泰麵膳 (已結業)

次次經過都食左對面間台式餐廳，今次試下泰國以船 麵為主打的餐廳。揀左豬肉船麵同安格斯牛肉船麵, 豬肉睇來好普通，但食落啲豬肉丸好彈牙，豬肉片就普普通通，少少微辣，唔錯! 朋友食咗安格斯牛，好好食，好食過豬肉, 船麵比係我喺泰國食好食好多，但哩度價錢偏貴，又無set無野飲，細碗左啲，唔係好抵!

泰麵膳，中午經過見到餐廳環境寬敞，膽粗粗入去試下，竟然有驚喜，午餐价钱平， 還附送小食，服務員不但有禮貌，食物還很好食。我哋叫咗安格斯牛肉船麵+豬頸肉飯+雞肉串燒+泰式酸辣鳳爪首先評價: 安格斯牛肉船麵湯底非常濃郁，牛肉非常好食，好有牛味，牛肋條好諗，牛丸彈牙，金边粉够滑。豬頸肉飯，肉燒得夠香，唔干身，附加有魚露的醬汁，飯是熱的，有飯味，勁加分，正。雞肉串燒，雞肉燒得夠香，有肉汁。泰式酸辣鳳爪，友人食，都勁推薦。我們極推介呢間餐廳😋

來泰麵膳，我發覺呢家鍾意食呢到既抄河粉比呢到既船麵更多，抄河粉唔會太趕都唔會太濕，而河粉本身夠煙un，非常好食，可惜的係呢家lunch無左set，要散叫。船麵其實都好食，只係我覺得抄河粉更妙

偶而經過呢間泰國餐廳，一試就愛上啦～～佢個船麵真係好好味，d湯底好濃郁，聽侍應話係冇味精架，咁健康？真係岩哂中意飲湯既我啦～～（不過我掛住食，食到一半先記得影相，原諒我😅😅）更值得推介既係燒春雞，呢個堅正～～俾十個讚，佢係成隻雞燒出黎俾你，外面d皮好脆，但入面個d雞好juicy，連平時唔食雞皮既我都食哂佢，因為真係好正，成個雞好有雞味，好有驚喜，近年來食過第二好味既雞😋😋😋（第一好味係韓國既橋村炸雞🤤🤤)呢餐廳d野既價錢都好平民，但質素又幾好，值得推介，大家經開旺角可以try try 啦～～😆😆

陪老婆去食晚飯，機緣巧合下行到「泰麵膳」的門口，於門外受到職員熱情的招待，最後抱著一試的心情進店享用晚餐。當晚，叫左 家鄉鴨脾麵（轉左河粉）、紅咖哩雞脾+白飯 、無骨鳳爪1）鴨脾麵（河粉）鴨脾入味，肉質炆得夠「林」，配料付上豬紅、香蔥等配料。湯味較濃，岩曬我口味。河粉口感似川北涼粉，比較特別2）紅咖哩雞脾+白飯撈飯一流，仲想加底，味道較辣3）無骨鳳爪由於我後加我小食，較早前果2個餸味道濃，後食已經不太食得出咩味😂😂😂下次都係由淺到濃咁食

今日同大家分享嘅依間餐廳就係主打近排非常之流行嘅泰式船麵，而依間餐廳位於旺角，地點十分之方便。當日因為係晚市時間所以都要等位，不過我地只係兩個人所以等咗大概5分鐘到就有枱了。見到其實食物款式都幾多，不過因為當日唔係太肚餓所以淨係叫咗兩碗面同埋一杯餐飲。我哋叫嘅係兩款餐廳好hit嘅船麵，分別係安格斯牛同埋鴨髀麵，再加一杯泰式奶茶。碗麵的賣相同埋香味都非常之吸引，湯的味道可算是調得啱啱好。不足的地方是整碗面的份量也算小，男生們應該會吃不飽，還有重點是牛肉是完全沒有味道的，整體來說是是好吃的不過性價比極低。另外點的是鴨髀麵，也是其中一本招牌菜式。肉質尚算鮮嫩，但只能說不過不失，在旺角用這個價錢應該能找到更好吃的食物。泰式凍奶茶都挺好喝的，好處是甜度可以自己調較，因為普遍泰式奶茶都是非常甜的。

在旺角行街，天氣很炎熱，未試過傳說中的船麵便選了這間餐廳 。湯粉選擇很多，但我就深深被這個龍蝦招牌麵吸引住，好像spicy ，有點擔心但又好期待因為第一次吃好火辣的湯底好像有南乳味，但真係幾酸辣鴨肶金邊粉湯底好濃，我比較喜歡生蝦刺身一般串燒丸叫番杯青檸soda個人喜歡不辣湯底下次懂得選擇不辣整體ok

已經有半年無返過鄉下泰國，今日就過嚟呢度回味一下呢度似乎船麵係招牌，所以點左個安格斯牛肉船麵。由於好耐冇食蛋麵， 所以放棄左金邊粉，但當我飲第一啖湯，我就後悔冇叫到金邊粉🤦🏼‍♀️個湯真係好濃好好味，食金邊粉應該可以掛汁當然蛋面都唔錯，非常彈牙配料亦都相當足料，3塊安格斯牛肉、一舊非常好食嘅牛肋條，仲有三粒豬肉丸，同一對通菜牛肉好有牛味，好新鮮牛肋條好林，好入味👍🏻午餐跟餐仲有一杯飲品泰式奶茶都係加＄5但由於缺乏維他命C最終點了青檸水，亦都非常不錯以呢個質素， ＄68都抵比唯一唔好處係啲櫈仔模仿泰國當地食船麵嘅小店，好細張，好硬坐得唔多舒服囉但係絕對值得 encore

