泰麵膳 (已結業)

尋日全日去覓食，先黎到呢度試下香港版船麵，一碗都$48-68、+$5-8加飲品、+$12選小食。由於全日食又未知伏唔伏，我地叫咗一個餐，有牛肉、牛根、牛丸船麵+$8轉青檸梳打及+$13串燒豬。青檸梳打都正正常常，鋼杯都幾泰國味道，入面有青檸，自己加糖水自行調味。一黎碗麵緊係啜啖湯先，嘩！咸到喊，以為撈返啲麵食會好啲，撈埋食多幾啖愈食愈咸，忍唔住叫佢地加返啲湯。係牛肉有脂肪+香牛味，其他都一般，應該唔會再encore。

夜晚10點9去到，坐唔夠3分鐘已經俾職員叫要落order.心入面已經炆，不過都算。叫左4樣野，pad Thai,冬陰湯河，鳳爪同蝦餅，冇1樣好食1。 pad Thai 冇料，黎到已經顏色同出別泰國餐廳唔同，好似士油炒甘。成碟得粉同芽菜，仲有3隻食落口要叫吐既雪藏蝦2。冬陰湯河仲正，好似辣椒醬加湯河粉，仲有1塊肥豬肉，1隻蛋同埋1片炸魚片，河粉仲要好難食。。我想講人生食第1次食甘既冬陰功河，食2野就放棄3。2個小食正常成餐飯真係冇心機食，我地岩岩食野就係隔離搵消毒水拖地，仲要waiter 冇禮貌。貼錢買難受。

1. 曼谷海鮮湯麵 ($128)🦐一碗麵竟然有隻大大嘅半邊龍蝦係度，食到大舊鮮甜龍蝦肉，仲有紅紅蝦子😍😍😍，湯底仲加入左南乳熬製，有蝦味又有南乳嘅湯麵好特別，不過價錢就貴左D啦😅彤樂評分：8/102. 安格斯牛肉船麵 ($68)🍜相比曼谷海鮮湯麵，我更愛依碗安格斯牛肉船麵，湯底有濃濃牛肉味，麵線完全充滿牛肉汁味，仲有半生熟牛肉，鍾意可以就咁食，想熟D又可以浸耐D湯底👍🏻，另外仲有牛腩同牛丸，牛丸真係要食，有牛味又彈牙😁彤樂評分：9/103. 芭提雅原隻燒雞 ($138)🍗一上枱已經聞到好香😱重點係雞肉真係堅嫩滑，而且仲好多肉汁🤤🤤🤤彤樂評分：9.5/104. 古法炒龍蝦 ($168)🦐龍蝦同樣肉多蝦膏多，如果你係海鮮愛好者就一定要試試，炒左嘅龍蝦食落更惹味🤤彤樂評分：8.5/10

餸無味，個河粉一舊野咁，似一pat 溶左的膠紙，真心食唔落。蝦同墨魚都無味，炸雲吞林同無味，河粉食左一啖，唔敢再食！粉血湯底南乳味，都預左未必好食，成個lunch只食了豬紅魚蛋魚片，一陣要去另一間餐餐食過，我好想寫夠200字去俾個crycry佢，so i have to keep writing. The noodles are really awful. the seafood has no taste at all. the noodles are overlooked? They become glue like!

今日隨意行過試下，因為見個menu嘅泰粉好似幾正宗。有驚喜咼，我估吾到甘好味，因為見鋪頭啲員工老細又吾似泰國人我地叫左一碗冬陰公湯麵，一碗牛肉船麵，泰式奉爪，同埋燒牛肉丸！兩碗湯麵嘅湯底都好好味，吾係出面食開間間都係果隻味，濃郁而配料好有泰國風味佢用果隻泰式鐵梗令泰國風味更重！奉爪都好爽，雖然都係一貫泰式果隻酸辣味，但好食咼整得，牛肉丸就都ok，但無特別!好耐未食過甘有風味又好食嘅泰粉！我會再番去，而且佢嘅價錢都好合理

