泰麵膳 (已結業)

叫左個粉紅金邊粉、鴨脾黃麵。黃麵吾錯、但鴨脾同個湯就怪怪地，好似有種肉骨茶的味道。所以覺得一般。不過粉紅湯麵吾錯不過有小辣。另外再叫左串燒、生菜包。串燒好食都吾會難食得去邊既。生菜包好辣⋯食吾到辣就真系吾洗諗了。成餐飯最好食都系粉紅湯麵

與朋友相約在旺角購物，行到攰，自然會就地解決，原因好簡單，因為旺角實在太多嘢食啦。剛巧路經豉油街一帶，眼前正是一間裝飾特別有泰式風味嘅泰式船麵店，一向對船麵情有獨鐘嘅我，加上餐廳標榜“絕無味精”，當然二話不說就拉埋朋友入去。被安排坐低後，店員立即遞上餐牌及向我哋推介及簡單介紹幾款推介船麵及小食，一心為食船麵嘅我，最終選擇了店員推介嘅安格斯牛肉船麵，並在黃麵、金邊粉、米粉、河粉（據店員敘述，餐廳所有麵底皆從泰國入口）四款自選麵底中選擇了米粉。當熱辣辣嘅船麵送到來嘅時候，一陣濃郁藥材味隨即撲鼻而來，單睇賣相及令人猛吞口水嘅濃郁香味，就已令人對其期待萬分。先喝一口湯底，味道濃郁之餘，入口順滑，並不會“傑”身，香濃豬骨湯略帶微辣，這種似曾相識嘅味道令我記起曾在曼谷一間粉麵店所食嘅泰麵；米粉條條分明，並沒有黏作一團，口感爽口彈牙；喜愛餐廳處理安格斯牛肉片嘅手法，以半成熟嘅狀態呈上，顧客可自行將牛肉依個人喜好加熱灼熟，牛肉嫩滑多汁，並沒有被濃郁湯底搶去牛肉本身嘅味道。一向嗜辣嘅我，當然一定要試試店員特別推介嘅秘製Turbo醬啦，Turbo醬辛辣味香，與湯底撈勻後，更為辛濃味美，湯底味道層次頓時提升

泰國野食得多，但原來我未食過船麵，係旺角行遠少少有間叫泰麵膳係食船麵ge，價錢唔貴又幾好食wor~出面裝修幾靚幾別緻野食都好多選擇，不過點都點返個船麵食叫左個椰青BB，好甜好清，不過個椰肉就偏硬身少少安格斯牛肉船麵(金邊粉)，HK$68好香味道好濃厚，揀左唔辣，金邊粉就比較林身，唔可以沉咁耐先食，配料都好多，不過就比較咸家鄉滷鴨脾麵(黃麵)，HK$63成隻大鴨脾上，肉質好林，個湯酸酸地好開胃，麵質就比較硬身，好有咬口，我個人幾中意燒豬頸肉，燒得幾香，但切得大塊左D，而且唔係即燒，溫度差D炒芥蘭都好好食，2個人食左4樣野，好飽呀!D船麵下次可以再試呀!

聽朋友說在旺角開了間泰國麵館 之前因一直出差 到假期先才有機會前往光顧 近一年來泰國麵館在香港開得如雨後春筍 但試過數間也不怎滿意要不湯太咸或太淡或是藥材味過重或不足還是懷念當地的正宗泰麵今次這家麵店叫了牛肉丸船麵和串燒雙併即雞肉和豬肉串燒外觀燒得不俗 略帶金黃微焦 雞肉串味鮮帶嫩 且肉汁豐富 相對豬肉串就較為遜色了一點 但仍是個不錯的選擇牛肉丸船麵麵湯的味道夠濃很接近泰國傳統船麵的感覺有不同粉麵可供選 自己就點了泰國河粉 入口夠滑 牛肉丸份量頗足 味道還算不錯 牛肉味足而且口感十足值得推介的小店

