泰嘟嘟

營業中

休息中

經常都會同朋友去奧海城行街，除咗有戲院之外，泊車仲要係好方便，而且仲有好多賣衫嘅舖頭，滿足晒我所有嘅要求，但係唯一一樣我就係覺得冇乜嘢好食，今次比我發現到附近有一間好特別嘅泰式餐廳，只要係奧運站行過去，大約4分鐘路程，地址係大角咀利得街，泰嘟嘟泰國菜舖頭雖然裝修唔係好華麗，但係好有泰式風情，而且店員非常之有禮貌，坐位都比較闊落，都坐得好舒服招牌咖喱大花蝦$188食咖喱一定要配蒜蓉包，蒜蓉包烘都好香，而且仲要係金黃色，入口香脆鬆化，蒜蓉味好正，另外招牌菜咖喱大花蝦真係一定要試，咖喱煮都好香，入口有椰香味，少少甜，唔會太辣，蝦真係好新鮮，蝦肉好爽口彈牙，味道好鮮甜，加上少少咖喱汁，令到個蝦昧更加突出，層次同口感都係完美，另外蒜蓉包沾上咖喱汁食，根本就係一種享受冬陰功海鮮湯108海鮮湯上枱跟住個爐上，熱辣辣嘅海鮮湯，加上冬陰功嘅酸辣味，仲有好多配料香料，酸酸甜甜真係好正宗嘅泰國風味，而且湯入面仲有新鮮嘅蝦，用料好足份量有多，廚師好俾心機去炮製泰式經典明爐烏頭$138鳥頭肉結實而且鮮甜，一食就知條烏頭非常新鮮，而且一啲腥味都冇，加上泰式香料煮一陣已經聞到香氣撲鼻，肉質非常之嫩滑，熱辣辣而又新鮮

大角咀真係有好多好多小店，呢間泰國餐廳就係利奧坊對面。一入去已經好熱鬧，好彩卜左位姐。餐廳有tuk tuk造型ge位, 牆上有霓虹燈，波衫，泰拳衫同拳套，整體設計都好繽紛令人好開心。串燒(半打) $88可以揀雞同豬，我地就雞豬各半。串燒好惹味，兩種肉都唔會燒到乾爭爭，仲要好大串，唔錯啊。泰國金柚子蝦沙律$88食泰國菜我好鍾意叫柚子沙律，因為鍾意柚子夠juicy清爽啲。呢個沙律，有超多柚子，蝦都唔少，兩個人share綽綽有餘。飛天炒通菜$58雖然餐牌已經寫左係辣，但估唔到都真係幾辣喎，不過係食得好過癮ge冬蔭功海鮮湯金邊粉$78 冬蔭公好濃郁，有青口同蝦，啲金邊粉索晒啲冬蔭公真係好正啊椰青$30 椰青夠晒凍，食咁多濃味野飲下清涼嘅椰青真係即刻舒服晒。我地飲完仲刮晒啲肉黎食，唔好sai

大角咀大街小巷內好似好多好野食咁岩起路口見到*泰嘟嘟*既指示牌天氣熱熱地 食泰國餐廳都係一個好選擇~入左餐廳好似去左泰國夜市咁 係熟悉既感覺呀！！咁岩我地坐個位置係篤篤設計 好岩仲意打卡既我😍我地兩個人oder左4個食物+兩杯飲品埋單$352 CP值會唔會太高??黃咖喱菠蘿炒花甲 $98份量都好多 硯唔會有沙 隻隻都好肥美 有差唔多10件一啖又一啖不停食👍🏻😍印度薄餅 $32加埋薄餅配住黃咖喱食 薄餅索咖喱汁 超好食 😋馬拉盞豬頸肉炒河 $68河炒炒得夠香 好乾身 好好味~超惹味！！豬頸肉入口冇油膩的感覺 又脆又嫩 唔會燒得好乾 100分！👏🏻👍🏼👍🏼飛天炒通菜 $58 如果辣少少就更好啦~呢度飲品選擇都好多😻我哋一人叫咗一杯飲品 ～

泰式 Tuk Tuk主題Lunch set大角咀呢邊好多嘢食🍽一班同學一齊lunch搵食見到呢間餐廳咁colourful 所以決定試呢間等位等15分鐘就可以入座卡位坐得好闊落 全部都好有特色裝修好有心思 好友去咗泰國嘅感覺🥰午市套餐好多選擇L1泰嘟嘟海南雞配油飯 $60海南雞好滑👍🏻加$12芒果沙冰 紅火龍果沙冰建議加錢轉沙冰 紅肉火龍果同芒果都好好飲唔會太甜L2泰式無骨豬手配白飯 $60L4 泰式海鮮炒金邊粉 $56少少蝦 加咗花生粒好好食😋L5 泰式蟹肉炒粉絲 $56雖然冇乜蟹肉 但係炒得好入味粉絲彈牙 呢個推介🥰L7泰嘟嘟蝦醬肉碎炒飯 $56 (中間)加咗v1泰式馬拉盞炒通菜 $22炸雞翼三件 $18炸得好新鮮 個皮超趣🤤朋友叫咗個珍多冰 超級甜整體來講嘢食全部都好好食😋好友泰國嘅感覺😍下次經過可以再食

