泉章居 (已結業)

都好耐無見過如斯場面，周日的七時許，這裡的門面大約聚集一百人，或有留位或在等位，總之是賓墟的場面。長跑隊的團年飯，選了在此，純因為大件夾抵食。鹽焗雞少不了，大大隻凍鮮雞，肉質幾粗鞋，麻麻地；梅菜扣肉又香又甜，不過扣肉肥肉只佔兩成，廋肉的部份又不好吃，只有梅菜及肉汁最為可取；炸大腸非常不錯，客家式的非套腸，只是直直的一條，炸起切片。這裡的炸得熱辣香脆，但又不失內裡的豐腴肥脂，吃過不停；蒸了一條大鯇魚，抵食是真的，吃不完也是事實，始終人大了，已不去吃蒸草鯇，何況現在的鯇魚，只有泥腥味；東江豆腐煲貨真價實，大大件又熱辣辣，包吃飽；其他廣式菜如西檸鴨、咕嚕肉、牛肉羹等等等等，不評了。一叫埋單已有一堆人在後面等，旺場得要緊。每人九十蚊，一班大胃王要吃至打包。坦白說，有選擇的話，會吃好一點。

泉章居做的是客家菜, 鹽焗雞是客家傳统名菜之一, 又怎能不談呢。鹽焗雞是由鹽腌雞演變而來，300多年前東江地區沿海的一些鹽場最初把熟雞用紙包好後，放入海鹽堆裏腌制而成，雞肉味美鹹香。後來東江首府鹽業發達, 當地的菜館爭用最好的菜肴款待客人, 為了縮短腌制時間改變了做法，將海鹽與雞一同燜煮制成鹽焗雞。由至此菜起源於東江一帶, 故稱為東江鹽焗雞。道地的鹽焗雞用是三黃項雞（三黃即毛黄、嘴黄、脚黄、下過蛋的母雞稱為項雞)，外面包上三層塗上豬油的玉扣紙，在加上八角，桂皮的炒板岩鹽鑊裏焗。因用上了帶豬油的玉扣紙，項雞的雞油被封著並滲回雞肉內，雞肉便變得異常嫩滑。真正傳統的鹽焗雞皮應該是有點像脆皮雞.....要做挺花工夫, 更不容易做得好。泉章居的做法顯然是偷工減料式的用鹽水浸熟。好處是省時有利大量生產，壞處是應有的雞鮮味及更雞肉嫩滑的雞油同時都流失了。最後泉章居的鹽焗鷄就變成不滑，不嫩的鹽水雞。香港客家菜給人的印象大多數都是粗枝大葉，上不了大雅之堂。反而在國內我還偶然吃到一些用心去做的客家菜。在東莞的喜來登酒店中菜廳我就嚐到一頭道道地地的古法鹽焗雞, 三黃走地雞的鮮味，皮半脆而肉鮮嫩的感覺令我回味

嗰日同媽咪去銅鑼灣行街, 佢\都好耐冇去啦, 諗住佢\唔鍾意食其他菜, 咁就去泉章居啦, 真係好多人, 6點鐘已經人山人海, 如果遲一部電梯就要等位啦, 我地叫左4人餐\, 有3餸一湯或羹, 揀咗, 招牌鹽焗雞,, 涼瓜班腩煲, 羅漢豆腐, , 再加兩個小吃, 麻油海蜇頭, 燒雞肝, 冇要白飯要左生炒糯米飯, 魚湯米線, 鹽焗雞, 肉質好滑好嫩, 好夠味, 海蜇頭好爽口, 燒雞肝好香, 總括而言, 樣樣都唔錯, 啲份量好大, 食得好飽, 仲要打包, 埋單$500有找, 真係抵食夾大件

泉章居好食, 個個都知, 但係service 就差囉... 打電話去訂位, 問下可唔可安排房裡面0既枱... 接線生話"唔可以囉" !!!!!! 多人去都唔洗咁串下話... 問下啫, 唔洗"囉" 囉!

