泰嘟嘟

營業中

休息中

新一年嘅第一個星期一同朋友去左位於大角咀嘅 泰嘟嘟。裝修超有泰國特色，以泰國tuktuk車同大牌檔做裝修主題。仲有唔同嘅燈牌同打卡位，食飯影相都一流。食物方面，我地叫左紅咖哩羊排骨，香芒軟殼蟹米紙卷，印度薄餅。飲品方面就叫左泰式奶茶，芝士火龍果沙冰。紅咖哩羊排骨，紅咖哩色同味道都好香濃，裏面有豆角，泰國茄子，蕃茄，菠蘿等等做配菜。雖然係咖哩，但都冇掩蓋左羊排骨嘅羊肉味，幾香而且冇羶味。紅咖哩配埋印度薄餅一齊食超級好食，濃香椰奶帶微甜，加埋紅咖哩嘅香草味，配薄餅食濕濕地，食落仲好滑。香芒軟殼蟹米紙卷，份量超大，個口細d都好難一啖咬得哂，裏面嘅生菜新鮮爽脆，芒果配埋米線同軟殼蟹，一硬一軟，有咬口，而且米紙煙韌未算諗，咬落有彈性但唔會太粉。泰式奶茶冇甜度揀，味道偏甜，飲落有淡淡茶香，而且好滑，鐘意偏甜奶茶嘅客人可以一試。

黎到大角咀食野, 朋友帶我黎呢間泰嘟嘟, 黎到發現入面有篤篤車裝修, 不過當日黎到已經滿座, 想坐既朋友應該要早D REQUEST!MENU好 COLOURFUL, 食物選擇都好多, 我地一行4人叫左小食拼盤, 海南雞, 炒菜黎SHARE, 都好夠食, 因為呢到D食物都好大份!小食拼盤細SIZE都好夠份量, 全部熱辣辣, 有雞翼, 串燒, 春卷, 蝦餅等等, 雞翼同蝦餅都係我最愛, 春卷都脆卜卜, 好好食!另外海南雞會配油飯, 好香但唔會太油, 雞肉好滑, 無骨, 淡淡肉, 98蚊真係抵食!最後想推介芒果燸米飯, 好少食到熱辣辣既燸米飯, 超高質之作!!

收工約咗朋友喺大角咀附近晚餐,開openrice見到呢間泰國餐廳都幾多好評,就黎試下,估唔到又真係唔錯喎餐廳唔算好大,但裝修都幾有心思,以泰式tuktuk車為主題,將啲座位整到好似tuktuk車咁食物選擇就大同小異,同一般泰國餐廳咁上下海南雞(半隻)配白飯雞肉都算嫩滑,但可惜雞皮偏肥,食多兩塊會有油膩的感覺明爐烏頭魚好食,好夠酸味,而烏頭魚的魚肉都夠入味,有好多配菜秀珍菇墊底,條魚又好大條,兩個人食唔晒飛天炒芥蘭好夠獲氣,好香,少油

🍜冬蔭功海鮮湯金邊粉 $48食泰菜一定要試冬蔭功湯底🤤佢嘅香茅 香辣同埋蕃茄味平衡得好好辣辣哋又唔會過酸入面有青口x2 蝦🇹🇭泰式青木瓜沙律拼香茅炸雞翼 $38份量超超超大!青木瓜清甜爽脆 泰式汁好辣 ps.食開譚仔中辣🌱香葉肉碎炒飯 $38炒飯粒粒分明乾身有咬口 而且好惹味雖然係下午茶價錢但大大份 男人都夠飽!🍚泰嘟嘟海南雞配油飯 $60海南雞有5件連雞皮雞件帶油脂肉質彈滑點咗酸酸辣辣嘅泰式醬汁就更開胃油飯顏色金黃 相信用咗大量黃薑粉🐔泰式雞串燒 $18串串燒得好香 保持到柔嫩多汁沙嗲汁有香濃花生味帶微甜餐廳裝修好泰~~~有啲模擬篤篤車嘅卡位牆上掛著好多泰拳手嘅衫隔離亦有啲泰風嘅塗鴉好似去咗轉泰國咁！