今日farewell同事，嚟咗食泰國嘢。呢度裝修好有泰國嘅風味，啲卡位好似真係泰國嘅篤篤咁，好掛住泰國🇹🇭🥲炭燒豬頸肉係真係用炭爐燒住上檯，熱辣辣嘅。份量都算多，肉質好爽泰式馬拉盞炒通菜份量都算大份，通菜新鮮，用馬拉盞炒好惹味去骨海南雞配油飯叫咗半隻雞，一齊share。雞肉嫩滑，配上油香味嘅飯招牌焗黃咖哩麵包軟殼蟹咖哩有椰香，麵包焗得好香脆。咖哩點包係最佳配搭，食唔停口。再加上大大隻嘅軟殼蟹芒果糯米飯兩大球糯米飯，上面淋滿椰汁。食鹹食食到好飽都食唔停口。芒果大粒又鮮甜，會掛住係泰國不停食芒果糯米飯嘅日子。

見到泰嘟嘟入面裝修好似泰國啲餐廳，就入咗去食泰國嘢，店員安排我哋坐好似tuk tuk座位既卡位，好有泰國特色🇹🇭🌟招牌焗黃咖喱麵包軟殼蟹 $168麵包完全沾滿黃咖喱，軟殼蟹炸至香脆，配埋黃咖喱味道好夾🌟黃咖喱菠蘿炒花甲 $98我哋太喜歡黃咖喱，就試埋黃咖喱炒花甲，每隻花甲都脹卜卜好肥美，如果可以再比多幾隻就好😍🌟去骨海南雞飯配油飯 （半隻）$98雞肉嫩滑，不會有很多油脂，仲要去埋骨啱晒懶人食。🌟泰式馬拉盞炒通菜 $58新鮮嘅通菜炒得好惹味，有少少辣，食到停唔到口，每次食泰菜都必食通菜！🌟馬拉盞肉碎茄子煲$78一擺到上枱啲就香氣撲鼻，茄子唔會太油，估唔到用馬拉盞烹調有另一番風味🌟炭燒豬頸肉$78 炭燒豬頸肉賣相好吸引，豬頸肉好入味，肉質好淋，推薦！🧑🏻‍🍳🌟芒果椰汁糯米飯 $58芒果好甜好新鮮，我哋食到好飽再食個糯米飯都唔會太漏👍🏻

最近升咗職請朋友食飯 佢只可以食齋 咁就帶咗佢嚟呢間泰國餐廳😍😍呢間餐廳嘅裝修好特別 佢嘅卡位好似火車嘅車廂 然後天花板掛咗好多旗仔同埋波波燈 好有一種喺夜市嘅感覺🥰🥰🥰坐低睇吓份Menu先我哋叫咗一個飛天炒通菜 $58 通菜好新鮮 落咗辣椒炒到好香好開胃😆😆又叫咗紅咖喱羊排骨 $98 咖喱汁調味好好 落咗啲椰汁好香 好易入口 羊排骨嘅份量都好多 有差唔多10件 肉質鮮嫩 食完一舊又一舊👍🏻😍再配埋印度薄餅 (兩件) $32 佢好好咁樣幫我哋分成六少片 咁樣食嘅時候就方便好多 薄餅好香脆 點埋咖喱汁超好食 😋同埋香蔥蒜蓉包 (六件) $42 好香嘅蒜蓉味 非常香脆食食下野有啲頸渴就叫咗個椰青 $30再嗌左個甜品 椰汁西米糕(六件) $52

太耐冇去旅行，要瘋狂食下唔同地方既野，今次泰國癮起，所以就約朋友去泰國野啦！呢度既裝修好特別，我地坐既位好似篤篤車咁，當係催眠下自己去咗泰國。我地揀左個二人餐再加冬陰功湯，食到好飽，味道唔錯，幾抵食。冬陰功湯酸酸辣辣，都幾多料，有蝦、青口等等，飲完好開胃。炭燒豬頸肉原本以為係碟上，點知佢係用個迷你爐下面放蠟燭燒住，食既時候熱辣辣香香地好正！豬頸肉肥瘦均勻，值得一試～泰式小食拼盤有蝦餅、春卷、串燒同雞翼。蝦餅幾彈牙，春卷係咖哩味，串燒都幾大舊，雞翼炸得好香脆。招牌黃咖喱麵包軟殼蟹軟殻蟹大細合理，炸得好香脆，個咖哩椰香味重，唔會辣，麵包配埋黃咖哩食完已經好飽，本身諗住加薄餅都唔駛加了，必食！椰青大粒，清甜，挖到椰子肉食～食食下聞到隔離枱既野食勁香！下次有機會再試！

