永年士多港式車仔麵 (加拿分道)

營業中

休息中

睇完戲去醫肚仔，揀左又平又飽肚既車仔麵食，叫到成枱都係食物，都不用二百蚊。 大碗麵 $72 必食大碗麵，一碗有齊10款基本餸，如魚蛋、蘿蔔、豬紅、豬皮、豬腸、魷魚、紅腸、雞翼、雞翼尖、菜等，超豐富。麵底有6，7款自選，湯底仲有辣與不辣、麻辣等。我地揀左唔辣，咁先原汁原味。當中最愛豬腸夠粉、蘿蔔夠淋又入味。麻辣孖寶 $38好惹味既麻辣豬耳拼牛百葉，份量不少， 辣辣地好開胃。腐乳通菜 $25通菜無渣配咸香腐乳，食落好惹味。斑蘭咖央多士 $18細細件方便食，咖央醬夠多，食得好滋味。天氣炎熱我地叫左抹茶紅豆冰 (跟餐$15) ＆ 紅豆奶茶冰 (單叫$28），消暑解渴又邪惡。

約左朋友係尖沙咀交收，咁就早少少出去行下兼食返個午餐。行過永年士多突然就醒起好耐冇食車仔麵，所以就入去食返碗麵啦！食車仔麵實在太多選擇，樣樣都想食，咁就嚟碗大碗麵，一次過有十樣餸夠晒滿足。佢個湯底唔錯，唔會得個咸字而且唔會越食越口渴。樣樣餸都好咻，我最鐘意就係個雞翼尖同雞翼，佢醃得夠味之餘仲好嫩滑。豬皮、魷魚同蘿蔔都唔錯，不過豬腸就最令我有驚喜，估唔到可以煮到咁軟嫩，仲唔會有啲腸『益』味，所以平日怕食豬腸嘅我都食晒。另外我都叫左碟淨酸齋做小食，酸酸地好開胃呀最後叫左杯抹茶紅豆冰，初頭怕個味會怪怪，但入口又估唔到咁夾，首先佢抹茶味都夠又唔會太甜，，而且紅豆份量足料得嚟又可以食到粒粒紅豆，唔錯

自選三餸蒜油撈麵（單點$62），其實單點自選三款$9餸嘅撈麵只係$50，不過加錢叫咗其他餸；肥牛，份量多，牛味濃郁，食落唔韌，配以微辣手工麻辣醬食用，味道更佳；韭菜餡，韭菜、豬肉比例平均；酸齋，略嫌偏甜咗少少；菜芯，口感嫩滑，味道清甜；蒜油撈麵，粗麵口感軟硬適中，容易掛汁，食落蒜香味道十足；上湯，內有香蔥，飲落有鮮味。自選三餸車仔麵（單點$60），其實單點自選三款$9餸嘅撈麵只係$50，不過加錢叫咗其他餸同轉咗烏冬做麵底；牛肚，肉質腍身，食落好入味；冬菇，口感厚肉，食落好Juicy；蟹籽丸，內有湯汁；甜酸菜，口感爽脆，味道酸甜，幾好味；烏冬，口感煙韌；勁辣手工麻辣醬，辣度7分，食得出有香料味道，同烏冬好夾。招牌熟蝦醬配通菜（單點$28），選用大澳益昌號熟蝦醬製作，味道咸鮮，但略嫌偏油咗少少，通菜口感爽嫩。班蘭咖央多士（單點$18），班蘭味道清香，咖央椰香味道足球，口感綿滑，多士口感外香脆內鬆軟。樽仔奶茶（單點$17），茶味濃香，甜度6分，飲落夠凍。抹茶紅豆冰（單點$15），抹茶、紅豆份量一比一，抹茶如果可以濃味D會更好，紅豆口感綿密但仍然食到顆粒感，整體甜度6.5分。

