泉章居 (已結業)

琴晚同屋企人訂左位食飯, 我地八點十五分點菜, 點左一個四人套餐, 首先點完菜侍應話冬瓜盅賣曬, 咁我地就改其他湯, 之後另外一個女侍應又走埋黎話我地叫既石蚌魚都賣曬, 只得倉魚, 紅鮪, 細鱗, 咁我地改倉魚, 之後又有一個染左金頭髮男侍應好惡咁同我地講倉魚賣曬, 佢問我地要咩魚, 之後我問佢重有咩魚可以選, 佢話得紅鮪同細鱗, 我地就諗要咩魚時, 男侍應就好不滿咁把我地張菜單fing過黎我度, 佢重要話: 點呀...要咩魚呀, 我地就話唔要個套餐, 因為太多食物都話賣曬, 之後諗左一陣都係要番個套餐, 我地將菜單比其他女侍應, 果個男侍應專登行過黎攞住我地張菜單好惡咁話: 要套餐呀. 套餐已經唔平, 重要受侍應氣.

近排天氣熱到傻，都唔知食咩，同個friend行街行到9點幾，見好耐無食過泉章居，一於去!上到去都差不多9點半，個知客叫我等一陣，因為原來9點半免收加一同茶芥，都幾老實，有d真係唔會話你知，然後叫你入座。咁好彩有卡位座，都幾舒服。叫左個餐，當然有叫鹽焗雞，好夠味，但有d老，都ok啦! 仲有叫左個豉汁蒸白鱔、麵醬炒菜同瑤柱冬茸羹。魚就好新鮮，有少少辣味，唔錯。但炒菜就無咩誠意，唔係好熱添。埋單兩個人$231，都算係咁啦，物價高漲，差唔多價錢啦。

$18 一大碗有餸飯.仲要係有得攔馳名的雞飯或扣肉飯.沙薑真係好得!另外叫了幾碟小菜.雞肝不錯.就是件頭大了一點... 吃下整盤, 恐怕會膽固醇超標.每碟小菜$17.相比起大碗飯來說, 就貴了一點點.

打風的那日，公司下午唔係咁多客，我們就走了去泉章居食個下午茶！下午茶真係唔係話好多人，侍應多的是，站多過做，可能是為了應付晚飯人流吧！同事最喜愛叫他的鹽焗雞飯，可能是最出名吧。他的生菜都不錯，＄８碟但大大碟。抵！還有他的炒野，＄１９都唔細！走時還見到很多Sales 姐姐食，原來他到５：３０的！叫一個飯＋湯都是＄２５。好過食出面的茶餐廳吧！

尋日慶祝朋友生日，一行11人黎左泉章居，之前一日已經訂左檯，又覺得訂檯個位小姐，態度都ok，都無話好似網友話咁唔好態度，尋日ge下午仲有個電話打黎confirm，加左唔少分!!!訂左8:30pm，不過遲到，諗住打電話去話佢知過緊去，叫佢要留檯，唔好比張檯人，真面目先出黎，聽電話位小姐話唔關佢事wor，叫我自己上去睇下....唔關佢事又關邊個事呢???好啦，8:45pm上到去，同佢講姓吳ge訂左位，佢話：黎左啦，指一指魚池個邊，但一d都無諗住帶我入去，叫我自己行入去囉，點知，佢講個張檯，都唔係我d朋友黎，好明顯就係比左我張檯人啦，叫我等......等到9:30pm先有檯，咁我訂檯黎做咩....叫左4個小食，一個8人餐同埋2人餐，再後加多個2人餐，基本上叫咩無咩....，冬瓜盅...無，xo醬炒花枝片...無，黃金蝦...無.........咁我食咩??4個前菜如下：1.海哲頭，lee個餸，無話好唔好食ge2.唔知咩咩峰，即係豬耳，我自己覺得好一般，無味ge....3.薰"提"，又一個唔洗點考功夫ge餸4牛"展"，我唔食牛，所以無食過主食方面：(唔記得晒咁多，只寫我記得)1.鹽焗雞，一般貨