一條新鮮大烏頭魚，鋪上泰式蕉葉香料，包在錫紙裡烤熟。一上桌，打開錫紙，香氣撲鼻，雪白的魚肉，伴着香料，如藝術品般吸引了食客的視線，泰式香料的氣味，引出了食客的津液，頓時食慾大增，兩雙筷子一起出擊，超大的烏頭魚只消一陣，便被我們解決了。同場加上泰式蠔仔煎蛋餅，咖哩軟殼蟹麵包🍞磚，泰式西蘭花炒蓮藕，特別的菜色加特別好食又大食的兩人，食量另人側目，幸好這裡的菜式分量非常，色香味俱全，蠔仔蛋餅是蛋蠔均衡，每口都是蠔嫩蛋香，用鐵板上桌，吃到最後都是熱香滿口。咖哩軟殼蟹麵包🍞是吃過最好的，四塊軟殼蟹鑲在麵包🍞中間，淋上濃香的咖哩汁，讓軟殼蟹和麵包🍞都吸收了咖哩汁，鮮香濃郁，蟹肉鮮美，麵包🍞香滑，確是口腹的最大享受。

今日去開大角嘴搵朋友 佢介紹樓下間泰國野餐廳俾我試 係其中一條橫街轉入 如果唔係住附近 都未必知道位置😅 餐廳裝修有曬泰式風味 令人有置身其中當中的卡座最吸引眼球 係Tuk Tuk 😆選左兩個本身有👍🏻推介的野食 最先上菜就係佢 黃咖喱唔會太辣 但係咖喱汁好足夠 夠佢將面包切到細細舊 做到配上咖喱汁滲入去的效果 軟殼蟹份量都唔小家 可以大啖食炭燒豬頸肉 最推介的菜式 因為可以有個爐暖住佢 所以入口都仲熱辣辣 點埋佢個醬汁酸酸辣辣 好開胃 豬頸肉每塊厚度just fit 所以咬落夠曬口感主食係泰式乾炒河 可以拼豬 牛 或雞 河粉係有驚喜 咬落彈牙 配返杯龍眼冰 甜甜地得黎又幾解渴每人人均百幾蚊 都係唔錯的性價比之選☺️

今日去大角咀附近返工順便食埋飯，上Openrice見到呢間泰國餐廳入面個裝修好有特色，就揀咗呢間試吓。餐廳入面一共有兩架tuktuk, 我哋三個人到，竟然咁好彩可以坐喺其中一架tuktuk卡位度😍坐喺tuktuk望出去，餐廳啲牆畫晒graffiti, 仲掛住啲泰拳衫喺牆度，成件事都好有泰國氣氛，好想再去泰國旅行呀😭叫嘢食冇幾耐啲食物就嚟了。首先有冬陰公湯，下面點咗蠟燭keep住成煲湯暖笠笠，冬陰公好足料，味道食落唔會太酸或太甜啱啱好，配埋香濃嘅檸檬葉同香茅，值得Encore!!月亮蝦餅食蝦餅最怕食到成口油，呢個蝦餅就做得唔錯，層皮唔會太厚，夾住嘅蝦肉仲好彈牙，配埋旁邊嘅泰式辣醬真係好惹味！馬拉盞椰菜苗份量足夠，椰菜苗夠晒嫩身，馬拉盞又好香口，味道唔會過於濃味，啱晒食完重口味嘢用嚟中和一下雞絲炒金邊粉終於輪到主食喇，呢個金邊粉一上枱面已經好香，份量仲夠晒大碟，味道唔會太甜或者太酸啱啱好，超級醒胃！撈埋花生同埋雞肉絲口感唔錯！

朋友鍾意食泰菜, 於是同佢去左大角咀食泰嘟嘟.餐廳入面有2個卡位, 裝修成好似車入面咁, 唔知係咪想做到去泰國坐督督的感覺呢?可惜2個卡位都full 左, 又唔想等, 就只好坐普通位.牆上好多泰國野做裝飾, 營造泰國的氣氛, 睇得出老闆都好鍾意泰國.一坐低就先叫左個冬陰功湯, 味道不錯, 香料夠味, 不會死咸, 值得一試.炒通菜好有獲氣好惹味.泰式辣椒膏炒青口,好好味,又抵食, 好食到想即刻叫多一碟,呢個必叫.再叫左個招牌咖喱大蝦 , 目測用左4隻大蝦開邊. 大蝦先上粉炸過, 蝦味會比較突出 ,蝦肉結實.咖喱汁好多,送飯或點多士食一流.本想叫生蝦試下, 但見佢menu 話賣曬.點知就食完果陣聽到隔離枱問, 原來生蝦仲有!上菜見到同一般生蝦唔同, 佢用一個個杯仔裝住, 幾特別.可惜已經吃飽了,下次再來一定要試試.