是日於豉油街尾端發現了一間藍藍綠綠的餐廳! 有點優雅、有點小清新! 「不知葫蘆裡賣甚麼藥」，行前兩步，「泰麵膳」，噢! 原來是泰國菜!由於餐廳外牆選用落地大玻璃，我們在窗外窺探了好一會兒…..哈哈! 有燒雞有通菜，賣相吸引。當晚，我們坐在最近角落的卡座上，挺有空間感的，冷氣機也好像專為我們而設一樣。只是……落地大玻璃加上太奪目的菜式，卻不時惹來「豔羨」目光！今次我們試咗餐廳既活蝦帶子刺身、燒雞、牛肉黃麵、飛天通菜同埋小菠蘿。燒雞標榜無激素，係云云款式中最推介既選項。餐廳首先以原隻燒雞垂直呈上，相當霸氣。另外，侍者細心為食客預備膠手套，待客人以手撕方式，蘸醬享用。燒雞肉質細滑，原以為份量太多，食過後豈料有點意猶未盡。牛肉黃麵湯底呈現強烈的珠砂紅色，味道挺特別的，店員解釋當中加入了豬骨熬製⋯但我略嫌湯底經多種香料混合後，變得渾濁。當日菜式味道水準不俗，適合三五知己聚會的泰菜之選。

約旺角既原因通常都係因為就腳今日就去左朋友介紹既呢間泰麵膳試下！難得今日同朋友聚會，就問下店員邊個最多人叫！最後就推薦左呢個安格斯牛肉船麵(跟黃麵)俾我個湯好濃，但唔會太鹹 剛好👍🏽餸方面有三粒牛肉丸？🤔同埋半生熟既牛肉，唔會太老配上黃麵都唔錯再加小小辣油落去調味，幾好👍🏽朋友就叫左一個粉紅湯粉(跟黃麵)，比起安格斯牛肉船麵，酸小小，幾特别！一個豬肉船麵(跟黃麵)，個湯同安格斯牛肉船麵一樣！兩個其實好相似,只係D餸唔同一個冬蔭湯粉(跟金邊粉)呢個中左伏了，一路食一路係甘發漲食完之後，店員見食淨甘多就問我地係咪唔啱食，我地話個金邊粉一路食一路發漲！店員就話因為呢隻係新鮮金邊粉，所以漲得好快！其實我唔係好明咩叫新鮮金邊粉，不過真係唔建議食，因為食頭幾啖個質感同金邊粉個味都麻麻地！另外我地仲叫左個小食拼盤小食拼盤係全餐飯最好食既有四串沙嗲 六至八塊豬頸肉，四舊蝦餅同兩舊燒雞加埋個三個醬一齊食，真係無得輸！尤其是個燒雞，燒得恰到好處👍🏽同埋三杯泰式奶茶！叫左小冰都大半杯冰，而且茶味唔夠濃佢既糖漿係擺係枱面自己加一般，Ok總括黎講,可以試下！份量係女仔都食得哂，男仔可能未必夠人均消費：100蚊左

船河，俾我感覺係一個去泰國旅行必食嘅食品，係泰國嘅夜晚會擺到周街都係，而碗粉就係細細嘅，一食就5起碼食兩碗呀！果種風味就真係另人回味，因為感覺上係香港食唔到呀！咁今曰同女友係旺角行完街，肚餓搵野食啦，搵搵下openrice 搵到有間泰國船河wor, 咁就即刻去試下啦！去到之後，裏面都有好多食客，咁好好彩我地剛好有兩個位，咁就坐低啦！好，望一望個餐牌先！咁就望下個餐牌啦，餐廳最主要就係賣下船河啦，另外就重有d小炒同小食咁啦！咁我地說叫左一個船河，一個炒河，一個炒菜同兩杯野飲啦！！係我地等緊菜果陣我就周圍望下啦，我見到佢地水吧果度有個真。泰仔，佢係水吧全程都係用泰文溝通，其實今時今日好多外國菜都會請d外國師傳返黎，一黎就真係可以帶黎原汁原味，二來係可以做到一個宣傳嘅效果，係一個宣傳賣點，話俾客人聽我地係原汁原味呀，更加另人期待。咁首先到係家鄉滷鴨脾河 ，嘩個份量都唔差wor，餐廳係有改變黎迎合香港人口味，改變一貫細細碗嘅出品，換來都算飽肚嘅份量，咁個河粉都幾足料呀，有隻大鴨脾啦，另外有豬紅同埋煙鴨胸，傳統湯底有八角、桂皮、芫荽、花椒等香料，湯底呈一般船麵湯底的深棕色，非常濃郁。如果覺得唔夠

