永年士多港式車仔麵 (加拿分道)

營業中

休息中

好耐冇食過啲咁有水準既車仔麵啦，叫左豬紅、蘿蔔、雞翼、油麵咖喱汁。除咗湯底正之外，啲餸都好好食，強烈推介豬紅，豬紅好入味，帶小小甜，咖喱蘿蔔夠淋夠入味，滷水雞翼就略嫌浸滷水唔夠耐，但油麵都出色過其他車仔麵檔，下次去開尖沙咀都可以再食

永年我係元朗都會間中幫襯下，佢個辣真係食少少都辣到噴火😂😂但又會忍唔住想食佢個醬叫左最普通既3餸，豬腸入味，有少少肥，彈牙，係車仔麵必叫之選豬紅都非常入味，唔係個D一夾就散開個D，一口咬落去會B汁架蘿蔔好甜，同埋整得好淋，配埋佢個辣汁食真係一絕好鐘意D鋪頭會答條菜，等我食落可以減輕下D內疚感😂😂

去左尖沙咀Body check就係附近搵埋嘢食， 冬天大家想食下麵暖下個胃， 見到永年士多好多人食喎， 評價又好， 入去食喇先點餐俾錢後取餐，叫左一碗大碗麵，配料多多係招牌菜，有豬紅，蘿蔔，魚蛋，魷魚，豬皮，菜心，豬腸，紅腸等等，湯底好正，係懷念既車仔麵味道，大碗麵如其名好大碗我食蝦子撈粗麵， 揀咗三款配菜有枝竹球，蜂巢豆腐同魚蛋，仲配有菜心，一樣大大碗，撈麵都係必試，好鐘意食枝竹球，類似素鴨咁好食，鐘意食素都揀得仲叫左蠔油菜心同生菜魚肉，菜心份量都幾多，生菜魚肉有胡椒粉辣辣地唔錯，魚肉整到成個魚蛋咁好有口感，好岩我地口味飲品係好立克同柚子蜜，唔會過甜店員落單同上菜都超有禮貌，餐廳又新又乾淨，所以多人幫襯係一定有原因的

大碗餸車仔麵(十款)-豬腸-魚蛋-蘿蔔-豬紅-豬皮-雞翼-雞翼尖-魷魚-紅腸-菜$72好味指數：9/10士多啤梨乳酸梳打$15 (跟餐) / $32 (正價)好味指數：8.5/10得返唔夠一個鐘頭要🎥睇戲，最好就係食🍜車仔麵，快靚正。呢個十款車仔麵啲餸真係好豐富，🐖豬腸非常入味，有少少🤏🏽肥肥地咁樣先最好食，豬紅豬皮亦都非常入味，係必叫Item👍🏽，掛晒啲湯💦。陳皮魚旦彈牙有🐠魚味，蘿蔔係甜心果隻，整得好淋。雞翼🐔雞翼尖正常發揮，尤魚🦑爽口，好有咬口。係紅腸偏淋，加埋嫩口🥬菜心同埋佢嘅秘製🌶️辣汁，一個人食晒成碗真係唔過分。杯特飲好有驚喜🤗，酸酸地唔會太甜，好醒胃，啖啖嘅士多啤梨🍓香味，非常得我呢個士多啤梨控歡心，仲有一粉士多啤梨乾做點綴，加曬分。

呢間餐廳平時叫外賣叫得多，今次第一次堂食，車仔麵必吃當然係蘿蔔、豬紅😍仲叫了牛肚&魚腐🍲🌶辣度：🍛咖哩細辣 （聽講好出名，食車仔麵必點）😋豬紅：真係好好食，好耐無食過咁入味既😍 係外面餐廳豬紅多數都係無咩味道，即是豬紅&汁分開，但呢度必點。😋蘿蔔：無渣，爽甜，又係超讚👍🏻😋魚腐&牛肚：味道都不錯😋抹茶紅豆冰：紅豆冰就成日飲，抹茶紅豆冰都係第一次飲，用大粒紅豆，入面仲有啲紅豆蓉，超喜歡💕

🍽️ 永年士多 📍地址: 尖沙咀加拿分道46號地下7-8號舖 😋👉🏻牛肉鍋 兩人份 清湯 $188 （牛肉片、牛腩、牛筋、牛丸、蜂巢豆腐、蘿蔔、韭菜花、冬菇）👉🏻另加 辣豬腸,豬紅, 豬皮 $31超級豐富 估唔到永年都有得打邊爐😼出色 本身想食車仔麵但見佢咁抵$188就咁多料 就叫黎試試佢 岩曬咁凍嘅天氣食🥳叫左清湯湯底因為食唔到辣 估唔到個湯底幾清甜 唔會好油膩 牛肉片另上 比自己十下十下 推介‼️豬紅清甜 吸收曬成個湯底既精華 超正推介‼️豬腸重花椒八角味陳皮魚蛋 重陳皮味豬皮彈牙爽口入面個湯底仲有紅腸同豆腐卜🐒 呢個邊爐好抵食 食極都仲有野食😂完全係尋寶系列佢仲有兩個麵底跟餐 有油麵 粗麵 幼麵 米粉同米線揀 我地兩個都揀左油麵😂同埋揀左永年辣醬 食第一淡都辣到噴火😂😂出色出色 但又忍唔住想食佢個醬 👉🏻咖央多士 $18熱辣辣 新鮮出爐 外脆內熱 加埋咖央醬一流 唔會好甜 食落剛好👉🏻紅豆奶茶冰 跟餐+$5甜度適中 就算無叫走甜都岩岩好 超足料 紅豆份量佔一大半😽👉🏻抹茶紅豆冰 跟餐+$5估唔到咁都比佢諗到 抹茶味濃郁 沒有甘苦味 可口👍🏻好味指數: 3.8/5 性價比: 3.8

