泉章居 (已結業)

泉章居的午市，供應午市套餐，分別有 “二人世界”、 “四位套餐”、和 “八位套餐”。七個人吃甚麼好呢，結果叫了二人餐和四位餐。因為這樣就可分別試這裏馳名的鹽焗雞和霸王雞，另外可在多元化的餐單上再選數款。先叫了兩款小食，分別是鹵水千層峰和鹵水雞腎片。千層峰是豬耳做成，爽爽的，但不太入味。梅菜扣肉：這餐最出色的一個菜，最早清碟。熱辣辣的送上，肥肉吃落口一點不覺油膩，瘦肉部份頗入味，只是鬆化程度上差了那麼一點點；梅菜既香又不太鹹，是非常美味的甜梅菜。受歡迎的程度，可說差點 “連汁都撈理”。鹽焗雞(半隻)：鹽焗雞是四人餐的，所以有半隻，因為大家都較愛惹味的鹽焗雞。半隻份量也不少，雞味不俗，也頗嫩滑，雖然應該是冰鮮雞，但功夫真不賴。霸王雞(一碟)：是二人餐的，份量也不少。較清淡的口味，還是鹽焗雞優勝。銀絲黃金蝦：雖然蝦細細隻，但都香脆，因為午市套餐，價格較優惠，不能要求太高了。脆皮炸鮮奶：這個做得最差，粉太厚，炸油較遜，只是內裏熱得燙口的鮮奶味美香滑。每位附上蕃薯糖水一碗，暖身暖胃，好。白飯略硬，魚湯客家米線則不錯。巳經很飽了，下次才試其他小菜。 午市免茶介，結賬不用四百元。原來午市時間，七樓供

約了朋友吃 lunch , 她提議來這裡 , 上到去電梯開門後以為自己去錯地方 , 全部也是男人 , 有些好笑 . 打開 menu , 下午主要也是吃碟頭飯 , 如果一早知也未必會來 , 因為和叫外賣沒有分別 , 而且 , 價錢也不便宜 , 差不多 40 元一碟 , 又沒有飲品 , 只是免茶介 . 我們叫了一個炒米粉和時菜鮮魷飯 , 炒米粉只有少少的雞絲 , 蛋絲 , 一點顏色也沒有 , 好淡 . 時菜鮮魷飯更不好吃 , 一點味道也沒有 , 兩個的賣相又不好 , 如果下次再來 , 一定不會選擇 lunch 來 , 晚市好好多.

上星期同媽咪出銅鑼灣行街,見泉章居o係旺角同銅鑼灣都咁出名就同媽咪去食下,我地叫左一個套餐,包括有一湯,兩個小菜,我叫左粉葛煲章魚湯,海鮮雜菜煲,同埋招牌鹽焗雞,個湯好清甜,不過飲完會有小小口喝,但個海鮮雜菜煲,同埋招牌鹽焗雞就真係唔差,尤其是係碟鹽焗雞,d雞好滑,個汁又好味,點左個汁都唔會太咸囉!同埋佢地d茶葉都ok,唔似普通酒樓果d,我地叫左香片!唯一可惜係d員工態度嘛嘛....

晚上來此吃飯，要了一個八人餐，另叫百花釀蟹鉗！鹽焗雞好大碟，好香雞味﹐雞肉嫩滑，不會太咸同太肥！豆腐羹好大碗，每人一碗也喝不完，味道清清的，可以說是淡而無味!椒鹽鮮魷，炸槳厚，不過炸到好香脆，魷魚味不重！肉質都算爽!冬菇海參煲，濃濃的汁，有D咸。帶子豆腐，帶子好鮮味，配上豆腐很易入口！石，雖然不太大條，但肉質很鮮又甜！連我不吃魚也吃了幾口！百花釀蟹鉗，即叫即炸，好大隻，好像是用真的蟹肉做的，ok甜同爽口！這裡起菜很快，張枱不夠放食物阿！差不多一次過拿來六碟食物！有蕃薯糖水送，很開心的一個晚上！

上次和舅父本想o黎, 但後來冇上到o黎, 心中唔制, 好, 今日襯妹妹上機前夕, 就和她和媽和心肝豬豬女友上來啦.廢話少講, 齊人馬上叫了扣肉, 鹽焗雞, 東江豆腐煲4人, 媽話叫多個送, 再看 menu, 有張相在 "雞, 鴨" 那頁, 好像好好味, 叫哥哥仔來問係乜, 哥哥仔竟話係魚, 吓, 唔係化話, 學老夫子話齋: 奈人尋味....及再問阿姐, 原來係檸檬鴨, 也點了.扣肉+鹽焗雞都係兩分鐘上檯, 次次都可以咁快, 必定係煮定既, 但到底煮定了多少呢?又再奈人尋味多一鑊....扣肉雖係港男大敵, 猛對自己講, 食一舊冇野既....當進入一個自我催眠狀態, 大啖食扣肉, 當肥膏溶在口中的一刻, 時間彷彿停頓, 像讓我 savory 這個 moment, 人生一樂事也!東江豆腐煲明顯細了, 但水準保持, 掂呀!檸檬鴨勁多汁, 勁酸, 唔得呢.另好像係雞而不是鴨, 怪怪的....但 too much 酸, 唔食了...4 人$398, 明顯貴了.

