳或者酒吧 ， 雖然係咁 但係環境都算好清靜，適合情侶或者同屋企人黎食飯 呢邊環境似尖東海傍 ， 估唔到將軍澳都會有一日發展成咁👍🏻正- 呢間餐廳都算多人， 冇book位大約6:30 pm 黎到2 位都可以即刻坐， 但係好快就已經見到要排隊- 咖喱軟殼蟹好正，係平時喺泰國食咖喱炒蟹果種好似有少少蛋白係入面咁既咖哩😋， 最正就係可以揀軟殼蟹，因為我真係好唔鍾意拆蟹，食得好麻煩。軟殼蟹就真係啱晒我呢d懶人la！ - 蒜蓉包有咖哩又點可以冇蒜蓉包，個蒜蓉包啱啱焗出嚟真係外脆內軟，點埋咖哩食真係一流- 鹹魚炒通菜平時都係食開馬拉盞通菜，今日哥哥想食鹹魚炒通菜 ， 估唔到又幾好食 成碟都食晒-豬頸肉沙律個汁好好味，雖然個名係豬頸肉沙律，但係大部份都係豬頸肉加好多好多，🤣我都唔係好明點解呢個係沙律， 不過加埋又幾好食 -總結今餐係驚喜之作，環境加上食物比我感覺去左泰國海邊，我諗我會再嚟多次！

之前除夕到過附近一間餐廳吃晚飯，覺得這一帶的環境清靜，有人流但不至於太嘈吵，加上近海有海景，感覺不錯，於是今日選這間泰國餐廳試一試。餐牌的選擇幾多，串燒，小食，泰式炒粉麵飯河粉，甜品都一一盡有。我跟朋友二人點了一份小食拼盤，串燒拼盤(細)，黃咖哩雞配蒜蓉包，以及馬拉盞炒通菜。小食拼盤性價比最高，款式多：有蝦餅、魚餅、春卷及雞翼。雞翼是香茅醃製，帶少少微酸，很有泰菜感覺，而蝦餅彈牙，炸得香口。至於串燒拼盤則分別有豬、牛、雞串燒以及燒豬頸肉。雖然點了小份但其實份量亦十分足夠。串燒質素不錯，雖然未至於很有肉汁，但三款串燒都很香口，而且不會乾身。 豬頸肉肉質彈牙，加上兩款醬汁，點後更加惹味。黃咖哩雞的咖哩味十分香濃，辣度適中，而且辣中帶有微微椰子香，很不錯。咖哩雞的雞肉嫩滑，不嚡口，而且份量頗多。不過薯仔如果稍為再煮腍一點會更加好吃。黃咖哩汁拌蒜蓉包一流，蒜蓉包邊烤得香脆，點上咖哩汁後包身變腍，兩種口感夾起來吃很配合。總括而言，這間餐廳的食物水準屬於中上水平，價錢合理，而且份量多，加上配合附近的環境，其實性價比十分高，值得推介朋友下次再來！

將軍澳發展左之後，愈來愈多新食肆開張。海旁附近成為熱門搵食地方，因為景觀夠吸引夠靚！假日想舒服食個飯，我去左海邊搵下有咩食啦！有間泰式餐廳，價錢好抵食好吸引啊！我叫左泰式豬手飯！賣相好吸引啊，豬手炆得好入味，肉質夠嫩滑，完全唔會鞋口。醬汁香濃，好岩送飯。豬手份量都唔算少，豬皮炆得好腍。店員好有心思，擺碟唔會好求其。豬手中間有隻小碟，裝上白醋，旁邊仲有半隻烚蛋。餐廳環境好chill，仲有室外位置，好悠閒。

