泰COOL (翩匯坊) (已結業)

星期六晚七點半黎到，見到好多人排隊，排左陣，差唔多八點有得入，一心諗住好好食，事實係唔值得排甘耐。食物味道一般，大部分食物都幾油，同咸，食完要飲番多d水。最大獲係座位擠逼，食一次飯起幾次身比人出入。餐廳位置離將軍澳地鐵站都幾遠，諗住有個靚景睇，坐落去其實都睇唔到d咩河景，真係冇下次。比較好的係，可以比寵物入內，員工大部分都友善。豬頸肉，冇咩特別好似係馬拉盞炒粉絲，味道ok 馬拉盞炒通菜，通菜好老，味道正常柚子沙律，有d花生醬味，唔識欣賞

豬手炒飯：從未食過咁冇味嘅豬手似湯渣，炒飯好油。另叫了炒河係唔熱嘅，亦冇味。唔明白用啲咁淺嘅膠碟令用餐好困難。咁多人座係餐廳，原來係出菜慢，個個等到傻。後悔中伏冇下次😥

侍應完全落錯晒單，叫左嘅無落單，落左嘅又落錯晒。送來的食物淡而無味，很差劣，食到想嘔。後來加回來的食物，又再次落錯單，沒來的食物竟然也要計錢。實在太氣憤了！真的不建議去這間餐廳！

今天放了半天假， 天氣晴朗，打算到戶外 走走順道午膳。 從地鐵站走十分鐘左右經過翩匯坊， 有幾間餐廳位於海濱長廊， 有戶外座位，感覺特別 開揚。這間泰式餐廳 《 泰cool》相當受區內歡迎， 相信 也是溜狗人士聚餐點~餐廳內也光猛潔淨， 裝修充滿東南亞風格。午餐牌有七至八款選擇， 都係大路嘅東南亞美食, 價錢唔貴$50幾到6O幾 都有。 揀咗《海南雞飯》 和《 辣肉碎煎蛋飯》。賣相唔錯，《 辣肉碎煎蛋飯》惹味開胃唔會太辣， 但可以再炒得乾身一点或加多一點蒜會更香。海南雞飯嘅薑黃飯夠軟熟， 海南雞雞味濃不過肉質唔算嫩滑。惠顧午餐仲可追加小食：泰式魚餅裏面有章魚粒， 充滿海鮮味， 魚餅軟熟， 美味可口。炸得鬆化， 仲微微暖，所以唔會硬。熱情果味濃厚， 沙冰夠幼滑， 炎炎夏日來一杯真係夠曬爽！， 生菜夠脆又夠嫩， 包著肉碎吃口感和味道超棒！賣相和一杯凍檸茶相似， 飲落茶味濃郁， 亦有淡淡嘅桃味。 仲叫咗 作餐前小食， 蝦片大大包，又夠脆，正！ $28青檸味夠濃郁， 梳打冰凍夠氣， 清新解暑。望住出面藍天和海濱長廊， 景緻開揚， 吃了一個悠閒寫意的午餐～

之前入將軍澳見過呢間餐廳幾多人等位，就諗住第日冇乜人黎試下佢下午茶時候冇咁多人，可以慢慢坐，傾下計🙈想飲碟豆花好耐，呢次第一次飲，知道碟豆花係冇味但有好令既藍色，但佢個底放左百香果，所以撈埋有好香百香果味💕見到有牛腩麵包好似幾正咁，上到黎仲驚喜，好大份，個麵包烤到外脆內軟，唔點咖哩汁都好好食，但食到底個陣，個d咖哩太多，麵包太少，變得有d咸，如果可以減少咖哩汁/咖哩汁另上可能仲好另外叫左個fusion 菜，冬陰功蜆肉意粉，多數冬陰功都係湯麵，呢個煮到好似西餐意粉咁，都幾創新😂最後叫多個牛柳粒，肉質軟腍，佢係鐵板滾住咁上🙈熱辣辣，仲有薯仔，青豆，紅、青椒，食落健康d🙈下午茶黎講真係幾抵食，$5x一個餐環境都唔錯架

最近喺將軍澳海濱長廊跑步，發現海邊開咗幾間餐廳，而其中一個好多人排隊同都幾full，原來係呢間泰國菜「泰cool」，餐廳有劃分室內外，有唔少街坊帶埋狗狗一齊喺室外用餐，so sweet! 1. 泰式炸魚餅：我地先點了一個小食做前菜，係total有六件嘅炸魚餅，每件厚道適中，做有泰式辣醬可以點，酸酸甜甜，好開胃！2. 鹹魚炒芥蘭：雖然油咗啲，但同鹹魚一齊炒特別香，芥蘭又炒到好爽，唔會過老。3. 鮮蝦炒金邊粉：無諗過隻大蝦有成半隻碟咁長，而且仲事先炸先，好香。而金邊粉一直都係我泰菜No.1，呢到都水準一流呢～