旺角除咗係放題、雞煲勝地，喺餐廳滿佈嘅鼓鼓油街新開左一間主打食船麵嘅泰國菜餐廳。船麵特式係為左避免係船食時倒瀉，所以湯底同麵都較少，通常泰國食嘅話一口就可以食晒，但香港洗碗咁貴，所以配合地道文化，餐廳將份量調到我地食開嘅份量。先黎一道小菜，平時一般只得生蝦，但呢度附送大大粒帶子刺身，非常唔錯。泰式乾撈有豬頸肉、鴨胸或雞扒三款，今次我地揀左鴨胸，黃麵配上自製甜豉油、花生碎、炸蒜等撈埋一齊食，勁地道！曼谷海鮮湯麵，成道菜唔止色彩豐富，最吸引係原隻開邊龍蝦半隻，無論膏同肉都非常出色；美足不足係湯底棋頗辣，對於食唔到太辣嘅我食得吃力。金邊粉永遠都係食泰菜邊必叫，呢道菜不過不失。必叫之選！燒雞係即叫即燒並且原隻送上，雞肉嫩滑之餘雞皮亦非常香脆，力推。食辣野當然要叫椰汁解渴！

同朋友講開想食船麵 朋友就好貼心搵哩間同我一齊食 見尖沙咀同旺角都有分店 一於簡間方便我地既旺角分店 地點唔難搵 如果由旺角東行反而會近少少💁🏻‍♀️兩個人坐低就即刻嗌野食 因為放左工超肚餓 我地嗌咗唔少野食😍 首先係佢既必食推介: 曼谷海鮮湯麵 我地可以簡麵底 有金邊粉 黃麵 米粉簡 簡左平日少食既金邊粉 食落夠吸味 有半邊龍蝦 蝦肉算幾新鮮 蝦肉🦐爽口彈牙 蝦膏也唔少 湯麵份量都唔細碗 入面既海鮮亦夠哂豐富 我覺得最出色係湯底 冬蔭功湯辣辣地 開胃同會想再飲 整體係幾出色👍🏻飲品我簡咗杯凍既鮮青檸菊花茶🍹 菊花茶味比想像中重 而青檸就係配角 都有少許加分作用 為成杯飲品加左清新既感覺 飲落係幾解口渴同解辣🌶而另一杯就叫咗飲鮮青檸梳打 依到用既梳打水並唔係一般罐裝既 而係用上地道既泰象牌梳打水 再加上清新既青檸 令人開胃又解渴🤤另一款我地嗌既麵就係泰式鴨胸乾撈 因為既然試過湯麵就會想試返個乾麵 乾撈食之前一定要撈勻碗底下既醬汁 乾撈我地簡咗黃麵 我地第一次食黃麵😗 覺得口感唔錯 幾彈牙 鴨胸大大舊 脂肪比例合理 同黃麵撈埋一齊食相當惹味🤤👏🏻我地都叫咗兩款小食 第一個係孖寶串燒(雞、豬

