永年士多港式車仔麵 (加拿分道)

營業中

休息中

很多朋友話這是頂級車仔麵店，想試很久，剛巧經過，不防試一試，在收銀處，點了一碗四餸(魚蛋、豬紅、豬皮、蘿蔔）車仔麵，加凍檸茶，總共$64，魚蛋可以唔要，太細粒，有怪味，蘿蔔好好味，必食～！豬紅，豬皮亦可以。收銀處只收現金，不收八達通，現在大部分車仔麵和麵包舖，都已經收八達通，那麼出名的車仔麵還只收現金，不太方便。此外，座位亦很窄、很迫，一點也不舒服。在收銀處點了車仔麵之後，先要自己找位坐，跟着等櫃檯叫號數，再要去另外一邊櫃檯攞，食完之後，又要自己攞去另外一邊收碗處，如果一個人，有自己個人物品，那就不太方便。總括然而，”名大於實”，可以不試～！大失所望～！😞😞😞

相信好多人都會有食過車仔麵🍜愛吃車仔麵人士必定要食永年士多呢間車仔麵很出名,聞名已久今日終於去食左果然沒有讓我很失望🥰🥰🥰呢度吃了$165 價錢還算可以💰腐乳通菜$25💰麻辣豬耳$25 💰三餸車仔麵 $45💰四餸車仔麵轉烏冬底$60💰可樂🥤$10如果妳是一個愛吃辣的🌶️ 一定要點它的秘製麻辣汁 🉐我叫的是中辣,對於我來說辣度還可以加大小妹平時食譚仔雲南米線是中辣☜︎供參考還有它的豬腸一定要叫啊，我平時很怕外面豬腸很肥，但它是肥瘦均勻，而且洗得很乾淨。總結而言係日後會在想食嘅車仔麵，特別佢嘅辣汁係正嘅😍😍😍

晏就既永年好多人，要早d黎排隊搵位！依家有位姐姐幫手搵位同叫你寫紙仔，幾好！咖喱四寶 咖哩魚蛋，白蘿蔔，豬皮，咖哩魷魚拼菜底以我所知咁樣食就最平，如果普通菜底自選3餸，呢個咖哩四寶係4餸+菜底，不過就無得自選餸了～咖哩味道好足夠！食到我吱哂啲汗出黎😂白蘿蔔夠哂入味，魚蛋魷魚彈牙，份量夠正常人食咖映多士 必叫！2塊唔係好夠喉....多士即叫即烘，所以要等耐少少，中間咖映醬好出色！味道帶點點甜味，外脆內軟，但有少少乾身，配合飲品會好好多喔

係尖沙咀來來回回行了幾轉都唔知食咩好，最後就簡簡單單食碗車仔麵。由於減醣餐單進行中，所以今次選擇「菜底」減少罪惡感，份量是剛剛好，但若當日較開胃，可能要考慮加底了。個人認為大腸同豬紅係車仔麵必食Items，呢間永年無令我失望!!大腸無壓味，豬紅夠入味！湯底有誠意，唔係淡淡的清水，而係真係有味湯！搶了老公一舊酸齋，酸甜味適中，唔會有太酸會嗆口的感覺！飲品方面，檸茶略嫌太多冰，但勝在茶膽夠濃無苦澀味。樽仔奶茶一貫水準，無太大驚喜。

去年聽說這裡的豬腸很好吃今日又忙完 頻頻撲撲差不多5：00才回到尖沙咀好想吃飯 但這種時間加上在下的選擇困難症和進食速度必定會上班遲到所以今天只能吃碗快麵幼麵 加上 魚腐 酸齋 蘿蔔 豬腸 豬紅湯底是大麻辣 $63配上一杯柚子蜜 $15等不到幾分鐘已經有得吃心裡話一碗車仔麵來說賣相真的不錯還送上一條爽口菜心每樣餸都擺放到清晰可見麻辣醬上還放了條辣椒仔味道非常濃郁 香口 配菜更是意想不到的多豬腸入味柔軟 不過可能是在下正進行牙齒矯形中怎麼會咬不斷 🤣而柚子蜜..嗯..是柚子碎蜜 也是很濃郁的吃完麵後才開始飲還是很熱很醇厚香甜 不過在下只能飲上2口已經要趕回上班了整體而言是不錯的不過“很好吃”的代價就是接著全晚在下最少飲了2L的清水還是很渴🤦‍♂️