食物ok但態度差，黃都幫唔落個收銀再忙又入餐廳開始已經唔好聲氣拖住小朋友一定慢D，坐位一定煩D講到好似阻住你做生意，係咁㗎啦阿媽生日食餐飯食到唔安唔落咁，極掃興如果多過四個人同嚟慶祝⋯千祈唔好嚟In short, the staff attitude is extremely poor since we enter the restaurant.We have a small kid so it’s not easy to split table but the arrangement from the restaurant is a chaos.It’s a birthday dinner for my mum and it’s definitely making it a bad experience…Highly not recommend if you have more than 4 people and not for your special day

好得意！泰嘟嘟餐廳既設計好用心，好掛住泰國🇹🇭🥺 我地坐既卡位係好似泰國tuktuk咁！仲有霓虹燈裝飾，好有風味😛 餐廳嘅牆上亦有唔同嘅塗鴉設計，裝飾，好花心思😝🙌🏻除左環境靚，食物都好igable同好食👅👅招牌焗黃咖喱麵包軟殼蟹🦀🥘我同朋友見到menu張相，已被深深吸引😹😹 呢個主菜真係不得了！個麵包裡外都有黃咖喱😛！原本以為只係得面頭既汁，點知一切開，啲咖喱汁就湧出嚟🤤🤤 好正！ 佢個麵包，外面脆卜卜，裏面嘅麵包就可以索晒啲咖喱汁，口感一流🤤 不得不提，軟殼蟹都非常大隻，炸得剛好，唔油膩！半打串燒 (3雞3豬)小食又點少得串燒👻 雞同豬到烤得剛好，唔會乾爭爭。醬汁有沙嗲汁同酸辣醬，可以食到2個口味！不過記住趁熱食，我地掛住影相，凍咗就冇咁好味！🤣芒果椰汁糯米飯💛💛呢個甜品亦係大推！ 芒果🥭新鮮，唔算好甜👍🏻 最正係個糯米飯，暖暖的，椰汁香濃，配上粒粒脆米 100分👅👅特飲方面，我同朋友見到芝士沙冰嗰個系列已經流晒口水😜 我哋分別叫咗菠蘿芝士沙冰同火龍果芝士沙冰😋😋 我係揀左火龍果芝士沙冰，喺芝士奶蓋上仲放有紅肉火龍果粒🤎火龍果沙冰底好fresh，唔似加左糖水👻撈埋芝士奶蓋，有少少咸

大角咀而家多咗好多食店，中西日韓泰式都有，今日去咗朋友家就在附近，夜晚齊齊落街搵吓睇吓有咩好食，路過一間食泰國菜的小店泰嘟嘟，被餐廳的裝修吸引了💛餐廳細細間，裏面嘅裝修好有泰國feel，牆上掛住好多打泰拳嘅衣服，仲有三排卡位係模仿泰國篤篤車的座位，好靚好得意，好可惜我去到已經全部俾人坐晒，我估應該係一早Book位指定要坐😎是日晚餐二人前▪️炭燒豬頸肉 $78超級驚喜，類似有一個炭爐咁樣，然後鋪錫紙將豬頸肉放喺上面，下低有個小蠟燭慶住，豬頸肉調味適中，而且好爽口，份量重好多，食到最尾都係真係熱嘅👍🏻👍🏻▪️招牌焗黃咖喱麵包軟殼蟹 $168分量十足，用烘咗嘅厚方包中間開窿然後放住咖喱軟殼蟹，咖喱係傳統嘅泰式咖喱帶甜唔辣充滿洋蔥味，咖喱汁包圍住脆卜卜嘅軟殼蟹，正▪️馬拉盞炒通菜 $58全晚最好味😋通菜鮮嫩爽脆，馬拉盞醬調味適中，炒得好好食▪️冬陰功海鮮湯 $108非常足料，好多海鮮，大量香菇同埋蕃茄，香濃嘅檸檬葉同埋香茅味，酸味適中，啱晒我胃口▪️龍眼冰 $26龍眼冰清甜，足料有大約六七粒龍眼肉👍🏻▪️火龍果芝士沙冰 $32要新鮮火龍果製作嘅沙冰，甜度適中好好味，加上芝士奶蓋喺面，好特別嘅飲品

