泰海鮮 (已結業)

🈶️個老朋友是在青山灣做海鮮的！佢話要請我食飯！我話不如去泰海鮮！因為佢個芝士焗龍蝦好正！不過，要平日去，因為果D伙記話，工序好煩覆，如果唔係，要等好耐！果然，好香好趣！龍蝦殼被油炸到D味入哂肉！芝士好🈶️層次！加上今日是本灣青背龍，出名鮮甜！仲🈶️奄仔，用鹽焗！嘩！好香！食落果種咸香實在是勁好食！我個朋友話今年奄仔當做，好好食！佢仲話：食奄仔要食細隻！細隻多是海嘢同比較甜！不過唔記得影相！仲煎左幾條本灣魚仔！好香好🈶️魚味，冇泥味！個避風塘尿蝦🈶️點辣！下次要小辣！不過！辣得來好避風。。。即hot!清蒸蜆，好鮮甜冇沙夠肉！正！

一行十人一星期前預約7月21日晚上7點半用餐，7月21日下午又打去再次confirm booking,確定無問題， 山長水遠準時7:30來到，一半人等位，一半人買海鮮。同門口阿姐講BOOK左台十位，阿姐已經好不耐煩話等等，同佢講左幾次邊個訂台幾點，佢先話你等等先，而家無位，我地話BOOK左台都無位? 阿姐態度囂張咁話：7點半呢D時間你BOOK 台預左等嫁啦!  如果預左等，我BOOK 黎做咩?都體諒店家店大客多，咁我地等啦，問左幾次等幾耐，不瞅不睬，扮聽唔到，到8點，買海鮮的人返左黎，都仲未有位，又問多次啦，阿姐一副我地欠佢幾百萬既嘴臉話：都話等等落! 究竟等到何年何月呢?唔係唔等，第一，如果BOOK 左台要等，FINE ，打去BOOK時要同客講，等我地早點落黎等/有心理準備換第二間第二、BOOK 左台仲要等仲理所當然態度囂張惡劣，十分不要得，作為服務業人員，呢D態度，似係客服務你多過你服務客，唔係我地俾錢佢，似係佢俾錢我地多點第三、即使要等，你都可以態度好少少 講句唔好意思，或者俾個確實時間你大概等幾耐，唔係係三十幾度的氣溫下，又多蚊蟲又熱，叫客企係門口等到牛年馬月 我地俾錢黎食飯，

今晚早收工，同事話想食海鮮，但蒸鍋無咩驚喜，咁我就吹雞，頭文字 V, 走轉入屯門青山灣三聖村搵野食，入到大牌坊，已經見到好多海鮮檔，好多人買料加工， 但我向來心急，無心機慢慢揀，隔離有幾間靚豪裝海鮮酒家，價錢都應該幾豪$$$$$$....但我係食味道，唔係食裝修，裝修留比白蟻食， 我地再行入啲，就見到間泰海鮮，個名又幾特別， 唔通係食泰式海鮮？又幾過癮喎，再睇睇，裝修唔算豪，但勝在地方寬敞企理，我地就決定入去試試。看見餐牌，真係有泰式小食！仲有好多泰式丶特式煮法， 我地就揀左忌廉白酒煮大花甲配烏冬底 丶青山灣芝士焗龍蝦 丶豉椒炒聖子皇配米粉底 丶 油鹽焗奄仔蟹 丶 鮮料海鮮湯 丶 辣酒煮花螺等，仲叫左兩個小菜，蝦膏蝦乾蒸腩肉同招牌炸子鷄，食落有驚喜！ 配搭夠獨特，價錢可以用平靚正來形容，最緊要係佢獨特嘅烹調方法，有別於一般海鮮酒家， 老板真夠 heart! 今晚大家食得好開心， 個個lam lam 脷， 絕對可以再 Encore!