今晚發現，原來要食好的泰國菜，唔一定要去九龍城!一連四天的假期，第一個晚上，走上人多擠迫的旺角尋找美食。一出地鐵站，步行數分鐘，就見到這間不什起眼的食店，店鋪的裝潢雖然一段，但其食材的質素真令人有驚喜。我和朋友點了一碗安格斯牛肉船麵和曼谷海鮮湯麵。先講個牛肉船麵，牛肉新鮮爽滑，配上濃湯，味道恰到好處，不油不膩，而個海鮮湯麵，有原隻大蝦，蝦肉彈牙新鮮，一流。另外，我們更點了泰式生蝦，雞串燒和泰式酸辣無骨鳳爪。我最欣賞個無骨鳳爪，酸酸辣辣，非常提神醒胃，而雞串燒和生蝦就較為遜色。但整體感覺都滿意，可以再回味。

突然好想食泰國野，就同Honey提議不如試吓呢一間，等位其間企咗喺門口睇個餐牌，一眼就見到個安格斯牛肉船麵，入到去諗都唔諗其他就叫咗個牛肉金邊粉，而Honey就一樣都話個牛肉好似好正咁，佢就叫咗河粉食麵永遠都係第一件事就飲湯先啦！飲第一啖就覺得呢個湯係用心做，唔係Hea煮，好香濃，金邊粉就索咗個湯，好好味，牛肉就好滑，牛腩夠淋；Honey叫河粉，竟然係正宗泰式河，即係好大塊好粗個隻河粉，香港好多泰國人開嘅泰菜舖頭用嘅河粉都唔會用呢隻，見到呢隻河粉真係後悔點解自己唔叫河粉...生蝦就無咩特別，不過無諗過車厘茄都會用心去𠝹幾吓花蝦餅明顯係即炸，夠香脆！成餐飯唯一要挑剔就係杯青檸梳打，得兩小片青檸，平時出面飲開最少都有半個，有D甚至係成粒上呢！我同Honey總結係：呢間絕對可以一吃再吃（Honey仲諗定下次黎食咩呢！）

起旺角街頭終於有一間係食泰式麵食好期待既原因無非係自己終於可以食返D特色野，不再是譚X、X哥，雲吞麵個D始終搞個淨係麵食既就唔夠既，所以餐廳同樣有傳統泰國餐廳會有既野起入面見到廚師新鮮地即叫即燒見著D雞肉汁一滴一滴咁流，下次一定要點返安格斯牛肉船麵  $68用左最傳統的泰式湯碗承載泰式湯麵由色水來看，就知佢地既湯底有幾咁香濃佢地仲標榜無添加、完完全全地骨頭烹調很久而成每一啖都非常香濃，味道更是獨特的清甜我就叫左河粉，圖片所見，佢地既河粉是有別於我地常見的佢地既粉麵類全都是取貨於泰國，材料同製作過程都是全泰國方式果然他們的堅持吸引左一班食客，我地都好不容易才找到個位子坐我朋友既家鄉滷鴨脾麵($63)，成大隻鴨脾可以戴著手套慢慢撕，滷水味也十分甜另外，仲叫左個拼盤，樣樣都有D，醬汁不錯當中有炸蝦餅、燒豬頸肉、泰式雞，平平地$88就有齊咁多款最後一場來到食泰國野就當然有返杯泰式奶茶色水鮮艷，味道香濃，簡直一流而我朋友就叫左個平時好少見到既飲品、小黑子荔枝味....

食泰式粉麵，識食一定係食船麵！安格斯牛肉船麵濃香的牛肉湯底，呈褐色，目測已知到很濃郁，知道牛肉的精華已在湯底當中，果然真實也是有濃厚牛肉味！麵底有米粉、金邊粉、黃麵、河粉，我就算了金邊粉，粉質彈牙，分量足夠我一個小女子。牛肉片約有幾片，肉色呈粉紅色，怕太生的朋友就可以利用湯的熱力把牛肉弄熟一些，但我這個牛魔王，當然就不怕啦！牛肉鮮嫩，大量牛汁被鎖在肉內，極品！仲有牛丸呀！有三粒，質感很彈牙！龍眼冰雖然份量唔係太大，但調得的味道不會太甜，很清潤！

