泓居酒屋 (已結業)

🐮燒牛舌每次見到餐廳有串燒都一定會揀牛舌，雖然串燒嘅價錢略貴，但確實一分錢一分貨😝入口油香十足🐟松島魚餅魚餅外面燒到有一層煙韌嘅外皮，裏面口感有啲似魚蛋😙配搭埋蛋黃醬味道唔錯🦑糯米飯魷魚筒餐廳職員話醬汁係用魷魚嘅內臟整嘅，味道都幾特別🤤煙靭嘅魷魚，配搭埋裏面軟糯嘅糯米飯😋推薦🍲清酒煮白貝我一開始就是將啲湯先🤤感覺餐廳用咗鰹魚湯同埋清酒去煮，白貝比一般嘅蜆肉大隻好多😍啖啖肉好滿足，不過美中不足嘅就係白貝有少少沙🥺整體來講都唔錯嘅🥰餐廳，整體都好寧靜，環境唔錯

尖沙咀一帶美食都好多，比我發現一間樓上居酒屋係幾正~舖頭幾乾淨，好有日本feel~先上南瓜前菜小食~清甜而且非常林~日本乳酸梳打 HK$58荔枝梳打 HK$58冰涼飲品，唔算好甜，正常~燒明太子 HK$88第一次見呢個菜式，都幾特別。味道就咸咸地，配埋青瓜又幾OK。香草羊架 HK$98剪得好林好香，羊味就唔算太濃。蘆筍豚肉 HK$48薄薄豚肉包住蘆筍，口感不錯，味道都幾好。牛舌心 HK$58香口，口感軟硬適中。慢煮牛肩肉 HK$138呢碟出色，慢煮肉係非常嫩滑。牛味好香，點埋個醬仲出色。或者夾埋蒜片食又另一番香味。總括呢度食物質數不錯，價錢不算貴，但份量偏少，適合飲下酒一食一下~

午餐時間想靜靜地同朋友傾吓計，搵咗一間日本居酒屋，餐廳望到九龍公園園景，感覺非常寫意。Lunch set 好抵食，由$98-$188，包埋前菜同飲品。前菜除咗清新嘅沙律菜之外，仲有芝麻汁配秋葵粒，口感清脆。我哋另外加咗款壽司卷 - 鐵火卷（Tuna Roll)，壽司飯加入咗赤醋，包住新鮮嘅吞拿魚。燒原條日式脆皮白鰻（轉稻庭烏冬+$15）白鰻外脆內軟嫩，份量好多，香味撲鼻，稻庭烏冬口感彈牙，煙靭。泓雜錦串燒定食入面有7種唔同嘅串燒，牛舌、雞翼、豚肉西京燒、雞肉串、雞頸、青椒仔、番薯。牛舌有嚼勁，肉感彈牙；雞翼肉質細嫩，多汁；豚肉嘅油脂香十足；雞肉串肉質嫩滑；雞頸串肥瘦適中有嚼勁。

有咩好過收工同fd食飯吹水?就係去位於尖沙咀中港大廈頂層嘅呢間泓居酒屋歎住吹水喇! (仲要就喺Apple隔離 勁方便)有別於一般鬧市中嘅居酒屋個view靚不在話下 難得呢度座位寬闊 可以坐得舒舒服服😙而且居酒屋嚟講 呢間價錢OK 不論食物定酒都好多款式 性價比高😎坐低時店員好快就會比一人一碟仔前菜小食我去嗰日係秋葵配胡麻醬 好開胃 (利申: 我好中意食秋葵)🦪廣島蠔佢係原隻燒日本蠔好大隻 燒完仲係脹卜卜只係用左好少七味粉 加埋本身嘅海水味 正!👍🏻🐡日本魚勝味淋雞泡魚干整得好入味 烤完都保持到個咬口 唔會好硬點埋沙律醬係會停唔到口🐟松島魚餅佢比起出面食嘅魚餅更加彈牙 亦都好惹味我就未去過松島食過佢地既魚餅啦如果你地去食過嘅 去試埋呢間再話我知似唔似日本松島嗰D啦haha🤣🥬野菜類串燒 (冬菇、秋葵、日本蕃薯)冬菇同秋葵都燒得岩岩好 唔會乾曬我幾欣賞個日本蕃薯真係好甜 同埋個芯仲係軟軟地架🤤🐮牛肉類串燒 (牛舌心、牛肩肉)牛舌心特別爽脆 而牛肩肉軟韌同肥瘦適中兩款都應該只係落左好少鹽就已經牛味濃郁✨串燒盤左上有D餐廳秘製嘅醬料咸中帶丁點酸味 無論點野菜定肉類都能夠提香🦑魷魚糯米飯呢個出符