好耐無來吃啦。今日和朋友行經﹐晚飯就在此解決了。點了只鹽焗雞﹐好香雞味﹐咸度適中﹐雞的皮下脂肪吾多﹐好正。牛肉羹﹐好大碗﹐幾個人吃都得﹐不過做得唔夠傳統﹐可能改良過啦﹐唔係好夠咸。椒鹽鮮魷﹐外面D粉炸到好脆﹐不過覺得D油多左D。不過起菜夠快﹐所以都吃得好開心。

是晚補祝廿二個月~在銅鑼灣逛了逛, 都未諗到食咩好親愛的提議去泉章居, 因為未試過撐台腳食中餐 =P可能係兩位啦, 所以好快有張細檯了叫了個「夜市二人世界」: 包括例湯同兩個小菜這裡的服務依然都係唔多得電視問開唔開得, 個阿嬸好似驚d人會坐得耐咁, 即刻話唔開想要甚麼甚麼的時候都是十問九唔應轉眼就上菜了, 擺到張細檯無哂位例湯: 合掌瓜豬肘, 很合口味, 豬肘肉唔會老, 爽而且點些豉油是不錯的中式牛柳: 很大碟，醬汁惹味，有不少洋蔥伴碟，牛柳入味不過太“林”霸王雞 (例牌): 好多薑蔥，雞肉嫩滑, 實在罕有個案另加了兩個價值$10的白飯, 拌拌洋蔥薑蔥, 送飯一流最後是糖水, 西米紅豆沙; 煲溶左的西米有少少唔三唔四 埋單約$180, 很飽呢!

上星期三全日都留係銅鑼灣,老公問我想食咩,我見最近好少食中菜,咪提議去泉章居食晚飯重溫我們最愛的鹽焗雞兩小口子當然ORDER溫馨二人餐啦,唔知係咪太耐無去,覺得價錢($180)好似貴咗?可能我們去到比較夜,今次有卡位坐,坐卡位好呀,舒服舒服SET DINNER包自選兩餸一湯,有好多選擇,我們選擇了瑤柱冬瓜羹,招牌鹽焗雞,椒鹽鮮魷瑤柱冬瓜羹向來對中式餐湯無嘜期望,但係今次又比預期中好飲喎招牌鹽焗雞依然美味,雞肉嫩滑咸咸地,不過今次D雞好肥呀,連老公最愛食嘅雞皮都要放棄椒鹽鮮魷雖然係熱辣辣,但係味道一般,可能脆槳太多又多油,食兩三舊已經好滯由於當晚我唔想食白飯,老公好體貼咁叫咗碗魚湯米線($15)俾我,魚湯鮮甜米線滑,魚湯仲好味過瑤柱冬瓜羹最後仲有兩碗蕃薯糖水送,好甜,好滿足

泉章居，好像是一個過氣了的明星，不過，我倒是第一次幫襯。佔地兩層，重陽節假期，八點多，兩位去到不用等位，仲有大大既卡位坐。唔知有d咩係出名，不過見到那些套餐(兩位$180，兩餸一湯)，真的有點像屋村酒樓。原本都想點套餐(都係因為可以加$40 轉原價$120 的冬瓜盅)，不過落單時，侍應說冬瓜盅賣完了，有點失望...轉了散叫兩餸一湯如下....1.西湖牛肉羹 ($65) 平平淡淡，說不上非常出色，不過大煲兼抵食 2.大良炒鮮奶 (都係幾十蚊咁上下..) 炒的水準不錯，不過少了鮮奶味，過重的蛋白味 3. 百花釀蟹鉗 ($28@ x 2) 小妹酒樓菜色中的至愛，即叫即炸，大大隻，好好食，$28 一隻都抵既，唔計料，功夫都要啦 最後兩位埋單二百一十蚊，很家常便飯，很有和家人去酒樓吃晚飯的感覺。

晚飯曾來多次，但下午茶則未試過，到門口，帶位姐姐叫自己搵位坐，見幾多人，約有七成滿，自己一條冷搵張較細的檯，最細都四位檯，坐低，侍應伯伯埋黎，一位咋，我話係，佢面露不悅，但又唔敢叫去搭檯，叫左個鹽焗雞飯$18，白灼菜心$8，雞飯賣相不太好，零星落索幾件瘦雞(見圖，原貌)，飯則很大碗，有些雞油係面，好香，雞肉咸咸香香，好味，菜心幸好不太淋，整體算係咁！其間見傳菜不斷送雞飯往其他檯，碗碗都很靚仔，祇怨自己唔好彩。斬雞師傅撞手神，唔好以為全世界都對你唔好，社會少些怨氣。招呼都是傳統中式酒樓格，不能強求亞伯去改。酒樓唔想浪費下午這段時間，推出特價下午茶，反正人手地方都放係度，是明智之舉。建議收貴些，有大些份量或脾飯。地方寬敞，食物OK，唔夠喉，晚飯會再來。

