永年士多港式車仔麵 (加拿分道)

營業中

休息中

車仔麵成日食，但要食到一間高水準嘅，又難搵啲。今次去到尖沙咀永年車仔麵，佢哋車仔麵的質素又幾高👍🏻四寶麵 - 有豬腸、豬紅、蘿蔔及豬皮。豬腸一啲好唔韌，好爽口又入味😍 蘿蔔好甜，豬皮又爽口彈牙，高質喎👍🏻 加埋個車仔麵嘅湯，令成碗麵昇華晒😋三餸麵 - 冬菇、墨魚蝦卷及韭菜餃。冬菇大大隻，墨魚蝦卷彈牙，口感非常好。麻辣孖寶 - 係豬耳同牛柏葉，特製的麻辣汁，好好味，辣味比麻味高，不錯👍🏻榛子朱古力多士 - 多士非常厚身，外皮香脆，入邊充滿榛子朱古力醬，甜甜的，作為麵後甜品，一流🍞樽仔奶茶 及 涼粉咖啡 - 奶茶香滑如絲，涼粉咖啡味道香濃，加上涼粉，令人有透心涼嘅感覺👍🏻整體評分係高質嘅，一定要飲涼粉咖啡同埋食四寶麵😂😂

好鍾意食車仔麵，中意佢多款揀，同埋嗰啲街頭小食，魚蛋啊，豬皮、牛腩嗰啲好好食😋車仔麵店有好多，但要搵到間質素好嘅車仔麵唔容易。🙃依間永年士多好多年前已經係到，嗰陣時有個朋友帶我嚟過一次㗎，之後一直再無乜嚟😅😅好幾次好想去食，但門口有勁多人😳😳😳好，結果都係冇入到去。餐廳面積唔大，所以經常都要搭枱。就算平時時間搵到個位坐都唔容易😓😓不過好多人幫襯就證明佢啲嘢係好好食🤤🤤🤤今次試豬紅、雞翼同埋糖心蛋🤩🤩好味😋

❤️今日專登去永年士多食車仔麵，又見到長長嘅人龍，所以決定買外賣，回家慢慢嘆😋不論車仔麵、小食、飲品的款式都非常之多，最後梗係要揀招牌食品，大碗麵、南乳豬手和樽仔奶茶。值得一讚係落單店員服務非常好又細心，提醒我車仔麵分湯比較好👍🏻🌟🌟招牌大碗麵（聚十寶於其中🤩），我叫左少辣配油麵，有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸等多種食材，用料豐富，份量十足。不單止份量超级大，餸仲多過麵😙，而且質素也非常高，能夠一次過試多種食材，非常值得👍🏻，我都算食得辣，這裏的少辣對我來說已經足夠了。🌟🌟南乳豬手口感鲜嫩滑爽，皮脆而不糊，而且不覺油膩。🌟🌟樽仔奶茶非常方便，茶香濃郁，奶香口感幼滑。

🧡推薦指數：4.8/5🧡尖沙咀加拿分道呢間茶餐廳長期有人排隊明明係叫士多但就係一間食車仔麵嘅餐廳😂發現呢間既車仔麵又幾抵食分量又多又大碗 最重要佢嘅辣我好鍾意😚仲有特色嘅嘢飲，難怪吸引到一批上班族喺度食嘢🌟牛筋腩撈麵牛筋腩好入味，撈麵夠彈牙牛筋同牛腩都非常軟嫩而且又充滿左肉汁香氣調味料既搭配亦恰到好處不會太鹹或太辣🫰🏻🌟三餸麵-芝士腸，魷魚蘿蔔 米線 小辣雖然腸胃受唔到辣，但食面點都要小辣既🤣呢間嘅辣到果然冇令我失望🤣有辣嘅香味，但係又唔會搶到食物嘅鮮味蘿蔔吸收晒湯底嘅味道 又夠晒𣺉好鍾意魷魚好厚身 又夠彈牙 夠晒口感🌟蝦醬通菜🥗好內冇纖維落肚😂但又唔想咁寡，蝦醬通菜岩曬我。蝦醬好香，帶有鮮甜同微咸既味道，配埋通菜超正🤭🌟港式紅豆冰🫘好耐冇飲過紅豆冰 估唔到冇令我失望紅豆夠淋 椰汁唔會太多 所以紅豆冰嘅甜度適中但係我就覺得冰塊太多搞到我好難不到紅豆食一撩紅豆出嚟就跌晒啲冰😮‍💨😮‍💨🌟港式菠蘿冰有我最鍾意食嘅菠蘿 菠蘿冰甜甜地好好飲最後仲可以食埋啲菠蘿勁正都係嗰句 冰塊多得滯😮‍💨😮‍💨🌟煉奶鮮油多士多士夠脆 煉奶同牛油比例岩岩好