居酒屋嘅位置比較隱蔽，係廣東道Apple隔離嘅一座商業大廈裡面。居酒屋嘅環境好舒服寬敞，唔會太嘈，亦設有包廂同埋bar枱，好適合朋友黎聚餐或者飲嘢。------------------------------小編兩個人食左以下嘅嘢：☐ 雞軟骨 $38☐ 明太子雞翼 $48☐ 免治雞肉棒配溫泉蛋 $68☐ 牛舌心 $58☐ 牛肩肉 $68☐ 慢煮鹿兒島黑豚 $118☐ 北海道活帆立貝 $88免治雞肉棒係燒物當中比較突出，口感軟綿，配上濃厚嘅蛋汁食味道更豐富。慢煮鹿兒島黑豚同埋牛舌心油脂豐富，香口惹味，牛舌心嫩滑得黎亦唔會韌。明太子雞翼雖然唔大隻，但係肉質嫩滑，明太子餡唔會太鹹，味道平衡得好好😆 雞軟骨燒得乾身脆口，小編食極唔停，而牛肩肉嫩滑無筋，牛味十足，活帆立貝十分新鮮，好juicy，殼上面有住滿滿嘅湯汁😋------------------------------嘢飲方面，小編就嗌咗：☐ 精選梅酒 $88☐ 燒酌梳打 $68小編比較鍾意梅酒，味道清甜得黎帶點微酸，好清新。

泓居酒屋今日中午嚟到尖沙咀中港中心搵到一間隱世居酒屋，呢間居酒屋喺17樓，一入到去見到幾個大電視合併埋播住日本景點片段，入面空間超級大，枱與枱之間相當闊落，絕對方便輪椅人士喺度食飯同傾計！我就揀咗近落地玻璃嘅位置坐，望到整個九龍公園，環境勁靚！1.和牛漢堡扒定食 配前菜、沙律、麵豉湯、白飯 $128（9/10）呢個和牛漢堡扒好有牛肉味，相當juicy，唔會乾身，有成兩大舊，足夠兩人食！前菜係芝麻醬秋葵，呢個秋季食落口唔會似食痰咁， 秋葵黏液做得好好，仲加咗木魚絲，呢種做法連我平時討厭食秋葵都覺得幾好食！呢個定食仲有薯條，薯條係粗角切，好有薯味，內熱外脆！👍🍟2.黑松露蔥油吉列黑豚扒定食 配前菜、沙律、麵豉湯、白飯$138（8/10）呢個黑豚扒炸粉落得啱啱好，唔會太厚粉， 收嘅地方就韌咗少少，帶脂肪嘅部分就好好食，總共有7舊吉列黑豚扒，份量係唔少！麵豉湯有豆腐乾同海帶，鹹咗少少！沙律菜份量比較多，但唔夠多水，菜有少少乾！白飯食得出係日本珍珠米！3.巨峰提子梳打$15（跟餐轉有優惠）（7/10）好飲，但甜咗少少！4.白桃梳打$15（跟餐轉有優惠）（8/10）有少少白桃味，唔會好甜！5.日本

朋友帶我到尖沙咀上樓食店，今次是日本餐-泓，餐廳開揚望住尖沙咀景，而且座位舒適。午市選擇非常多，有12款選擇，而且還有前菜、沙律、麵豉湯、飯及飲品，更可upgrade至烏冬，及升級至多款水果梳打，亦可追加雪糕。我們點了銀雪魚西京燒及泓雜錦串燒定食，先來的前菜南瓜軟淋入味，什菜沙律酸酸地很開胃。銀雪魚煎得香，肉鮮甜油份重好拌飯，份量也不少，而串燒定食夠哂份量，有牛舌、雞翼、豚肉西京燒、雞肉串、青椒仔及番薯，款款都好味。兩杯梳打白桃及柚子均透心涼，而豆腐雪糕也好味。整體很不錯，服務也好！

