泰嘟嘟

營業中

休息中

《走進地道泰情風情-泰嘟嘟🛺》今次黎到位於大角咀嘅泰國餐廳-泰嘟嘟～餐廳裝修好特別，充滿泰國特色，尤其係佢架篤篤車設計嘅卡位，見到呢一間篤篤車係泰國旅行嘅回憶即刻擁晒出嚟！餐廳嘅牆身有好多唔同嘅設計：七彩繽紛嘅塗鴉、泰國旗、波衫等等，啱哂打卡呀！招牌黃咖哩麵包軟殼蟹$168落單後大約10分鐘就送上熱辣辣香噴噴嘅黃咖哩麵包軟殼蟹，麵包磚份量十足，上層放左4隻軟殼蟹，炸得好脆口食落都有肉同蟹香，每隻蟹個size都算大舊。黃咖哩汁食落好香濃，加埋麵包一齊食個配搭真係冇得輸！小食拼盤（細）$108細小食拼盤有：春捲、蝦餅、雞翼同串燒，包羅萬有，一次過滿足晒想食炸物嘅願望！蝦餅食落好彈牙，食到蝦膠，而春捲都唔差，一咬開入面好多素菜，例如木耳、粉絲等等，串燒都唔錯😜鮮蝦炒金邊粉 $ 76 金邊粉份量好大碟，仲有好多海鮮例如：蝦、魷魚、蟹柳、蜆肉等等，十分足料。金邊粉炒到濕濕地同有啲偏酸，食落好開胃😍總括黎講食物嘅味道同份量都合理偏好，價錢親民，下次會再嚟幫襯！

放工嚟到大角咀，就一於試吓呢一間超高人氣泰國餐廳！喺門口已經見到超多人排隊等入去，證明呢間餐廳真係人氣高企！叫咗三樣菜式，上菜速度好快，店員比較忙，但態度亦都好好！值得一讚！第一樣係泰式冬陰功，味道酸酸辣辣，十分開胃，入邊嘅材料亦都好豐富，有蝦（已貼心切開👍），青口，份量兩人飲剛剛好！店員亦都特登比多兩個碗我哋方便飲湯！第二樣係菠蘿炒飯，啲飯炒至黃金色，味道甜甜，菠蘿提子乾加埋啲海鮮炒到非常惹味！啲材料亦都好夠！第三樣係炭火燒豬頸肉，一黎到已經好surprised,平時喺其他泰國餐廳都好少見到有呢個爐燒住啲豬頸肉，一黎可以keep住個溫度，二嚟可以保番好似燒烤焦焦既嘅口感👍第四樣係因為見到網上評價好好，而叫既芒果沙冰，面頭嘅奶蓋非常之邪惡，味道超正！

今次去左食一間係大角咀既泰國野 個個都話呢間好食 又近我公司 就去左試下 佢位置係大角咀內街 奧運站行5-10分鐘 門面唔算好特別 入邊既擺設同裝修先係重點又有泰國既篤篤做臺 又有拳套波衫 成件事真係以為自己去左泰國咀今次叫左4樣野食 點知我地兩個都差少少食唔晒 佢份量好多好誇 基本上一碟野食預3-4人份量叫左個小食拼盤 都係有春卷呀 蝦餅 串雞 個d 每款兩樣 其實都算多 叫埋兩杯飲品 泰式奶茶同埋珍多冰奶茶係泰國味道 珍多冰就好有椰香味！ 叫左個碳烤豬頸肉 呢個係用一個細烤爐上 豬頸肉薄切得黎勁香豬味 一定要食呢個！叫左個咖哩軟蟹多士 咖哩係好香 同平時食開咖哩完全兩樣野 多士勁大個 隻蟹都好大隻 食完呢個都飽晒🥰叫左個濕炒海鮮河粉 佢個醬好濃 好重海鮮香味 河粉係幼河 食落去口感好d 我地叫左4樣野食兩杯飲品 都係500左右 其實3-4人食都好足夠呢間係真心大件夾抵食