今日突然想食泰國菜，上網搵資料下，搵到間位於大角咀既泰角菜餐廳我地下午2點左右入座，見到有得叫午市同下午茶，於是兩種餐牌都有叫到。由於我地未食午飯，因為太肚餓，所以都諗住叫多Ｄ野食先講餐廳裝修，都有心思，因為佢有３個卡位，都係用泰國既ＴｕｋＴｕｋ設計。去過泰國一定知ＴｕｋＴｕｋ係咩黎，依家去唔到旅行，望下ＴｕｋＴｕｋ個樣當自己去左泰國都好。我地共叫左以下既野食午市 海南雞配油飯　—　雞都夠嫩身，而有５件雞就數量合格。我無咩點醬，所以唔清楚醬汁好唔好味。我地叫左佢多飯，佢真係好好人咁俾多左我地。可能影得唔好，其實個球飯係好多。呢個飯都合格下午茶 雞柳炒金邊粉　—　好似係泰國食既金邊粉，有鑊氣。而份量都好多，差Ｄ食唔晒。呢個直頭滿分，諗緊個廚係咪泰國人下午茶咖哩雞蒜蓉包　—　呢一份我地想試咖哩，Ｄ咖哩都夠辣，入面都有好多件雞。而個包都好脆身，點咖哩食一流。追加小食 泰式串燒　—　＄１８蚊兩串，都算抵食，肉汁就唔算好正，都合格既。火龍果冰同柳青　—　普普通通咁，唔難飲總括黎講，係呢間食野，真係有泰國既味道，我指既除左野食，Ｄ擺設都有泰國風味。

大角嘴其實真心好多好食嘅餐廳！泰嘟嘟地方雖然唔算好大，但係入面裝修得好特別初頭睇menu會覺得無咩特別，都係平時泰國菜會見到嘅野但點知一到左，炭燒豬頸肉，嘩超好味，熱住咁燒，好香，又唔會overcooked ，好香，建議點下個汁，少少辣，但絕對會調返起個味 ！大蝦金邊粉炒得好好，又足料，又炒得夠乾紅咖哩羊肉，好香嘅汁，就算我唔算好食得辣，但都接受到，同埋啲羊一啲都唔會蘇，相信餸飯係一流！雖然天氣涼返啲喇好似又，但食泰國野如果無左珍多冰感覺真係好唔complete , 再加埋個青檸梳打，酸酸地加啲辣嘅野，飲埋岩岩好！食到兩個人好飽都係300幾☺️☺️抵食！下次真係環繼續來大角嘴explore下有咩好食嘅餐廳！

朋友食過話好食所以就黎試下啦，星期四既晚上，都幾多人，好彩仲有位。本身想揀套餐抵啲，但有啲想食既野套餐冇，所以最後都係散叫。馬拉盞炒通菜每次食泰國嘢都一定會叫既野，炒得夠香好好味，可惜唔覺得辣，辣啲會再惹味啲！雞絲炒金邊粉另一個必食嘅係炒金邊粉，平時通常都食蝦，今次想試吓雞絲，又幾好食喎！不過我地食食吓掛住食其他嘢，放耐左變咗一餅嘢，要再慢慢整返散！炭燒豬頸肉睇餐牌相見到佢係用個細細既爐烘住上，勁吸引，燒到熱辣辣勁香，配埋佢個汁食到停唔到口！呢個一定要試！龍眼冰同紅豆冰我地叫左少冰但都仲係幾多冰，不過都分別有幾多龍眼肉同紅豆！味道正常！芒果糯米飯呢度嘅芒果糯米飯幾特別，食落覺得有一種花香味定精油味，就係去泰國按摩會聞到嘅味道，朋友唔鐘意，不過我接受到，食埋佢個份～

經過呢間餐廳好快就會俾佢吸引住因為真係好有泰國嘅感覺入面有幾張卡位都係用咗泰國嘅篤篤車黎做裝飾 再配埋咁地道嘅泰國美食真係好似去咗泰國咁作為蒜蓉包嘅忠實粉絲又點可能唔叫呢呢度嘅蒜蓉包係長條型 一送上嚟嘅時候當堂嘩咗一聲 因為冇諗過會擺到咁靚仲要咁多我哋兩個人食真係有少少吃力 但係蒜蓉包佢焗到好香脆 面頭嘅蒜蓉毫不吝嗇 最後竟然兩個人都可以食晒呢一碟泰式大蝦金邊粉 鍾意篇孫嘅朋友就啱晒喇因為真係好開胃 配埋爽口嘅大蝦 一碟兩個人真係要爭住嚟食另外仲叫咗半隻泰式燒雞 半隻份量都好多燒雞燒到好香脆 配埋泰式醬汁 忍唔住食下一舊又一舊而最後嘅重頭戲就係明爐燒烏頭附送嘅就有一碟泰式青檸汁其實就咁食已經好有鮮味但係鍾意重口味嘅可以點埋呢一個汁