昨晚一行4人到銅鑼灣廣場8樓泉章居晚飯, 試過打去旺角那間星期五無得訂枱, 叫了蒸曼頭, 咕嚕蝦(太酸), 帶子海皇羹, 手撕雞(只有這分店供應, 肉質的確滑,沾沙薑醬很若味), 海參煲(海參是迷李size, 配黃牙白及冬菇再加上汁燴得不錯), 及這裡出名的梅菜扣肉(好味, 入口溶化), 當然亦為了此道菜叫了兩碗白飯撈汁, 附送的甜品是水汪汪的紅豆沙, 埋單$450.00

今晚可能係畢業前難得的中同聚, 訂了八點一行十人來這裡的原因係因為圓檯大件好味不太貴是晚係星期六, 要茶芥加一同埋無糖水叫了套餐, 要了霸王雞, 西檸鴨, 扣肉, 炸大腸等招牌菜叫帶子海皇羹, 因為個名比粟米魚肚羹經貴點可惜帶子肉極之迷你, 碎到差d食唔到, 唔覺有海鮮味小食要了千層峰和海蜇頭, 兩者乃爽口之作, 個人認為後者較佳不用多久, 霸王雞就上檯了, 薑葱直的很不錯, 雞肉都尚算入味稔滑炸大腸, 旺角分店做法較認真, 旺角配上酸蘿蔔墊底, 切法這裡較馬虎西檸鴨, 賣相給半片的罐頭波蘿抹殺了, 嘗不出西檸鴨和西檸雞的分別當我影緊西檸鴨的時候, 扣肉已經無哂, 好彩剩番梅菜送飯事隔成個幾禮拜, 其他菜都忘了, 不過味道也是不錯的順帶一提, 這裡的白飯竟然係$9一碗, 食完先知真係幾貴... 服務方面也能可接受, 由八點坐到成十點半都無人趕可能見到一大班男仔同有老師在場, 不敢亂來吧!做學生當然要感謝老師, 請她食飯啦!

星期日好懶洋洋o甘同老公去食lunch，行行下就決定去泉章居食飯。Lunch實在好抵食，叫左一碟鹽焗雞同一個芋頭蝦煲。兩個人食左$116!!食得好飽！另外見到有好多下午茶粉面都係$20以下，真係好平！服務方面，泉章居只係一間酒樓，當然唔可以expect好似酒店o甘啦！

因為想叫餸食飯我地一行8人去左泉章居但之前都黎過幾次都麻麻地不過上一次去都係一年前既事我地叫左7款餸黑椒牛仔骨煲: 好味, 都有生根墊底, 吸晒d味, Good呀(本人比較喜歡食濃味既食物)粟米魚肚羹: 味道不錯, 浠杰適中海鮮雜錦煲: 我冇食到, 不過我見d朋友都冇食剩, 該不錯, 霸皇雞: 好大隻, 不過可能凍左既關係, 有少少鞋, 但味道都不錯糯米飯: 唔夠香, 但都唔會話太散, 下次可以唔叫梅菜扣肉: d肉有點鞋同埋都幾肥下, 鍾意食肥既人岩晒粟米斑塊: 好味呀, 可以食幾碗飯呀甜品係芋頭西米露, 通常送既甜品質素都唔會話太好, 今次亦都如是, 不過送的也不用太著意去批評同朋友不斷有講有笑, 今個飯局食了2個鐘,過了一個開心的晚上, 真好

4年前好喜歡幫襯(仲係舊舖時代), 因抵食夾大件, 質數也不錯可惜兩年前搬了新舖後, 食品水準極差, 明顯入平價貨所至, 就連招牌雞都差過稻香, 叫粟米班塊(D魚好腥), 海鮮湯羹(水汪汪,無料,又腥), 荷唐炒帶子(得5粒好薄的帶子, 其他全部炒淮山, 好難食), 我覺得泉章居只係注重減低成本, 出盡辦法用下蘭(好次生蘭花頭等)炒埋一碟, 兩個人叫咗個二人餐再加一碟例雞, 埋單$320, 我覺得好貴食餐垃圾, 好唔抵, 兩年來我已經俾咗幾次機會佢, 點知一次差過一次, 真係再無下次!

(1) Book 六點但係七點半要交枱！(2) 我問一句Waiter答一句然後即走，菜都點唔切 叫都叫唔番轉頭！！(3) 食物太重味精，本人和家人食後有麻痺嘅感覺！！！(4) 食物水準不及從前！！！！(5) 本人對食物表示不滿，Waiter只聽但沒有跟進！！！！！真的不會再幫襯！