我本人對大角咀不太熟悉，見完客之後，真的不知道那裡食飯又便宜又好吃。於是，我就上網找一下，發現附近有間泰式菜館，就在利奧坊對面，於是就行過去，碰一下運氣l!還好，12點多，雖然入面坐得滿滿的，但我和同事還不用等多久，就可以分配到坐位。我坐下見到對面牆壁上掛上很多T-shirt. 店裡有兩個卡位廂，掛上不少霓虹燈，整間舖都裝飾得充滿地道泰國街店風味。泰國金柚子蝦沙律🌟🌟🌟🌟🌟-真材實料，大蝦兩隻，超多柚子，再配上獨特的沙律汁，好好味😋😋😋蟹肉鈔粉絲，必食，🌟🌟🌟🌟🌟-粉絲鈔得鑊氣十足，廚師好厲害。👏👏👏我個人就鈔不到，通常抄到粉絲黏在一起，但今次食到條條粉絲分開，非常入味，又不會油膩，真係喜出望外。💗💗💗泰式肉碎生菜包，正🌟🌟🌟🌟樣貌平平無奇，顏色白白的。但完全估不到碎肉肉味配以小辣，再加青檸汁，恰到好處，再包入生菜食。好好味。芒果糯米飯🌟🌟🌟～芒果香甜美味，糯味飯軟硬適中，配上很多椰汁奶，美味。珍多冰～綠色條略嫌太少，如果可以多點就更好。全餐會令人感覺在泰國街頭享用美食，充滿地道街邊風味，在疫情下，可以慰藉吓思念”泰國旅遊”之苦。

近住奧海城有間以tuk tuk車為主題嘅餐廳覺得幾得意，同埋餐廳裝修得幾色彩繽紛。Menu上無論主食，小食，沙律，飲品款式都幾多選擇。兩個人呢晚唔太肚餓，所以冇嗌飯麵類，諗住嗌啲沙律小食唔太多嘅野，點知出到黎份量比想像中多喎，咁抵食架咩😂泰國金柚子蝦沙律👆唔記得幫佢側面影張相，疊到好高架個沙律，啲柚子幾清香，配上微微酸辣醬，呢個沙律令人覺得好開胃。馬拉盞炒椰菜苗👆幾難得有椰菜苗嗌，好嫩好好食！小食拼盤👆拼盤有分大小，我地嗌左個小嘅，有炸蝦餅，春卷，牛豬串燒，雞翼，好豐富🤭每款炸物都好香脆，同時唔會太油淋淋👍野飲分別嗌左珍多冰同龍眼冰，都係廿幾蚊一杯。Overall餐廳性價比幾高

！！！竟然比我發掘到一間味道咁似泰國既餐廳！！！ 😍😍👍🏻👍🏻 重點仲要平靚正！ 平日7點去到 都等左幾個字先入得 因為好多人book台👾 店舖裝修有好多燈箱燈牌 營造泰國夜市既氣氛👏🏻 入到去 等終於明白佢個鋪名叫Thai Tuk Tuk😂 因為入面有兩個卡位 座位都係做到好似Tuk Tuk 咁🤣有驚喜🛺🛺🛺 一埋位就叫左個（小）既小食拼盤😱 黎到個份糧一啲都唔小！ 平時出面泰國餐廳既小食拼盤都係每款一人一件 但呢碟係起碼每人兩件🥁 勁抵食！ 有蝦餅，雞肉串，豬肉串，春卷，炸雞翼🤣❤️ 好滿足 ～ 全部都係即炸即燒😋 蝦餅好爽口 春卷入面有雲耳 粉絲等等 食落有好香咖喱香味☺️ 雞翼夠大隻！ 雞豬肉串點佢個醬 好好食☺️ 惹味！ 😍😍😍😍超吸睛既炭燒豬頸肉🐷🐷 真係成個炭爐上 IG ABLE 🤗 呢個真係要點！ 因為豬頸肉超juicy 勁香豬味 仲要每一塊都有肥豬膏 超級好食！ 加埋佢個燒汁 成件事好完美😭😭😭🙏🏻 主菜 ～ 招牌焗黃咖哩麵包軟殼蟹😍 好濃郁既咖哩好香椰子味～ 唔會辣 配埋麵包食 簡直係perfect match 🤪 軟殼蟹既份量都好大方！！ 每啖都好香蟹味 絕對唔會比咖哩

I was attracted by the decoration and art painting so that I walked in. The food was awesome as well. I ordered pad Thai which was brilliant. The shrimp I ordered was very delicious. The ingredients used were very fresh and the seasoning and sauce were spectacular. Besides, I ordered special drinks which were marvellous. The environment was fabulous with special designed graffiti and artistic seats. Recommended splendid Thai food!

