永年士多港式車仔麵 (加拿分道)

營業中

休息中

常常談起車仔麵 友人總會推介永年的車仔麵 😹 碰巧今天經過 便決定一試！如堂食的話 要先掃安心出行 然後在櫃檯下單 再自行找位置☺️ 初來報到 點了店員推介的蘿蔔和魚蛋 然後我再自行選擇了豬手和雞翼 麵底本來想揀烏冬 但是售罄了 於是選擇了油麵👅 微辣 隨麵附送菜芯三條 從這些簡單的配菜便可得知 永年絕非敷衍的餐廳 🍴 連伴碟的菜心也是新鮮甜美的😽湯底微辣帶點 其辣非麻辣 就是一入口就能感覺到辣味竄出🤣 但是討喜的甜辣 魚蛋就是陳皮魚蛋 彈牙有陳皮香；蘿蔔清甜冇渣；豬手煮得軟淋；雞翼的皮Q彈 肉不會鞋！ 豬手和雞翼的醃料也是甜甜的🥰 凍檸茶跟餐+12蚊 碎冰足夠 配辣麵喝起來很爽！-埋單77$ 很值得再來😙

由細食到大既車仔面，尖沙咀新店仍然保持到質素！ 最愛食佢既蘿蔔，雞翼，豬腸，一定配油面食加辣汁蘿蔔真係好林身入味，無食到渣👍🏻👍🏻滷水雞翼好入味豬腸無臭味，洗得算乾淨佢既辣汁獨一無二，好正來到永年，必食之選仲有咖央多士⭐️

尖沙咀哩間第一次食，味道同元朗個間差唔多。個湯底好好味，甜甜地。係上去要行條樓梯有啲麻煩姐。不過真心尖沙咀太多人了，真係唔好意思坐得耐。都係放工要食個快餐先去啦，平時朋友聚會都係坐第二間食得舒服啲好過！

永年士多呢個名聽左好耐，但一直未有機會試，今日一支公就去試下啦，麵底叫左粗麵，餸就叫左：魷魚、牛筋、蘿蔔同豬皮。另外叫左支樽仔奶茶。 題外話，冬天整碗車仔麵真係幾正。 基本上，蘿蔔同豬皮真心必叫，豬皮無毛，軟滑爽口，入味又無異味！蘿蔔同樣大大舊，入味又無渣，清甜好味。 反而牛筋同魷魚有啲失色，水魷魚其實ok, 都爽口彈牙，因為都預左無咩味，但就唔係好啱個人口味。反而牛筋真心失望，佢都夠軟滑腍身，但問題都係唔夠入味，甚至係無味。如果可以有番啲腩汁味就更好。 而粗麵底可以，唔會煮得過淋，湯底都好飲。七十幾蚊可以接受，下次會返轉頭食。

因為近年搬咗，所以少食咗好多車仔麵。碗麵我由元朗嗰間開始食，一路都好鍾意，特別係佢嘅豬紅。今次同朋友嚟食車仔麵每人都分別叫咗唔同嘅餸，例如生腸，牛肚，魷魚等等每種食物我都覺得好好味😋

好耐冇食永年，今日冇胃口但要食d野，$39車仔麵可選菜底+三餸，岩晒不過原來只包三款$9既自選餸，其餘要補錢，韮菜餃同埋雞肉係星級餸要各加$2，收銀員冷冷一句：你揀果d要加錢所以看似平左，其實係貴左，少少誤導⋯⋯菜份量幾多，like, 豬紅入晒味,份量正常星級餸雞肉似炒過幾香口，份量正常， 韮菜餃就煮過龍，皮好淋，半爛狀態，$11/2隻幾貴，餡係幾好味既抗疫期間食完要自己交還托盤好合理，不過收盤位個員工好似搶個盤甘，好冇禮貌