跟朋友慶祝生日，记得这里的中菜好吃，便在三号风球下, 来吃晚餐。叫了六款菜，起初只有三人食：1．椒鹽魷魚鬚：炸漿有点厚，魷魚很大隻, 好好食！2．咕嚕肉：有很多菠蘿, 肉不会太肥，又冇骨!3．黑椒牛仔骨：有D咸，黑椒味好重，盖过D牛味。分量好多，吃不完！4．霸皇雞：好香雞味，好滑，一定要食，又唔肥，又大隻！5．炸馒頭：我的至愛，点上煉奶一流！6．腐于炒通菜：一大碟，正！好彩最后有多一個人吃，先吃得完！甜品是紅荳沙，刚好吃了很多咸点，可以中和番~吃完收到八号风球的消息,大家便回家去！

好耐冇黎過呢度食飯, 今餐係同媽咪慶祝生日, 上到去時間仲早冇咩人, 5 個人叫左個 8 人套餐, 5 餸 1 湯, 霸王雞, 乳豬, 西檸班塊, 牛柳, 涼瓜班腩煲, 老火例湯. 點好哂後, 有個著黑衫既女人不停推銷其他野食, 煩死人, 叫極佢都唔走. 餸黎, 隻雞都還可以, 乳豬又肥又得幾塊, 我叫個 8 人餐碟乳豬好似俾 4 人食, 超細碟, 西檸班塊, 個汁酸到呢 ... 好彩叫有碗飯, 如果唔係都唔知點食, 牛柳 ... 好似橡筋咁, 涼瓜班腩煲 ... d 魚超難食 ... 埋單 7 百幾, 真係咁既價錢, 大把地方好食過去, 呢間野唔掂啦, 冇左以前既味道 ... 一定唔會再有下次

同事叫親下午茶都會叫佢,原因一個字:平!酒樓下午茶都可以好似茶餐廳咁,第一次!真是生意難做了!BB鴿$20..算係咁!五香牛展椒鹽魷魚鬚椒鹽豆腐蜆芥鯪魚球

下午茶２：３０後，　它就變身．你可以想像自己入了茶餐廳．有奶茶，　咖啡，　還有什果冰有炒粉粆麵還有例湯，還灼菜才是8元平日出名的鹽焗雞, 梅菜扣肉也化身為碟頭餐(用碗上的)亦有小碟小菜變身後..不加一不計茶錢..正

比起早年，現在的泉章居差很多了，不論旺角分店，就連銅鑼灣店也開始 "走樣"。食物質素下降，價格上升，真是嘆息。想起當年的香口酥脆的炸大腸、酥化香溢的梅菜扣肉，唉，又一美食的失傳。今次點了三餸一盅。冬瓜盅做得不夠香，不值$120一個，跟餐$40還可以。梅菜扣肉不夠鬆化不夠肥，很乾，某集團的客家菜還要做得比泉章居好。椒鹽魷鬚的漿太厚，相比在橋底做的大為失色。馳名的鹽焗雞，有去過九龍城路邊吃過的，更是甭提。既然是三十年老號，不要求創新，只求把原汁原味留住，可別輸給新晉。

作為一間老字號... 價錢一般... 但唔好搞到似車仔麵檔, 叫晚飯小菜有如劃點心紙, 揀車仔麵餸... 味道可以接受... 個人喜愛梅菜扣肉...

呢間既service可以的話~我想比負分...如果去椰x閣個度都話比幾十蚊要求唔高,都話冇計但我食埋都幾舊水~但d 態度真係差到爆...係冇可能相信!事情係咁我地一行5人, book左7:30 8樓~咁準時去到...咁開頭個ah姐d 態度已經一般...都唔緊要~我地食野jer, 食到一半時候, 成日都過黎想分晒個地個冬瓜盅,咁人地食緊飯...想一陣先飲..咪話自己黎..之後精彩事就發生....我地差唔多食晒時..佢過黎收野~對話如下:"幫你收野先...朋友M就話等等...之後個waitress "何x 琼"小姐就用我係電視睇到九品芝麻官周星馳o既態度回應我地"你~~~~~~~~鐘意啦"再黎一個"藐咀"加擰埋一面, 即時火都黎. 之後時間,成日走黎騷擾我地,行黎行去~食糖水時又突登收野阻住我地....埋單仲精彩.....飛單~~再加句"四百九十九呀"...係冇講唔該或多謝.....如果我再比貼士我真係唔係人......真係想大家知道...佢d 野食如果比咁既價錢~多地方都食到~唔算特別...情願去打邊爐好過