我和星仔都是嗜辣之徒，久不久都會兩個人去食辣，因為不用遷就其他不吃辣的朋友，所以更加可以肆無忌憚的吃辣，講到吃辣，當然首選泰國菜。＊＊＊＊＊＊＊＊＊＊＊＊泰麵膳是一間由泰藉師傅主理的泰式麵店，除了主打的船麵，當然亦有其他泰式小食如生蝦、串燒和炸蝦餅等。凍龍眼水($22)食辣野點可以冇返杯凍飲，這個龍眼冰入面有成七八粒龍眼，超足料，甜度亦適中，用來解辣最啱。新鮮泰式生蝦($68)生蝦一客有六隻，食落都爽口，不過略嫌不夠彈，但蘸上泰式生蝦醬而吃仍然令人欲罷不能。孖寶串燒($38)孖寶串燒有豬和雞，$38有半打非常抵食。豬和雞肉質都不會過乾，很容易就可以把肉從竹簽上退出來，沙嗲汁夠香。安格斯牛肉船麵($68)泰國的船麵最初時在小船上賣的，每一碗都是細細碗，一個人動軏可以吃十多廿碗，這個船麵是個變湊，份量跟香港正常粉麵差不多，但味道卻跟足泰國傳統做法。牛肉船麵的湯底呈深啡色，賣相可算豪不討好，但味道卻非常濃郁亦帶點黏稠。牛肉肉質夠滑，另外還有兩粒很彈牙的魚蛋。店內的船麵都可從黃麵、金邊粉、米粉和河粉四選一，我選了金邊粉，麵質軟身吸滿湯底濃濃的味道，可說是全碗麵的精華。曼谷海鮮湯麵($128)海

去泰國旅行, 其中一樣最難忘的的美食, 就是船麵, 回來後, 發現香港多了不少吃船麵的餐廳, 對我們愛吃之人來說, 當然是喜訊啦! 今日就來到在旺角的一間泰麵店, 位置十分方便, 說起來其他有泰船麵吃的餐廳, 通常在較偏遠的地方。新鮮椰青bb$45: 造型好特別, 原來是剝了皮的小椰青, 椰青汁非常清甜冰涼, 份量都不少, 比平時的椰皇多, 到最尾更可以把椰肉一拼吃掉, 不過椰肉不算很軟。泰式生蝦$68: 在泰國吃的生蝦, 也是十分令人懷念的, 質素和香港吃到的有差, 這裡的生蝦, 絕對是我在香港吃到最好吃的之一, 肉厚身, 新鮮, 爽口, 乾乾淨淨的, 附上的醬汁不算太辣, 蒜片也好像特別好吃, 不會太攻鼻。安格斯牛肉船麵$68: 主角當然是船麵, 落單時忘了選河粉, 就default給了金邊粉, 可能是它的主打吧, 來到無論粉和湯都熱辣辣, 粉量十分多, 女生來說可能太多, 因為餸菜亦十分豐富, 有安格斯牛肉, 牛肋條和牛丸, 牛肉半熟不會過老, 牛肋條鬆軟, 牛丸彈牙, 全都好高質, 湯頭非常濃郁, 該是正宗做法有落豬血的, 作為一個粉的湯底十分完美, 但要喝光就不能了。飛天通菜

同男友喺旺角搵食，搵搵下搵到呢家裝潢幾有異國風情嘅泰菜館，湖水藍嘅店面都幾吸睛醒目。必點呢份泰式拼盤啦，有4款小食，包括串燒(有豬又有雞)、蝦餅、豬頸肉、同雞鎚，全部都熱辣辣同有點辣勁，較喜歡嘅係佢唔止俾咗碟沙爹醬，仲有多2小碟醬汁，有類似甜酸醬同香料魚露，可以食到多幾款味道嘅都挺新鮮嘅配搭。仲叫咗份招牌鴨脾麵，湯底似新加坡嘅肉骨茶嘅味道，即係有點藥材味，好補咁嘅濃湯。好大隻鴨脾，肉質唔會好鞋，啖啖肉好滋味！仲有幾塊鴨胸同鴨(豬)紅，唔夠飽嘅話索性加個黃麵，多爽口，點麵嘅話叫黃麵啦！叫多碗冬蔭湯麵，自問食得好辣好辣超辣嘅朋友就不妨挑戰吓，唔好睇佢個湯唔紅就睇小佢，其實每啖都有辣椒籽！如果撈混湯底肯定辣到出煙。食咗幾啖要投降，只好食啲餸(豬肉、豬肉丸、流心蛋)嚟填肚，飽飽！

