泰麵膳 (已結業)

有一天，太太忽然向我大力推介這裡的泰式粉麵。事實上她之前已和小友來吃過一兩趟，東西弄出來的水平她自覺很合口味。有了她少有的推薦，小弟總覺遲早有一天我們就會一同再來幫襯....果然，在兩星期後的週日，"一說曹操，曹操就到"....在這裡，除了有掛頭牌的一系列泰式船麵之外，當然還有在一般泰菜店也可找到的如咖喱及串燒等菜及小食。不過第一次來吃，還是要先點一碗船麵來試，才能嚐得出店的手勢....小弟點的豬肉船河，看上去湯色呈近深褐，深感這是對勁了。這豬血湯底，不是每個人也buy的。這裡的湯味較溫和，甜度也很夠。當質感煙齦彈牙的金邊粉嗦滿沾滿這湯時，其美味程度當然是可預計得到了....說這碗是豬肉湯河"說實在是有點"名不符實"，原因乃在於除了有幾片烚豬肉片以外，碗內還滿佈了不少的豬肝、魚丸以及炸豬皮。我個人最喜歡那幾顆泰北式炸豬皮，口感脆香又滿載脂香，無論當成零食吃抑或伴湯，都是一流....小友的燒雞扒飯，雞扒醃得味足，肉表面有很重的香料味也不嚡口，皮亦燒得香脆。難怪他一食便是一整碟，吃得乾乾淨淨....太太亦在不斷大讚她面前的那碟馬沙文咖喱雞槌撈麵 ---- 咖喱汁杰身香料味濃而不太辣及膩口，

昨天去了旺角逛街後,便試了這間店的船麵, 我點了安格斯牛肉船麵及柚子沙律安格斯牛肉船麵(配金邊粉)- 湯底較重藥材味,個人認為整體偏咸,但麵質彈牙柚子沙律- 汁不會太甜, 表面上還有已炸香的小魚仔, 很好吃

最近想食泰國船麵，於是同男朋友去左呢間係旺角的泰麵膳。同一般泰國餐廳唔同，呢間泰麵膳唔會有好多唔同品種嘅泰式食物，因為佢哋主打食船麵，不過亦都會有一些小食選擇提供。我點左個安格斯牛肉船麵，而男朋友就點左個豬肉船麵，另外加左一個豬頸肉小食。船麵湯底呈深啡色，感覺非常濃郁，不過飲一啖就發覺只有鹹味，香味反而千奉，令人有少少失望。麵底照樣揀左金邊粉，但係我覺得無上一次好食，少左彈牙的口感。好彩安格斯牛肉片口感幾嫩滑，挽回不少分數。

最近都好興泰國船麵 所以經過間鋪一時興起就去食船麵 7-8點叫外賣 50蚊 牛肉丸船麵 一打開果外賣盒 呆左幾秒50蚊 細份到好似下午餐茶 我係女人已經細食 食完都覺得唔飽 講真我食2串燒賣都差唔多呢個飽度！好無隱 仲要超貴！果湯的確唔錯 但偏咸 另外最難食就係河粉 好黏 黏埋一舊 食落口 無彈性 好似食麵團咁！感覺好似蝦餃果皮咁！好難食呀！唯一好味就係牛肉丸 夠彈牙 但無咩牛味 好似豬肉丸咁！未試過食一個外賣嬲到要打OpenRice 因為小女子都係附近開店！但做生意都要合情合理！咁既份量同麵既質地真係唔值50蚊！果河粉真係要改善！如果手工河粉難食既話 不如訂貨啦！普通街邊河粉仲彈牙！咁難控制果黏度 不如直接叫客唔好叫河粉外賣啦！

專登黎食船麵🌟試左安格斯牛肉船麵 金邊粉$68 加配一份豬頸肉+$12飲左凍青檸水 +$5船麵👍🏻👍🏻👍🏻就甘睇個湯好似好濃, 但其實飲落都唔係甘重口味,可以再濃郁d 再入味d🤔肉呢有3 樣 有牛腩 好軟身 👍🏻牛肉唔算太薄 牛丸細細粒 入味既 整體ok👍🏻金邊粉 比較一餅餅 但粉既質地係有口感 唔錯青檸水, 幾大杯(糖水自己加)☘️燒豬頸肉, 即整 都幾肥, 醬汁都幾辣,幾惹味🐖埋單 2 個人既價錢！都幾抵啊 ！