開心聚餐居酒屋約咗朋友去尖沙咀一聚，由於近冬至及聖誕節，朋友好多聚餐，而且我哋兩個人都唔算大食，所以冇打算揀放題，有人推介係中港中心嘅泓居酒屋食串燒，咁我哋揀呢間嘅環境好舒服，比我哋可以靜靜地傾下計，而且佢有個大銀幕影上日本的旅遊景點，令我地都好似去咗日本咁🇯🇵我哋點咗雞肉、牛舌心、牛肩肉、茘枝豚肉、廣島蠔及脆皮原條白鰻😀餐廳提供嘅牛肩肉串燒非常滋味同有風味，啲肉質非常肥美嫩滑，啲牛脂肪同肉嘅比例非常平均，燒烤後鎖實啲肉汁，非常juicy，完全冇鞋口，簡直有入口即融，但又唔覺得肥膩😍佢嘅茘枝豚肉亦都非常好味，啲豬肉有肉質本身的味道，入面夾著粒茘枝肉，咬落去浸透陣陣的清香甜美，令人驚喜，有幸福的感覺❤️❤️個廣島蠔咬落去好creamy👍👍👍令到我哋忍唔住要再encore😋脆皮原條白鰻，有炭燒的風味得嚟又保持白鰻的肉質甜味，皮脆肉嫩😛我哋點了杯青蘋果梳打，味道好清新開胃。另一杯巨峰提子梳打，有好香濃嘅巨峰提子味嘅飲品☺️餐廳安排我哋坐喺卡位，坐位一點也不擠逼，侍應服務態度好親切，這餐食得好開心同滿足👍👍👍👍

泓居酒屋📍尖沙咀廣東道122-126號中港中心17樓臨近聖誕節我都開始約朋友出嚟食飯今晚揀咗一間質素幾高嘅日本居酒屋🥚原味玉子燒$48用來做頭盤唔錯 玉子燒用高湯煮 帶有鮮味 蛋捲層次分明🐥南蠻炸雞$78分量頗多 脆得外脆內軟 好Juicy🍢燒日本絹豆腐$38 第一次食到咁滑嘅豆腐🐷荔枝豚肉$38 煙肉中間包着荔枝 甜甜鹹鹹呢個配搭幾好🐤手羽先$38 外皮燒得香脆👅牛舌心$58 咬落爽口 調味唔錯🐥雞頸肉$48 雞頸肉比一般雞肉更加有咬口🦑魷魚糯米飯$88一定係必點 幾特別嘅食物魷魚筒包左糯米飯 再點埋用魷魚內臟整嘅醬十分鮮味🐣燒雞冠$28 滿滿嘅骨膠原 出面唔係周圍有得食燒鵪鶉蛋$28 一串有四粒 燒得好香

餐廳位置都好方便就係海港城商場對面裝修modern好有🇯🇵日本風味主打日式串燒串燒款式特別多啱晒同朋友宵夜聚會🔸松島魚餅 $68🔸熱鱈場蟹玉子燒 $58🔸魷魚糯米飯 $88🔸炸吉列蠔 $48🔸豚肉西京燒 $48🔸荔枝豚肉 $48🔸明太子雞翼 $48*2🔸雞肉照燒汁 $48松島魚餅切成一片片，口感非常煙韌，配埋沙律醬一齊食好正👍🏼鱈場蟹玉子燒有熱食或凍食，天寒地凍🥶我地就揀咗熱食。玉子燒有軟綿口感，頂層仲有鮮味十足嘅鱈場蟹肉。魷魚🦑糯米飯比較少見，將糯米飯放左入魷魚內，之後切成一片片，外層彈牙內層飯黏口。串燒款款都出色👍🏼最鍾意豚肉西京燒，西京燒香氣猶其突出。

中港城附近有間樓上居酒屋居酒屋空間感大，而且靚view情侶黎食都幾浪漫黎到居酒屋當然要叫啤酒串燒串燒方面燒白鱔，荔枝豚肉卷，牛舌，雞翼自己好鐘意食牛舌同荔枝豚肉卷新鮮熱辣，夠哂juicy慢煮牛肩肉，呢個好欣賞牛肩肉牛味濃，而且林得黎有質感夾埋蒜片，外脆內軟，好好味另外叫左個魷魚飯，魷魚飯好有日本風味真的去日本會必食的食物而且餐廳自製既醬汁令魷魚飯更好味店員介紹醬汁係溝左新鮮魷魚肉藏所以鮮味非常另外叫左鱈魚乾，烘到暖暖地送酒一流，最後竟然有甜品食係紅豆大福，滿滿既紅豆唔算太甜好好味

尖沙咀海港城充滿節日氣氛 商場裏面嘅食肆 大排長龍 我同閨蜜於是轉場 去一條馬路之隔嘅中港中心 食日式串燒-🥓慢煮牛肩肉 $138牛肩肉嘅筋絡同油脂比例適中 五成熟 肉質軟嫩 保留牛肉原味 點芥末醬或者青辣醬一齊食 味道更豐富-🧆南蠻炸雞 $78無骨炸雞塊外酥內軟 入口唔油膩 隱約食到青蔥同唐辛子香味 醬汁搭配 改為酸甜嘅南蠻醬汁-🍢豚肉西京燒 $48半肥瘦豚肉同味道甘甜西京燒汁 都幾搭‼️-🍖香草羊架 $98羊架已經夠味 冇羊肉羶亦冇血水 之但係 呢個價錢得一隻羊架 有啲貴😰-🍙燒梅子飯團 $48外殼燒得焦香 似瓦煲飯嗰啲飯焦 有炭香有粒粒脆米 相比之下 入面米粒Q軟 梅子茸鮮酸濕潤 飽肚又好食-🍹青檸梳打 $58☕️熱蜂蜜檸檬柚子茶 $48-📍泓居酒屋尖沙咀廣東道122-126號中港中心17樓