平日喜愛食海鮮，去過西貢碼頭、鯉魚門、布袋澳、流浮山、大澳、南丫島、長洲，三門仔等地方食海鮮，惟獨未試過三聖邨，所以今晚專程由港島區到此作新嘗試。食後感，兩個字，"中伏"豉椒炒大聖子- 唔惹味，只有咸味油鹽水浸大花甲 - 清淡，沒有鮮味，麻麻辣酒煮大花螺 - 得過咸字，唔惹味，幸好花螺本身夠鮮甜，彌補番，但這樣差廚藝，覺得浪費了海鮮食材鹽焗奄仔蟹 - 煮得比較好一味海鮮，算可以啦！另外叫了生炒骨同泰式炒通菜，但真超難食，基本上同food court 預早煮好一盤盤餸沒分別生炒骨炸粉淋哂，通菜沒有味道，水汪汪。香港食海鮮，大把好選擇，以後都唔會再來

岩岩在發記買完海鮮，發記介紹去泰海鮮，話價錢ok,整得好食。事實幾好食。加工費偏貴，可惜態度⋯差！ 我埋單同個阿姐講我地無酸菜喎！阿姐話出街食飯實收酸菜錢架啦！ 我火都來埋！ 成張單六佰幾銀我呃你個少少錢？ 我張枱無來既野我點解要俾錢呢請問？講下道理啦！我有食我多多都俾！無食，無黎我點解要俾？重要俾說話我地成家人聽！下次唔會再去受氣囉！ 18565675597

小妹好中意食海鮮，因為家住新界，首選當然透三聖啦！成日心郁郁想黎食！ 一如既往，響海鮮檔買好材料黎加工，今次選擇左試下呢間泰式，睇下有咩唔同買左左蟶子，扇背，瀨尿蝦，魚，花甲同蟹。同其他餐廳一樣，變左椒鹽瀨尿蝦，豉椒蟶子，蒜蓉粉絲蒸扇背，清蒸海斑。樣樣都整得唔錯，唔會過咸，粉絲彈牙，魚亦無過老好滑，瀨尿蝦亦好惹味！個個都lam lam脷！而同出面煮法唔同嘅，就係咖哩蟹同蕃茄薯仔花甲湯！兩樣都煮得出色！湯十分鮮甜，而且蕃茄令人胃口大增，亦幫助清洗油膩感！而咖哩十分香濃，不太甜或辣，加左小小蛋煮，好惹味！另order 一份蒜蓉包，超match!包即叫即烘而且脆身，將咖哩汁淋上面，份外享受！ 以後，黎三聖又多一個好選擇！唔只得中式，仲可以有泰式！

今日我地就轉戰三聖，因為去食海鮮大餐，同豬仔舅父慶生日呀~印象中我都好似係第二次嚟三聖灣食海鮮，對上一次都只係NNN年前入一間大大地又靚靚地嘅酒樓食，當然嗰次印象都真係麻麻。冇嚟咁耐，原來依家都已經唔同晒，感覺有啲似西貢海鮮街~豬仔舅父帶路我地搵左間小店搵左位之後，我地就去海鮮街買海鮮。睇住啲海鮮係面前，又可以自己揀，感覺啲海鮮都特別生猛呀~揀好晒就去磅重俾錢~我地嘅一大袋戰利品就帶去小店幫我地煮啦~今次我地就係去依間食啦~由於有小狗同行，所以我地坐出面嘅位置，依個天氣涼涼地坐外面都唔錯呀~我地豐富嘅晚餐出動啦，首先就係豉椒炒聖子~清蒸鮑魚仔~蒜蓉粉絲蒸扇貝~椒鹽瀨尿蝦~鹽焗蟹~五樣海鮮除左個聖子比較失色之外，其他都唔錯，尤其個瀨尿蝦，好重味之餘又好厚膏，真係好回味呀！除左海鮮之外，我地都有叫啲小菜，冇法啦...小小豬唔食得海鮮，都要叫啲其他照顧下佢嘛！先嚟泰式鳳爪~蝦醬炒飯~ 蕃茄炒油麥菜，依個配搭都係第一次食，估唔到又幾好食，等我都偷師學煮先~秘制豬扒，依個餸可以話係全晚最多讚嘅一個，因為個醬汁好好味之餘，豬扒又好淋身，大家都叫我學煮依個餸添呀~開開心心又過左一晚，原來三聖灣食海鮮

