永年士多港式車仔麵 (加拿分道)

營業中

休息中

你到尖沙咀，當然要試一試呢度嘅永年士多啦！同平常一樣都係咁多人呀！不過好快就有位坐啦！一坐低首先叫個車仔麵先，今次叫咗豬腸、雞翼，同埋牛丸。豬腸好肥美，亦洗得幾乾淨，雞翼有兩隻，以牛丸都幾大粒，味道不錯。另外，湯底算幾濃 ，啱晒我呢啲重口味人士，小辣還可以接受，不算太辣，食得辣嘅朋友下次可以試吓中辣。

#車仔麵 開到 #成行成市，本來嘅 #街坊美食， 都因為店舖嘅改革而「升lev」。不過可以同時做出幾十款 #小食 俾你揀，又唔係個個可以做得咁出色😏 加上要求衛生嘅呢代，未必可以適應 #老店 嘅「風味」，所以真正可以跑出做到街知巷聞嘅 #車仔麵店 確實唔多🥴 「永年士多」可為其中一個代表。#小秘書 之前幾次都係幫襯 #永年士多銅鑼灣分店，呢日喺 #尖沙咀 行到攰攰地，好想搵個地方坐下、食啲嘢🥢 朋友話沿住 #美麗華商場 斜路行落去，就可以搵到。點知人龍就排到去餐廳門口，不過既然都行到嚟... 唯有跟住人龍排啦👉🏻👈🏻 眼見周圍啲座位都迫迫夾，其實好想走㗎😝 不過又唔想掃朋友嘅興😅我揀咗個三餸麵餐，試吓「尖沙咀風味」呀嘛🤣 今次我冇加辣，選擇 #清湯底 配 #粗麵🥣 小食我跟推介叫咗 #水魷魚、#豬紅、#豬腸，我覺得整體味道都比較甜，無論湯底、粗麵，同小食都一樣🤪 不過好明顯地 #師傅 喺做功上都花咗啲心思，而且每碗麵都配搭咗幾條免費嘅 #菜心 益我哋😉 成個餐單有菜、有肉、又有澱粉質... 最重要係絕無油膩嘅感覺，除咗坐得迫要扣啲分😏 以食材嚟計，確係唔錯嘅選擇😉

雖然本人家住元朗區，但因為以前既永年士多是大排檔來，加上每次都有長長人龍，所以從來都沒有去過吃尖沙咀店雖然有裝修的店，以前又經常會去尖沙咀，但因為人太多，永遠沒吉位，所以都沒有吃過直至現在因為肺炎的關係大家都減少外出或買外賣回家吃，所以終於有機會可以來永年吃一次了！今天和男朋友由佐敦走到尖沙咀，因為「走肉、朋友」早關店來不及光顧的關係所以就來到永年說實，雖然我很喜歡吃車仔麵，但應該沒有人會刻意由元朗區出去尖沙咀吃車仔麵吧？所以某程度上都和沒有頭緒不知該吃什麼，加上肚子餓見有空位就跑進去而光顧了永年的車仔麵先和大家一起看看MENU，選擇也不少！雖然我沒有光顧過永年士多，但我也知道這𥚃的辣是必叫的！所以都提醒了男朋友一定要叫辣！我選了三餸車仔麵（一來貪心啦、二來可以大家SHARE食多D餸），豬皮、魚皮餃和冬菇飲品則和男朋友SHARE 一杯奶茶紅豆冰看看是不是很吸引！！再來一個CLOSE UP，冬菇的份量可不少，有四舊，魚皮餃有兩粒，還有一些豬皮還有我叫了油麵，因為這𥚃沒有我最愛的米線，米粉我胃不好，所以點了油麵我人生第一次吃的油麵就給了永年原來油麵是好吃的！還因為「油」字以為有一股油味，所

終於不用排隊，第一次食呢間車仔麵，就一於試佢個大碗麵（中辣），真的比想像中好味，豬皮，蘿蔔，豬腸，雞翼尖、雞翼，魷魚都好入味，下次一定要試豬手先😋, 價錢又平👍🏻