記得以前黎旺角都會黎依附近食煲仔麵點知上星期過黎果時先知， 原來煲仔麵的店鋪已經執左變左依間食船麵既地方之前去泰國都未食過船麵見裝修唔錯， 就去試下先泰式乾撈（豬頸肉）配黃麵$48因為自己好鍾意食撈麵所以揀左依個乾撈黃麵豬頸肉上面仲放左啲蔥同花生加埋啲湯一齊撈， 好香好好味安格斯牛肉船麵 $68個湯底好濃郁， 好似豬紅咁既顏色， 湯底同牛肉味道好夾而食落一啲都唔韌曼谷海鮮湯麵 $128重點黎啦， 鍾意食海鮮既朋友又點會錯過依個麵所以我朋友第一時間就點左隻龍蝦好大隻，入面仲有花甲等海鮮， 好足料芭提雅原隻燒雞 $138（無激素）本身諗住每人點一碗麵算但見每一檯都有點依個， 所以都忍唔住點黎到都真係好有霸氣而且燒到好金黃， 下面仲有碟盛住防止啲油滴檯， 都幾細心我地幾個朋友帶上手套後就用手撕開黎食， 雞肉非常之滑雞皮亦都好香， 好正牛肋條（密沙文）$58因為個朋友話睇到MENU又想食依個所以我地再點左依個食依個牛肋條好正，尤其是個汁， 又唔辣又惹味我地忍唔住叫左個飯大家SHARE食每人食完碗麵再食左咁多野， 都真係好滿足雖然煲仔麵無左， 但依間都唔錯， 下次會再黎

每次出親旺角要諗食咩真係諗到天荒地老，選擇多的是，有時又唔想重覆食同一樣野，最近係網上見到泰國船麵係香港開始愈開愈多，本身好鍾意泰國兼鍾情泰國菜既我，從未食過船麵，所以今晚同朋友黎左旺角依開專門食船麵既店鋪一嚐滋味餐廳位於豉油街近舊戲院附近，門面裝修亦都比較新派彩色帶點簡約，而剛好依條街既餐廳亦非常多選擇，真係唔怕無野食。可能閒日早時段黎，一黎到唔洗等位就可入座，落左單傾下計話咁快每道食物都逐一送上安格斯牛肉船麵第一次食船麵既我見到依碗深色濃郁既湯底已經覺得好食，面頭鋪左幾塊安格斯牛肉，先來一口湯，味道比眼見既色又唔算太濃郁，香料味道較為突出同特別，係第一次飲到而又容易接受既味道，唔會太濃同唔會太鹹，帶少少甜都幾開胃，半生熟牛肉爽口有咬勁，肉味幾濃而麵底用左來自正宗泰國入口既金邊粉，質感比較剔透煙韌，比起平時係香港食到既金邊粉優勝得多，同埋一黎到一定要趁熱食，如果唔係碗粉會索哂湯，發漲就無咁好食了泰式乾撈（豬頸肉）配黃麵 食完個湯船麵，叫多個乾撈麵，配左豬頸肉，大片又唔肥，燒得剛剛好，食落好爽口又夠香，而黃麵面頭有炸蒜同炸蔥，拌匀麵底既醬汁入口無想像中咁鹹，反而黃麵食落好重蛋味，質感夠

泰船麵真係近期最愛，香港都開左好多間，我都已經去試左唔同店家的船麵，呢間的尖沙咀店成日都排長龍所以成日都食唔到，當我一知道佢開分店而店面又大啲既時候諗都唔使諗就約人去試～當然第一件事就要試下個船麵先啦～個湯底真係好重要！泰式船麵雖然細細碗，但湯底絕對要加藥材先係最正宗，藥材味同肉類合在一起吃就是王道～呢到仲有我最愛的闊河粉食，真係好滑好好味！其實佢仲有米粉同黃麵揀，但我都係覺得闊河粉先最好味，因為香港唔係好多地方有得食。朋友叫左個撈黃麵，撈麵真係要配黃麵，因為比較有咬口亦比較爽口，如果配米粉就會太稔了。撈麵個醬汁都做得好好，豬頸肉都燒得好香脆，成件事好夾，讚！主食之後要講下啲幾出色的小食，首先係串燒，豬同雞都好柔軟，最緊要係個沙嗲醬，沙沙的好好味，係咁點～聽聞係出名既炸蝦蛋，不來係蝦肉球入面有肉碎，不過好似咸左小小…最後叫左隻雞！係全隻雞！佢成隻上我地可以用手拆變做手撕雞，好食之餘仲好好玩，雞肉燒到外脆內軟，肉汁一直在滴下，好滿足喔～