這個餐廳的船麵及其他泰國粉麵類選擇算是比較多，以甘既價錢黎講，食材配料、味道及最重要的湯底我都覺得算係唔錯了，畢竟收這個價錢也不要要求太苛刻，主食類我們三個人分別點了安格斯牛肉船麵、豬肉船麵及咖喱雞飯，兩款船麵交足功課，湯底唔錯，特別是牛肉船麵配料十足，咖喱雞飯意外地味道算是香濃，洛神花茶味道岩岩好沒有太過甜，另外值得一提除了船麵之外他們的燒雞也是不錯的，另外再點了一份他們的泰式生蝦，這個就明顯比較失色了，下次還會再來。

朋友食過話幾好，走左來試下。價錢今時今日來講都叫做ok(去一去泰國餐廳閒閒地2，300 落樓）。一睇菜牌，幾有新鮮感！ 叫左安格斯船面（比左粉比我）朋友就叫左碗。。。唔記得左，請睇相。面份量就真係足！唯一要彈既係的粉痴埋一齊，加上湯好濃，有食糊仔既感覺！下次試埋面就知道。希望可以改善一下。整體感覺坐得幾舒服。不過，唔好當佢係傾計既地方，食完就真係好走，租咁貴，人地要番幾轉檯先可以繼續做。大家識做，咁就可以繼續享受幾特色既泰國🇹🇭菜啦⋯⋯

又在旺角行到很夜，想揾一間醫肚。經過呢間，見幾特別，裝修都好時尚，入去試一試。望見過餐牌，有湯麵，有小炒等，呢間叫麵膳,當然要試吓佢哋嘅麵啦。叫了泰式鴨胸鴨紅黃麵:整個湯底是滷水的，好濃郁的滷水味，非常特別，我未食個滷水湯底的湯麵。鴨胸質厚，鴨血好入味，和豬血差不多。黃麵質地好，有彈口。另外叫了一個安格斯牛豬肉丸金邊粉：呢個價錢稍貴，但原來大小也是和普通價錢一樣，可能安格斯牛較貴。牛的確好軟身，好淋，好味， 肉丸好爽口，粉好滑身。湯底味道也好濃烈，也好特別。另叫多一杯凍龍眼冰：清甜好飲，都有幾粒龍眼肉。總括來說，是比較特別的泰式麵店。

旺角新開泰國餐廳，主打係船麵，聽過朋友話幾好食就黎試一試。安格斯牛肉船麵豬肉丸船麵湯底好大陣香葉味，枱上都有4款調味料，鐘意辣嘅朋友可以講下辣醬。不過要小心份量，個人覺得幾辣下。船麵份量較小，相信一般男仔食完都唔會飽。冬蔭公金邊粉唔好睇佢好似好清咁，撈均勻之後超辣。落單時候，侍應冇問我辣度，冇諗過咁辣，應該有3,4大匙嘅辣醬落咗。平時只可以食到bb辣嘅我唯有向老闆求救，俾碗清湯我。老闆好熱情好好笑容，再主動過黎問仲係咪好辣又主動幫我換湯總括黎講，味道幾好，配料都多，但食量大嘅人會唔夠飽。

在尖沙咀嚐過同一店, 好耐無食, 跟女朋友仔吵著說老遠都要過黎再食。好了, 來到旺角店有點開心因為這比老尖店好坐闊落少少。叫左一定嗌既安格斯牛船麵, 另外冬陰功河, 同拼盤。安格斯牛船麵當然係好食, 湯底濃得不能再濃, 牛味濃郁, 不過今次食唔知點解覺得有d鹹左。冬陰功湯河同樣湯底一流, 而且個河粉質地好彈, 不過怕辣既讀者可能要叫少辣, 因為都唔mild。拼盤同樣唔錯, 豬頸肉, 串燒都係我至愛。好了, 讀者都看到又好味, 又濃, 又煎炸燒既美食, 係時候叫野飲。看一看飲品menu, 椰青$45, 罐裝可樂$15。噢, 我諗老闆想顧客多d叫佢地其他特飲, 但這麼定價 我不受落。這裡皇牌船麵都是賣68, 椰青憑什麼賣45雖然佢幫食客去椰皇個皮留反個椰肉水波波幾得意, 但定價諗法同做法完全唔可取! 罐裝可樂更過份, 三倍零售價。憑野食濃味同辣, 如果飲品平一半, 我諗薄利多銷, 老細都有著數, 一人起碼會嗌多一次飲品掛。咁做唔係唔得, 但 我覺得無係食客角度諗囉~完

今晚放了學有點肚餓，就約同學試新野依間泰麵膳裝修都幾簡單，地方大坐位不擠迫舒適。十點左右都不用等，直接入內坐下餐牌好清晰三張～我點了魚片魚蛋米粉同家鄉滷鴨脾麵加兩個青檸梳打。好～食物送上的係魚片魚蛋米粉米粉夠幼放落湯底索得特別入味，魚片同魚蛋都好新鮮彈牙，點一些如辣椒醬油會更好味，如果覺得湯底未夠可係用枱面的醬油調味。下一個送和黎的係～家鄉滷鴨脾麵依個會附送一手套給你作為一會要用手食鴨脾用的同學仔話金邊粉夠入味湯底正，鴨脾都不錯。青檸梳打依個梳打幾時都咁好飲加青檸～會再來。依間同上次個間比較的話～我都會黎試依到

呢間泰麵膳雖然係我工作地方樓下，但就成日無來食過，今日lunch就來試下，叫左個船麵同埋炒河，牛肉船麵啲牛肉好好食，湯底夠濃，不過就唔係好夠辣，自己覺得炒河粉好食啲，河粉夠un身，味道唔錯，可以再來食過