泓居酒屋 (已結業)

午餐時間想靜靜地同朋友傾吓計，搵咗一間日本居酒屋，餐廳望到九龍公園園景，感覺非常寫意。Lunch set 好抵食，由$98-$188，包埋前菜同飲品。前菜除咗清新嘅沙律菜之外，仲有芝麻汁配秋葵粒，口感清脆。我哋另外加咗款壽司卷 - 鐵火卷（Tuna Roll)，壽司飯加入咗赤醋，包住新鮮嘅吞拿魚。燒原條日式脆皮白鰻（轉稻庭烏冬+$15）白鰻外脆內軟嫩，份量好多，香味撲鼻，稻庭烏冬口感彈牙，煙靭。泓雜錦串燒定食入面有7種唔同嘅串燒，牛舌、雞翼、豚肉西京燒、雞肉串、雞頸、青椒仔、番薯。牛舌有嚼勁，肉感彈牙；雞翼肉質細嫩，多汁；豚肉嘅油脂香十足；雞肉串肉質嫩滑；雞頸串肥瘦適中有嚼勁。