🔸河粉配大腸、墨魚春卷、牛腩(咖哩汁中辣)河粉嫩滑爽口，大腸及牛腩非常入味😎👍🏻👍🏻墨魚春卷好特別，好少車仔麵會有😝😝口感唔錯而且咖哩汁好濃郁，食得辣既朋友可以挑戰下辣度🫣🫣包你刺激味蕾🤣😋😋🔸米粉配貢丸、雞翼、蟹丸、芝士腸、(咖哩汁少辣)米粉煙靭清爽，雞翼亦都醃得相當入味，貢丸、蟹丸及芝士腸係我必食之選😋😋入埋個湯簡單另一種享受🥰🥰🔸蠔油芥蘭菜🥬及麻辣牛柏葉🐮蠔油芥蘭菜🥬非常新鮮爽脆再配上蠔油，直頭冇得輸😙😙麻辣牛柏葉，辣度刺激🤩好有麻香味道而且牛柏葉好有趙口💙🔸波蘿冰🍍及紅豆冰🍹波蘿冰及紅豆冰🍹兩杯特飲都非常好飲解辣😝🥰紅豆冰紅豆足料👍🏻👍🏻波羅冰🍍波羅汁味十足💯💯

火鍋係限定既，有豬腸鍋同牛肉鍋湯底有得揀清湯或麻辣湯我同朋友仔都係牛魔王一定食牛肉鍋牛肉鍋的材料以牛為本，有牛肉、牛腩、牛筋、陳皮魚蛋，蜂巢豆腐、蘿蔔、冬菇，韭菜花，紅腸及豆卜。牛肉切薄，只要滾幾下就食得，其他都係熟食，牛筋牛腩份量都足夠，清湯都入曬牛肉香味，豆卜，冬菇，蘿蔔都入味，喜歡蘿蔔的清甜，除了火鍋配料，仲有兩款粉麵，一定好飽足，仲有麻辣醬料，食幾辣就自己落。牛肉鍋只係$188,好抵食仲有班蘭咖央多士，仲要厚多士，烘至微焦金黃，班蘭咖央醬料滿滿的，脆口又香甜。食左甘多肉食，都要食下菜，腐乳通菜微辣，通菜上的腐乳都夠香。紅石榴柚子烏冬是新推的特飲，要+15,酸酸甜甜很開胃，烏龍很清香，仲有柚子蜜，很清潤。+$5有抹茶紅豆冰，紅豆多又有口感，抹茶茶味香濃。

同老公係尖沙咀辦完事超肚餓 諗住去食個快飯估唔到有驚喜😍去左 #永年士多 老公㨂左✅自選3餸 #撈麵：蝦卷，牛腩，雞翼食肉獸點法😁面條充滿彈性 加2匙湯更昇華份量都唔少樽仔奶茶好可愛茶香奶滑我就揀左個 #新產品✅筋腩蝦籽撈 香噴噴牛筋充滿膠質 滑doodoo牛腩仲有肉汁 好juice 好嫩滑 入曬味 正呀✅咖央多士： 甜甜的咖央醬脆脆的面包，細細件方便食。✅腐乳通菜：份量多，腐乳控表示好吸引配碧綠新鮮通菜，挺直細嫩。✅香辣牛柏葉：堅辣惹味， 爽口，正 。✅乳酸菠蘿汁： 清新冰凍， 微酸帶甜，中和下個辣味。下次有時間食埋個火鍋先

永年士多的車仔麵出色未試過佢地撈麵決定試一試♡ 牛筋腩撈麵加魷魚同豬手（$91）超大碗的撈麵～粗麵爽彈還拌有蟹籽令撈麵多了咸鮮牛腩有咬口而牛筋軟腍煙韌魷魚同豬都是店家signature 水魷很彈牙豬手處理得好好～炆煮到入味最正係咖喱汁～非常香辣惹味♡ 麻辣三寶（$40）三寶是牛柏葉~豬耳同雞腎最喜歡麻辣牛柏葉吸盡湯汁～麻辣香口♡ 滷水雞翼（$28）滷得很入味而雞皮還很爽嫩 ♡ 樽仔烏龍茶 （$17）茶味幾濃～但稍稍太細枝