📌 泓居酒屋📍 尖沙咀廣東道122-126號中港中心17樓☎️ 35683266★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*同呢位朋友永遠有講唔完嘅話題，每次約食飯都要搵間坐得舒服，靜靜地嘅餐廳慢慢食飯吹成晚。居酒屋實屬首選。呢間居酒屋位於廣東道海港城對面，中港中心頂樓，店內環境寬敞舒適，有三個包廂，私隱度甚高。酒吧位仲有個無敵濶大螢幕不斷loop住日本🗾風景，等我呢啲仲未去旅行嘅止下癮先。坐低先上咗個甜南瓜前菜。💫深海池魚（$98）一份三切，魚肉透明帶點奶白色，入口爽口甘甜。💫魷魚糯米飯（$88）用糯米填充魷魚，魷魚烤得香口，彈牙有嚼勁，糯米飯質感黏糯，調味足又帶有魷魚香，最緊要醮埋個秘製醬汁，店主話係用魷魚內臟整，質感似蟹膏，更突出每件糯米飯嘅魷魚味！超級推介！💫燒白鱔（$68）白鱔肉厚肥美，外層燒到脆卜卜，口感香脆爽彈，魚油香飽滿。一試難忘！💫豚肉西京燒（$48）牛柳（$58）豚肉西京燒炭燒味十足，唔會燒到過熟鞋口，豚肉用上半肥瘦位置，口感軟稔，加上西京燒甜甜地嘅調味，我同朋友都好欣賞。牛柳肉質鬆軟，牛肉味濃又充滿肉汁，口

慶祝同事生日，係公司附近搵左間好少少既lunch 🥳lunch set真係幾抵食，上得大場面又多野食👍🏼👍🏼。所有午市定食都配前菜，沙律，麵豉湯。首先叫左「泓雜錦串燒定食 $178」呢個串燒定食有7串，串串都大大串👍🏼包括：(牛舌，雞翼，豚肉西京燒，雞肉串，雞頸，青椒仔，蕃茄），燒得岩岩好又惹味。。之後就點左「刺身(4點），串燒(4串)配烏冬 $188」呢個性價比好高，有4種刺身+4種刺身，仲有埋烏冬，食到勁飽。。加左個小食「炸吉列蠔 3隻 $48」大大隻，咬落爆汁，好唔錯。野飲熱柚子蜜同柚子梳打正常發揮👍🏼😁

同朋友約左傾計飲野又想避人多又迫嘅諾士佛臺，所以揀左間可以坐得比較舒適又唔限時嘅係樓上餐廳。雖然店面不大，但好在座位都尚算寬敞，一份餐廳已經見到有一個大型嘅bar 枱，背面播放住唔同東京嘅短片，雖然做唔到令我有即刻飛左去東京嘅感覺，但令店內感覺都好fusion 輕鬆感坐後侍應會主動送上醃製大蔥小碟做前菜，因為串燒製作需時，所以另外我哋都叫左兩款佐酒小食，邊飲邊食邊等🤣🍴玉子燒$48 - 睇都睇到玉子燒嘅層次感，每一層都薄薄而且非常之平均就知師傅技巧不錯🍴松島魚餅$68 - 魚餅有淡淡嘅魚味，厚厚地嘅魚餅竟然係鬆軟且微微彈牙嘅口感，不錯！.串燒 - 整體串燒質素中上🍴豚肉西京燒 $48 - 西京燒汁甜甜地，味道偏濃郁。🍴大蔥雞肉 $38 - 大蔥配雞串係冇得輸嘅組合，燒得剛剛好，外面微焦內裡嫩滑。🍴牛舌心 $58 - 牛舌未算到天花板質素，屬於爽口嘅口感，合格🍴雞頸肉 $48 - 最令我地驚喜嘅係呢個第一次試嘅雞頸肉，呢個部份喺其他地方比較少見，肉質爽彈有嚼勁，但不失鮮嫩🤭🍴免治雞肉棒（配溫泉蛋🥚）$68 - -其次就係免治雞肉棒，配上溫泉蛋，雞肉棒拌左少許軟骨，微微增添口感，食前沾上蛋