之前一直都有嚟食飯，見都有一排冇黎，今日又來，整體冇乜別特別。但係炒金邊粉嗰隻蝦本身已經唔掂，仲要炸到乾爭爭，冇諗過叫佢換俾我，只係諗住好心同佢地講，好可惜佢哋d反應覺得完全冇問題🤦🏻‍♀️

自澳南新盤落成、周邊也多了不少商場食肆。一直向南走來到海邊的泰cool、設有室內座位、可帶同小狗一起來吹吹海南吃晚飯、感覺悠閒寫意。串燒拼盤各有兩串烤牛肉、烤雞肉和烤豬、沙爹醬汁挺不錯、不過肉質有點乾、肉汁欠奉。豬頸肉爽滑juicy 、伴上醬汁很好吃。馬拉盞炒通菜 惹味得來不會過鹹和辣。牛腩牛丸船河 牛丸Q彈、蘿蔔炆得入味、比我之前吃的船河沒那麼鹹、清淡得來更好。青咖喱雞肉微辣、感覺椰汁比例較多、撈白飯吃不錯啊。菠蘿炒飯份量蠻多的、有蝦、魷魚、肉鬆、提子乾等、不過海鮮類稍欠鮮味、炒飯炒得乾身、用來撈咖喱也很搭。

將軍澳站相連的商場食肆不少，但大多已經光顧過。今日沿海濱長堤一直走，在海翩滙地下看到這家泰菜餐廳，晚市好多客人，有幾枱更帶上愛犬。餐廳分室內和戶外坐位，如果是秋天，我會選擇坐戶外，可外望海景和夜色。海鮮菠蘿炒飯除了置頂的大蝦外，炒飯中也有不少蝦仁、魷魚、菠蘿、腰果、洋蔥和肉鬆。蝦和魷魚稍欠鮮味，質感偏腍，炒飯中規中矩。馬拉盞通菜頗有鑊氣，通菜嫩身，馬拉盞惹味討好。大size的串燒拼盤有齊豬、牛、雞三款串燒，另伴有豬頸肉。個人覺得炭燒豬頸肉爽口肉脆，蘸一些辣汁同吃更美味。青咖哩雞肉青咖喱汁味道不錯，佐飯一流；美中不足的是雞肉未夠入味。

之前嚟過呢間食咖哩牛腩飯，已經覺得蚊嘅牛腩好淋好回味😋，今晚再約朋友一齊去食牛🐗原來大家都好鍾意食牛🐗🐗所以幾乎全牛餐🐗🐗哈哈😂😂黃咖哩牛腩$78濃郁嘅青咖哩味和主角牛腩連配菜也吸收埋，這就是泰cool獨特配方配製嘅味道，牛腩超淋 不黐牙添，我還將獨特配方青咖哩汁撈湯河食另一番味到，將冬陰功湯嚟飲，既可飲冬陰功湯熱辣辣，又可將青咖哩撈河呢個配搭幾好。牛腩拼牛丸湯河$58呢個湯畀頭先嗰個就清甜得多了，牛腩依然好淋竟然粒牛丸都好爽啊！而且味道好新鮮，不像街市雪凍嘅牛丸呢！只可惜得兩粒牛丸咋！食了很多牛肉，大家都好滿足，係時候食下海鮮滋味下先。😁😁冬陰功蝦湯河$68海鮮都唔少喎，很新鮮，而且蝦碌仲好爽口添。如果湯底多少少就好啦!可以飲多幾淡呢！😀😀

朋友在將軍澳附近上班，趁着暑假，帶着小愛人和朋友聚一聚。平日跑步時經過這個將軍澳小蘇豪區，所以就選擇到來試試。遇著天氣好，可以坐到外邊，今天比較熱，所以還是嘆嘆冷氣吧！這餐廳環境寬敞，是傾計好去處。我們點了小寶最愛的海南雞，去骨海南雞份量很多，味道很不錯，更讚的是那薑蓉及辣醬！另外點了豬手飯，同樣是分量十足，豬皮夠淋夠入味，因為肉的份量頗多，到最後有點吃不下呢！朋友想試試這裏香葉海鮮炒意粉，意粉味道真不錯，有點像日式燒汁的味道，唯一略嫌海鮮份量不是太多。另外要讚一下這裏追加小食十分便宜，肉碎生菜包只是$10 ，春卷也只是$6！而且味道十分美味！飲品方面我點了青蘋果起泡茶，很Fresh的感覺, 感覺像青蘋果梳打，是夏天必點飲品。朋友點了班蘭椰子奶，她說味道很好，感覺就像班蘭蛋糕一樣美味！整體而言這餐廳是性價比之選，秋涼的季節，可以再來試試坐在海邊的感覺！

