泰COOL (翩匯坊) (已結業)

將軍澳發展左之後，愈來愈多新食肆開張。海旁附近成為熱門搵食地方，因為景觀夠吸引夠靚！假日想舒服食個飯，我去左海邊搵下有咩食啦！有間泰式餐廳，價錢好抵食好吸引啊！我叫左泰式豬手飯！賣相好吸引啊，豬手炆得好入味，肉質夠嫩滑，完全唔會鞋口。醬汁香濃，好岩送飯。豬手份量都唔算少，豬皮炆得好腍。店員好有心思，擺碟唔會好求其。豬手中間有隻小碟，裝上白醋，旁邊仲有半隻烚蛋。餐廳環境好chill，仲有室外位置，好悠閒。