泰麵膳 (已結業)

唔知係咪平時冇乜經過呢到定係我冇留意呢晅鋪頭我以為係新嘅但可能都新掛 我唔知啦黎試下佢個午餐人流唔多嘅肉碎旦沙律其實不如唔好送沙律比人食仲好啦賣相好唔掂 食落仲要酸嘅我唔知佢本身係酸定變咗係好難食 唔知想點豬串又係賣相好差冇乜味嘅海南雞飯呢個賣相雖然都唔係好但佢有個種泰國味道好似曼谷食個啲十蚊多少少嘅海南雞飯不過呢到五十蚊佢味道又唔夠人好食啲雞唔知放咗幾耐啲飯又係煲完唔知放咗幾耐咁完全唔掂燒雞飯都冇咩特別評語架喇都係差啦

以前都幾好食仲專登放工走去食 冇去一排點知差咗好多咩都唔好講住講咗杯泰式奶茶先 你知唔知咩叫泰式奶茶 即係用橙色嗰啲奶茶同埋用練奶你乜嘢都冇理到就咁掉杯港式定要比較難飲嘅出嚟 你完全年誠意都冇 係咪租約到期就快要走你個款完全唔想再做落去朋友叫咗個油雞飯 冇乜特別普通到冇得再普通 週街都有 連個醬都冇乜特別 你以前好好食㗎好食到我仲嗌你加多啲 醬 畀我 點知呢次佢真係不知所謂我自己叫咗個青咖哩牛 去過嘅朋友都知道佢哋嘅份量非常少呢兜嘢成都得五至六粒牛肉講真你收人成68蚊係咪可以畀多少少 本來少都唔緊要你味道好我都由得你 食嚟食去成兜嘢除咗甜之外都食唔到 其他味道老闆想請問你係咪租約期滿就快唔做定係你換曬啲廚師坦白講我唔會再去

天氣咁熱，真係無咩胃口中午同班同事經過，見唔使排隊，就入左去啦餐牌選擇種類都算幾多，身爲牛魔王既我，諗都唔諗就叫左安格斯牛肉河粉，仲送左個串燒豬肉小食。主菜方面： 河粉超薄，好岩我口味，至於湯底方面鹹淡適中。串燒豬肉就正正常常，但係泰式奶茶就有小小失望，唔夠味道。總括嚟講，都係一個中午食飯嘅好選擇。

泰麵膳泰式鳳爪酸辣醒胃，泰式香草清新，很適合炎夏。硬骨已起，爽脆鳳爪皮連軟骨，口感一流。小食價錢，份量足肥牛船麵配料多，有小肉丸、扎肉等等，又有香葉、芫茜等，提升湯底層次，可選辣或走辣，有河粉、全蛋麵、米粉之類選擇，一碗已很滿足泰式豬脾皮與肉分離，皮炆得剛好，不油膩，很好味，肉也很入味。皮肉切成條狀，吃起來很有儀態。廣東梅菜墊底雞肉炒金邊粉可選雞或豬肉。粉炒得不夠分明，夾起就一抽。辣的，但餐牌沒註明馬拉盞通菜馬拉盞咸香味不突出，辣味強，菜很老，失望極了，相也沒拍大樹菠蘿椰汁冰食辣必點，有很多一絲絲的大樹菠蘿，更有椰子肉！點麵食可用半價加配，抵飲青檸冰茶青檸比檸檬，味道更特別，與紅茶絕配。每張檯有糖水，自己甜度自己調

之前新開個陣去食覺得幾好食，但最近去完個湯金邊粉真係好難食！ 個麵發到淋曬！我唔知係因為個煮麵姐姐唔識煮煮得太耐定係來貨既問題！但麻煩一定要改進，唔係真係唔會再有人黎食！

琴日熱辣辣 出到旺角想搵啲星期日有lunch set既餐廳食下比我地搵到呢間泰國野入到去 冷氣一流 首先搏取到好好感餐牌係幾環保 我中意平時泰國野最中意食pad thai既但今次見到有船麵 我地兩個都未食過於是試試佢我揀左豬肉粉絲$58幾好食喎 湯底濃得黎 唔會咸再者 係泰國既味道呀！！佢有啲脆卜卜既野好好食呀 好似油渣麵啲油渣開頭以為得豬肉 原來仲有豬肉丸大量芽菜男友揀安格斯牛肉粉絲$68佢仲有小食送添呀 仲有野飲呢到都係$126咋 幾抵食既泰國lunch set !!