小妹同旅行鐵腳自疫情之嚟真係有差唔多一年無見過面，終於疫情穩定不少就來個飯局聚聚舊😆未有得去旅行，我地竟係香港尋找偽旅行嘅味道，「泰嘟嘟」原來深藏不露，入面竟然收埋咗兩架Tuk tuk，可惜已經全院滿座，下次嚟要預早book 定先😆兩個人都叫咗唔少野食，而且份量都唔細，最後食到擺住個肚走😂冬蔭公海鮮湯 $108原爐冬蔭公湯咁上，明火持續座熱住，你keep 住都飲到熱嘅湯😋😋冬蔭公海鮮湯尚數足料，大頭蝦開邊方便食用，另外仲有唔少蝦仁同菌類，冬蔭公辣度頗符個小妹口味，帶有微微椰汁🥥香氣👍🏻小食拼盤 （小） $108小食拼盤最適合開心share ，每款都有兩件，人人有分😆小妹最愛嘅就係炸蝦餅，手打蝦餅啖啖肉又勁彈牙，趁熱食個陣外皮仲脆身嫁泰式菠蘿海鮮炒飯 $98菠蘿炒飯正常發揮，炒飯底夠乾身粒粒分明，海鮮配料有蝦、魷魚🦑、青口，加埋腰果粒同提子乾，口感豐富泰式奶茶 $26珍多冰 $26夏日炎炎又唔可以唔叫杯泰式飲品消消暑，珍多冰透心涼仲有椰果同大樹菠蘿果肉，味道正宗👍🏻

經過大角咀發現有一間餐廳嘅裝潢好特別決定入去試吓有部份卡位佈置成篤篤車嘅格局非常適合打卡📸🥢泰式肉碎生菜包 $88肉碎炒到好香有酸辣嘅味道🌶而且生菜份量非常多和新鮮🥬🥢泰式菠蘿海鮮炒飯 $98炒飯大大碟有半個菠蘿皮做裝飾好特別飯面鋪滿咗肉鬆令到炒飯更加香而腰果係脆身唔係嗰種淋身嘅腰果🥢香蒜炒芥蘭 $58芥蘭夠新鮮用咁大量蒜頭炒芥蘭真係好好味🥢泰式明爐花甲鍋 $108花甲數量頗多而且湯底酸辣非常惹味令人忍唔住一碗接一碗咁飲🍲花甲肉身都算飽滿🍹芒果芝士沙冰 $32沙冰賣相非常好👍🏼用咗新鮮既芒果攪拌而成🥭吸到淡淡的芒果肉而杯頂有厚厚嘅芝士🧀鹹鹹地嘅芝士加埋芒果都幾好飲同埋會好飽肚㗎😙

大角咀呢幾條街不嬲好多美食 (•̀ᴗ• ) ̑̑見呢間泰國菜外面好熱鬧好多人等外賣自取我哋等咗陣就有位喇😌食物種類好多得嚟，菜式都幾特別，最驚喜係食物真係唔錯😋 如果一大班人食更開心❁ 榴槤波波 (6件) 炸得好香脆，入面有爆漿榴槤，超正！袋過唔停口，一定要點，推薦👍🏻❁ 香葉包雞(6件) 比較少見嘅菜式，算做得不錯，略過左小小火，比較乾身，但調味很香❁ 香葉辣椒肉碎飯配荷包蛋 不算太辣，香葉同香料夠香，咸淡啱啱好❁ 泰式明爐冬陰公烏頭 驚喜推薦菜式🙌🏻  明爐一邊燒熱，烏頭一啲都唔腥，食得出好新鮮，同冬陰湯一齊食好夾！我哋兩個人竟然食哂❁ 芒果芝士沙冰 夏天飲芒果沙冰係不會錯的選擇，估唔到唔係飲品專門店但有好多飲品可以揀，仲唔錯❁ 火龍果芝士沙冰 睇得出用料用心既地方，用咗紅肉火龍果，更清甜

9 0 後 的 味 蕾 疫情肆虐咗咁耐，我諗冇邊個香港人唔掛住去旅行既日子😿特別係去泰國瘋狂買、玩、食既日子😍.Viu TV一哥何啟華係節目同Dee姐去過呢間篤篤車設計既餐廳，睇完我都好想去體驗下，懷念下佢泰國坐住篤熱車係條街片黎片去既日子.餐廳入面仲放左好多球衣，諗起以前布吉通街A貨球衣任勻選擇既日子🤣.🍍菠蘿炒飯質恰到好處，唔太乾又唔會太濕，咖哩味香甜，料好足，腰果、肉鬆、波蘿樣樣齊🐷豬頸肉青瓜沙律，推薦比食得辣既朋友，豬頸肉大片又爽，但個沙律就好辣既，帶酸汁，好開胃🐟焗烏頭，肉質嫩滑，但又夠實，口感好好，重要係零腥味，好新鮮，上面擺左自製既香茅醃料，相當有東南亞風味。珍多冰椰奶味極重，配料唔算多，不過大樹波蘿夠香夠甜，龍眼冰好濃龍眼糖味，解渴一流其實佢個lunch都幾抵，附近街坊都可以試下，夜市最抵係叫幾人套餐，飲品仲要半價👍🏻，價錢方面我覺得算平，對比起其他泰國舖😇

