77
22
9
電話號碼
23293830
23293839
營業時間
今日營業
12:00 - 22:00
星期一至日
12:00 - 22:00
食家推介
donki soft opening, 有staff帶入去， 人少少， 行得舒服d, 買嘢都買得開心d 武漢肺炎爆出嚟之後， 唔封關搞到周圍都有confirmed case, 大家都唔開心， 又冇得去旅行， 行吓donki當去咗日本， 頂住癮先啦去完日本， 就想去泰國。。。。 spa呀。。。。 冇得去泰國spa, 食住泰菜先~ 呢間泰菜響donki附近， 啱晒 呢間泰菜都幾多人食， 一路都有客入嚟， 佢半路天design, 呢幾日都涼涼地， 真係唔駛吹咁多冷氣， 環保d嘛.我地叫咗泰式雞煲， 上枱嗰陣熱辣辣， 香噴噴 好好味， 真係好thailand feel~ 好好食， 正！！ 少少辣， 好惹味~我地仲叫咗個泰式肉片炒河， 炒得唔錯， 都好好食， 我地兩個人， 啱啱好~ 加多杯蝶豆花茶同菠蘿沙冰， perfect night!!! shopping完又食埋飯， 去完日本去泰國~ yeah!!! 希望可以快d回復正常生活，可以去旅行啦。。。。 不過呢個垃圾正苦好似想香港人死咁，睇怕有排都冇得過正常生活
繼續閱讀
將軍澳一排倚海而立的餐廳，睇住海景食飯真係好有度假感覺。平時都好少黎呢頭，難得黎到就搵下有咩黃店，最後去左呢間泰國野。當日係週六，大概等左15分鐘。座位有分室內戶外，好多人都帶埋狗狗黎食飯，一家人樂也融融。-鮮蝦炒金邊粉$88用蛋網包住上睇落的骰，但拆開其實份量驚人。金邊粉味道ok，入面有數隻鮮蝦。而頭頂隻蝦稍稍炸過，咁樣放夠搶眼，但其實放涼左，外面淋左，食落就麻麻喇，不過佢唔係主角沒關係🤣-串燒拼盤(大)$108豬牛雞串燒每款兩串，仲有豬頸肉。好欣賞呢個拼盤，每款肉類都係肥瘦適中。豬頸肉好爽口，食到停唔到👍🏼佢跟兩款醬汁，一款係沙嗲入面有花生味，另一款係酸辣汁，兩種都喜歡。美中不足就係肉開始燒到有少少少乾，但味道同份量都令人滿意，依然係非常推介！-香芒蟹肉炒飯$88唯一覺得失望的食物。芒果、蟹肉同炒飯的配搭ok，但整體味道淡，炒飯中間仲加了車厘茄，每次咬到都感覺搶哂成個飯的味。車厘茄不是放在旁邊，而是加在飯裏一齊炒，亦可能因為咁個飯變得較濕。-整體係滿意，呢個價錢黎講，份量比得好足，串燒又好好食。不過地下有點痴笠笠，希望可以改善下😂-PS揸車人士泊係翩匯坊有泊車優惠架
繼續閱讀
呢間位於將軍澳海傍既泰菜環境一流，有戶外既座位對住海濱同單車徑，因為係黃店嘅關係，呢日夜晚嚟到非常多人等，要預多少少時間，每樣嘢食既份量都幾大份，最好幾個人share，座位同地下都有少少唔乾淨，環境衛生可以改善返少少就更好。 無骨鳳爪沙律超多洋蔥伴碟，鳳爪口感爽脆，食落酸酸辣辣好開胃惹味。 小食拼盤有齊炸春卷、魚餅、蝦餅同炸單骨雞翼，岩晒一班人share，樣樣都好香口， 串燒拼盤（大）有唔同肉類既串燒同燒豬頸肉，配酸甜汁同埋沙爹，沙嗲醬夠杰身帶花生香味，略嫌串燒有少少乾。 冬蔭原隻大蝦海鮮湯配料豐富，有蝦、青口同魷魚，蝦肉彈牙爽口，湯底偏酸，辣度可以加返少少。 鮮蝦炒金邊粉份量頗多，配料有大大隻蝦，金邊粉炒得夠乾身。 炒通菜（馬拉盞）份量好多，味道鹹香惹味。 飲品方面分別叫咗香桃冰茶、香芒椰子奶、班蘭椰子奶，冰茶有淡淡桃味，味道比較似冰極檸檬茶，好解渴，椰子奶就過甜。 人均消費：$160推介指數（10分為滿分）：7分
繼續閱讀
這間泰國餐廳是黃店，支持黃店是常識吧。這間餐廳是位於將軍澳海濱邊，環境非常好如果有寵物的人也可以前來，是寵物友善餐廳。這天我跟朋友們叫了一個冬陰功海鮮湯，一個豬肉炒河粉，一個小食拼盤和串燒拼盤首先冬陰功海鮮湯的用料非常足，有大蝦青口魷魚菇等等，但對於愛辣愛酸的我來說，這湯不夠酸和不太辣，喜歡重口味的，這個未必夠喉。另外豬肉炒河粉正正常常。而串拼盤的肉類分別有豬肉牛肉和雞肉，但是吃起來很難分辨是哪款肉，所以覺得還好，豬頸肉也是個中規中矩。小食拼盤也是正常發揮。總括來說如果想悠閒的渡過一個假期，這家海濱邊泰國餐廳十分推介很舒服，食物發揮中規中矩，當然沒有九龍城那些這麼好，但支持黃店。
繼續閱讀
同朋友行街, 之後去將軍澳海翩匯樓下向海濱方向睇下有咩食....個邊有幾間相連餐廳, 半露天design, 望海chill住食野,飲野,傾下計...好正揀左泰Cool, 等左15分等左右....就有位, 都算快入坐時講左要90分鐘還枱...所以一坐底就叫左生蝦, 馬拉盞通菜, 生菜包, 串燒拼盤, 炒金邊粉....生蝦好新鮮, 配埋個辣汁真係perfect match呀 通菜好夠味,又夠大碟生菜包直頭無得頂...好Juicy...一D都唔乾因為太肚餓啦...串燒拼盤, 炒金邊粉,青檸梳打唔記得影相@O@anyway....講返個味道先串燒拼盤, 有豬頸肉,豬牛雞串燒...豬頸肉好爽口, 仲有好多塊....豬牛雞就比較普通...炒金邊粉...都係比較普通...同埋係露天位子,都比較大風金邊粉好快就吹到凍左, 凍左之後就硬硬地岩岩拎黎個時, 熱辣辣好味好多....青檸梳打,好解渴....呢間無論食物,環境...都唔錯, 幾好下次會再黎....
繼續閱讀
您可能會有興趣的...