星期五朋友聚餐，間間都爆棚。行到呢間泰國野竟然咁啱有位，未食過就試試吧。泰式炒金邊粉蝦夠大隻、而且彈牙！泰式乾炒豬肉河河粉同出面不一樣，十分煙韌，有點似薯粉生菜包，有點辣炒通菜不錯湯粉太辣了，愛辣人士可一算。生蝦，推介！肉質實，有口感！最後仲點左泰式青檸梳打！原裝梳打水上

路過呢間餐廳幾次次次都想去食但係冇時間咁啱好似好耐冇食過泰國菜擇日不如撞日就今日試吓啦叫咗個柚子沙律你都估佢唔到有幾好食喎佢有啲魚乾仔係上面仲有椰絲所以好有口感柚子又唔會太酸另外叫咗個豬手一份豬手係配有一個橙色嘅醬汁個醬汁味道完全唔夾個豬手而個豬手本身都好入味亦都好軟熟朋友就叫咗個安格斯牛肉船面揀咗金邊粉安格斯牛肉就有三塊入邊仲有啲豬肉丸個湯底幾香不過啲面煮得唔好一嚿嚿黐住晒其實整體都幾好嘅最唔開心嘅事就出現啦喺叫嘢飲嘅時候我就問服務員海底椰大樹菠蘿椰汁冰同珍多冰有咩分別佢就指住幅圖同我講圖個杯呢就係海底椰大樹菠蘿椰汁冰珍多冰呢就只係有下邊嗰啲綠色啫喱咁我就話明白要海底椰大樹菠蘿椰汁冰不過走冰.... 隔咗一陣佢俾咗杯野飲我...杯野飲係冇綠色嘅啫喱...我就問服務員唔係有綠色嘅啫喱咩然後佢就話幫我問下水吧同事問完返嚟之後佢就話水吧同事話如果走冰就冇綠色嘅啫喱咁我話咁不如你俾返啲冰同啫喱我自己飛冰啦佢話水吧同事話唔可以喎點呀... 跟住就搵返落單嗰個同事出嚟問佢佢又係要走返去水吧度問海底野大樹菠蘿椰汁冰其實係咪冇啫喱㗎最後個結論就係其實係冇綠色啫喱咁你幅圖其實個杯係咩嚟㗎嬲左你地又唔係

每次去完泰國旅行最懷念就係船麵今日心癢癢就去左旺角食中午回味船麵啦！我叫咗個安格斯牛肉船麵（$68），而朋友就要牛肉丸船麵（$48）兩碗麵嘅分別就係餸，湯底是一樣的而麵就可以選黃麵、金邊粉、米粉、河粉。（唔知乜嘢黃麵所以冇叫到）我就要咗金邊粉嘅，不過呢金邊粉浸左落湯會發脹，食到我有啲濟。所以呢我就建議大家揀米粉會好啲。這裡船麵不單是味道好，最令我驚喜是每個麵會送一個小食，每個小食本身要加$12我地就要咗燒豬頸肉和酸辣鳳爪，都係唔使錢㗎，真係好抵呀！！十分十分推介 ！！

由賣相到味道呢間餐廳都好高質💕個船麵嘅汁勁濃郁😍叫金邊粉勁掛汁😍啲牛肉又唔老😋個沙津都唔錯😌不過個汁就有啲辣🙈The food at this restaurant not only looks good but it also tastes good💕 The boat noodle soup is super rich and tasty😋 the beef is perfectly cooked as well😌 the salad is also pretty good but the sauce is a bit spicy🙈

上個月去完曼谷番黎，好掛住泰式奶茶既香味，所以再黎泰麵膳，因為印象中佢有泰式奶茶。今次決定試埋佢個海鮮湯麵（小辣）係飲到泰式奶茶既香味，但唔夠，偏淡，但幾鍾意佢既自己落糖水。重頭戲黎，曼谷海鮮湯麵湯底好開胃，飲到有小小南乳味，酸酸辣辣，唔會太咸，比泰國食既仲好味，可能迎合番香港人口味，唔會勁酸同勁辣。隻龍蝦好爽，蝦頭都唔會太鯹，食得出幾新鮮，仲有魷魚同蜆，$128絕對抵食。仲提供埋工具，濕紙巾同手套，抵讚。有機會下次試埋個鴨腿湯麵