很喜歡這裡的環境，對著將軍澳海旁，吹著海風，逗下別人的小狗，看看散步的人群，相當寫意。地道椰汁雞湯（$78)以火爐熱暖著，邊食邊聊天也不怕椰汁雞湯會冷掉.  椰汁味相當香濃，口感順滑。湯料有雞肉，香茅，辣椒，金不換等，但幾乎完全不辣，最適合怕辣的我。味道甜中帶微酸，相當醒胃。小食拼盤（$88)(雞翼，魚餅，蝦餅，春卷）雞翼是半骨的，容易咬開，雞翼外皮香脆,內裡 醃得入味。魚餅不像泰式魚餅，反而像八爪魚餅，外脆內鬆軟。蝦餅外層金黃，內裡彈牙兼有嚼頭, 亦有蝦的鮮甜。春卷外層相當香脆，內餡亦充足，有粉絲，木耳，椰菜。香口但不會太過油膩。原個椰香海鮮焗飯（$138)甫上桌已嗅到香濃的椰青味。焗飯的味道以椰青，芋頭及芝士白汁為主，味道相當配合融和。焗飯內有大大片的椰青肉，多汁爽口又清甜。芝士有拉絲的效果。海鮮為數亦不少，有大蝦及魷魚。蝦肉彈牙，不會霉肉。最特別的賣點是附上椰青水一杯，這是椰青焗飯的「副產品」，即是由原個椰青倒出來的，椰青水內更有滿滿的椰青肉，味道更是清甜可口！所以點這個相當划算！份量很多, 足夠3-4 人享, 用有得食有得飲！推薦!

第一台坐低，叫嘢食，周圍都未有客之後慢慢開始多人啦，隔離枱開始慢慢上嘢食我哋都未有得食，等咗八個字都冇嘢度明明第一個叫嘢，竟然都冇得食廚房煮野都唔跟上單嘅先後次序等到火滾

一直頗喜歡將軍澳海傍，覺得很舒服。海旁附近有餐廳，環境不錯，頗有情調，有西式、台式、泰式餐廳等選擇。今次選擇了泰菜，首先點了每次吃泰菜都不少得的冬蔭功海鮮湯。冬蔭功湯味道幾好，會給80分，有爐一直加熱。海鮮有蝦、青口及魷魚，材料尚算新鮮。之後點了馬拉盞炒通菜，味道沒有外面吃般入味，但份量都頗多。最後點了椰青焗海鮮飯。點這個會附上椰青汁，因為會把椰青的汁變飲品，再用外殻焗飯。飯帶有陣陣椰香，味道幾特別的。但若果跟菠蘿炒飯比，菠蘿炒飯的飯會炒得較乾身及香，而椰青焗飯的飯質有少許濕及飯身較硬少少。我覺得試一次無妨，但吃一次就足夠，不是難吃，但沒有菠蘿炒飯般好吃。整體環境尚算舒適，我坐室內，如果可選擇，坐室外比較舒服。服務都還好的。

性價比高既泰菜🇹🇭將軍澳分店環境夠chill...享海邊食個lunch，而家呢個天氣坐out door最舒服🌿💰$58 海南雞飯Lunch set比我想像中平同底食...雞肉夠多全部起哂骨 啖啖肉，再配埋個油飯🤤餐飲叫左杯泰式奶茶，平時好怕泰茶好甜...但呢杯甜度岩岩好～又不失泰茶既味道👍🏻💰$58 泰式蒜蓉蝦配飯蒜蓉炒蝦仁超邪惡😲送幾碗飯果隻🍚另外追加左肉碎生菜包🥬兩件$10同春卷兩條$6...以樣平平地叫下小食 兩樣都出乎意料之外，係性價比高。#將軍澳 #觀塘#泰國菜 #泰cool ...……………………👱🏻‍♀️肥妹小編..........................

行行下將軍澳海傍，發現成條街都有好多餐廳，又幾好風景，就諗住入去一間好多人食嘅泰國菜試下！首先，我地嗌左鮮蝦刺身（生蝦）10隻 （$98）。辣椒配蒜頭再配上生蝦嘅鮮味再加埋秘製醬汁，真係令人非常開胃。我地仲嗌左馬拉盞炒椰菜苗($72)。馬拉盞味道濃郁帶有咸香，椰菜苗炒起上嚟成碟都好有鑊氣，食落去都好爽口，而且因為馬拉盞本來的造法就係會加入蝦粒同花生碎等材料，唔同中國蝦醬注重質感細滑，所以食起來無論係口感或味道的層次都好豐富。之後，就到呢個海南雞飯（$78）。啲雞肉好滑，冇骨既雞真係好適合懶人食呀！😝雞皮煮完睇落好有光澤，再配埋油飯，令人食指大動呀！最後，我哋仲帶咗個冬陰公蝦湯河粉($68)。呢個好大碗，碗面仲舖滿曬海鮮。河粉又索曬啲冬陰公味，正！順帶一提，呢間仲有chang beer($32)飲添呀，飲得既朋友唔好錯過啦！