永年士多港式車仔麵 (加拿分道)

營業中

休息中

今朝行過尖沙咀見到永年竟然推出咗港式經典早餐吖😍😍話明經典就梗係食爺爺腸粉啦🥰老字號永年士多！其實20年前已經有早餐🥣而家我哋嘅經典回憶返嚟啦😍梗係要即刻去食啦！！叉足電先有精力去做嘢㗎嘛😁佢哋嘅早餐套餐仲可以追加芝士腸、烚蛋、蘿蔔、豬皮、腸仔等等！我就梗係揀最滋味嘅咖喱蘿蔔啦！爽口、多汁鮮甜💗魚肉燒賣大大粒！陳皮魚蛋爽口彈牙！當然唔少得咩醬汁都要嘅腸粉啦！腸粉爽滑！撈埋所有醬汁一齊食！我嘅童年回憶啊😍😍最後加埋個凍奶茶！簡直就係絕配吖😍佢哋嘅早餐除咗最經典嘅爺爺腸粉之外！其實仲有沙嗲肥牛麵、五香肉丁麵同埋糯米雞㗎😍真係樣樣都係經典回憶！食完即刻想去公園玩下氹氹轉！可惜我已經好耐冇見過氹氹轉👉🏻👈🏻究竟邊度仲有得玩呢？

趁👦🏻上學兩姊妹👩🏻👩🏻‍🦰食個靚早餐🍽選了老字號的永年士多尖沙咀店永年士多源自元朗幾十年前賣車仔麵起家🍜據說廿年前都已有早餐現在應該是復刻版😛港式早餐👩🏻常常都吃沙爹牛肉、五香肉丁吃膩了今天選了腸粉早餐可以在魚蛋燒賣蘿蔔腸仔芝士腸等配料中自由選配😉當然不用錯過💯腸粉香滑👍燒賣彈牙👍蘿蔔清甜沒筋👍👍套餐價$36配上港式凍檸茶+$3姊妹相聚完各自展開繁忙一天💪🦾

御用例牌午餐四餸車仔麵魚蛋 紅腸 蘿蔔 墨魚丸佢嘅湯底超級正而且仲好啱我心水夠熱辣辣佢杯凍檸茶係完全係最愛個茶底完全合格👏🏻🤎不枉成為御用午餐🍜♥️♥️♥️♥️♥️

作為元朗人呢間車仔麵真係由細食到大 知道佢都開左幾間分店 又係呢頭翻工就試下佢啦🙈🙈🙈我就點左我覺得佢地做得最好嘅 雞翼 豬腸同尤魚👍🏻個人覺得佢地質素其實都算keep到 咁當然無想當年咁好食啦😂😂但係佢真係比係街嘅其他車仔麵好好多 佢地啲餸係永遠都唔會另你失望 啲尤魚好爽口雞翼比起以前啲玫瑰露味小左 但都好食我個人最愛就係佢地啲豬腸😂😂一啲腥味都無 佢地個鹵水鹵得個豬腸好好味 豬腸入面嘅肥膏亦都唔會好多 👍🏻👍🏻

知道呢間車仔好出名元朗店的名氣超勁今次黎TST店睇下質素係咪真係咁高點左~雞腎豬紅尤魚米粉(微辣)見雞腎比較少見食落口感幾淋明明食串燒雞腎時質感唔係咁可能係處理上既唔同本人就麻麻地咁淋身尤魚係正常既豬紅有驚喜幾入味下紅腸手工九菜餃咖哩魚旦米粉(少辣)個九菜餃係皮薄既食落味道都OK咖哩魚旦都幾好應該係陳皮魚旦反而個紅腸就麻麻咬落去個口感好軟身腐乳生菜呢個要讚下個腐乳汁較得幾好少少辣得黎好惹味又唔會過咸生菜幾青綠

吃永年不用再轉車換線到元朗了，尖沙咀都有分店。座位不多，同元朗店一樣先點餐比錢再搵位，前門入後門離開。好好彩點完餐就有位。叫咗3餸車仔麵，唔知幾時開始酸齋成為了車仔麵都算出色嘅一味餸， 酸酸甜甜的確醒胃。讚一讚先。雞翼2隻，唔好彩地一隻雞翼超細隻，營養不良咁樣，感覺唔抵，雞翼味道偏咸，除了咸亦沒有味道了。呢樣餸就麻麻地勒。牛腩係淋口，唔洗好用力咬，份量車仔麵嚟講算多嘅，味道尚可，牛腩可以合格。湯底最需要改善，只有甜味，沒有元朗店濃郁及香嘅味道，怪怪地，感覺就似食緊一碗甜粉咁。我揀米線底，大食嘅朋友仔真係要有啲心理準備唔夠食，或者叫多啲其他嘢食喇。最欣賞就係凍檸茶，得呢樣算正常啲。而環境方面，枱凳排得都算密麻麻，好容易同其他食客撞背脊。總括而言，想食永年還是轉車換線到元朗吃吧。呢個價錢味道，喺呢區嚟講，我會揀第間食。

很多朋友話這是頂級車仔麵店，想試很久，剛巧經過，不防試一試，在收銀處，點了一碗四餸(魚蛋、豬紅、豬皮、蘿蔔）車仔麵，加凍檸茶，總共$64，魚蛋可以唔要，太細粒，有怪味，蘿蔔好好味，必食～！豬紅，豬皮亦可以。收銀處只收現金，不收八達通，現在大部分車仔麵和麵包舖，都已經收八達通，那麼出名的車仔麵還只收現金，不太方便。此外，座位亦很窄、很迫，一點也不舒服。在收銀處點了車仔麵之後，先要自己找位坐，跟着等櫃檯叫號數，再要去另外一邊櫃檯攞，食完之後，又要自己攞去另外一邊收碗處，如果一個人，有自己個人物品，那就不太方便。總括然而，”名大於實”，可以不試～！大失所望～！😞😞😞