📍#尖沙咀 #永年士多#羊羊在尖沙咀#羊羊在九龍早排夜放工，行經尖沙咀叫到好多人食，就入去試下😄永年最出名車仔麵唔多講啦，但周邊小食同樣好味😋✨三餸車仔麵 $45今次揀咗墨魚丸+牛丸+魚腐，配埋油麵🤟🏻 魚腐同牛丸好普通，但係墨魚丸係有料個隻，同譚仔個隻差唔多🦑湯底佢只係問我辣唔辣，原來有分咖喱同麻辣湯🫠睇返佢俾咗咖喱湯我，少辣都辣到噴火🥵不過好香，唔係普通港式咖喱咁，有落唔同香料😳✨自選車仔麵 $56另外試埋魚蛋+魷魚+牛腩，配埋粗麵😙魚蛋係細粒嘅陳皮魚蛋，魷魚大塊冇咩味，牛腩少肥唔柴😆湯底應該都係咖喱湯底，但唔知係咪叫咗牛腩，竟然有腩汁味😧加咗腩汁仲香咗，有啲肉香味配牛腩好正😳✨韮菜豬紅 $18以咁嘅價錢嚟講都抵食，豬紅仲多過韮菜😂豬紅唔腥，外皮有少少脆皮咁，一咬入好嫩滑，仲有豬紅特有香氣👍🏻韮菜有花，但係仲好新鮮，唔會老☺️✨咖央多士 $18厚多士嚟，一塊分返開兩塊食都仲得😏麵包烘得幾脆，可惜放耐咗就有啲韌😣咖央分量唔多，但薄薄一層就夠了，唔太甜🤩✨涼粉奶茶 +$15純粹搞下笑咁，見佢舖頭癡哂廣告好正咁，但係不了🫣太甜了，涼粉啲糖水都倒埋出嚟，奶茶味都蓋過了☹️人均價錢－～$80評分

經過美麗華、每次都會到旁邊的永年吃車仔麵。車仔麵餸選擇超多～斑蘭咖咉多士 $18 烘得香脆可口、細細件當小食剛好。三餸車仔麵點了牛筋、酸齋、蘿蔔、流心蛋、微辣咖喱湯底不算太辣、牛筋炆得好腍、蘿蔔冇渣、酸齋都好好味。 雞翼豬腸豬皮幼麵$51 — 雞翼好入味米線、豬腸係必點、肥厚又清得乾淨、豬皮吸收了腩汁的微辣都很不錯。韮菜豬紅 $18 — 滑嘟嘟豬紅很入味、抵食試了新的特飲 — 涼粉奶茶冰 $15，奶茶跟涼粉配搭新穎、好有懷舊味道。菠蘿冰$15 大大杯好多菠蘿～

香港人好鍾意食車仔麵🇭🇰「永年士多」憑獨有嘅招牌咖喱辣汁吸引到唔少粉絲👥成為人氣車仔麵店✨.牛柏葉豬紅豆卜肥牛烏冬🍜豬紅新鮮嫩滑🐖肥牛大片帶肉味🐄.甜酸菜紫菜蘿蔔蟹籽丸烏冬🥢甜酸菜調味，夠哂開胃🤤蘿蔔清甜甜無渣🥕.腐乳通菜🥬腐乳醬撈勻通菜，有種家嘅味道😋.淨酸齋🧡食甜多過酸🥺但套餐有得加配一碟🍽️好滿足😌.抹茶紅豆冰🍵紅豆大大粒🫘抹茶甘香濃郁，好飲👍🏻.港式菠蘿冰🍍酸甜菠蘿肉，加上涼浸浸🧊好爽呀😝

