永年士多港式車仔麵 (加拿分道)

營業中

休息中

火鍋係限定既，有豬腸鍋同牛肉鍋湯底有得揀清湯或麻辣湯我同朋友仔都係牛魔王一定食牛肉鍋牛肉鍋的材料以牛為本，有牛肉、牛腩、牛筋、陳皮魚蛋，蜂巢豆腐、蘿蔔、冬菇，韭菜花，紅腸及豆卜。牛肉切薄，只要滾幾下就食得，其他都係熟食，牛筋牛腩份量都足夠，清湯都入曬牛肉香味，豆卜，冬菇，蘿蔔都入味，喜歡蘿蔔的清甜，除了火鍋配料，仲有兩款粉麵，一定好飽足，仲有麻辣醬料，食幾辣就自己落。牛肉鍋只係$188,好抵食仲有班蘭咖央多士，仲要厚多士，烘至微焦金黃，班蘭咖央醬料滿滿的，脆口又香甜。食左甘多肉食，都要食下菜，腐乳通菜微辣，通菜上的腐乳都夠香。紅石榴柚子烏冬是新推的特飲，要+15,酸酸甜甜很開胃，烏龍很清香，仲有柚子蜜，很清潤。+$5有抹茶紅豆冰，紅豆多又有口感，抹茶茶味香濃。

同老公係尖沙咀辦完事超肚餓 諗住去食個快飯估唔到有驚喜😍去左 #永年士多 老公㨂左✅自選3餸 #撈麵：蝦卷，牛腩，雞翼食肉獸點法😁面條充滿彈性 加2匙湯更昇華份量都唔少樽仔奶茶好可愛茶香奶滑我就揀左個 #新產品✅筋腩蝦籽撈 香噴噴牛筋充滿膠質 滑doodoo牛腩仲有肉汁 好juice 好嫩滑 入曬味 正呀✅咖央多士： 甜甜的咖央醬脆脆的面包，細細件方便食。✅腐乳通菜：份量多，腐乳控表示好吸引配碧綠新鮮通菜，挺直細嫩。✅香辣牛柏葉：堅辣惹味， 爽口，正 。✅乳酸菠蘿汁： 清新冰凍， 微酸帶甜，中和下個辣味。下次有時間食埋個火鍋先

永年士多的車仔麵出色未試過佢地撈麵決定試一試♡ 牛筋腩撈麵加魷魚同豬手（$91）超大碗的撈麵～粗麵爽彈還拌有蟹籽令撈麵多了咸鮮牛腩有咬口而牛筋軟腍煙韌魷魚同豬都是店家signature 水魷很彈牙豬手處理得好好～炆煮到入味最正係咖喱汁～非常香辣惹味♡ 麻辣三寶（$40）三寶是牛柏葉~豬耳同雞腎最喜歡麻辣牛柏葉吸盡湯汁～麻辣香口♡ 滷水雞翼（$28）滷得很入味而雞皮還很爽嫩 ♡ 樽仔烏龍茶 （$17）茶味幾濃～但稍稍太細枝

講到車仔麵，第一時間會唸起永年！早幾日行開尖沙咀經過永年，即刻入去買碗車仔麵兼加餸！個人好喜歡佢地嘅豬腸，每次都會點四寶麵，入面有豬腸、豬皮、豬紅、蘿蔔，個腩汁好好味，而且我一定會配粗麵！豬腸非常入味，蘿蔔好淋又無渣👍另外叫左 咖哩四寶、麻辣豬耳、韭菜豬紅加餸！麻辣豬耳個麻辣汁夠麻香，好惹味；咖哩四寶有魚旦、豬皮、蘿蔔、魷魚，咖哩味濃，味道好懷舊！唔少得佢哋嘅樽仔奶茶，口感厚滑，茶味香濃，必試之選！