香港食泰國菜嘅餐廳有好多 但係就比較少見到泰國風味嘅麵館每次去親泰國 都一定會食番碗泰國粉麵先開心嘅 而家唔使飛去泰國都有得食啦午市套餐 供應時間1200-1500主要有湯麵類 乾撈麵 炒河 飯類 小食和飲品桌上附有調味架 相當有泰國風味 包括魚露 白醋 辣椒油 泰式辣椒汁 隨着人口味 調配出自己喜歡的味道安格斯牛肉船麵$68配料包括 安格斯牛肉 牛肋條 牛丸安格斯牛肉偏生 浸落熱辣辣嘅湯底即刻有半生熟嘅效果 牛肉極致嫩滑牛肋條比較有咬口 炆得好林 而且入味牛丸細細粒易入口 彈牙又爽口急不及待要飲啖湯先 湯底非常濃郁 好重嘅牛味 非常出色黃麵賣相有啲似香港車仔麵嘅油麵 黃麵相對比較幼身吸爽口 一啖湯一啖麵 食到停唔到口家鄉鹵鴨髀(河)$63湯底顏色偏深 味道非常特別 有啲似藥材湯嘅味道 (肉骨茶) 是我喜歡的 味道好難形容 非常好喝同平時港式河粉有啲唔同 泰式河粉比較晶瑩通透 食起上嚟比較彈牙 非常滑身特別想稱讚一點 平時比較少食菜嘅我 廚師把通菜切成一小段一小段 飲湯嘅同時可以讓我食埋蔬菜好嘢當然留番最後食啦睇見已經流曬口水 大大隻鹵水鴨肶 賣相非常吸引 餐廳非常貼心 比埋手套 唔怕

行行下旺角見到新開左間泰麵膳有泰國船河食，立即call喜歡泰國野既朋友去食。泰國菜黎講，本人係超愛食船河，係旺角咁方便既地方有一間真係無得頂。豬肉船麵。麵揀左河粉，比香港常見既河粉較寬身同煙韌。湯底濃郁而唔味精，配止河粉真係一流！一問之下原來啲原材料都係泰國運黎，話咁先做到泰國既味道。題外話，店員話個辣椒油係自家調製，但好辣要小心。我地加左2滴之後再試，個麵變得更加香，同味道更濃，好正。但個辣度真係幾勁，大家請小心份量。泰式豬頸肉乾撈麵。跟佢推介用黃麵，掛到底個醬，同船河唔同，食落幾清新。炸蝦蛋。外層蝦膠好彈牙，中間肉碎偏重口味，食第一舊時覺得幾嘢味，但食第二舊就覺得咸，要食其他食物中和一下。原隻燒雞。一個字，嫩！店員話隻雞係即叫即燒，所以要等一段時間，但係值得的。隻雞睇落好似唔大隻，但其實好多肉，重點好多汁好嫩，剛剛燒好熱辣辣送上枱好加分，如果諗住食就記得一開始就叫定先。成餐都好滿意，最開心係以後想食泰國菜唔駛下下入九龍城，近近地旺角就搞掂

今日同朋友想食個平啲既dinner見呢間好抵咁就入左嚟我哋叫咗家鄉滷鴨胸麵($50)一碗係金邊粉一碗係米粉我個人應為金邊粉口感好味啲好講返個湯底 佢個湯底有藥饍既味我個人都幾鍾意 不過可通就唔係每個人都OK因為我個friend就唔係幾鍾意食落幾特別 鴨胸幾軟熟入味另外叫左串燒有3串雞3串豬$38有6串 都幾抵 不過味道唔太特別不過不失咁啦下次想試下佢個生菜包整體來講成間鋪頭嘅菜式都幾平而且環境都幾舒服 雖然坐位都有啲迫但係店舖有提供籃俾大家放袋都幾細心