本身好鍾意食車仔麵, 之前開張時要排長龍, 今次星期日去見到唔洗排隊,所以就試下!自選三餸車仔麵$43墨魚丸: 爽口彈牙, 有墨魚味韮菜餃: 唔算好大隻, 不過又幾好味蘿蔔: 必食, 煮到好腍, 好清甜, 勁勁勁好食叫左幼麵, 麵質煮到剛好, 份量都唔少, 湯底算幾濃, 啱晒我呢啲重口味人士另一碗叫左陳皮魚旦: 估唔到有咁多粒, 成6粒, 最鍾意陳皮魚旦比較硬身,好好趙墨魚蝦卷: 好有墨魚味, 有蝦粒, 用料一流酸齋: 好入味, 好腍粗麵, 叫左小辣, 男朋友話隻辣唔算好辣, 下次可以食再辣d咖央多士 $13有烘底, 脫卜卜, 咖央醬都好多, 好味整體來講CP值唔錯, 係尖沙咀嚟講用呢個價錢食到咁嘅質素已經好好!

一直印象中的車仔麵都比較「拿渣」，而永年的車仔麵絕對沒有這問題，難怪咁受歡迎餐具和地方都整潔，吃得舒服，當然最大吸引點是她的辣醬，刺激得來令食材更加惹味。這碗有牛肚，牛腩和墨魚卷，全部都好食，滷得入味。韭菜豬紅絕對可以一試，韭菜用上韭菜芯部份，灼得剛剛好，因此很鮮嫩無渣，有驚喜，本身不太喜歡食韭菜，通常只吃豬紅，但今次真係搶住食亦想讚讚這裡的幼麵，雖然沒有鹼水麵爽彈，但都有咬口和吸湯，麵質來說非常不錯了

去過呢間永年好多次，講真車仔麵質素嚟講又算不上有咩驚喜，只係普通叫入得口，但員工，特別係收銀那位短髮後生女，態度係出奇地差。當所有客都係犯一樣，叫人唔用安心出行要填紙就係排隊到收銀時從屁股拎個表叫人填，唔怪得條人龍咁長買個車仔麵都咁耐。填咗佢的Google form又死唔信人，話人做錯又乜又物，仲等我從水吧拎住一盤麵加飲品要坐時，中途攔截話要教我填Goggle form。一直跟著我就要證明我係錯。其實咁驚咁怕啲客，就叫所有客人都登記安心出行囉，又驚趕客又要諸多阻撓。睇佢都似藍扮黃。

超鍾意食車仔麵，尋日喺銅鑼灣食完今日又去尖沙咀食，特登上網睇尖沙咀車仔麵邊間好食，心儀左兩間最後揀咗永年，初頭都好驚因為睇過啲食評話態度差，我好怕啲態度差嘅，但係睇到啲相，見到有鳳爪又想試吓喎。最後都去咗。一開頭喺出面排咗大約5分鐘等入去，跟住之後嗌嘢食，都係有個收銀機仲有個職員坐喺度咁樣叫嘅，最後坐低自己搵位同埋去攞嘢食大部份都係自助服務，所以都冇咩接觸餐廳員工。感覺沒有什麼特別好或者特別差。不過食物就很開心很有驚喜，因為個面好入味，個湯底好好飲，叫咗豬腸，豬腸好食，叫咗鳳爪，鳳爪好食。墨魚卷就冇乜驚喜。11蚊嘅肥牛得3小塊。仲有叫咗個手工嘅韭菜餃，我覺得有個餃啲硬。不過個面我叫咗油面配埋個湯，豬腸同鳳爪都好好味。會再去試其他唔同嘅餸款。

