泰嘟嘟

營業中

休息中

已經有一段時間冇食過泰國嘢 今次係我屋企附近見到呢間價錢平民嘅泰國餐廳 真係覺得唔錯 值得推薦一下-✨炭燒豬頸肉係真係火燒住啲豬頸肉上碟咖! 由於用火燒豬嘅關係，可以逼出豬頸肉嘅油份，食起上嚟特別Juicy🤪-✨海南雞飯呢度嘅海南雞飯好好食 個黃色嘅雞油飯超級香 有海南雞髀肉 肉質滑溜 雞味好濃郁最正嘅地方係雞髀位置唔使好似其他餐廳咁，需要加錢先有得食-✨鐵板呵仔蛋餅原本就咁嘅呵仔蛋餅已經非常吸引 呢一個蛋餅用咗鐵板黎上 可以保持住蠔仔同埋蛋餅嘅熱力，即使放咗一陣都幾好食😋-✨芒果沙冰&凍奶茶有好多唔同類型嘅特飲，由於叫咗鐵板野食熱辣辣 需要飲返啲冰凍既飲品涼下 芒果沙冰味道好出 唔會成杯都係冰🤪

就算夜晚禁堂食都一樣可以買好嘢返屋企食今次就試咗大角咀嘅泰嘟嘟外賣同朋友仔一齊食首先叫咗月亮蝦餅同平時食泰國嘢嘅蝦餅有少少唔同呢個蝦餅係扁啲嘅 同埋係脆口外賣來講都好好食另外亦都叫咗紅咖喱羊肉平時出去食咖喱通常都係得牛肉豬肉雞肉難得有羊肉梗係要試一試羊肉唔算太蘇 食落都易入口好食仲叫咗個肉碎炒飯 有鑊氣亦都好香仲有少不免食菜叫咗馬拉盞炒菜小小嘅辣識落更香口唔止仲叫咗幾種嘅炒麵分別有pha Thai, 蟹肉炒麵 同埋炒河粉三個面都炒得好香好好食而我就最鍾意蟹肉炒麵 蟹肉淡淡鮮甜同埋都叫做特別仲叫咗雞肉 雖然份量唔算好多但一人一舊啱啱好仲叫多咗個炒飯 同肉碎炒飯一樣都係好好食冇諗到外賣都可以食得咁豐富下次同朋友食飯都一定會揀呢間

星期五冇堂食。真係x 出黎。冇計，所以聽聽話話信政府買外賣番屋企開party 算。menu 都幾多野食。我都係事但執d 野食番去交差。蝦醬肉碎炒飯 $78飽肚之選，份量夠泰式海鮮炒貴刁 $78足料，唔太油膩蟹肉炒粉絲$68蟹肉都唔算好多，不過都夠味。同香味十足。月亮蝦餅 $88正正常常，不過唔算太抵食香葉包雞（6件）$68幾正宗，不過唔算太舊。性價比唔算太高鮮蝦炒金邊粉 $78夠大份，味道正常。香葉肉碎炒飯 $78勁惹味，好重口味，大份紅咖喱羊排骨$98幾多肉食，羊味幾出，個咖喱好送飯馬拉盞炒椰菜苗 $68健康之選

疫情關係，還未恢復晚市，唯有繼續外賣。大角咀泰嘟嘟呢間泰式餐廳，平時堂食無論午餐下午茶或晚餐時段都有不少人，估不到今晚排隊買外賣嘅人也不少。我叫咗個泰式牛腩牛筋，另外叫一盒白飯。同埋一個芒果糯米飯。咖喱汁超級濃郁，牛腩嫩滑入味，配有三色辣，分量十足，配上白飯真係食到唔停得口芒果糯米飯，芒果清香，配上粒粒分明有黏度嘅糯米飯，配埋椰漿，呢個糯米飯做得好好，讚！雖然食完牛腩飯已經好飽啦，但係呢個芒果糯米飯太好食啦，我都忍唔住全部食晒！