永年士多平時食得最多都係兒地既車仔麵.咁啱今日行過見到佢地推出左冬天火鍋套餐.咁啱果晚又有少少涼涼地就一於暖下個胃試試.2人火鍋套餐 - 牛肉鍋2人set 牛肉鍋本身既配料已經包含牛肉片,牛腩,牛筋,牛丸,蜂巢豆腐,蘿蔔,冬菇等等.配料仲可以額外加令整個鍋更豐富.牛腩軟腍得黎又夠晒入味.牛筋充滿膠原感得黎又彈牙.蜂巢豆腐同蘿蔔完美地吸晒牛肉鍋底既精華,濃郁得黎蘿蔔又夠甜且無渣.除感原先牛肉鍋既配料外亦加左其他車仔餸!炸魚皮脆卜卜又香口.墨魚蝦卷好彈牙而且內裏墨魚滑都幾香.魚腐同樣吸左牛肉湯既湯汁,軟綿又夠彈.菠蘿冰冰涼清新既菠蘿冰爽口又降溫.

呢間永年成日聽同事講佢哋車仔麵好好食🤤不過喺大西北，唔就腳，所以一直都無試過😂😂尋日同朋友行經尖沙咀，居然俾我見到有🤩🤩🤩仲要見到永年都有火鍋食🥳🥳好surprise😍😍佢哋嘅火鍋係期間限定‼️‼️有兩款♨️一款係豬腸鍋；另外一款係牛肉鍋🍲我同朋友都對豬腸一般，所以揀左牛肉鍋😋😋牛肉鍋$188佢哋個鍋入面有牛肉、牛腩、牛筋、蜂巢豆腐、蘿蔔、冬菇及韭菜花今日。但係佢地無曬冬菇及韭菜花，所以轉左紅腸及豆卜俾我地🥰仲可以揀兩款粉麵🤩🤩份量勁多😚😚牛筋牛腩都忟到好淋，又入味😍😍好正👍我地仲點左一份魚皮、雞翼仲有咖央多士😍魚皮一定係新鮮整，因為好香脆；雞翼好入味，鹵水味勁香👍至於咖央多士，超加分😍多士好脆身，咖央味又正🤤🤤超想encore,不過食唔曬特飲都係加$5估唔到永年啲野食喺真係唔錯，下次要試吓佢哋啲車仔麵同小食😋😋佢哋佢哋啲客人都幾多，keep住到收工都無停😆😆📌 永年士多 (尖沙咀)尖沙咀加拿分道46號地下7-8號舖#永年士多 #永年車仔麵 #高質車仔麵 #美食推介 #尖沙咀美食 #家族車仔麵 #期間限定 #永年火鍋 #foodie #tstfood #teamhappyfoodies #

今日行過尖沙咀，忽然間心血來潮諗起想食車仔麵，上網一search見到呢間好似啲賣相幾好。七點鐘嚟到都要排五分鐘左右先入到，座位ok，唔算10分迫夾，但一定唔會好舒服，除咗入面嗰兩張梳化位。講番食物最出色一定一定一定要試佢個豬皮，一入口好濃郁嘅唔知咩味，總之就正。佢個招牌魷魚我覺得除咗厚切之外，就真係冇乜特別可以skip。蜂巢豆腐都幾大舊，有咬口，都可以一試，但係得兩舊。陳皮魚蛋都幾好食,有種懷舊感覺. 另外佢個牛肚係用草肚。如果有鍾意草肚嘅朋友要嚟試下。因為出面通常都用咗金錢肚，我自己就鍾意食草肚多啲。員工四眼妹妹，服務非常之好，好細心！仲有鄰家女孩感覺,想即刻食咗佢兩次.