講到車仔麵，第一時間會唸起永年！早幾日行開尖沙咀經過永年，即刻入去買碗車仔麵兼加餸！個人好喜歡佢地嘅豬腸，每次都會點四寶麵，入面有豬腸、豬皮、豬紅、蘿蔔，個腩汁好好味，而且我一定會配粗麵！豬腸非常入味，蘿蔔好淋又無渣👍另外叫左 咖哩四寶、麻辣豬耳、韭菜豬紅加餸！麻辣豬耳個麻辣汁夠麻香，好惹味；咖哩四寶有魚旦、豬皮、蘿蔔、魷魚，咖哩味濃，味道好懷舊！唔少得佢哋嘅樽仔奶茶，口感厚滑，茶味香濃，必試之選！

永年士多平時食得最多都係兒地既車仔麵.咁啱今日行過見到佢地推出左冬天火鍋套餐.咁啱果晚又有少少涼涼地就一於暖下個胃試試.2人火鍋套餐 - 牛肉鍋2人set 牛肉鍋本身既配料已經包含牛肉片,牛腩,牛筋,牛丸,蜂巢豆腐,蘿蔔,冬菇等等.配料仲可以額外加令整個鍋更豐富.牛腩軟腍得黎又夠晒入味.牛筋充滿膠原感得黎又彈牙.蜂巢豆腐同蘿蔔完美地吸晒牛肉鍋底既精華,濃郁得黎蘿蔔又夠甜且無渣.除感原先牛肉鍋既配料外亦加左其他車仔餸!炸魚皮脆卜卜又香口.墨魚蝦卷好彈牙而且內裏墨魚滑都幾香.魚腐同樣吸左牛肉湯既湯汁,軟綿又夠彈.菠蘿冰冰涼清新既菠蘿冰爽口又降溫.

呢間永年成日聽同事講佢哋車仔麵好好食🤤不過喺大西北，唔就腳，所以一直都無試過😂😂尋日同朋友行經尖沙咀，居然俾我見到有🤩🤩🤩仲要見到永年都有火鍋食🥳🥳好surprise😍😍佢哋嘅火鍋係期間限定‼️‼️有兩款♨️一款係豬腸鍋；另外一款係牛肉鍋🍲我同朋友都對豬腸一般，所以揀左牛肉鍋😋😋牛肉鍋$188佢哋個鍋入面有牛肉、牛腩、牛筋、蜂巢豆腐、蘿蔔、冬菇及韭菜花今日。但係佢地無曬冬菇及韭菜花，所以轉左紅腸及豆卜俾我地🥰仲可以揀兩款粉麵🤩🤩份量勁多😚😚牛筋牛腩都忟到好淋，又入味😍😍好正👍我地仲點左一份魚皮、雞翼仲有咖央多士😍魚皮一定係新鮮整，因為好香脆；雞翼好入味，鹵水味勁香👍至於咖央多士，超加分😍多士好脆身，咖央味又正🤤🤤超想encore,不過食唔曬特飲都係加$5估唔到永年啲野食喺真係唔錯，下次要試吓佢哋啲車仔麵同小食😋😋佢哋佢哋啲客人都幾多，keep住到收工都無停😆😆📌 永年士多 (尖沙咀)尖沙咀加拿分道46號地下7-8號舖#永年士多 #永年車仔麵 #高質車仔麵 #美食推介 #尖沙咀美食 #家族車仔麵 #期間限定 #永年火鍋 #foodie #tstfood #teamhappyfoodies #

今日行過尖沙咀，忽然間心血來潮諗起想食車仔麵，上網一search見到呢間好似啲賣相幾好。七點鐘嚟到都要排五分鐘左右先入到，座位ok，唔算10分迫夾，但一定唔會好舒服，除咗入面嗰兩張梳化位。講番食物最出色一定一定一定要試佢個豬皮，一入口好濃郁嘅唔知咩味，總之就正。佢個招牌魷魚我覺得除咗厚切之外，就真係冇乜特別可以skip。蜂巢豆腐都幾大舊，有咬口，都可以一試，但係得兩舊。陳皮魚蛋都幾好食,有種懷舊感覺. 另外佢個牛肚係用草肚。如果有鍾意草肚嘅朋友要嚟試下。因為出面通常都用咗金錢肚，我自己就鍾意食草肚多啲。員工四眼妹妹，服務非常之好，好細心！仲有鄰家女孩感覺,想即刻食咗佢兩次.

終於到了每星期最期待的星期五，放工即刻去永年士多食飽飽再去行街！ 試左新推出的大澳特產蝦籽撈麵系列，南乳豬手撈及筋腩撈，用益昌號手抄蝦籽，配以青菜及蔥花上湯。 筋腩撈$62，牛筋燜得好軟滑，牛腩軟腍不鬆散，容易咀嚼，粗麵上加上天然蝦籽，味道鮮香美味。 南乳豬手撈$62，最喜歡這種皮下沒有過多脂肪的豬手，皮爽肉滑，同樣燜得入味，滿滿骨膠原的。 另外，點了熟蝦醬通菜$28，通菜翠綠又爽嫩，拌以惹味熟蝦醬，特別有大澳風味。 最後，跟餐點了香濃奶滑的熱奶茶$12及天天即沖樽仔烏龍茶$17，也不錯啊！