耐唔耐就好想食永年車仔麵！我鍾意佢個湯底同入味嘅配料，今晚去開尖沙咀即去加拿分道嘅分店食，如常超級多人，好受歡迎～ 湯底加入咗老雞、豬筒骨、雞腳、果皮及十多種藥材等熬製3小時，味道清甜有層次～今年去發現新推出咗撈麵同涼粉飲品！撈麵有兩款，一款係豬手蝦籽撈麵，比較汁濃惹味；另一款係蒜油撈麵，配湯比較清香～《 自選三餸蒜油撈麵 $50 》牛丸、牛筋 +$4 、炸魚皮 +$4 牛丸彈牙多汁有肉味，好食；牛筋十分軟稔入味，好有膠質；炸魚皮香脆唔會太厚身～ 《 自選三餸車仔麵 $45 》魚腐、牛筋 +$4、鳳爪 +$2 魚腐吸湯好味；牛筋香軟；鳳爪大隻入味～（跟餐）《韭菜豬紅 +$18 》豬紅味道帶甜入味，韭菜好嫩無渣～（跟餐）《酸齋 +$18》都唔錯～唔會太酸幾開胃～（散嗌）《 腐乳通菜 $25 》好鮮嫩，腐乳份量都多好夠味～嗌咗兩杯《 涼粉冰 $15 》消消暑～**自助取餐，無加一收費**

正宗的車仔麵，真的買少見少，難得這間跟兒時吃到的味道是一樣，實在太開心了～大碗麵（ 豬腸、魚蛋、蘿蔔、豬紅、豬皮、雞翼、雞翼尖、魷魚、紅腸及菜）～豬腸是小腸來的，咬起來非常冧軟肥美，豬腸的滷汁亦非常入味；魚蛋是陳皮魚蛋來的，質感彈牙有陳皮香；白蘿蔔清甜無渣，非常吸味；豬皮的也是很吸汁，吃起來特別正；雞翼的滷汁也很入味，雞肉好味；魷魚有數片厚厚的，點小辣的伴魷魚吃很惹味～紅豆冰～整杯都很香奶味，不太甜的，紅豆非常多，足足差不多有半杯，紅豆粒粒原粒，超好喝～

上星期去咗尖沙咀嘅永年士多食午餐🩵永年士多人人都喜歡食🩵午市時候也很多人排隊買餐，但也選等得快💕我揀咗米粉，今次揀左麻辣湯底好正，最正就係豬大腸😊油香味濃，配埋墨魚蝦巻，山根，墨丸，吸哂啲湯勁惹未，墨魚蝦巻好彈牙，蝦味濃郁😆另一碗叫左蘿萄，豬手，酸齋米粉，好味😋配車仔麵汁，豬手好有骨膠源👏🏻🩵加了蝦醬通菜，蝦醬勁好味😋份量非常多🩵🩵咖央多士，面層脆脆地，一啖咬落口，好滋味呀🩵飲品：樽仔奶茶及紅豆水

每次經過永年都大排長龍，車仔面湯底好出名，一直好好奇到底有幾好味🤔襯下午茶時間人少少可以試下🤪✅大碗麵豬腸、魚蛋、蘿蔔、豬紅、豬皮、雞翅雞翅尖、魷魚、紅腸、菜 超大碗麵之餘仲可以試到勁多配料，尤其係我最愛嘅豬紅、蘿蔔、豬排，超入味😍一間車仔麵最重要係入味，呢度唔止入味仲好好味，難怪咁多人排隊😬✅韭菜豬紅一定要Order！真係超好味😋韭菜新鮮，豬紅入味！✅斑蘭咖央多士斑蘭咖央係我最中意嘅口味，食落甜甜地，外脆內軟😋仲可以加小小錢轉雙拼口味都幾貼心😳✅樽仔奶茶奶茶口感順滑，飲得出好濃嘅茶味，一試就愛上💕✅港式紅豆冰夏熱天時飲杯紅豆冰透心涼，紅豆冰🫘💛好味指數:4.8/5 💜回頭指數:4.8/5📍永年士多 (加拿分道) (尖沙咀)尖沙咀加拿分道46號地下7-8號舖

I came on a windy/typhoon day before 6 PM, but even then, this place was quite busy.When you enter, you either order from the counter with a person or from the machine. Surprisingly, there was no English option for the machine. And there aren’t sufficient pictures to try to order without translation haha After placing your order, you take your receipt and go pick up your meal from the counter. It takes longer than you may expect, so try to grab a seat first. Also, this place is relatively small,

