泰嘟嘟

營業中

休息中

今日約左朋友去食位於大角咀食泰式野,  係奧運站行過去都要D時間, 大約10至15分鐘左右。入到餐廳覺得裝潢都幾有特色, D卡位係模擬緊泰國D篤篤車,同牆身都掛左D波衫係到做裝飾, 都幾特別, 好有泰國feel。坐低之後我同朋友都煩惱緊食咩好, 因為呢間餐廳D食物款式都頗多。經過一番討論之後, 我地叫左三樣野食同兩杯野飲。 芒果芝士沙冰同火龍果芝士沙冰兩杯野飲都係用新鮮生果整成, 飲落有滿滿既生果香味, 而甜味都岩岩好, 加埋芝士奶蓋飲完好有滿足感。炭燒豬頸肉平時係出面食D豬頸肉又貴份量又少, 但係到食份量好足夠 而且又好食, 加埋用蠟燭一路加熱, 打卡影相一流。香葉肉碎炒飯呢個炒飯真係真心好食, 炒到有香葉肉碎既香味又辣辣地,食得好過癮,師傅有功架, 而且呢碟炒飯份量都好足。招牌焗黃咖喱麵包軟殼蟹食埋呢舊磚頭真係飽到一個點, D軟殼蟹浸落香濃既咖喱入面, 而麵包索晒咖哩汁,非法惹味, 咖哩汁唔算辣,帶有少少甜用椰奶香。

泰嘟嘟位於大角咀的大街小巷內，路口都有唔同指示餐廳嘅位置。門口有個寫住Tuk Tuk Neon Night牌，室內環境亦以泰國夜市主題，部分座位更以篤篤為設計題材，彷彿身置喺泰國曼谷的夜市般🇹🇭💁🏻‍♀️今次叫咗1️⃣小食2️⃣個主菜1️⃣個主食2️⃣款飲品🍢小食拼盤（小）💰108泰嘟嘟嘅細小食拼盤都好豐富，絕對係一個2-3人嘅份量，包括：蝦餅、春卷、豬雞串燒同埋雞翼😋全部都係新鮮炸製👍🏻因為用咗唔新鮮嘅油好易有陣溢味架～🐔泰式青咖哩雞💰108普遍嘅青咖哩雞大多選用無骨雞件，但今次就採用連骨雞肉，令到雞肉更有口感，仲可以食到青咖哩口味雞翼添呀👍🏻青咖哩汁辣度亦岩岩好，怕辣嘅朋友一樣食到呀🤣🌶泰式飛天炒通菜💰58見到個名寫住泰式飛天好奇係用醬料為主，但原來係使用泰國嘅辣椒仔嚟炒通菜，對比青咖哩雞就會辣一啲，但如果只喺食到BB辣嘅朋友仔就要注意吓啦🙈🦐鮮蝦炒金邊粉💰78一般以鮮蝦為主炒嘅金邊粉都喺會以芽菜，豆腐乾為配料。但佢地係落埋啲蜆肉仔一齊炒，令到個金邊粉更鮮甜，增加整體口感層次😋🍹椰汁冰💰26呢杯喺朋友仔飲完就覺得椰香味唔算十分濃郁，如果想解暑但又唔想太膩，就可以飲呢杯椰汁冰啦😋🍹龍眼冰💰26鍾意清清

聽聞大角咀有間打卡幾靚嘅泰國餐廳，終於有機會去試下泰式香茅魚餅有4件，會切開一半，所以上到嚟好似會有8件咁。即叫即炸，啱啱上到嚟仲有煙，超熱口，魚餅好有香茅味，又彈牙，就咁食都好夠味，仲有泰式甜酸醬，又係另一風味火龍果芝士沙冰頂層有芝士奶蓋，飲落係真材實料，好有火龍果味，同埋飲到有果肉，夏天飲絕對係透心涼泰式芭堤雅燒雞（半隻）製作需時20分鐘左右，但絕對值得呢個時間，一上到枱就聞到好香，份量又多，而且好多肉食，肉質超嫩滑招牌局黃咖喱麵包軟殼蟹呢個果然係招牌，見到有好幾枱都有點呢個。麵包外脆內軟，黃咖喱超香，兩者超級搭，軟殼蟹份量都唔少，炸得好脆口。