香港人鍾意食泰菜，有不少泰式餐廳林立，我自己都真係十分鍾意，但唔係間間好食，但今次係屋企附近食到間，質素非常好，價格相宜，餐廳亦嘟嘟為主題，非常有特色，食得我心花怒放炭燒豬頸肉食落非常香口，表面焦香，份量算多，而且仲有個炭爐保持住溫度，而個泰式酸辣汁非常過癮，可一解豬頸肉的油膩。泰式明爐花甲鍋花甲大大隻，非常鮮甜，食落好juicy! 而且湯亦好清甜，連埋個粉絲被食清得一乾二淨，非常推薦！馬拉盞西蘭花炒蓮藕用馬拉盞炒西蘭花，鹹香味重又帶香辣，令西蘭花變得惹味，而蓮藕又脆又清甜，加上炸蒜片，令整道菜香口不少印度薄餅雖然無叫到咖哩，但又唔想叫白飯，於是叫客naan食都唔錯，就咁食都好香口，飽肚之餘又可以過下口癮芒果芝士沙冰沙冰飲落綿密，而且飲到有芒果肉， 酸酸甜甜，並且淋上奶蓋，增色不少，奶蓋亦整得好出色，又滑又充滿奶香，推薦！

明天開始又無得晚市堂食，所以決定同家人出去食晚餐，然後第一時間就諗起泰嘟嘟了!我地一行三人點了一份四人套餐($398)，可以點五款主食，每位都可以半價叫一杯飲品。由於全家都好愛好芒果，所以我地三個都叫左芒果芝士沙冰。喺芒果沙冰上面放上邪惡既芝士，仲配有大大粒既芒果肉，雖然果肉唔係十分甜(季節關係)，但仍然係好好飲，口感豐富。先黎一個小食:月亮蝦餅Pizza咁大片既蝦餅，再配上泰式甜酸醬，絕對係必試之選。再黎一個開胃菜: 泰式肉碎生菜包叫左小辣版既泰式肉碎生菜包，肉碎好香好開胃但生菜略嫌唔夠新鮮，美中不足。之後就係主食:招牌黃咖喱麵包軟殼蟹炸得香脆既軟殼蟹，配上沾滿黃咖喱的金磚，味道唔錯。再黎第二個主食:泰式經典明爐烏頭如果喜歡食魚既人，呢條烏頭就一定要試。魚身軟滑，加上冬蔭功湯底既幫助，令到烏頭味道更加昇華。最後當然要食返D蔬菜:豬頸肉啫啫通菜煲啫啫夠曬香，味道唔錯。最後埋單都係約$500，無論質同量都屬於中上，係大角咀少有的

大角咀真係有好多好嘢食，今日就去咗一間泰國菜，見到佢哋裝修好特別，真係好有泰式風格，就入左去試下！其中有卡位係泰國嘅Tuk Tuk，好得意！ ！食物嘅味道都好好，上菜既presentation都好正！推介！

今日返完工好累，放工之後，唔想買餸煮飯。老公提議買泰國外賣，我當然舉腳贊成。於是我放工，來到奧運站附近的泰國餐廳買外賣。印度海餅（2件）老公超喜歡吃印度薄餅，雖然今晚沒有點咖喱，我也叫了兩塊印度薄餅給他吃。印度薄餅煎得金黃色的，賣相吸引，烤得超級酥脆的，非常正。串燒（半打）有雞有豬，每款點了三串，可以滿足兩個願望。我特別喜歡它的雞串燒，燒得焦香的，雞的肉汁亦完全保留，肉質鮮嫩。泰式酸辣鳳爪沙律老公最愛的是泰式酸辣鳳爪，他喜歡鳳爪的酸酸甜甜，和爽口感覺，配以泰式特製辣汁，特別開胃。馬拉盞豬頸肉炒河這個炒河的鑊氣非常強，而且每啖充滿着馬拉盞香味，配上爽口的豬頸肉，這個是必點。馬拉盞肉碎茄子煲想不到，外賣回家，茄子仍然保持鮮紫色。味道剛剛好，不會太咸，大量肉碎，送飯一流。

搵到間平民泰國菜。晚市有套餐，亦都有散叫。想選擇多啲自己鍾意食嘅嘢，揀咗散叫　～～食泰國嘢當然唔少得叫返個冬陰功。冬陰功湯有大蝦、蘑菇、唔同嘅泰國香料，辣辣地，但唔會勁辣。而且酸酸地又帶啲啲椰汁味～～蝦餅都係我會必點的。蝦餅煎炸形式，薄薄地有蝦鮮味。你好泰式辣醬、甜酸醬。呢度咖喱都有好多味道，揀咗咖喱雞。想食魚叫咗泰式焗鳥頭，用錫紙包住焗。魚唔會乾，幾香～味道幾好。青檸梳打、咸檸檬七喜都好好飲，飲完夠爽！