今次，朋友遠道來港，一盡地主之誼，特意帶他們到屯門三聖食海鮮。當然，要先到三聖海鮮街選購海鮮，再到這間店給烹調，這樣價錢比起直接到店內進食來得便宜。豉椒炒蜆豉椒炒蜆非常很惹味，蜆肉沒有沙石，而大部分蜆肉也是留在殼裡，醬汁惹味，必配白飯一碗來吃。蒜蓉粉絲蒸扇貝通常扇貝一定配搭粉絲來蒸。這間店舖一樣烹調出色，粉絲完全吸收了扇貝的鮮味。另外，扇貝蒸得剛剛好，不會顯得太熟，配上蒜蓉和蔥花來吃，鮮甜無比。椒鹽瀨尿蝦還未端到桌上，離遠已聞到氣味。的確每隻瀨尿蝦也都沾滿椒鹽及蒜粒，香口惹味，基本上連蝦殼也可以吃掉，滋味無窮。吃前，必定替瀨尿蝦做一下按摩，這樣蝦殼會較容易剝出黎。啖啖蝦肉，爽口鮮甜，每次吃海鮮必吃。

去到屯門, 當然要去三聖食海鮮啦.成班人去到泰海鮮, 有朋友去海鮮枱買海鮮, 我就坐住等朋友買完, 再交畀食店, 大約3個字就有得食, 好快!!白灼蝦, 大大件, 肉質結實, 鮮甜!豉椒炒聖子, 聖子無沙, 入味, 汁餸飯一流!瀨尿蝦, 好大隻, 差不多一呎長, 肉質同蝦一樣咁結實, 第一次食咁大隻瀨尿蝦, 原來咁好食!! 又唔係太油!扇貝好大隻,  但未夠入味, 

台灣朋友來港，聽過人講泰海鮮加工好得，去海鮮街買佐一袋海鮮，條班兩食，炆骨香口，炒球爽口，豉椒炒聖子伊面底，伊面係精粹啲汁流哂係裏面，芝士乾焗龍蝦仔，肉裏面非常有芝士嘅香味，呠酒焗本地蠔，好香口，蒜蓉蒸扇貝，蒸得剛好，好入味，每一個餸都做得非常出色，7個人埋單都係千幾蚊，超值！

一班朋友去食海鮮餐，入到屯門朋友話想食海鮮。咁大家就決定去泰海鮮食下野啦~海鮮檔海鮮非常新鮮，可以自由選擇。我地最後叫咗陳皮蒸鮑魚、辣酒煮花螺、清蒸海斑同上湯伊麵焗龍蝦。陳皮蒸鮑魚，大大隻厚肉鮑魚加上少許陳皮真係第一次食，鮑魚肉質煙韌，又有鮮味。辣酒煮花螺，喜歡食辣既我真係覺得超好食，個汁辣得黎又夠惹味，花螺又夠肥美。清蒸海斑，蒸魚要蒸得好食，除咗魚要夠新鮮外，蒸魚既時間都好重要。今次條魚蒸得啱啱好，肉質嫩滑又有鮮味。上湯伊麵焗龍蝦，龍蝦肉質又厚又彈牙，一啖食落去成口都係肉， 真係食完想再食。

因為忙工作關係，很久沒有去屯門食飯，昨晚做節便跟家人去三聖邨泰海鮮食過疼快，海鮮檔海鮮非常新鮮，選擇了龙虾、中虾、蟹、鮑魚、花甲、蟶子，之後就到飯店計算重量 等食時間開始！我最愛吃白酒忌廉花甲，今次叫廚師加上烏冬拌汁同吃 正，蛋白蒸蟹有點酒香蟹肉甜美，其次是豉椒炒蟶子內的煎米粉非常惹味！老媽及弟弟、兒子吃過不停 所以話去遠一點也是值得