呢日去開奧運站果邊做野好想食泰國菜🇹🇭因為太耐冇食😋見到唔少bloggers推介呢間 就去試下啦🧡奧運站行過去大約10分鐘左右雖然有少少遠 但食完覺得係值得既😉環境上，間餐廳好色彩繽紛🎨有唔少彩色波波燈同霓虹燈，令人有開心既感覺😁仲有仿效泰國「嘟嘟車🛺」既卡位，打卡一流😜可惜今次冇book位，坐唔到嘟嘟車位🙈🔸炭燒豬頸肉 $78驚喜之作👏🏻👏🏻🤩豬頸肉係有個小火爐㷫住上枱，可以一路食一路keep住微暖既溫度，好加分👍豬頸肉大大塊，數量都唔少😍入口幾juicy，唔會太乾太硬，點埋醬汁更加惹味😚推介🙌🏽🔸招牌焗黃咖喱麵包軟殼蟹 $168邪惡之選🤤🤤🤤黃咖喱汁多到滿瀉～個人幾中意黃咖喱，甜甜地唔會太辣😆黃咖喱同麵包都好夠熱度，麵包外脆內軟，沾滿黃咖喱咁食落口，超滿足❤️軟殼蟹大大隻，幾鬆脆👍成個包份量都幾多，食完已經飽得七七八八😬🔸鮮蝦炒金邊粉 $76份量超多，幾個人share黎食都得😱入面既材料好足，有蝦、蟹柳、魷魚、蜆肉，連埋花生碎一齊食，口感豐富😌金邊粉味道酸酸甜甜，發揮不錯👍🔺龍眼冰 $26好清甜，仲有好多龍眼果肉，好適合食完heavy野解膩😝整體黎講價錢幾平 味道正😋仲食到好飽好飽😝

係大角咀見到呢間餐廳裝修得幾有特色，無得去旅行都食下唔同野。入面好多人，淨係影門口呢邊。同埋佢隔枱塊膠板係小朋友畫作，好可愛。·野食叫左面包軟殼蟹、船麵同炒通菜。 ·面包軟殼蟹好好味！個包係軟淋淋個種。加埋d咖哩汁，佢係有蛋花同埋比較甜。軟殼蟹份量麵多，同埋整得幾香脆。·船麵比想像中大碗，因為愈食愈多料，又有丸、牛肉同埋好多通菜。個湯底都夠味又唔會太鹹。·仲另叫左個炒通菜。·野飲呢個西瓜smoothie好好味，天熱熱有呢杯好正。

餐廳裝修好有泰國地道特色，佢既嘟嘟車卡位再加上啲霓虹燈裝飾好有feel，打卡都幾靚。令人驚喜嘅係佢嘅飲品選擇都好多，好多都幾吸引。香芒軟殼蟹米紙卷一碟有6件，主角軟殼蟹炸得都幾脆，而米子卷入邊嘅餡料都幾多，另可以按個人喜好再加上酸酸辣辣嘅泰式醬汁。香蕉葉烤焗烏頭烤烏頭一打開錫紙就好香，烏頭魚既表面加上咗好多泰國嘅香料例如香茅等等去烤焗，另外都係配上左酸辣泰式醬汁，點嚟食嘅就會味道更加豐富。芒果椰汁糯米飯個芒果糯米飯砌得好靚，啲糯米飯整咗兩個波波咁，而芒果都算甜。泰式奶茶 椰青兩杯嘢飲都幾好，泰式奶茶幾有茶香味唔係得個甜字。個椰青就都幾大幾新鮮。

嘟嘟係泰國最有特色嘅交通工具～～估唔到喺香港有一間餐廳以佢為主題～～今次一於就試試佢～～餐牌嘅選擇都好多～～ 今晚我哋叫咗龍眼冰廳同青檸梳打~~落單嘅時候姐姐好好咁提我地今日返左生蝦 ~~生蝦好有肉同新鮮～～加埋個擺盤買相簡直係一流～～仲有碳燒豬頸肉～～個爐好吸引.. 熱住 加埋個汁～ 好正～～馬拉盞炒椰菜苗～～中規中矩～～當然唔少得小食拼盆～～雞翼、春卷、蝦餅、雞肉串燒豬肉串燒～～一次過滿足曬我既小食願望～～仲叫咗招牌焗黃咖喱麵包軟殼蟹～～一嚟到賣相已經好吸引～～先食咗個軟殼蟹～～ 唔太油膩～～再切開埋個包睇住啲咖喱汁流出嚟～～ 配合個麵包～ 好味😋～～我地加左分薄餅點咖喱汁食～～ 食飽飽當然唔少得甜品啦～～我哋揀咗芒果糯米飯～～好滿足咁捧住個肚走～～