終於到了每星期最期待的星期五，放工即刻去永年士多食飽飽再去行街！ 試左新推出的大澳特產蝦籽撈麵系列，南乳豬手撈及筋腩撈，用益昌號手抄蝦籽，配以青菜及蔥花上湯。 筋腩撈$62，牛筋燜得好軟滑，牛腩軟腍不鬆散，容易咀嚼，粗麵上加上天然蝦籽，味道鮮香美味。 南乳豬手撈$62，最喜歡這種皮下沒有過多脂肪的豬手，皮爽肉滑，同樣燜得入味，滿滿骨膠原的。 另外，點了熟蝦醬通菜$28，通菜翠綠又爽嫩，拌以惹味熟蝦醬，特別有大澳風味。 最後，跟餐點了香濃奶滑的熱奶茶$12及天天即沖樽仔烏龍茶$17，也不錯啊！

自帶旺旺體質的我 到達永年士多的時候還沒人排隊 點單完畢後面已經排了長龍小小車仔麵店 裝修很有心思講究  一面牆以翡翠綠色霓虹燈做字牌 門口味寬敞舒適 有吊燈與無敵街景車仔麵玻璃上印滿地名 頗有心思同港式風情- 車仔麵（幼麵 麻辣汁 中辣）+ 蜂巢豆腐+流心蛋+軟糯蘿蔔+蟹子丸+鳳爪- 現烤多士 （斑蘭味- 樽仔奶茶（招牌車仔麵出乎意料好吃入味。原本對於貼地小食沒太大期望 純粹成日行開tst 想要隨便吃吃看，沒想到每份車仔麵都有配上多多菜心。點單時姊姊會推介蜂巢豆腐 話好有營養。聽我點蝦籽還會提醒“蝦籽是一味調味不是菜喔”，嫌棄我吃的清淡 讓我試試豬手 豬皮“阿妹車仔麵係要點豬手架” 少遇到如此有人情味的服務。幼麵中等軟度，湯頭超入味（想像不到）。已經慣左鹼水麵毫無味道與湯只有鹹味的車仔麵，吃到這碗有意外驚喜。辣度分bb -小-中-大-勁，中辣沒太多辣味，下次要試試大辣。配菜9 一款，麵底送三款配菜，蜂巢豆腐真的好吃，有豆花的味道。鳳爪煮到韓式雞爪那樣軟熟，而且有少少藥材味。蘿蔔新鮮，入味，見火候。丸類也有豐富餡料，每一道食材都美味滿足多士份量較輕，可作為飯後甜品，斑蘭多士不會過甜麵包

經過永年士多，發現有新野即刻入去朝下聖先~今次呢個新野係「蝦籽撈麵」~ 仲係用大澳益昌號既蝦籽， 今次唔使入大澳都食到特產~今次揀左大大舊既蝦籽豬手撈粗~  豬手整得好，有一定難度永年既豬手我覺得有中上水準佢既豬手淋得黎唔爛，咬得開但又仲好有膠質感入哂味，但又唔會過咸~ 火候控制得排常好~主角既蝦籽撈粗，d蝦籽真係多到不得了呀~ 蝦籽其實是蝦的卵子，曬乾再炒香，係純天然無添加的調味料加少少落去，令成個麵都增加了不少咸香和鮮味~除左蝦籽撈麵, 呢個熟蝦醬配通菜都一定要試同樣選用大澳益昌號的熟蝦醬，估唔到配通菜咁惹味個熟蝦醬有D似XO醬，比以前食開既咸蝦醬更有鮮味搞到我都想買番樽長放屋企~黎永年，點可以唔試佢既車仔麵因為個撈粗好大碟，所以今次叫淨車仔餸 ~叫左個麻辣三寶同咖喱四寶，一次過試哂佢既招牌野啦~咖喱四寶 $ 38 話說 我未試過咁樣叫淨餸 原來呢個38蚊既咖喱四寶 係咁大碗架~~~@@ 四寶分別是魚蛋，蘿蔔，豬皮同魷魚 (仲有菜底呀) 配合特製的濃濃咖喱汁咖喱汁偏甜，唔太辣，配上呢四寶好夾個豬皮幾厚身，索哂D咖喱汁，超入味~ 蘿蔔超級淋，好入味。味道特別甜，似係特別製過我自己就覺