早前黎食過一次，$58 有小食包凍飲其實都唔叫抵/ 唔抵食叫左個船麵轉金邊粉，d 金邊粉上到枱已經索晒水一pat pat. 我問老細可否換其他麵，佢都話可以換返麵，但佢加多左句金邊粉係會咁，我同佢講返我喺九龍城食過一間個金邊粉唔會咁一pat pat 仲好好食我唔會質疑係個廚煮得耐左，我諗係來貨問題轉左麵之後正常好多另外叫左鳳爪小食，個汁同d 洋蔥都好辣，食到我流晒鼻水泰式奶茶ok, 偏甜係得個金邊粉出事，會比多次機會佢

睇睇張餐牌先,一個船麵都唔平嫁，如果粉麵嚟講算貴，都預左無泰國咁正宗咁好味嫁喇，不過食落真心覺得不如食雲吞麵算。。係就係幾大碗既，不過呢，呢個豬肉船麵湯又唔夠濃煲得唔夠耐or唔夠料，豬肉丸又有異味，船麵又淋betbet仲要痴埋一注，同埋正宗泰國船麵邊度有蒜蓉嫁，我唔係船麵expert但我每個月都會去一轉泰國食一次船麵，所以我敢講:可以食返雲吞面跟餐有小食送返，呢個豬頸肉就唔差可以接受既。我朋友就揀左泰式無骨鳳爪，不過不失啦。凍飲品要加錢，青檸梳打同埋珍多冰都係加8蚊，但我杯珍多冰就無乜綠色條條，成杯椰奶加冰結果我食曬d料就無飲過。

之前去開尖沙咀都見過呢間船面，上星期４去開黑布街，今次終於有機會試下。環境幾乾淨企理，入到去侍應仲主動拎個籃俾我放手袋。夜晚８點幾食飯時間都算坐滿人。同朋友食每人叫左安格斯牛船麵，麵底可以揀黃麵╮金邊粉﹑米粉﹑河粉﹑粉絲。呢度用既河粉唔係一般港式河粉，係好似去泰國食果種，薄切闊面，仲非常煙韌。湯底非常濃郁又夠熱。$68一碗都算幾抵食。小食我地叫咗炸蝦餅，就晒份量，每件都好大舊。新鮮炸起熱辣辣，蝦嘅份量應該都幾多，唔似得有似食落係好多麵粉咁。

每個星期六送亞囡上話劇班時都會行過。 今日有時間， 可以和亞囡坐低食個 lunch我們叫了招牌菜： 安格斯牛肉船麵及海南雞飯。 亞囡叫了海南雞飯， 雞有微溫， 酸辣醬惹味。 亞囡驚飯太油， 改了白飯。 她全部 KO 晒。 我喜歡食湯麵， 安格斯牛肉船麵， 牛肉好林， 叫了金邊粉。 個人覺得麵少了些。 牛丸彈牙。 牛肉湯濃 好喜歡， 店家把菜切粒， 容易入口， 唔會好似牛食草咁。 埋單： $126. 價格合理。 下次再來。

好少出嚟呢頭原先諗住試walk-in嗰間火鍋 去到先至發覺有排等喺附近睇下有冇第二啲選擇行經呢間 門口嗰隻藍色好搶眼再加上我又鍾意食船麵嘅 即管試下呢度嗌咗半打串燒一個炸雲吞一個海南雞飯同一個安格斯牛船麵落完單發覺冇理由二百幾蚊咁平再睇真啲就發覺佢真係落漏咗個海南雞飯然後我明明嗌咗 龍眼茶又比咗杯青檸冰畀我服務就真係認真麻麻不過既然係旺角服務一般係意料之內海南雞飯先上飯就麻麻雞就非常嫩滑炸雲吞串燒等都好食嘅安格斯牛船麵就真係認真一般九龍城食過太多 有比較之下發覺佢呢個完全唔正宗不過其實都冇乜expectation而來所以當普普通通又一餐啦