之前已經聽說過泉章居，但總未有時間一試，前幾天，終於有機會一試了點了以下幾道菜︰- 冬瓜盅 (餐廳力sell，非常清甜，但湯料如蝦﹑鴨腎較少)- 燒乳豬 (香脆可口)- 盬焗雞 (必食之選)- 梅菜扣肉 (不錯之選)- 脆炸釀豆腐 (幾特別，亦不太油膩)泉章居推介原因︰1. 地點方便，港鐵站附近2. 價錢合適3. 味道一流4. 發記甜品﹑商場在左近，可以有飯後節目

再有友人請食生日飯，頁開心去左呢間泉章居，以前去過舊鋪，記憶環境係比較舊, 現在新的有兩層, 生意真的不錯, 平曰嚟都滿座我地食左: 五香牛- 好味肉質軟硬適中招牌鹽焗雞- 果然名不虛傳, 肉質夠滑又入味, good!煎釀豆腐- OK, 收貨冬瓜盅- 足料湯底清甜, 炎夏佳品 服務唔錯, 下次我會同家人再嚟

一家大小，一共七人去泉章居食飯，點了鹽焗雞、炸大腸、西蘭花生魚片、海鮮雜菜煲、蝦醬鮮魷通菜、京都骨、豬腳仔等等，水準一流！招牌鹽焗雞，一食便知乃新鮮雞，肉質彈牙有雞味，絕非冰鮮雞、雪藏雞可比。炸大腸夠香口，一層一層脆皮，配以酸汁，僻去腥味，完全不覺油膩。西蘭花生魚片，生魚片鮮甜肉嫩，大塊魚也不會腥，老幼皆宜。老爸讚豬腳仔天下第一，最好味這一家。各樣小菜味道皆一流，我們點了八人餐，還加了三個菜，擺滿一桌。泉章居搬遷後，依然保持一貫的水準，抵讚！

好久沒來了, 全換了新面孔, 已前的亞叔亞嬸, 改了姐姐及哥哥, 所以好似服務沒已前好, ok啦前菜海哲頭, 不會太林, 千層峰, 好爽薰蹄 五香牛展, 好入味主菜鹽焗雞, 真的好大隻雞, 肉粗粗, 入味, 因為鹽焗雞通常都是肉粗, 鹹鹹地, 炸大腸, 真的好脆, 外皮紅卜卜, 沾了少少酸甜醬, 好好味冬瓜盅, 好多料, 夠熱, 瓜好林咕嚕肉(不要叫生抄骨, 因為真的骨多過肉), 肉不肥, 無骨椒鹽魷魚鬚, 粉好厚, 但炸得不錯, 這樣看起來好大碟, 因為好厚粉炸饅頭, 炸得金黃色, 沾少許鍊奶,不錯梅菜扣肉, 肉入口化, 不大肥, 梅菜有加少許糖, 所以不會太鹹蜆芥鯪魚球, 都是粉多, 有魚味, 其實是蜆芥不錯才會感覺好干抄牛河, 都幾多牛肉, 不多油今次有送甜品呀, 紅荳沙, 紅荳起沙呀, 正其實服務不是太差, 是要看人, 有d姐姐都好勤力呀, 所以要看人呀

又是「久仰大名」而又遲遲未去的一所食肆，與朋友逛書展逛到累了，便搭車到銅鑼灣泉章居吃晚飯。四個人，叫了個餐再加一碟小菜，整體來說.. 水準相當高 例湯: 眉豆節瓜豬骨湯.. 雖然是跟餐例湯，但相當足料 ~ 生炒骨: 非常欣賞這道菜，排骨炸得很好，相當脆但又唔會話脆槳多過舊骨咁咯。同埋個汁又夠晒酸甜，好醒胃。 XO 醬花枝片: 呢碟就好足料，有翠玉瓜、花枝片、帶子、准山 ~ 但覺得個配撘有少少奇怪，准山既口感同其他材料好唔同，同埋碟餸較多油，加上准山又索晒 D 油，所以唔敢食多。同埋奇怪的是，伴碟的是蝦醬和蠔油，不明白為何叫 XO 醬花枝片哦。 椒鹽鮮魷: 椒鹽味不算很重，但確是新鮮炸起的﹗脆槳較硬身，炸得金黃而均勻，不錯。 霸王蔥花雞: 雞肉鮮嫩，有雞味，同埋加上蔥花後顯得更香，一般食肆的鹽焗雞係冇得比的。如果有機會，都希望可以再幫襯呢間食肆哩﹗