下晝太晏先食嘢，所以到咗七點幾都依然很飽。二人都想食簡單一點，不知不覺便走到了泰麵膳。印象中之前見到IG有推介過lee間食船麵，二人台又唔洗等位，於是便入內一試。餐廳不算特別大，但裝潢簡單舒服，值得一提的是，座位不算寬闊，但座位下均貼心地提供了一個膠籃讓客人擺放隨身物品。👍🏼👍🏼食物的可選擇也正常，還標榜絕無味精～ 咁就眞係要試過先知啦～ 諗咗一輪之後，因為對今日下午的用餐體驗還心有餘悸（同為首次光顧的由網絡平台大力推介的餐廳），所以還是審慎地點了兩個粉面，其他的還是容後再說吧～首先端上的是家鄉滷鴨脾麵（黃麵）。本來也屬貼心安排——提供一次性手套及濕紙巾，但男侍應隨手一擺喺檯面......眞係糟蹋曬～ 🤦🏿‍♀️🤦🏿‍♀️ 當然我們最後只用了濕紙巾。賣相與餐牌的相符。首先試啖湯，湯頭濃郁，帶比較濃重的香料味，滷水嘛～意料之中。如果只喝湯的話，肯定是略鹹的；但如果下麵的話，就剛好啦～ 吸收了湯的黃麵，也是棒棒的，軟硬度個人覺得適中。至於鴨脾，燉的也算入味軟滑，不過不失。整體還是不錯的～看到不少人都對這款粉紅湯麵給予認可，我也選擇了這款～ 同時也適合今晚胃口不佳的我一試啖湯，酸辣可口，我就知道

買咗飛睇戲 見到重有時間 搵間舗頭食下嘢 免得一陣太晏食 食完冇耐就跟住瞓 走過見到間泰國船麵 叫咗個安格斯牛肉船麵 見喉嚨”確確地”再叫咗杯熱洛神花茶率先上場係杯熱嘅洛神花茶 甜甜地 入囗好舒服 呢個乍暖還寒嘅時候就最好lap 個安格斯牛肉船麵勁正 未送到位已經聞到陣陣香味 趁著熱試下個湯底 夠味夠濃郁 咸度啱啱好 味道不俗 泰國嘅香菜金不換份量又夠我鍾意將佢放係湯底就更加可以令味道提升一下更加好味呢啲係果次去曼谷的當地人教我嘅我㨂咗黃麵（即蛋麵）咬落去口感幾好略嫌硬咗啲啲不過影響唔大純屬個人喜好返到重點牛肉有兩款一款係薄片另一係腩件個牛肉片冇得輸夠冧夠滑但係件腩就稍嫌太大舊係入味同冧嘅但食起上嚟就扣咗分啦如果切開兩三舊上會方便啲食

船麵一向是我的最愛，這次特登來到位於旺角豉油街嘅呢間以泰式船麵為主的餐廳試下佢哋標榜絕無味精嘅船麵。聽店員話安格斯牛肉船麵是餐廳主打船麵，所以就決定一試。湯底色澤與泰國船麵一模一樣，藥膳香味也頗為濃香，店員指其湯底是選用豬骨加上多種香料及花椒熬製長達數小時而成，因此特別香濃美味，還帶點辣香。試一口濃湯，果然夠嗮濃郁，甜、辣、鮮、甘融合，特別令人回甘。順帶一提，若想增加不同味覺體驗，每張枱上都備有特製turbo醬（即特調辣椒油）、椒醋、魚露及醋四種調味任你自行配搭添加，是晚試了特製turbo醬，辣勁果然夠嗮turbo，香辣味亦相當突出，鐘意食辣嘅朋友，最適合不過。配料方面有羅勒葉、蔥、安格斯牛肉片、牛腩、豬肉丸等，牛肉片細緻嫩滑，牛腩多汁，肉丸彈牙，整體配搭十分之匹配討好。由於好奇心作祟，所以與好客店員傾了一陣，得知原來店方所選用的麵底均來自泰國，就連肉丸也同樣由泰國進口，據稱要達到與泰國口味相若，實為用心良苦，而同時間為自己身處香港，也能盡享地道美食而慶幸。是晚只得一個人，並沒有機會試其他美食，特別是選用無激素春雞製作的芭堤雅原隻燒雞，特別令人蠢蠢欲動，下次一定會重來。