服務態度唔好 - 叫左碟炒菜, 同服務員追了5次, 每次都係揮手話得, 到我地食完要走, 個服務員走黎問仲欠乜野菜未上, 我立即同佢講取消碟炒菜. 太差吧結帳查下張單 - 茶位又計多, 拎一斤海鮮來加工, 就收17兩. 果日先學識原來1斤係17兩唔係16兩的. 拎8支蟶子皇黎加工, 上枱得7支, 同員工講就話收左你一斤蟶子...同我玩單位遊戲, 果日是同我阿爸慶生日, 所以我忍.食物質素- 蒸雞又過熟, 沒誠意做泰國菜就做返海鮮加工算吧.

六月尾時到過屯門三聖邨吃海鮮 ，念念不忘，回家車程也沒有想像中遠。今回海鮮癮又起，加上上次有些海鮮還未有機會嘗試，星期五晚又再來吃飯！它開始變了我的海鮮飯堂喇。照舊，我們先到三聖邨街市看那些海鮮生猛，上次有網友問我是在哪檔買海鮮，它叫做「關財記」，貨新鮮及足秤。選好海鮮我們就返回餐廳加工處理。上次沒有吃泰菜，今次補返數。開胃頭盤「麻油豬耳」，略帶辣香，若能雪得再冰凍就更理想。「泰式辣肉生菜包」，肉碎混有不少肉汁，用唐生菜包起來吃，不用加醬汁已夠惹味。「白灼九節蝦」，九節蝦不是經常吃到，要看季節及月份，它因身上有一深一淺的橫紋，煮熟後有九節白色花紋而得名。九節蝦殼硬肉爽，用椒鹽做是不容易入味的，而且 size 細，白灼就最好。每年8-11月份都是九節蝦產卵期，這時的蝦最肥美，今晚的貨靚，肉很甜，我是完全沒有點豉油來吃它的鮮。今晚同枱有食家教路，如要分辦海蝦或養蝦，可以看九節蝦的蝦腳。若果煮熟後是青黃色的話就是人工養蝦，若仍是紅色的話就是海蝦，那當然是海蝦比較鮮味啦！「象拔蚌兩吃 - 刺身 / 堂灼」，堂灼用的是雞湯，輕輕一灼，浸一浸「熱湯浴」就食得。刺身與堂灼兩者比較，我尤愛後者，我覺得

如果你喜歡海鮮，香港準有適合你的地方，無論平與貴，高級與市井，所有地方應有盡有，西貢屯門流浮山鯉魚門香港仔等等，你總會去過兩三間，當中屯門三聖邨係最平最靚而又大件夾抵食之選。每一兩年總會去一次，因為最喜歡呢幾間街市好公道，價錢又唔係特別貴，同埋呢邊餐廳非常集合，煮嘅計法絕對平過西貢等旅遊區，難怪開始越來越多大陸人係呢度食，冇辦法，呢度都算佢地半個主場，感嘆是，原來一簽多行影響唔止係金舖藥房多，連呢個海鮮樂園都佔被內地同胞攻撼，君不見你係迪士尼玩space mountain 前後左右都係大陸人，我想呢個大西北海鮮樂園都會好似迪士尼，幾年後遊客應該會越來越多。通常黎三聖來來去去都係個幾間，之前看過殿堂K小姐的推薦，寫得非常吸引，於是留意到呢間位置較入的泰海鮮，特別係當中那度辣酒煮花螺，寫得精彩無比令我好想試下，難得今晚剛巧去到三聖，就book泰海鮮吧。大西北果然係多人到不行，八點幾黎到都高朋滿座，應該質素有咁上下，令我更加期待。前菜係麻油豬耳，朋友話呢碟係粗嘢，麻油味濃，豬耳爽口又入味，吃到停不了口。泰式辣肉生菜包，都算係前菜，不過大碟都不得了，辣味強勁又正宗，肉碎自己就咁食都非常開胃，酸