永年車仔麵店我已幫襯多年，由讀書年代到現在，它由元朗一店到現在四間店舖，味道仍然好味！今天路過尖沙咀店，點了最喜歡的豬紅、豬腸、豬皮、蘿蔔配粗麵，小辣。蘿蔔香甜入味，豬紅也非常入味，豬腸乾淨口感非常好。現在多了不同套餐選擇還可入會儲分。尖沙咀店午餐時段大排長龍。店內整潔，店員迅速清潔餐枱。

其實我平時麻麻地食車仔麵🙈（但係米線魚蛋粉我係鍾意的）唯獨是永年嘅車仔麵我會keep住去食😛😛食物新鮮之餘味道都好好味以前得元朗先有得食😟依家尖沙咀都有，真係九龍人嘅恩物🧡

永年士多在元朗有30多年老字號店。其車仔麵深受街坊歡迎，繼尖沙咀、銅鑼灣分店後，最近在沙田新城市廣場又開分店。晚上做完運動大約9點半多，與好姊妹去到尖沙咀分店，不愧車仔麵遠近馳名，每次去食都係大排長龍，店內坐爆滿，今晚夜少少🤏不需要排隊，但都坐滿人。店舖沒有什麼特別的裝修，環境比較逼夾，座位也坐得不太舒服，如不是獨家秘製藥材湯底和辣汁（有 5種辣度）惹味之極，也不會吸引咁多客戶慕名而來。四寶麵米粉（微辣）選用新鮮材料有豬腸、豬紅、豬皮、蘿蔔、菜。藥材熬製的湯非常之清甜，加上秘製辣汁口感俱佳超好味😋。豬腸無羶味，有微微的藥材香，入味又腍身豬紅更加惹味超級正，外爽內腍超入味豬皮入味彈牙爽口蘿蔔超甜又腍得均勻

本身住元朗，永年成日食，但係尖沙咀度嗌外賣都係第一次，還好，同元朗嗰間比，都係差唔多，叫左蘿白，雞翼尖，豬紅，都幾好食，啲奶茶冇冰好緊要，唔會越飲越淡，不過硬覺得係細個嗰陣拿拿渣渣最正

永年其實而家都出名鹹，上次食，我碗清湯比朋友碗中辣更鹹。雖然鹹，點解我仲繼續幫襯，因為佢嘅餸好岩我口味。今次我就要左米粉小辣，配魚蛋，魷魚，牛筋，加凍檸茶。魚蛋係陳皮魚蛋，自從間廠搬左返大陸後，都覺得陳皮魚蛋嘅質素下降左，但呢度仲食到有陳皮同魚味嘅魚蛋，而家超級有咬口，好韌好有咀嚼感。魷魚好爽口，淥得剛剛好，一啲都唔韌或唔淋。牛筋超正，我本身唔食牛肉，但就鍾意食牛筋，若果牛筋連住左啲肉，其實我會感覺不良好。但呢度牛筋就牛筋，一啲牛肉都無，超合我心意。😂食完辣到流鼻水，飲返杯凍檸茶少甜解解辣，唔錯。若果永年賣無湯嘅外帶小食類，我相信我每次路過都會幫襯。🤭

下午要落區出隊諗住快吃吃完就閃人老婆大人叫了杯奶茶紅豆冰怕太甜，想叫少甜點知職員說所有冰量及甜度均不可改變以免影響味道同效果太可惡又即管試下你杯野有幾巴閉一試果然有驚喜飲落唔太甜更重要的事茶味紅豆味好配合唔會冚佐對方的道的確幾好飲老婆話下次來要再飲近來相減少澱粉質吸收所以叫了個淨三餸淨三餸會包一份菜做底所以其實係4餸如果想減澱粉質，不妨叫這個蘿蔔入晒味超好吃湯底有獨特的甜味道豆卜索晒d湯汁放入口，d汁爆晒出黎