今次要介紹呢間車仔麵相信好多人都食過，但𝚅𝚒𝚎𝚗𝚗就第1次食（因為真係麻麻地中意食 #車仔麵）但係肥仔好中意食，所以久唔久都會陪下❤️由於最近食嘢唔方便，食嘢胃口都細咗，同埋短期內都唔食得太辣，所以要落晒成碟加辣，就好返之後再試🙋🏽‍♀️叫咗🍢 #魚蛋 、 #鳳爪 、#豬大腸、#豬紅 、雞翼 河粉底 $𝟳𝟴➰個魚蛋係陳皮魚蛋，唔係平時果d，好有驚喜，加分！➰鳳爪夠腍又入味、雞翼一般，豬大腸都okay, 豬紅就細粒咗d，但又可能考慮到咁會容易入口！➰整體嚟講幾款餸都𝗼𝐤𝐚𝐲,表現平均！中意味濃嘅呢間就啱晒！如果下次經過諗唔到食咩都會再食因為𝚅𝚒𝚎𝚗𝚗今次唔可以食辣，所以肥仔另外要個碟加辣先至需要➕$𝟵（平時要加辣就咁加入碗）下次𝐟𝐞𝐞𝐝𝐛𝐚𝐜𝐤★反而個 #樽仔奶茶🥤就相當有驚喜，比起平時新界好出名果間還要好❤️而堂食個 #凍檸茶🍹茶底都做得唔錯 （+$𝟭𝟮)不得不收錶店員服務好好，外賣樽仔奶茶果陣，店員話要奶醬多個餐都係$𝟯𝟭，最後肥仔食咗

記得幾年前剛在尖沙咀開業，我同啲朋友一路唔敢黎食，因為排隊實在排到見唔到隊尾，所以我地一路等，等到三個月後見到隊尾先黎排隊食昨日17:10 同朋友一齊黎尖沙咀想早啲食晚餐，見永年冇咩人排隊就黎左，一如既往冇令我失望，$43 三餸實在好抵食，雖然比其他地方既車仔麵貴，但真係好好食，我每次必叫既餸係雞翼同蘿蔔，煮得超級入味，昨日叫左牛肚，都係好好食，只係有啲「臨」唔夠爽口，但總括來說都好好食。不過依度唯一缺點係唔會提供紙巾，昨日因為包紙巾黎之前用曬，問店員可否借紙巾時，佢地話只可以買，一包7蚊……所以我同朋友決定食完先行去7-11買返包5蚊既紙巾，所以奉勸各位黎食野記得要帶紙巾

門口女收銀（中短髮，後生女，有給執頭髮有染色）態度奇差，吾知係唔係老闆個女？炒咗佢啦⋯⋯ 真係倒米員工食物方面就一般啦 No further comment i can made......

今日喺尖沙咀附近突然之間好想食車仔麵搜尋之下發現附近有間永年於是行過去食去到唔使排長龍入店後我前面有一個客人點緊餐我哋四個人在後等待中女後生收銀員一邊收銀一邊不禮貌兼黑口黑面🌚說：量體溫先啦，落咗單，付款後會安排位你哋坐㗎喇我感覺驚訝🙄 咁無禮貌嘅😓到我哋四個輪流點餐時，女收銀員作出不友善，不耐煩的眼神😒😏點完四個麵餐後，我問佢係咪有多士，佢無開口答我，只係指一指上面個顯示屏，叫我自己睇😡家陣咩服務態度呀什麼老字號，什麼出名，什麼好味都無用啦有咁嘅員工，真心唔想 亦 唔會返轉頭嚟食囉****四個人食後感全部餸都可以，粗麵有點硬，辣味不夠，湯底咸

經過尖沙咀見到開左分店周圍有冇乜嘢好食 咁就再食呢間啦豬腸一如既往好好食但係辣汁好似冇元朗嗰間咁辣？唔知係錯覺定咩幼面好食😋不過成日都覺得永年啲定價好似比較貴份量又比較少

住係元朗既一定知道永年士多，而家都開咗好多唔同嘅分店，突然心血來潮想食，所以就去咗尖沙咀呢度試吓。環境🧸🧸🧸由於呢一個鋪位面積唔算大，所以周不時都見到有人排隊，入面其實都坐得幾迫下，不過我諗佢都預咗大家食完就走都唔會坐得好耐。食物🧸🧸🧸🧸食開嘅就知道呢一個必要嘅餸一定係蘿蔔，因為佢嘅蘿蔔真係非常非常甜！而且唔會好硬，大家一定要試吓！值得一提嘅係，如果唔食得辣嘅朋友但係又想有少少辣過吓癮，記住一定要叫微辣，千祈千祈唔好嘗試叫小辣，因為佢嘅小辣其實都幾辣！飲品方面，當然叫咗最出名嘅奶茶紅豆沙，紅豆非常足料奶茶亦都有好香嘅茶味！值得一試