雖然係小鋪，但係裝飾花左唔少心思！串燒半打$88串燒有雞肉同豬肉，平時d肉份量少，依度嘅串燒好大，雞肉好滑，豬肉相對鞋左小小，而醬汁係好好味，平時唔中意太重花生醬嘅味，依個恰到好處。泰式燒原條魷魚配酸辣汁$108魷魚好大份，同樣地辣醬汁好正！泰式酸辣鳳爪沙律$68依個超推介，鳳爪爽口彈牙，酸酸甜甜好開胃！香芒軟殼蟹米紙卷$78軟殼蟹都幾脆，整個口感係比較清甜，食完濃味菜，再試依個可以減少油膩感。泰式飛天炒通菜$58好入味又野味，真係又平又好食，仲要大大碟！紅咖喱羊排骨$98本身有啲怕羊嘅騷味，又以為會同咖喱好唔夾，點知比想像中好食好多，一啲都唔騷，又淋又入味！芒果糯米飯$58食到好飽差d想放棄甜品，好彩有食！個糯米飯係暖笠笠，芒果好甜，對比起平時嘅椰奶，更喜歡依度嘅椰漿！菠羅沙冰 $32好好飲！甜過芒果沙冰，但唔會好漏！

這晚到朋友位於大角嘴的新居，她提議到她樓下的一家泰菜小店晚膳，我當然沒異議，到達餐廳門口就被它的名字吸引，叫“泰嘟嘟”，一個很特別，很有趣的名字。進入餐廳內又被另一東西吸引，就是掛滿了球衣，相信老闆也是一個足球迷。這小店雖然不是很大，但也有很多坐位，而全店也幾乎坐滿了人。打開餐牌，林林種種各式泰國食物，令我倆花多眼亂，決定點最傳統簡單的。最傳統的莫過於冬蔭功湯，果然十足傳統泰式風味，跟爐上令湯底保持温度，更加好喝。泰式傳統飲品當然是椰青，這椰青冰凍多汁好肉，一喝令人心曠神怡。朋友則選了青檸梳打，也是地道的泰國梳打水。餐牌上有一個泰式炒貴刁，中式炒貴刁就試得多，但泰式則沒試過，於是點了一客試試，這泰式炒貴刁較中式的海鮮用料較豐富，有蝦、魷魚、青口等，河粉較幼，和中式的各有特色。最後再來了一份例牌的去骨海南雞飯，雖然是例牌，但份量也不少，而且油飯甘香味美，海南雞沾上特製醬油特別好味。最後結賬才三百四十多元就兩個人吃得飽飽，算是超值得了。

泰嘟嘟裝修得充滿泰國風味，尤其卡位佈置得好似篤篤車，等食客好仿似置身泰國一樣，另外一入門口就擺咗好多件球星波衫，吸引一眾男士目光。泰式酸辣鳳爪沙律 $68鳳爪醃得好入味，而且去哂骨，唔洗慢慢咬，咬感仲要好爽口，再加埋酸酸甜甜辣辣，相當惹味同開胃。串燒沙嗲(配豬、雞各3) 半打 $88豬肉同雞肉都燒得好香，雞肉比較嫩滑，而豬肉咬感比雞肉結實啲，沙嗲醬花生味比較濃，連埋串燒食十分惹味。泰式燒原條魷魚配酸辣汁 $108魷魚外皮燒得好有香烤味，再係上面灑上孜然粉、鹽等，味道好好，魷魚口感比較結實，加上酸辣汁，相當唔錯。泰式飛天炒通菜 $58通菜好嫩，一啲都唔老，再加蒜、辣椒一齊炒，都係好惹味。紅咖喱羊排骨 $98紅咖喱咖喱味好夠，但又唔係太甜，甜甜地，仲有陣陣菠蘿味，而羊排骨就比較肥，食落都好嫩滑。香芒軟殼蟹米紙卷 $78軟殼蟹、米紙卷、生菜幾樣脆卜卜嘅嘢放埋一齊口感好好，米紙卷裡面包住粉絲、紅蘿蔔粉同芒果，材料十足。芒果椰汁糯米飯 $58椰汁非常非常非常香濃，加埋飯啱啱好，而芒果都好甜，係咁香甜嘅椰汁面前，都仍然食到芒果嘅甜味。菠蘿/芒果芝士沙冰 $32沙冰打得好棉，再加上芝士更突出到菠蘿嘅