朋友係要見嘅👯‍♀️!難得約到朋友肯拋夫棄子同我去行街,梗係要食埋晚飯講個夠先走啦😂😂~元朗嘅永年好出名,我好多年前都食過,原來尖沙咀都有分店😋~我叫咗三餸米線,揀咗豬紅蘿白同雞翼🐔~因為呢度嘅豬紅同蘿蔔都好出名🥕~啲餸全部都好入味,而且帶點甜,唔係得個鹹字或香料哥種,我比較喜歡👍~朋友貪心咩都想要又唔想思考🤔就叫咗大碗麵~入面有豬腸豬皮🐷雞翼尖等十種餸,當然都有我上面哥三款啦!啱晒咩都想食嘅人😍😍!而且多餸唔會每樣都得少少唔夠喉,超足料~呢度嘅菜類都正常價位而且份量足🥬~我鍾意佢嘅腐乳唔會太鹹,反而幾香幾好食~店員話呢度嘅紅豆冰都涼粉冰都出名,所以一人點杯🥤~我覺得佢個奶底幾好味🥛,不過有啲人可能覺得甜咗啲~但真係細個飲開好香甜哥種味~後來仲見佢有抹茶紅豆冰,下次嚟再試🍵~呢度唯一唔好就係比較多人比較逼🙈~但無計啦,喺尖沙咀好食得嚟又唔貴嘅餐廳選擇唔多~呢間人均埋單唔使一舊水食到咁飽係唔錯嘅🤑~

好耐冇食過車仔麵🤭突然心血來潮想食！經過見到平時大排長龍嘅永年士多竟然未出現長人龍(不過排到我柯打時回頭一望已好多人喺背後排緊隊😜😜) 要更有效率就建議同同行朋友分工合作…一個先搵位…一個去排隊落單🤝🏻有多款車仔麵配料可供選配🉐而且仲有多種類小食特飲可以選擇！！. ✨班蘭咖央多士 $18烘得香脆😚😚斑蘭香甜味道十足！下次必須加兩蚊加埋鮮牛油！實更好食！. ✨生菜魚肉 (+$18)久違了嘅港式小食😀湯底帶有蔴油香！生菜青翠可口！魚肉彈牙！值得加配嘅一款👍🏻👍🏻. ✨鹵水雞翼(+$18)啖啖肉！色水夠！醃得再入味啲會更perfect👌🏻. 🌟三餸車仔麵 $53 @ (價錢根據自選配料而定) ✨牛筋牛丸牛肚油麵 (少辣) 晶瑩通透又軟腍入味嘅牛筋果然係招牌配料之一🏅牛肚都軟身得嚟有咬口！牛丸味道質感亦唔錯！同時配上煮得剛好嘅油麵！不過真係唔可以睇小永年嘅辣度😂朋友叫咗少辣已經覺得好火辣🌶️🌶️. ✨豬腸牛筋雞翼尖烏冬(微辣) 呢碗叫咗微辣就食得出唔係死咸嘅湯底😌同樣牛筋出色之餘！個人認為豬腸更出類拔萃😘😘肥厚又食得乾淨！每啖都好食！另外雞翼尖都好味道兼隻數足夠！連埋烏冬食大滿足！. ✨抹茶紅豆冰

My friend and I went to a restaurant called "Wing Nin Noodle" （永年士多）located in Shop 7-8, G/F, 46 Carnarvon Road, Tsim Sha Tsui尖沙咀加拿分道46號地下7-8號舖This restaurant offers authentic HongKongese style cart noodles with various toppings,snacks and drinks.3 toppings cart noodles 自選3餸車仔麵HKD$45.there are around 40 toppings to choose from .I chose beef brisket 牛腩 (+HKD$9)，beef tripe 牛肚 (+HKD$4) and beef tendon 牛筋(+HKD$4) .there are 8 types of noodles to choose from. I chose the rice noodles（米線）.the noodles

永年士多是一家香港的老字號茶餐廳，以傳統的港式車仔麵作招牌價格實惠，選擇豐富環境相對簡樸，但乾淨整潔。門口落完order之後就等叫號打去自取食物大碗麵 油面底一碗麵有10個餸，方便晒啲選擇困難症嘅人好抵食魷魚🦑豬皮 豬大腸 蘿蔔 魚蛋 豬紅 雞翼 菜心勁多餸真係好大碗麻辣孖寶有豬耳同牛柏葉牛柏葉真係超級辣份量都好多咖央多士 茶餐有兩舊多士加樽仔奶茶🧋多士烘底 醬料充足滷水雞翼尖好入味抹茶紅豆冰出奇地唔會好甜 超級多紅豆喎🫶