（長文慎入）香港情懷—車仔麵車仔麵係香港本地日常菜式。起源於物質匱乏嘅年代。當時路邊小檔嘅檔主收集一啲餐廳嘅下欄菜，為佢哋重新注入生命，烹調後成為基層市民嘅美食恩物。時至今日嘅香港成為國際都市，而車仔麵嘅配菜亦隨着時代變得越嚟越多樣化。呢一碗平凡嘅車仔麵，見證住香港嘅時代發展，更象徵住一代香港人堅毅嘅精神、靈活變通嘅特性、無限嘅創意、物盡其用嘅良好習慣，更加反映到每個人嗰種對自主嘅追求！「Bespoke」、「tailor-made」呢種個人化服務一般被視為高層次嘅服務，突顯顧客嘅尊貴，當然價錢亦都高層次啲。而車仔麵就打破咗呢一個定律！碗麵要咩麵底、咩湯底、咩配菜，都係由顧客按自己嘅喜好挑選。冇錯，車仔麵以親民嘅價錢，提供tailor made服務！冇錯！度身訂造其實都係可以好貼地！而呢種tailor-made嘅自選模式亦被近年興起嘅米線行業所採用。大家有冇諗過究竟係鍾意食米線，定係俾呢一種自選模式所吸引呢？我要為車仔麵平反！個人認為車仔麵可以媲美日本拉麵！因為佢承傳住一股香港精神！喺度更加要多謝一班默默耕耘嘅車仔麵經營者。佢哋將車仔麵逐步由街邊小檔發展到一間間有特色嘅車仔麵店。商業化後

今日放工諗起永年嘅辣醬，想食豐富啲買咗4餸雞翼蘿蔔牛肚酸齋蝦子撈麵搭咗成個鐘車噃屋企滿心期待打開碗麵，只見雞翼蘿蔔酸齋….無咗車仔麵靈魂之一… 牛肚😭牛肚要另加$4, 加多個餸有 coupon 要加$3，共$7, 佔成個麵嘅11.6%錢就俾咗，無得食，唔開心..辛苦得來志在食，但今日有啲失望囉😔希望 d staff 以後可以小心啲，唔好再俾漏餸喇!!

今日去了尖沙咀辦婚事。男禮final fit了 已取回家了，離婚禮越來越近了！6-7pm時已經很累，想盡快吃個快飯便回家休息！這間是我們經常光顧的！以前比較多去元朗分店！現在比較多事要在尖沙咀處理，吃得更密！咖喱微辣 - my most favourite soup!試過吃小辣，辣到要喝2杯飲品來解辣微辣剛剛好，已經有啲料到極度推介這裏的蘿蔔，是非常入味，軟林林的口感！未婚夫忘了點，我與他一起分享！他有很多腸仔，我拿了兩小條我們都有點豬腸，可是今天太肥了，我們都嫌棄早知點雞翼尖，這裏馳名的！豬紅也是很滑，必點必點！伴郎陪同試男禮，我們帶他一起吃！他吃麻辣，我還未試過這間的麻辣呢！找次要試試，今天有猶豫，但還是擔心不夠咖喱入味！大家都跟我點菠蘿冰，港式特飲，非常解渴！當然未婚夫有請伴郎！

今朝行過尖沙咀見到永年竟然推出咗港式經典早餐吖😍😍話明經典就梗係食爺爺腸粉啦🥰老字號永年士多！其實20年前已經有早餐🥣而家我哋嘅經典回憶返嚟啦😍梗係要即刻去食啦！！叉足電先有精力去做嘢㗎嘛😁佢哋嘅早餐套餐仲可以追加芝士腸、烚蛋、蘿蔔、豬皮、腸仔等等！我就梗係揀最滋味嘅咖喱蘿蔔啦！爽口、多汁鮮甜💗魚肉燒賣大大粒！陳皮魚蛋爽口彈牙！當然唔少得咩醬汁都要嘅腸粉啦！腸粉爽滑！撈埋所有醬汁一齊食！我嘅童年回憶啊😍😍最後加埋個凍奶茶！簡直就係絕配吖😍佢哋嘅早餐除咗最經典嘅爺爺腸粉之外！其實仲有沙嗲肥牛麵、五香肉丁麵同埋糯米雞㗎😍真係樣樣都係經典回憶！食完即刻想去公園玩下氹氹轉！可惜我已經好耐冇見過氹氹轉👉🏻👈🏻究竟邊度仲有得玩呢？