大角咀其實好多好味小店，泰嘟嘟就係其中一間，”嘟嘟”其實就係tuktuk 車既音，餐廳入面仲有幾張卡位枱係裝修到好似tuktuk 車咁樣😆😆🎈泰式生海蝦 $88/6隻呢到既生蝦賣相好靚好特別，一杯杯裝住有埋汁，2隻味分別係酸辣同埋咸辣味😋🎈招牌黃咖哩麵包軟殼蟹 $168呢個招牌菜差唔多大部份枱都有叫，份量多之餘個黃咖喱仲好香😋🎈炭燒豬頸肉 $78豬頸肉有埋一個小爐仔熱住，唔會食食下就凍哂👍🏻👍🏻豬頸肉配埋餐廳秘製醬汁，正！🎈小食拼盤（小） $108小食拼盤有齊炸春卷、炸雞翼、炸蝦餅，仲有埋串燒，一次過可以滿足晒幾個願望👍🏻👍🏻🎈印度薄餅 $32/2塊🎈馬拉盞炒椰菜苗 $68🎈龍眼冰 $26🎈青檸梳打 $26🎈芒果椰汁糯米飯 $58

泰嘟嘟 (大角咀)📍大角咀利得街14號大角咀其實都好多野食篤篤車黎做佈置就吸引左我入黎食啦高質既泰國菜周圍佈置、音樂及餐具都好有泰國特式我當自己去左泰國旅行🤣🤣1.小食拼盤有蝦餅、春卷、串燒（雞、豬）、雞翼炸得非常香脆肉質彈牙雞豬各一串香得黎配上燒烤汁夠哂正！2.生蝦刺身大隻！彈牙！用個cocktail杯唔講以為飲緊酒配上唔同嘅泰式辣醬汁酸辣汁及青草辣汁，帶有少辣3.鮮蝦炒金邊粉酸酸地夠開胃份量好多大碟4.鹹魚炒椰菜苗鹹魚好香好惹味椰菜苗炒得好爽5.青檸梳打夠fresh 好清新芒果芝士沙冰夠哂凍👉🏻餐廳環境方面坐得幾舒服性價比高既泰菜美味指數：⭐️⭐️⭐️⭐️.5環境指數：⭐️⭐️⭐⭐️⭐️服務態度：⭐️⭐️⭐️️️⭐.5翻兜指數：⭐️⭐️⭐️⭐️⭐（滿分為 5⭐）#全力食｜#密密食｜#情侶檔搵食｜#小店推介｜#餐廳推介

我同朋友今日放工散步行去大角咀覓食，我地行經哩間泰嘟嘟店外已經俾佢泰式篤篤車嘅招牌吸引住，店內佈置環境都充滿泰國風味，有一個打卡位是Tuk tuk造型的幾個卡位。兩年多無得去泰國既我地覺得好似置身於泰國🇹🇭😍店內環境十分舒服，幾岩與朋友聊聊天聚會的，食物方面，我地叫左大size的小食拼盤（$148），招牌焗黃咖喱麵包軟殼蟹（$168），合共$316（全單加一服務費$31.6），埋單$348（平均人均消費$174）。拼盤內有蝦餅四塊、炸雞翼兩件、泰式春卷4塊、泰式香茅餅四塊、香葉包雞2件、一串雞串燒同一串豬肉串燒。擺盤幾精美，我同老公兩個人食完哩個相當有份量既招牌黃咖喱焗麵包軟殼蟹。麵包外脆內吸收晒黃咖喱既精華，絕對係必食推薦。份量適中，食物質素同店內氣氛的性價比相當高，我認為除了店內環境舒適外，服務十分好，還有很多不同既泰國美食同套餐，推薦大家可以嚟試下。

呢間泰國餐廳充滿泰國氣氛，佈置每一處都係打卡位，睇得出裝修係有花到心思，雖然店舖門面較小，但正正係呢啲小店先食得出正宗嘅味道。黎呢間店食左數次，次次都會叫呢個招牌焗黃咖喱麵包軟殼蟹（$168），佢嘅軟殼蟹炸到好脆，但你又唔會覺得好重炸粉，陪上咖哩汁，一流。基本上每一枱都有叫呢個😌單點佢價錢可以接受，份量好足夠。其實佢有套餐，兩人套餐$238都可以簡黃咖喱麵包軟殼蟹，套餐就比較低食，但我哋唔係好餓就散叫。泰式乾炒雞河（$68），呢個大大碟，價錢平，抵食，但好似鹹咗少少😅，食過菠蘿海鮮炒飯都唔錯，下次都係叫返呢個芒果椰汁糯米飯（$58），芒果好甜，糯米飯都唔錯，太耐無去旅行食到呢個真係好似去左旅行甘，懷念懷念椰青（$30），食泰國嘢點可以少咗佢😌