今日去尖沙咀分店，64元4餸(其實普通料，不過韮菜餃、牛筋樣樣另外加錢)，味道一般，咖喱味汁完全唔似咖哩。最好笑係，沒有葱，叫佢辣汁用湯匙盛起放在碗旁可以嗎？(答案:不可以)，要另外加3元。講真，車仔麵本身已油膩，每碗仲要主動幫你加麻油但唔早講。已經無咩服務可言，自己排隊買飛攞餐，十足快餐店，又唔好味又貴。好想知道，佢可以憑呢種服務態度維持多久？

我曾經係永年嘅忠實粉絲，無論佢加價，我都keep住食。我平時會經戶戶送叫外賣，但有至少兩次，唔係戶戶送問題，落咗order又唔接，打電話又無人聽，去到最後lunch趕頭趕命落街買。我有試過其他方法，打去銅鑼灣分店嘗試了解下尖沙咀分店係咪有咩問題出現，但可惜一次兩次，點解都仲係呢？最近令我下定決心要介永年嘅原因，首先平時叫一碗車仔麵唔平，最近蘿蔔仲要加兩蚊（明明唔多餸係唔洗加錢，而家最普通嘅蘿蔔都要加...）第二，我一直覺得永年係比其他車仔麵較衛生少少，我早兩日食發現有兩條男人短頭髮（肯定係，唔係其他毛），可能大家覺得食外賣就係咁嫁啦，但我認為，可能有一條都叫勉強，但兩條短頭髮，我即係作嘔，我已經唔想再食，比咁多錢，加埋4蚊牛根，成碗野因為兩條頭髮就浪費咗。我放棄啦～

小老板仔、你知道永年是元朗人的其中一種情懷嗎？20年前老店時老奶奶、高佬還有你媽咪在淥麵檔忙著、還時常有好幾個穿校服的小朋友在幫忙、我還歷歷在目！我現在結婚搬了出九龍、今天去屯門辦事、就特意坐西鐵朗屏落車行過去買碗外賣返九龍屋企食、你覺得點解我隨時可以去尖沙咀食、但偏要走去老店買外賣？這就是人的情懷！當時八點多、看入去都沒幾個人、就覺得奇怪、買了、豬腸、蘿蔔、豬紅面加底、湯另上一共58、等外賣時心裡在想為什麼那麼貴的呢？就問了一下Cashier、原來現在型到有比其他貴的星級餸、豬紅也算星級？在我心中永年除了豬腸和中辣、就是最寶貴的情懷、其餘什麼都不是！小老板你在一步步消耗我們的情懷你知道嗎？剛跟村兄弟説起今天的外賣、才知道你每間店的價錢都不同的、做生意不是這樣的、也許高佬沒你胸懷大志、但最少高佬踏實、才得永遠的客人和朋友！

咩粗麵咁難煮咩？個粗麵硬過鐵線仲未煮熟，食完會好難消化！然後…餸就普通啲都係普通湯底員工態度好好但係就沒有八達通收費，只收現金…….然後再沒有然後……………..bye

錢唔係咁賺架！ 舊年食過一次份量都叫做正常，經開尖沙咀就諗住再試一次。點知呢間野愈做愈差。今晚叫左碗豬紅豬腸牛腩 要成58蚊都算，你老x每樣餸得四小件左右，係四小件，牛腩仲要細細舊，薄切切仲有，憑乜嘢河粉要+2蚊，我食過大大小小過百間車仔面，未試過河粉要加錢！仲要個碗大大碗，面底就細細，河粉一夾就爛，食到火都黎埋。仲有我叫小辣，食到中段，中間哽喉頂唔順，叫個職員比細細碗清湯我，佢叫我直接拿個碗比佢加，大佬丫，人地食到一半又拿比你加湯，咁樣做衛唔衛生丫？挑，你咪又係要幫我加湯？佢話就咁比清湯你要加錢，真係呢世人食車仔面又令我大開眼界，唔講以為係去左高級餐廳叫法國礦泉水咁。仲有樣野，我知尖沙咀租金貴，唔該你，我未食晒野，唔好過黎收野，仲想收埋我果碗未食晒的面！總之，呢間野我永不幫襯，唔會再幫襯呢d算到盡，無腦吸血鬼