假日行下尖沙咀，見到呢度有間永年士多，想食下車仔麵食物，於是便進入開餐啦☺️。健康啲食多啲菜，就叫左菜底加3個餸，我點左至like的牛筋、豬手加糖心蛋，牛筋柔軟很有膠質，豬手同樣煮得淋又入味，蛋汁好香，菜心青嫩翠綠，加配左麻醉醬，更加惹味可口👍☺️。另老友點了米線加四個餸，蟹籽丸、水魷、雞翼同埋紫菜，佢怕辣所以湯底選了滷水，湯飲落不會過咸。我地互相交換餸食，所以很豐富又飽肚☺️。飲品點了冇糖烏龍茶，解渴又解辣😘。

係香港正宗又好食車仔麵愈來愈少，永年係其中一間我最鍾意食既車仔麵之一，我去尖沙咀時一個人搵地方食嘢醫肚必選地方今次叫四餸豬皮+豬紅+豬腸+魚蛋河，加上惹味咖喱汁，係每次要搵位都唔易，好生意多客。豬皮夠入味，推介

永年一向出名又多人食，我又鐘意食車仔麵，鐘意揀咩餸都得，當然要佢預先配搭好嘅精選就唔洗諗咁多啦🍜筋腩撈本身想要豬手撈，好似好腍好正咁，但大熱產品呢日7pm已經賣晒，牛筋牛腩一樣入味又腍，撈麵好食口感彈牙🍜車仔麵要咗佢預設嘅配搭，有豬紅、豬皮、豬大腸、蘿蔔蘿蔔勁甜，燜得好腍，另外豬大腸都好入味😋🥬腐乳通菜腐乳醬好濃，整體好食🍞班蘭咖央多士必食，多士脆，有牛油香，班蘭味更加香，多數點都會叫一份😋🧋奶茶又係必飲，茶香濃奶滑，必飲🚩永年士多 (尖沙咀)📍尖沙咀加拿分道46號地下7-8號舖

心血來潮想食車仔麵,第一時諗起永年士多！每次必點招牌大碗麵🍜粗麵底配上十寶🫶🏻有豬腸、魚蛋、蘿蔔、豬紅、雞翼、雞翼尖、豬皮、紅腸、魷魚同菜🍴蘿蔔食落清甜無渣,豬紅夠入味; 魷魚爽口彈牙,魚蛋有陣陣陳皮味😋朋友就叫咗三餸車仔麵🍜芝士腸、芝心丸同牛腩配粗麵底,牛腩夠軟腍,芝心丸真係流心嫁🤭腐乳通菜🥬腐乳味濃郁,通菜新鮮無渣！最後食埋咖央多士,鬆脆又好味！飲品就叫咗樽仔奶茶🥤同菠蘿冰🍍

環境：食開元朗總店，第一次食尖沙咀分店，店鋪相比元朗店，裝修更新潮光亮，座位更舒服食物：//大碗麵//一碗雲集十款永年最受歡迎嘅配料：豬腸、魚蛋、蘿蔔、豬紅、豬皮、雞翼尖、魷魚、紅腸、菜。份量滿滿超足料🤭個人最鐘意蘿蔔同豬腸，蘿蔔入味超軟淋，豬腸洗得乾淨，冇多餘嘅內臟味，有咬勁。//自選三餸車仔麵//友人選擇牛筋、魷魚、蘿蔔。牛筋炆煮入味，滑溜晶瑩剔透。魷魚爽口。 佢加埋招牌咖喱辣醬同吃，入口辣辣過癮更惹味。//蠔油芥蘭苗//芥蘭苗翠綠嫩口， 加埋蠔油同吃，入口咸香鮮甜，//凍檸茶//茶味香濃，茶底唔會放得太耐，令味道出現苦澀之味