呢間位於大角咀嘅泰國菜價錢親民，嘢食有水準，性價比非常高。鍾意餐廳入邊有幾張篤篤車嘅卡位，幾特別。▶️月亮蝦餅呢隻蝦餅好得意，好似煎薄撐咁切成一件件，好似Pizza咁薄薄地，入邊有蝦。▶️泰式青咖喱雞/ 香蔥蒜蓉包 （6件）呢個份量唔會太多，唔駛好似平時叫咖喱咁成日剩返好多咖喱汁。另外點左蒜蓉包，點咖喱幾好食！本身蒜蓉包就咁食已經好食！▶️冬蔭功海鮮湯細嘅冬陰功湯已經可以分成四至五碗仔，味道唔會太辣。有泰式香料味，酸酸地開胃。▶️蕉葉烤焗烏頭明爐烏頭食得多，焗烏頭係另一種風味。焗烏頭有鹽烤香味，魚肉質幾滑。▶️鹹魚炒芥蘭少少鹹魚味希少少辣味。▶️泰式奶茶奶味濃郁，甜甜地！

有別於傳統泰式裝修，呢間位於大角咀既泰式小店店內色彩繽紛，卡座係港人熟悉既篤篤車，充滿時代感又帶點泰國風情。 小食拼盤（小）8/10先嚟個小食拼盤（小），呢個「小」一d 都唔「小」而且種類豐富，有雞肉串燒、蝦餅、春卷，仲有雞翼。雞肉串燒燒得夠晒juicy，同沙嗲醬簡直係絕配！蝦餅外脆內裏爽口彈牙滑，春卷皮炸得香薄脆口，沾上泰式甜辣醬，充滿滋味冬陰功海鮮湯金邊粉 7/10 黎得食泰國野梗係要試吓佢嘅冬陰功，呢個冬陰功湯底酸酸甜甜，十分惹味，不過個人覺得個辣味可以再重啲。海鮮種類都好豐富 有青口、蟹柳、尤魚…等，鮮味十足香芒軟殼蟹米紙卷 6/10 呢個米紙卷d餡料多到瀉晒出嚟，米紙皮薄煙靭，包住爽口蔬菜，炸得酥脆既軟殼蟹同酸甜嘅芒果，口感層次豐富兼飽肚

記得係電視見過呢間泰國菜, 睇落都幾得意! 今日一場黎到, 人氣果然好高, 好采一早BOOK左枱!食泰菜梗係叫支象啤, 正!叫左半隻海南雞, 原來仲會跟個酒飯, 半隻雞黎講份量都幾多, 雞肉算幾滑, 而且雞皮爽脆, 相當唔錯~ 油飯都好香好好食, 唔會覺得好油~~炒芥蘭都炒得幾好, 唔會油林林, 菜都草綠和甜~估唔到泰國菜都有生牛河食, 朋友叫左一碗試下, 湯底幾濃, 真材實料, 牛肉片得好薄, 所以都好滑!辣椒炒大蝦, 真係好大隻蝦, 有成6隻, 肉質都爽, 蝦味都重, 新鮮!梗係唔少得小食拼盤, 新鮮炸起好正, 全部都脆卜卜, 送酒一流!