好耐冇食過永年車仔麵，今日經過尖沙咀就入去回味下！我哋叫咗三餸車仔麵+班蘭咖央多士，咁耐冇食都保持到水準👍🏻三餸車仔麵1）豬腸、雞翼、蘿蔔粗麵$53: 蘿蔔超入味又淋又冇根，正👍🏻豬腸洗得好乾淨，食落口又唔會覺得好肥😋2）豬皮、魷魚、魚皮餃油麵$47: 魷魚大大塊好爽口，口感唔會韌，豬皮就吸哂湯汁入晒味好爽口！呢度嘅麵嘅份量都好多，好似出邊啲車仔麵加底咁😂男生應該覺得夠食。3）班蘭咖央多士$18: 兩塊細細件啱啱好，多士烘得夠香脆，有啖啖椰子味道。最後當然唔少得叫杯地道既紅豆冰$15同埋熱奶茶啦$12。

我最喜愛食永年士多嘅車仔麵，簡直係車仔麵界嘅世一 ！！！每次老公都會叫個大碗麵，乜都有D唔洗諗，大大碗又夠哂佢食！我自己就鐘意叫三餸麵，仲要係揀D大碗麵冇嘅餸，咁就可以一齊Share食！！ 另外會加$18叫個酸熟，酸齋真係好好味！！永年士多嘅湯底好夠味，小小辣已經好辣，同埋D餸都好入味，無得頂！

🐱一直都鍾意食永年車仔麵，不過而家既水準真係大不如前🤐🤐🤐三餸車仔麵（豬紅、豬腸、蘿蔔）：$52🌕🌕🌖/5 叫左米粉+麻辣微辣🌶️湯底有少少甜，辣汁唔係好香同唔夠惹味👌豬紅係偏甜，帶有少量蒜蓉粒🧄我以前會特登叫2份豬紅😂豬腸同以前一樣啦，冇咩特別🐷值得一提係蘿蔔，唔建議叫🙅🏿‍♀️雖然冇渣，但係完全唔入味🙄🙄完全退步哂🤧🤧🤧

間唔中就想食下車仔麵 今次黎到尖沙咀呢間永年士多 沙田元朗銅鑼灣都有分店～ 尖沙咀呢間分店就有啲迫👀✨ 大碗麵💲 72有豬腸 魚蛋 蘿蔔 豬紅 豬皮 雞翼 雞翼尖 魷魚 紅腸同埋菜 足足10種配料！啱曬我呢啲長期選擇困難既人😹 可能因為揀咗微辣咖喱汁 所以無咩咖喱味 但係個湯底本身都甜口～ 車仔麵黎講 72蚊其實唔平 但係每款配料都表現幾好🤍 尤其蘿蔔 無渣 好甜好入味🤩 我好少食豬紅 但係呢度既豬紅甜甜地 夾起唔會散✨ 豬腸如果清走多啲肥會更好😗✨ 抹茶紅豆冰💲 +15 （單點💲 28）如果抹茶味濃啲會更好 但係紅豆好足料～加一：❌

一直都喜歡吃車仔麵，而永年仍然是我的首選，今晚更試了新出的涼粉冰及多士，味道很不錯。今次點了大碗麵油麵底、腐乳通菜、榛子朱古力多士及涼粉奶茶。大碗麵有齊十款人氣車仔麵餸，豬紅、豬腸、豬皮、蘿蔔、紅腸、魷魚、魚旦、雞翼、雞翼尖同菜，每款餸也十分入味，我特別喜歡豬紅豬腸同蘿蔔，我點的微辣剛好，惹味提味，而油麵彈牙好味。腐乳通菜嫩滑冇渣，配上腐乳醬很好。麵後來一客新口味榛子醬多士厚切，香口，甜度剛剛好，推介！而另一新款奶茶涼粉冰也值得推介，多重口感透心涼。

今日第一次到尖沙咀店，1點半到落單，到2點幾都未有得食。廚房有6、7人忙成一團糟，但一大堆食嘢客人企住齋等。終於決定放棄等，同老細話「有冇搞錯，食車仔麵，都要等咁耐，真係離譜。」老細話唔好意思，人手不足。好在佢地知理虧，退錢畀我。我奉勸佢地落單時，先溫馨提示要等好耐，咁嘛大家就唔會有誤會囉。希望佢地未來會搞好地。另外，見到食客食嘅牛腩撈，地牛腩乾徙徙，更加覺得要等咁耐唔抵。