餐廳佈置裝修充滿泰國特色，色彩繽紛，啱晒去打卡🤩小食拼盤小食拼盤有串燒、蝦餅、春卷同埋雞翼，都幾豐富，串燒肉質嫩滑，有濃濃嘅香茅味，配埋沙嗲汁，色香味俱全，春卷都炸得唔錯，冇油膩感， 餡料有我鍾意食嘅粉絲同埋蘿蔔👍而蝦餅嘅炸粉就好薄，入面嘅蝦肉又好彈牙，正啊😋😋泰式燒原條魷魚配酸辣汁魷魚有濃濃嘅炭燒味，有兩種醬汁可以點，酸辣同埋甜辣，各有風味，酸辣就比較開胃，魷魚燒得幾好，食落唔會韌，好有風味，好似去咗泰國街頭食燒烤咁🤤原隻椰青海鮮焗飯椰汁好creamy，整個飯充滿椰汁嘅香味，配料亦相當足料，有魷魚、青口、蝦等等，最鍾意青口，飽滿多汁，有鮮味😍份量好多，食到勁飽🐷泰式奶茶有椰香既味道，吾錯😚

大角咀的大街小巷入面原來都有很多特色小店，今次來到泰嘟嘟，店內的裝修很有心思，每幅牆都有不同主題，而卡位更用泰國的tuk tuk 車，好似去左泰國夜市咁。香蔥蒜蓉包蒜蓉包脆得來非常軟熟，加上濃濃的蒜蓉味，很滋味。小食拼盤(小)有大同小俾大家選擇，我地2個女孩子食小都足夠了，因為已經好豐富，有春卷，蝦餅，雞翼，串燒。春卷脆卜卜，入面的餡很足料。蝦餅很彈牙，而且蝦味重。串燒有豬同雞，肉質鮮嫩，而且烤得剛好唔會好乾。鮮蝦炒金邊粉金邊粉份量非常多，炒得很有鑊氣夠乾身。唧青檸再撈埋花生碎，刺激味蕾同時增加口感。再食埋新鮮大大隻的蝦，很滿足。芒果芝士沙冰面層的芝士帶點鹹香，沙冰打得細滑容易入口，入面仲有粒粒芒果肉，芒果肉是甜的 。芒果椰汁糯米飯飯後緊係要飯甜品。我地叫了芒果糯米飯。甜甜的芒果，加上熱辣辣的椰汁糯米飯，是泰國的味道呀！

大角咀有好多好野食大家都知，果邊算係旺中帶靜，而且比較多街鋪，所以野食價錢相宜之餘又多數都係有心嘅小店今次黎到呢間裝修幾得意嘅泰嘟嘟，入面有個位置係好似泰國嘅嘟嘟車咁，啲坐位嘅造型都好似，令我回想起去旅行嘅日子香葉肉碎炒飯好濃味，而且飯粒有咬口又唔會濕，肉碎俾得充足，幾好食，份量亦都好充足，一個人食可能會好滯，但幾個人share岩岩好飛天豆醬炒椰菜苗都係濃味之選，但又唔會濃到一定要配飯，佢嘅炸蒜好脆口，食菜都食得好開心芭堤雅燒雞係超水準之作，一上枱已經香氣四溢，雞有少少燶邊，係特別香同埋濃味。佢成隻雞都偏向厚肉，而且醃得都好入味，所以好滿足！豬頸肉青木瓜沙律個賣相好唔錯，豬頸肉都俾咗好多，唔係求其俾少少就算。青木瓜比較淋身，亦唔會太濃味，用黎消滯岩晒最後仲叫咗兩杯泰式奶茶，係少冰嘅，嗶晒啲冰出黎之後都仲有80%滿，都算係幾足料。個味道都係夠濃而且正宗，建議留番兩粒冰去中和吓啲甜度呢間整體黎講都係令人滿意，而且人均消費都幾合理，坐位空間亦都足夠，都值得再戰

價錢中等，份量好大，抵食泰國餐廳，難怪係大角嘴排晒隊嘅餐廳(ﾟoﾟ;;.一去到門口彷似去左泰國咁點知入到去仲靚！啲卡位就好似泰國篤篤車一樣，要打卡位嘅朋友一定要訂位一坐低就叫左小食拼盤，揀左個大份，4個人食啱啱好，估唔到種類都幾多，仲有我最愛嘅串燒主菜揀左招牌黃咖喱軟殼蟹麵包，麵包超軟熟，非常有質素，咖喱好足料，入面有無限嘅蛋絲，辣度偏低，啱晒一家大細仲有叫左原個椰青海鮮焗飯，諗住椰青細細個，可能會唔夠食？錯晒錯晒，呢個椰青好深，食極都仲有，分分鐘拍得住菠蘿炒飯，椰奶味好香，海鮮都好多，整體來講推薦叫！炭燒豬頸肉同埋花甲鍋都係連埋個火上，唔怕食得慢就凍左，同樣又係大大份，好少見到花甲鍋咁大隻蜆，推薦推薦！呢度嘅飲品又係好有心機，用左新鮮生果做沙冰，糖分完全黎自水果，無加糖架