又係每星期一次的朋友聚會，今趟老友話想食客家菜，真係俾佢考起。想來想去，在附近唯一只懂得泉章居。泉章居，由舊址搬來這裡之後一次都冇幫襯過，今次也得試一試。在銅鑼灣廣場排晒長龍等電梯上去，幾令我反感。要不是老友想食，我一早就轉移陣地。為求方便，要一個二人套餐就最好。粟米魚肚羹、霸王雞和梅菜扣肉。老友話可能唔夠食，另外加一客豆腐魚腩煲，實行食到行唔郁為止。粟米魚肚羹，材料幾足，幾杰身，不過溫度keep唔到，來到時只是暖的。霸王雞跟住到，雞是很入味，可是雞肉十分韌，唔多理想。反而上面鋪著的一堆蔥蔥，更合個人心意。梅菜扣肉，醬汁惹味，送飯一流，每人食左兩個白飯。之不過，扣肉其實不是太好，肉質幾實，同埋有點兒韌，未達至入口溶化。豆腐魚腩煲，魚腩好腥，無法入口，只吃豆腐為妙。食物水準比預期差，是我們要求過高嗎?

考完ｍｏｃｋ喇，不斷咁開夜車，完左一定要同男朋友出黎慶祝下，想去泉章居好耐但次次都好多人等位，所以今次就打左去訂位。叫左個２人餐加多個小菜，仲有個蕃薯糖水送。梅菜扣肉：聞到已經覺得好惹味，個汁夠鹹，送飯一流，肉同梅菜份量都夠多，唯一係肉質唔靚，五花腩唔夠肥，肉質仲有點兒死實。鹽焗雞：呢樣幾好，雞好夠雞味，而加好少地方食到咁有雞味既雞，肉質都滑，雞胸部分都唔鞋，隻雞幾肥，皮下脂肪夠多，好食。大良炒鮮奶：似蛋白炒蟹肉多o的，唔覺有奶味，唔滑，就咁用筷子都夾得起，墊底既炸米粉亦唔夠脆，麻麻地。

新春團拜，家人揀選此店，訂枱之時已講明要六時才可入座，八時前一定要結帳離開，我一向好反感這些限時限刻的做法，如果我做主持人就一定唔揀此店，幾家人做團拜，一年才見一兩次，要草草食完結帳走人，那還有義意嗎？不過大圍的事，不到我話事，只好唯命是從隨大隊，當日早了十零分鐘到達，果然就不得要領食閉門羹，很有原則地要六時正才帶位入座，二十幾人分兩張大枱，每席叫了一個一千七百多元的套餐，內有：乳猪併盆、堯柱甫、香酥八寶鴨、沙薑雞、清蒸大青班、粟米魚肚羹、楊州炒飯、干燒依麵和湯丸紅荳沙。滑頭的部長成日說：「我幫你們留兩條靚青班。」我心想你呃鬼食豆腐嗎？青班何來有靚魚呢！只是一味夠大條抵食，條條都千遍一律無魚味兼嚡口。不過佢鍾意點講由得佢，反正我對青班無興趣。乳猪併盆內除乳猪外還有叉燒、燒鴨、油雞和滷水鴨腎，單看頭盆用料就知此店有多斤两，菜單內已有沙薑雞和香酥八寶鴨，併盆就唔該唔好用燒鴨和油雞啦！咁簡單的寫菜常識都唔知曉，仲話係名店，真笑壞人！沙薑雞水準倒不錯，雞肉散發出滷水藥材的香味，炆堯柱甫就材料就十分多，燒肉、髮菜、蒜子、整粒元貝、蠔市和生菜，用料多意頭好，但不夠熱。香酥八寶鴨就外皮油淋淋，鴨肉散

沒有大蕃薯在身邊的情人節，竟然係同兩個女仔一齊吃飯當春茗！叫了二人餐＄180包兩餸一湯或羹，揀咗豆腐魚肚羹、鹽焗鷄、紅燒豆腐，再加一個蟹肉抓西蘭花，紅豆沙是送的。友人話鷄好“un”，但好在冇雪味，其他餸好一般，紅豆沙就非常差，完全只係水，搵粒紅豆睇吓都幾難，唔使錢，都唔使咁差啩！服務態度都係一般啦！好在朋友仔醒目訂咗卡位，所以坐得幾舒服！

今日公司團年, 已一早book枱, 同事早到15分取枱, 我們共17人, 店員給了4人及6人枱給我們, 怎能夠坐, 同事要求換枱, 8樓的知客即時發惡, 並說:"這裏不招呼你, 要轉枱1點準時落到7樓等位吧!"態度異常的差, 同時氣憤, 即時離去, 並決定以後都不再光顧, 就算是老字號, 味道還可以又如何, 服務態度又差一樣趕客!