常幫趁的藍店之一，兩碗都要了勁辣。冬菇厚身，滲出香味，軟淋滋味，必叫 。貢丸有咬口，不是大路貨的一般貨式，扎實大粒，香菇讚，次次都叫。豬紅四方，粒粒均勻，大小件頭差不多，易夾不散。三餸菜底39菜不會少得可憐，是菜心，芯位都不會未熟透，最索辣汁。豬腸很肥，喜歡的人會喜歡，牙好的人不會嫌un😂豬皮挺大塊，吸汁不俗。魷魚沒特別，辣持不上。三餸烏冬45雖然不是稻庭烏冬，卻難得彈牙，不肥漲，很美味。加15抹茶紅豆冰店職工表示不可叫少冰，無奈如常冰半杯，沒啥茶味，甜度正常，豆一半也未熟夠時候，偏硬貨式。加15紅豆奶茶冰奶茶不過不失，同樣半杯冰，冰不夠碎，吃豆時存在困難，要拿開冰塊，在能食到豆子。食後感：辣度好，不嗆喉，相比元朗店做得佳，新界分店辣會嗆喉不理想，扣分，這兒不會！

湯底偏甜，無乜特別但都Ok但啲配料唔錯流心蛋熟度岩岩好，時菜都好新鮮好爽甜，叫左兩隻蛋、蘿蔔同埋必食既牛筋❤️ 牛筋煮到啱啱好，膠質超豐富好似啫喱咁，蘿蔔都煮得好夠味，呢兜車仔面整體都唔錯，只係午市時間真係等唔好位，好難先有得坐。

一直都好想食呢間好出名既車仔麵, 之前主店係元朗太遠, 依家分店係尖沙咀咁方便梗係要試啦😎三餸一麵 ($43) 🤤 ~ 點了豬紅, 雞翼, 韮菜餃配幼麵. 樣樣餸都好好味. 豬紅好好味, 口感結實. 韮菜餃有超香的韮菜味, 而且餃子大大隻好抵食. 另外叫左杯 ($15)🤤 ~ 奶茶香滑, 配埋紅豆好解渴好好飲. 整體來說係間好高質既車仔麵店, 所以經常都要排隊超多人架. ❤店舖 : 💙地址 : 尖沙咀加拿分道46號地下7-8號舖

我成日都覺得車仔麵絕對係香港嘅特色美食 我本人都超鍾意😈當有啲外國嘅朋友嚟香港 我都會想帶佢哋去食 但係有啲我平時食開既車仔麵我驚佢哋覺得個環境太迫gip 嚇親佢地😂所以我覺得永年係一個唔錯既選擇 呢一間比較光猛少少 又係尖沙咀 方便佢哋去shopping得黎又可以食到呢一個香港嘅地道美食😎😎·三餸一麵 $41我自己覺得佢個雞翼尖同埋冬菇都整得好好食 超入味得黎個冬菇仲係好彈牙 大大隻😋😋雞翼尖都係超入味 而且佢個湯底我都幾鍾意 濃得黎唔會過鹹 而且D麵都好食🤤🤤·#rbyeat#rby港式#rby尖沙咀 #rby銅鑼灣 #rby元朗 #rby沙田·📍尖沙咀加拿分道46號地下7-8號舖📍銅鑼灣謝斐道482號信諾環球保險中心地下7-9號舖📍元朗教育路88號寶城洋樓地舖2-4號📍沙田沙田正街18號新城市廣場L1樓113號舖

車仔麵食得多，好少見咁大間食車仔麵嘅舖頭，應該係好食嘅，否則唔會有咁大間（上網check返，原來仲有分店）！同老公、亞女、和兩位朋友一齊去食，去到仲未開門，但已經有人係度排隊，果然利害🧐我自己叫咗兩餸麵：墨魚丸🦑、豬腸烏冬。墨魚丸好彈牙，有墨魚粒粒，好有咬口；豬腸唔會好肥膩，味道不錯，兩餸麵原本已經有菜心🥬跟，不過我愛吃菜心，所以另外加多份蠔油菜心，份量都唔少，可以同朋友一齊開心share😉，老公叫咗個港式紅豆冰，應該都唔錯，紅豆夠多，唔太甜！由於太肚餓，又要處理囡囡，唔係影咗好多相，下次大家親自嚟試下啦！頭先講過，佢仲有分店架，銅鑼灣、元朗、沙田都有得食，可以了解一下🔍