泰嘟嘟既嘟嘟原來即係Tuk Tuk, 所以餐廳入面既裝飾都有Tuk Tuk車，幾得意😂整體裝修都好colourful😆😆👍🏻1.泰皇咖喱牛筋腩煲望落以為好稀，但其實咖喱味道幾濃，所以隨即叫多份薄餅點咖喱食😋。薄餅唔係鬆脆果種，係實心軟皮，奶香味重。牛筋腩同薯仔都炆得幾冧，入味，唔錯👍🏻2.馬拉盞豬頸肉炒河好好味！夠火喉，夠濃味！3.小食拼盤（大）（蝦餅、春卷、串燒、雞翼、香葉包雞、魚餅）好抵食！包羅萬有！當中既蝦餅同雞翼最好味😋

去大角咀搵食，經過這間泰國餐廳，入面有好多波衫就入去試下睇下感覺好似酒吧，但係坐低見到餐具又覺得好似去咗泰國咁樣鐵盤餐碟、鋁匙羹都覺得好有懷舊嘅感覺兩個人叫咗4樣嘢1.泰式肉碎生菜包生菜夠新鮮而且都仲有好多塊肉碎就夠味但係略濕, 生菜雪完拎出嚟夠凍，肉碎夠熱，一冷一熱感覺都幾有趣2.串燒叫咗雞同豬各3串， 有真係覺得燒烤過嘅香味，另外仲有一個汁，點落好惹味3.菠蘿炒飯炒飯同平時食嗰啲有少少唔，同因為佢好重㗎哩味， 重口味得嚟都好惹味4.炒雜菜有菇、蘿蔔、粟米仔、有芥菜、清清淡淡唔算好油、 有蒜香味

見到ViuTV節目異國風情畫Dee gor同Isabella去咗呢間試食，我同朋友都心癢癢想去呢間卡位係篤篤車嘅泰國菜餐廳~大角咀weekday夜晚人流正常，入到去都係得一兩張空位，唔使排隊，我哋總共嗌咗三樣嘢加一杯嘢share。第一樣：招牌焗黃咖喱麵包軟殼蟹 $168見到dee gor佢哋都有嗌，又係招牌，就嗌嚟試試佢。食落味道ok，但咖喱似係普通港式餐廳嘅咖喱，泰式咖喱應該會再香辣少少或者落黃薑粉，或者好似綠咖喱咁落椰奶。第二樣：串燒沙嗲（半打）$88嗌咗三串雞三串豬。嚟到份量好大，啲肉由底去到頭都有，冇咩肥肉，好飽肚，幾扺食。第三樣：鮮蝦扎肉米紙卷 $58食咗咁多肉，嗌返啲菜中和下。食落個皮（米紙）有驚喜，幾煙韌。再加埋啲紅蘿蔔絲、扎肉、生菜，點埋啲汁，好似食緊撈檬咁，嚟到可以試下呢樣。嘢飲：西瓜芝士沙冰 （$32）抱住獵奇心態飲，芝士味幾濃，同西瓜配搭ok，但糖水有啲多。

早排女朋友喺社交網站見到朋友坐喺泰式篤篤車入面一路食飯一路打卡，於是佢就叫我帶佢去試吓，今日放假一於就帶佢去呢間位於大角咀嘅泰國餐廳- 泰嘟嘟啦！一入到去餐廳，已經俾佢七彩繽紛嘅裝飾吸引住，冇諗過佢嘅裝修咁有特色，兩邊牆上佈滿七彩繽紛的塗鴉、國旗、波衫等等，最特別嘅當然係模擬泰國的篤篤車嘅卡位啦！坐低之後我哋就即刻睇吓Menu有咩食，果然都好多選擇，最後我哋叫咗以下食物：1. 泰式鐵板蠔仔炒蛋 $88 蠔仔炒蛋係用鐵板上，所以上枱後仍然keep住新鮮熱辣辣，蛋煎得好香，而蠔仔都算多，食落有鮮味，炒蛋下面仲有芽菜墊底， 點埋佢附送嘅秘製辣醬汁，夾埋一齊食，真係好有泰式風味，正呀！2. 蒜蓉炒上素 $58 蒜蓉炒上素有好多唔同嘅雜菜：有西蘭花、椰菜、芥蘭、蓮藕、菇等等，鑊氣十足，加上蒜蓉獨特香味，令雜菜惹味非常，不過略偏油3. 芒果糯米飯 $58食泰國菜又點少得芒果椰汁糯米飯依個甜品呢？芒果食落同平時食開嘅唔同，有特別嘅果香，估計應該係鷹嘴芒，食落香氣撲鼻清甜，糯米飯柔軟煙韌混合香滑濃郁嘅椰漿