好驚喜, 尋日訂位時話唔會俾到乜野位, 竟然到既時候安排左個七樓卡位俾我地心諗, 唔通佢有睇 openrice??可能預佢地d 招呼都唔方好, 所以喺冇期望低下, 尋晚既晚餐出奇地欣賞.首先講我係第一次去呢度食野, 周圍望下其他人叫左既食物, 見到有一碟好正既西蘭花石班球, 大大碟, 好重料, 就諗住鎖定目標啦; 同個亞姐講, 要隔離枱果碟野, 佢就問我地, 點解唔叫套餐; 原來套餐低食過散叫好多, 食物一樣, 但計起價就平d. 佢仲教埋我地點計數, 先叫一個二人餐, $188, 可以任叫二款小菜, 一個湯; 改冬瓜盅就加 $40; 想要三個餸, 唔使叫四人餐, 總之用最平個餸黎散叫加上去就得喇! 呢個亞姐認真體貼.之後決定, 一個冬瓜盅, 一碟翡翠石班球(即係西蘭花班球, 班球好大好厚), 一碟豉汁蒸白鱔(肥美汁濃); 另散叫半隻霸王雞(隻雞好味, 唔鞋, 咸味適中, 唔使送飯都可以食好多件). 要左一個飯, 連茶芥加一, 埋單 $387.... 送紅豆糖水, 仲有一個飯盒食剩既雞打包返屋企. 最後想講, 我覺得佢個厠所乾淨舒適, 自動洗手龍頭係花灑式噴水, 洗手盆設抺手紙棄置孔;

今朝打去訂三位今晚食飯, 講完哂時間留名電話等, 又順口問句, 請問有冇乜野枱可以揀架? 跟住個女人 ~~ 一定唔係老板啦, 語氣串過我細個果時隔離個陳師奶, 話: 你地得三個人咋喎, 仲想要乜野枱呀! ....唔知點解我咁好皮氣, 答, 哦, 係咪即係冇卡位或者圓枱呀咁可以揀架, 跟住佢反而溫和左d... 係呀, 冇得揀坐乜野枱架.. 咁我話, 即係黎到有乜野枱就乜野枱啦...係呀..... 總算忍住冇鬧佢就收線...其實如果佢答得簡單d, 有禮d, 大家都開心d 啦......

人多想食得好，又唔想太貴，就諗起泉章居！好似我哋大棚人8大2細，點咗6個菜（有東江鹽焗雞、脆皮炸大腸拼春卷、椒鹽魷魚鬚、煎炆釀豆腐、雲腿扒菜胆、蜜灸叉燒），加多個魚湯米線，連茶芥加一，都係$720，碟頭份量唔細，味道又唔錯，抵食啦！有幾道菜都值得推介吓，招牌菜「東江鹽焗雞」的確做得出色，雞皮爽口，皮下脂肪唔多，雞肉嫩滑且有鹽焗嘅鹹香，唯一失色係今次過咗少少火位，鹹咗D！另一道菜「脆皮炸大腸拼春卷」（套餐只有脆皮炸大腸揀，無得拼春卷，要試就要散叫），推介主因係，炸豬大腸依家係街邊都少見咗，就算有都係連皮送多大大pat肥膏俾你嘅炸大腸，好味就好味，但唔太健康。而泉章居哩個炸大腸就食落去會安心D，因為豬大腸內嘅肥膏一D都無得留低，食起上哩無咁肥，然而外皮依然炸得非常脆口，記得趁熱食，唔好慢慢嘆；而春卷唔係平時酒樓點心個隻，係用腐皮哩包嘅，一層層好鬆化，餡料十足，一樣好食！仲有一佢個「魚湯米線」，表面平平無奇，睇落乜料都無，賣成$55一窩，但食落就知平凡中嘅不平凡，就係個魚湯不平凡，奶白色魚湯好濃魚鮮味，但一D都唔腥。米線就無話有咩特別，OK啦！至於其他餸菜就不過不失，係個「椒鹽魷魚鬚」水準之