趁👦🏻上學兩姊妹👩🏻👩🏻‍🦰食個靚早餐🍽選了老字號的永年士多尖沙咀店永年士多源自元朗幾十年前賣車仔麵起家🍜據說廿年前都已有早餐現在應該是復刻版😛港式早餐👩🏻常常都吃沙爹牛肉、五香肉丁吃膩了今天選了腸粉早餐可以在魚蛋燒賣蘿蔔腸仔芝士腸等配料中自由選配😉當然不用錯過💯腸粉香滑👍燒賣彈牙👍蘿蔔清甜沒筋👍👍套餐價$36配上港式凍檸茶+$3姊妹相聚完各自展開繁忙一天💪🦾

御用例牌午餐四餸車仔麵魚蛋 紅腸 蘿蔔 墨魚丸佢嘅湯底超級正而且仲好啱我心水夠熱辣辣佢杯凍檸茶係完全係最愛個茶底完全合格👏🏻🤎不枉成為御用午餐🍜♥️♥️♥️♥️♥️

作為元朗人呢間車仔麵真係由細食到大 知道佢都開左幾間分店 又係呢頭翻工就試下佢啦🙈🙈🙈我就點左我覺得佢地做得最好嘅 雞翼 豬腸同尤魚👍🏻個人覺得佢地質素其實都算keep到 咁當然無想當年咁好食啦😂😂但係佢真係比係街嘅其他車仔麵好好多 佢地啲餸係永遠都唔會另你失望 啲尤魚好爽口雞翼比起以前啲玫瑰露味小左 但都好食我個人最愛就係佢地啲豬腸😂😂一啲腥味都無 佢地個鹵水鹵得個豬腸好好味 豬腸入面嘅肥膏亦都唔會好多 👍🏻👍🏻

知道呢間車仔好出名元朗店的名氣超勁今次黎TST店睇下質素係咪真係咁高點左~雞腎豬紅尤魚米粉(微辣)見雞腎比較少見食落口感幾淋明明食串燒雞腎時質感唔係咁可能係處理上既唔同本人就麻麻地咁淋身尤魚係正常既豬紅有驚喜幾入味下紅腸手工九菜餃咖哩魚旦米粉(少辣)個九菜餃係皮薄既食落味道都OK咖哩魚旦都幾好應該係陳皮魚旦反而個紅腸就麻麻咬落去個口感好軟身腐乳生菜呢個要讚下個腐乳汁較得幾好少少辣得黎好惹味又唔會過咸生菜幾青綠

吃永年不用再轉車換線到元朗了，尖沙咀都有分店。座位不多，同元朗店一樣先點餐比錢再搵位，前門入後門離開。好好彩點完餐就有位。叫咗3餸車仔麵，唔知幾時開始酸齋成為了車仔麵都算出色嘅一味餸， 酸酸甜甜的確醒胃。讚一讚先。雞翼2隻，唔好彩地一隻雞翼超細隻，營養不良咁樣，感覺唔抵，雞翼味道偏咸，除了咸亦沒有味道了。呢樣餸就麻麻地勒。牛腩係淋口，唔洗好用力咬，份量車仔麵嚟講算多嘅，味道尚可，牛腩可以合格。湯底最需要改善，只有甜味，沒有元朗店濃郁及香嘅味道，怪怪地，感覺就似食緊一碗甜粉咁。我揀米線底，大食嘅朋友仔真係要有啲心理準備唔夠食，或者叫多啲其他嘢食喇。最欣賞就係凍檸茶，得呢樣算正常啲。而環境方面，枱凳排得都算密麻麻，好容易同其他食客撞背脊。總括而言，想食永年還是轉車換線到元朗吃吧。呢個價錢味道，喺呢區嚟講，我會揀第間食。