一個人喺旺角行咗半個鐘唔知食乜好，行行吓見到呢間，有泰式船面，有啲興趣所以試吓啦。入面環境幾舒服，搵咗張圓枱坐，可能呢個時間冇乜人，所以好闊落，幾欣賞佢有提供一啲舊籃比客人放手袋唔使咁”呢Hea”。餐牌都幾多嘢揀，有串燒，有船麵，有飯類，同埋都有幾多種類嘅小菜同小食。我自己好鍾意食泰式滷水豬手所以叫咗一份，另外叫咗個蒜香炒小椰菜，青檸梳打，再加多兩串串燒丸（牛同猪）。等左6分鐘，先來梳打，第一啖酸到阿媽都唔認得，再睇真d，原來每張枱都有支糖漿for客人自行加入冷熱飲度，都幾細心👍然後到炒菜，本身好鐘意乜都蒜蓉炒，所以炒菜冇得輸。再來串燒牛+猪肉丸，都幾失望，首先我吾識分邊串係猪，邊串係牛，兩串都冇牛味或猪味。再講，點睇都似烚多過燒。我要狂點酸汁先食到🤦🏻‍♀️所以呢味要扣分。最後係我最期待嘅猪手啦，豬皮咬落去一啲都唔肥，而且好香，滷水味冇過濃，充滿骨膠原，豬皮下面嘅肉略為有少少瘦，不過一啲都唔鞋身，所以整體來講都好好食，亦都會再食。

本來打算去一鍋堂再重溫一下 精彩的火鍋， 但是因為一鍋堂自從我 上一篇食評之後 火紅起來， 排了一個多鐘頭隊仍然有17個位要等只好放棄。走到樓下， 發現一家新開的泰國菜菜館， 被他的招牌吸引下面走進去試試， 叫了一碗豬肉米粉和一碟雙拼串燒。 豬肉丸米粉賣相跟我在 泰國 吃的很相似， 湯頭濃黑， 有很多 配料包括薄荷葉 通菜粒， 芽菜等等。 一切都是不錯的 可惜米粉 不夠滑。 沙爹雙拼 給我的第一感覺 是不錯的 但可惜欠缺肉汁。問了一下是待應關店舖背景資料， 但是他們好像不太清楚， 吃完 肚子還有空位， 再叫了一碗豬肉河粉， 因為我記得在泰國吃的河粉特別可口， 可惜這裏的就較為失望， 跟泰國比這裏的河粉是透明色 而泰國的是淡白色， 泰國的河粉是滑得嚟有煙韌的感覺而這裏 則沒有。埋單計 總共170多元， 在旺角來說算是頗貴。 而且店內沒有洗手間， 晚上要跑到外面又黑又暗的後行 如厠， 感覺不太好。

星期六下午找個地方吃午餐，之前已經經過泰麵膳多次，今次終於試下喇，叫了午市套餐，我選擇了安格斯牛船麵配金邊粉+泰式鳳爪及熱飲，朋友點了豬肉船麵配黃麵+串燒及特飲，如點特飲另加錢。我不知道這是正常份量還是午市份量，我覺得份量不多，安格斯牛係好味，但湯底就一般，不夠濃郁，豬肉好(鞋)唔好食；泰式鳳爪不夠味，不酸、不辣，差！串燒肉質Ok不過火，味道不錯，整體感覺試一次算，雖然不是太差，但再去的機會比較低。

經常來光顧，因為特別超愛吃泰式粉麵，也甚愛這店口味，無論尖沙咀或旺角也是經常去吃。可惜…試過幾次點了燒雞扒，只有7成熟，雖然侍應最後也跟進再煮，但肉質已不同了。所以這次點了燒豬頸肉，可惜也是不全熟的，逐要求店員更換，可惜再次換來的也是不全熟，唯有放棄這豬頸肉，又浪費食物了!懇請店主可否正視這問題(已經發生數次)，吃了不全熟的豬肉及雞肉會影響健康，也會導致衛生問題。這店是本人喜愛的食店，不希望再發生同類事件了。