泰海鮮 (已結業)

一班朋友去食海鮮餐，入到屯門朋友話想食海鮮。咁大家就決定去泰海鮮食下野啦~海鮮檔海鮮非常新鮮，可以自由選擇。我地最後叫咗陳皮蒸鮑魚、辣酒煮花螺、清蒸海斑同上湯伊麵焗龍蝦。陳皮蒸鮑魚，大大隻厚肉鮑魚加上少許陳皮真係第一次食，鮑魚肉質煙韌，又有鮮味。辣酒煮花螺，喜歡食辣既我真係覺得超好食，個汁辣得黎又夠惹味，花螺又夠肥美。清蒸海斑，蒸魚要蒸得好食，除咗魚要夠新鮮外，蒸魚既時間都好重要。今次條魚蒸得啱啱好，肉質嫩滑又有鮮味。上湯伊麵焗龍蝦，龍蝦肉質又厚又彈牙，一啖食落去成口都係肉， 真係食完想再食。