今日工作關係去到大角咀，咁就同朋友食飯，朋友話想試呢間泰國嘢，咁我哋就一行三人去開飯。舖頭地點其實唔算難搵，喺利奧坊嘅對面，舖頭嘅牆身掛咗好多足球波衫，都幾有特色。午餐Menu有一個二人餐，二人餐入面就有三個餸，咁因為我哋三個人，所以決定嗌多個餸。二人餐我哋嗌左個花甲煲，菠蘿海鮮炒飯，同埋一個咖喱麵包軟殼蟹。再散嗌多個椰菜苗豬頸肉。餐後感：花甲煲，花甲冇乜沙，份量都足夠，賣相亦好好，所以個人幾推薦呢個菜式。菠蘿海鮮炒飯，唯一嘅缺點就唔係用菠蘿殻上。咖喱麵包軟殼蟹，軟殼蟹幾脆口，咖喱汁都夠多，可以點麵包食一流。椰菜苗豬頸肉，個人覺得要改善一下，因為無論菜同肉，都好硬身好有咬口，咬到我有啲攰🤣

今日喺大角咀收工，咁就諗住喺附近食埋晚飯先返屋企，搵吓附近有咩食，發現其實大角咀都好多嘢食，見到呢間泰嘟嘟，有啲面善，後尾醒起原來係之前Error有份主持嘅異國風情畫當中阿Dee介紹過嘅。真係咁啱今日又係佢生日😂😂😂支持何啟華一哥💪呢間餐廳一入去好有泰國feel，卡位係裝修到好似泰國tuktuk咁，連扶手都一樣，真係好似搭緊tuktuk咁放工好肚餓，Order左4個野食，1杯野飲。最先上係野飲✨珍多冰✨味道好正，勁鍾意呢隻味，鹹鹹地嘅椰汁，就係平時泰國食芒果糯米飯個隻椰汁咁。飲飲下，✨炭燒豬頸肉✨都上啦，呢個豬頸肉好特別，真係有野燒住咁食，好有Gimmick👍豬頸肉亦唔會硬骨骨乾爭爭跟住芒果軟殼蟹米紙卷都上啦，芒果夠甜，軟殼蟹都脆，不過有小小over左，但不影響味道😋最後✨生菜包✨✨泰式炒牛河✨都上菜啦生菜包d肉熱辣辣，係新鮮炒起，唔似其他餐廳炒好曬就咁上碟，個人覺得唔夠辣，如果唔食得辣嘅朋友可以試下！牛河夠鑊氣，但已經好飽，食唔落啦😂連芒果糯米飯都叫唔到，唯有留返下次再嚟過食啦！

前排同朋友路過呢一間充滿泰國風嘅泰式餐廳，覺得幾吸引所以就決定入去試吓啦😂😂😂泰式生蝦配上左兩個醬汁，醬汁惹味，酸酸辣辣超級開胃😍😍😍😍😍冬陰功湯係有有驚喜，配料超多，而且10分濃味🥰🥰🥰🥰🥰🥰🥰🥰🥰🥰🥰🥰炒蜆超有鑊氣，調味得剛剛好，令人食極唔停口😂😂😂😂😂😂😂😂😂😂飲品同樣令人滿意，有椰青解渴一流❤️❤️❤️❤️❤️❤️❤️❤️❤️❤️

泰國菜周街都係，但唔係間間好食，呢間係我食過數一數二地道同正宗既泰菜，正🥳🥳🥳我同朋友二人叫左一份泰式鳳爪沙律，泰式生蝦，冬陰功湯，炒花甲，同埋飛天通菜。❤️❤️泰式鳳爪沙律鳳爪分量足夠，夠酸夠辣，又開胃又醒神。生蝦配有兩種唔同嘅醬，加上蒜片同辣椒非常惹味。冬陰功湯份量夠，又有兩隻蝦，酸味同埋辣非常適中，香料亦都非常重手，所以非常香。花甲粒粒都好大粒又多肉，而且吵得非常香口，值得一試。飛天通菜食得出好香嘅麵豉醬味，加上少少辣椒辣辣地非常惹味。椰青非常新鮮，青青甜甜，正呀。