同fd約左系旺角行下食下甘，路過呢間泰國野就念住試下甘，一個套餐包埋野飲 小食，朋友叫左個船麵，我就叫左個豬頸肉飯，下午三四點去食 人流五算多 ，幾臺客甘首先講左個安格斯牛肉船麵先啦，fd話個麵湯底濃郁，但個麵就五夠入味，牛肉咬極都咬五開 ，好韌，牛丸一般般 普通水平 然後就到我呢個豬頸肉飯啦 ，我覺得佢個配汁偏辣，我系果d 譚仔十小辣都覺辣既人(比大家參考翻) ，因為個配汁辣 所以我冇繼續沾啦 所以就甘食佢個 豬頸肉 配飯呢 真心有點兒dry ...... 整餐飯唯一覺得好食既就系呢個 豬串燒，沙爹漿塗滿整個串燒 再配埋佢隔離個汁 十分惹味呀👍 再黎就系呢個炸雲吞，um... 系幾脆既 但就五多吸引 亦五會再想食

旺角有很多泰菜餐廳，不過大多在橫街小巷中，整個門面都比較頹，但這間泰麵膳裝潢比較新穎，而且十分光猛，價錢又合理，於是便進去一試。由名得知，這間餐廳的招牌菜便是泰式麵，當中其力推便是正宗安格斯船河，那當然要點，另外就是點了看到很多枱都點的燒雞，還有柚子沙律、生菜包、炒金邊粉。先上枱的是燒雞，整隻雞燒得十分誘人，香氣撲鼻😍看到就食慾大開。餐廳有附剪刀，一剪下去，那油份即刻滴出來，放入口中，皮脆而雞肉十分嫩滑，超級正! 怪不得很多枱都有點，是真的值得!之後其他如金邊粉和生菜包都普通，生菜包我覺得不夠辣但同行友人覺得還好。柚子沙律實在太甜了，加了太多蜜糖，一點也沒有酸甜開胃的那個味道，最後同餐廳反映左，回應都很積極，希望之後會有改善。最後就是那個招牌的安格斯船河，它的配料的確不錯，而湯底看上去非常濃郁，相信是真材實料。然而放進口中卻不是容易接受的味道，我也不知怎麼形容😢，總之就是喝不慣，倒也不是餐廳的錯整頓飯的亮點就是燒雞，如果來食一定要點!!

帶爸爸媽媽星期日來試吃船麵，吃了一碗安格斯船面和鴨腿湯河。起初拍爸爸媽媽吃不慣船河的湯味道，怎料媽媽說好食，很地道和特別，雖比不上灣仔那間的湯有農香牛肉味，但也很不錯，價錢比灣仔平一半，算是物有所值和帶點驚喜。牛肉片也很香也沒有煮得太熟。午餐送一份小吃，我們點了炸雲吞，這個就要改進一下了，因為一早炸起所以很凍和很硬。點了熱奶茶和凍咖啡也很不錯。初初入店舖的時候看見幾個年輕服務員，沒有太大期望，但想希望藉此稱讚一下幾位後生仔，很有禮貌，我爸爸怕凍，店員不單止將冷氣風位再調校角度，並走過來幾次確保風不再直吹。雖然只是小小舉動,以現時今日的服務態度實在值得讚許。加油！

我一向都係唔太食得辣, 但鐘意食米線 , 見到朋友食, 賣相好正喎, 就去食同行有3位嗜辣的朋友, 佢地都分別叫辣的米粉,仲有一個係叫冬蔭公, 聞落好香, 好正咁, 睇落都覺得好食, 朋友都話好味, 辣味夠~~ 我就食左個鴨胸撈麵, 個汁濃味十足, 我成日覺得撈麵好乾, 但這個唔會, 食完又唔會話覺得好口乾員工都好貼心, 我落單時員工一再強調會好辣, 真係食到? 我會再去食, 亦都會推介比朋友

lunch的時候，我被「泰麵饍」外面粉藍色的裝修吸引了進去。現在做緊promotion, 每一個lunch set附送小食($12)一款❤。今天我們的選擇是:1) 安格斯牛肉船河 $68 😀之前在泰國旅行時，試過細細碗價值5蚊港元的船河，湯味濃郁，有點點藥材的味道。相比今天食的這碗，湯味沒有太濃，反而更貼近我的口味。牛肉入口即溶好好食，可能真的是安格斯牛肉?! 牛丸細細粒但夠彈牙，也挺不錯的。左邊的豬頸肉燒得好，我最怕燒得太乾的肉質，這個卻有脆脆的外面，裏面保留肉的juicy，配埋個sauce, 👌👌! 2) 冬蔭湯金邊粉 ($58) 😋來到時見到湯面上滿滿的辣椒，怕辣度會太勁。但原來這辣醬是帶少少甜味的，把它拌在湯中，做成了酸酸辣辣又帶點甜的粉，很開胃。只不過，這個味道絕對不是「冬蔭湯」的味道，想試正宗冬蔭味的可不要抱期望啊～