朋友新居入伙,但早到咗未返到,又有啲肚餓,於是喺附近行下搵tea食住等,見呢間環境唔錯,就入去試下.坐底左睇menu,點左個海南雞飯嘅餐,另外order埋蝦餅,生菜包同春卷. 食物好快就嚟到,賣相都唔錯,生菜包嘅香味好醒胃. 海南雞飯雞肉鮮味,油飯嘅調味亦都好好,味道啱啱好. 蝦餅同春卷都煎得好香,唔會太油膩. 生菜包方面調味做得好好,用左香茅黎調味,加上辣椒嘅味道襯托返, 好香口,呢個值得推薦.呢度仲有outdoor area,對住將軍澳嘅海邊食嘢飲嘢,夠晒relax!

今日黎到將軍澳探朋友，先知原來將軍澳有好多新樓盤，探完朋友落到樓下搵野食朋友介紹黎到呢間泰cool，係岀面望仲以為係酒吧。原來係泰國餐廳，呢到有分室內、室外座。不過今日天氣熱，都係坐室內，到秋天，黎呢到坐室外，望住個海濱長廊都幾chill ❤️兩個人叫左四樣野，點知碟碟都好大碟。天氣熱辣辣，食個冷盤先無骨鳳爪，少少辣都幾過癮，好足料，食到底都仲係鳳爪，唔會好似其他餐廳會用青瓜生菜墊底，超級抵食馬拉盞炒通菜都係個句，真係好大碟，好惹味。聞到一陣鹹香味 ，味道偏辣，好食！炭烤豬頸肉個豬頸肉唔會燒到好乾，燒得岩岩好，爽口，配埋個酸辣汁，正！鮮蝦金邊粉一上台，有一隻大蝦係最頂，再加蛋皮係表面，包住金邊粉。原來入面仲有好多隻蝦，啲蝦都好爽，同係泰國食差唔多，一樣咁好食！另外，我同朋友仲叫左杯芒果沙冰同碟豆花特飲飲品唔會好甜，好好飲呢到總括嚟講，啲野大大碟，岩晒一班朋友黎食野傾計，服務周到，啲野食上得又快 仲有好多野想試，下次再黎再試埋其他先🤤

開左一排既泰cool, 終於有機會試。雖然由地鐵站行去都要成20分鐘, 但係海滂隔離環境夠chill都值得一去。由於book左位所以唔等, 但眼見晚市walk in既都要等一陣。叫左個小食拼盤(雞翼,魚餅,蝦餅,春卷), 串燒,鮮蝦金邊粉,牛肉炒河粉同三色冰。個人覺得值得一試既炒河粉, 唔會過份濕同乾,味道一流另外,三色冰都可以一試。馬蹄咬落質地爽口清甜整體食物都算中規中矩, 環境加上食物係一大享受。下次會同多啲朋友再去試其他野食

我朋友新居收樓了，新居是剛入伙的屋苑，我今天陪同一起前往看看，到了下午茶時間，就到附近餐廳吃吧。泰菜館泰COOL正合我心意，很久沒有吃過泰菜，餐廳落地玻璃，景觀開揚環境清靜，店內店內都有座位，喜歡呼吸新鮮空氣坐外面，我怕熱坐店內有冷氣舒服一點。海南雞飯雞肉比較少脂肪，雞油飯粒粒分明，不用加任何醬汁已有鮮味肉碎生菜包肉碎已經放在生菜，非常喜歡這處理手法，不需要自己包，並且炒得乾身不油膩，小小辣很開胃炸魚餅魚餅加上鹹魚，完全零油膩感，煎得香脆春卷外脆內軟，這裏做的煎炸非常好，我見不到碟上會有多餘的油份出現飲品：菠蘿沙冰，沙冰打得綿綿，不會太甜雖然說是吃下午茶，但我們吃了這麼多東西，只需要$105超值的價錢，茶餐廳的價錢可以享用到這樣的菜式很難得，等待朋友正式入夥時，相信我們會經常光顧。