與好友飯聚，選了位於大角嘴、以泰國的tuk tuk 車作主題的泰嘟嘟。店內色彩繽紛，配有一些別緻的霓虹燈牌裝飾，還有三張模仿tuk tuk 車的卡座，布置蠻有心思的，放工吃飯除了要吃好西，餐廳也要夠賞心悅目啊。食物選擇夠多，泰式頭盤小食、燒烤、海鮮、咖喱等齊備，我們二人行是日點了招牌泰式菠蘿海鮮炒飯、炭燒豬頸肉、冬蔭公海鮮湯、泰式馬拉盞芥蘭、金柚子蝦沙律和甜品芒果糯米飯。菠蘿海鮮炒飯份量夠多，炒得也夠乾身，菠蘿香甜，配上必備的肉鬆和腰果，酸甜不油膩，好味😋！炭燒豬頸肉賣相有驚喜，它不像其他店將豬頸肉燒得乾硬焦黑，保留豬頸肉的腍甜，肥瘦剛好，配有自家酸辣汁，十分惹味。冬蔭公上桌時仍以微微的爐火暖着，味道偏濃、不是重重椰汁的那種，辣度剛好（算是譚仔的10小辣），湯料有原隻大頭蝦，開心。馬拉盞芥蘭用心地削去難咬的部分，切得剛剛好可以一啖放入口，馬拉盞沒有死鹹味，味道不錯。金柚子蝦沙律份量充足，柚子新鮮，配上略帶甜酸的辣汁，醒神開胃。芒果糯米飯沒有敷衍了事，重點的糯米飯是暖暖的，芒果是鮮甜（沒有浸糖水），棷汁甜度合宜，為今餐作個完美句號。飲品點了椰汁冰和龍眼冰，有些偏甜，但如果配以辛辣食物頓時

是晚下班跟朋友吃泰菜，這間泰菜餐廳他曾想過吃，但一直未有機會同行，這晚正好大家可以聚聚舊。我們到達餐廳時人流不算很多，職員很快安排了位置給我們，餐廳佈置很有特色，有三張tuk tuk車的位置讓食客坐著感受泰菜，牆身還掛滿不同球星的球衣，想必餐廳店主很喜歡足球。餐廳選擇也不少，我們點了不同的泰菜一邊聊天一邊享用。《冬蔭功海鮮湯》，餐廳招牌菜，吃起來濃味且咸酸的，頗開胃，不會很辣，喝起來很暢快。《炭燒豬頸肉》看到精緻的擺碟讓人心動，豬頸肉肥美，小爐頭的火一直燃著豬頸肉，保持微溫和油份，個人較喜歡超瘦的豬頸肉，喜歡吃半肥瘦的相信會很喜歡😄《泰式菠蘿海鮮炒飯》不是原隻菠蘿上碟，味道不錯不失，用傳統鐵碟盛放，新奇特別。《泰國金柚子蝦沙律》賣相很不錯，沙律略甜而且不辣，入口有種椰絲甜味道的感覺，與我平日吃的柚子蝦沙律味道略有不同。最後不得不點《芒果糯米飯》暖暖的糯米飯配上椰汁很滋味，個人覺得糯米飯可再淋身一點，吃一口芒果便能中和了甜度，滿足。

今次同朋友去食泰國菜－泰嘟嘟，餐廳座位唔算太多，我地坐卡位，比較闊落。餐廳有供應紙巾暖水，而且餐格餐具都好乾淨~我同朋友叫左菠蘿海鮮炒飯，蝦醬炒通菜，半打串燒沙嗲（雞x3，豬x3）。飲品方面就叫左芝士火龍果沙冰。菠蘿海鮮炒飯，份量超多，除左鮮甜多汁嘅菠蘿果肉，仲有腰果，提子乾，蟹柳，青口，魷魚，章魚仔，蝦仁同肉鬆，炒飯乾身，飯粒粒粒分明，有火喉，配埋鮮甜多汁嘅菠蘿果肉好開胃，食多少少都唔膩，好味！蝦醬炒通菜，份量正常，好香蝦醬味，唔會過鹹，通菜菜葉好嫰，莖嘅部份就好爽脆，加埋香草，食落味道更加香濃。半打串燒沙嗲，問左店員可以串雞x3，豬串x3，沙嗲香濃偏甜，豬串豬肉沙嗲味較入味，咬落肉質煙韌juiicy, 雞串肉質都嫰滑，唔會乾。而配嘅醬好高質，好香豆瓣醬味，質地濃郁，同串燒好夾~火龍果芝士沙冰上枱賣相幾吸引，芝士奶蓋上面放左切成小塊的紅火龍果，相當新鮮。首先試左啖芝士奶蓋，入口順滑，但芝士味冇想像中咁濃，口感不錯。沙冰飲落亦算幼滑，紅火龍果的味道清新，個人覺得味道偏甜，配合味濃的主菜飲都幾解膩，係唔錯嘅飲品選擇。