相信好多人都會有食過車仔麵🍜愛吃車仔麵人士必定要食永年士多呢間車仔麵很出名,聞名已久今日終於去食左果然沒有讓我很失望🥰🥰🥰呢度吃了$165 價錢還算可以💰腐乳通菜$25💰麻辣豬耳$25 💰三餸車仔麵 $45💰四餸車仔麵轉烏冬底$60💰可樂🥤$10如果妳是一個愛吃辣的🌶️ 一定要點它的秘製麻辣汁 🉐我叫的是中辣,對於我來說辣度還可以加大小妹平時食譚仔雲南米線是中辣☜︎供參考還有它的豬腸一定要叫啊，我平時很怕外面豬腸很肥，但它是肥瘦均勻，而且洗得很乾淨。總結而言係日後會在想食嘅車仔麵，特別佢嘅辣汁係正嘅😍😍😍

晏就既永年好多人，要早d黎排隊搵位！依家有位姐姐幫手搵位同叫你寫紙仔，幾好！咖喱四寶 咖哩魚蛋，白蘿蔔，豬皮，咖哩魷魚拼菜底以我所知咁樣食就最平，如果普通菜底自選3餸，呢個咖哩四寶係4餸+菜底，不過就無得自選餸了～咖哩味道好足夠！食到我吱哂啲汗出黎😂白蘿蔔夠哂入味，魚蛋魷魚彈牙，份量夠正常人食咖映多士 必叫！2塊唔係好夠喉....多士即叫即烘，所以要等耐少少，中間咖映醬好出色！味道帶點點甜味，外脆內軟，但有少少乾身，配合飲品會好好多喔

係尖沙咀來來回回行了幾轉都唔知食咩好，最後就簡簡單單食碗車仔麵。由於減醣餐單進行中，所以今次選擇「菜底」減少罪惡感，份量是剛剛好，但若當日較開胃，可能要考慮加底了。個人認為大腸同豬紅係車仔麵必食Items，呢間永年無令我失望!!大腸無壓味，豬紅夠入味！湯底有誠意，唔係淡淡的清水，而係真係有味湯！搶了老公一舊酸齋，酸甜味適中，唔會有太酸會嗆口的感覺！飲品方面，檸茶略嫌太多冰，但勝在茶膽夠濃無苦澀味。樽仔奶茶一貫水準，無太大驚喜。

去年聽說這裡的豬腸很好吃今日又忙完 頻頻撲撲差不多5：00才回到尖沙咀好想吃飯 但這種時間加上在下的選擇困難症和進食速度必定會上班遲到所以今天只能吃碗快麵幼麵 加上 魚腐 酸齋 蘿蔔 豬腸 豬紅湯底是大麻辣 $63配上一杯柚子蜜 $15等不到幾分鐘已經有得吃心裡話一碗車仔麵來說賣相真的不錯還送上一條爽口菜心每樣餸都擺放到清晰可見麻辣醬上還放了條辣椒仔味道非常濃郁 香口 配菜更是意想不到的多豬腸入味柔軟 不過可能是在下正進行牙齒矯形中怎麼會咬不斷 🤣而柚子蜜..嗯..是柚子碎蜜 也是很濃郁的吃完麵後才開始飲還是很熱很醇厚香甜 不過在下只能飲上2口已經要趕回上班了整體而言是不錯的不過“很好吃”的代價就是接著全晚在下最少飲了2L的清水還是很渴🤦‍♂️

本身好鍾意食車仔麵, 之前開張時要排長龍, 今次星期日去見到唔洗排隊,所以就試下!自選三餸車仔麵$43墨魚丸: 爽口彈牙, 有墨魚味韮菜餃: 唔算好大隻, 不過又幾好味蘿蔔: 必食, 煮到好腍, 好清甜, 勁勁勁好食叫左幼麵, 麵質煮到剛好, 份量都唔少, 湯底算幾濃, 啱晒我呢啲重口味人士另一碗叫左陳皮魚旦: 估唔到有咁多粒, 成6粒, 最鍾意陳皮魚旦比較硬身,好好趙墨魚蝦卷: 好有墨魚味, 有蝦粒, 用料一流酸齋: 好入味, 好腍粗麵, 叫左小辣, 男朋友話隻辣唔算好辣, 下次可以食再辣d咖央多士 $13有烘底, 脫卜卜, 咖央醬都好多, 好味整體來講CP值唔錯, 係尖沙咀嚟講用呢個價錢食到咁嘅質素已經好好!

一直印象中的車仔麵都比較「拿渣」，而永年的車仔麵絕對沒有這問題，難怪咁受歡迎餐具和地方都整潔，吃得舒服，當然最大吸引點是她的辣醬，刺激得來令食材更加惹味。這碗有牛肚，牛腩和墨魚卷，全部都好食，滷得入味。韭菜豬紅絕對可以一試，韭菜用上韭菜芯部份，灼得剛剛好，因此很鮮嫩無渣，有驚喜，本身不太喜歡食韭菜，通常只吃豬紅，但今次真係搶住食亦想讚讚這裡的幼麵，雖然沒有鹼水麵爽彈，但都有咬口和吸湯，麵質來說非常不錯了

去過呢間永年好多次，講真車仔麵質素嚟講又算不上有咩驚喜，只係普通叫入得口，但員工，特別係收銀那位短髮後生女，態度係出奇地差。當所有客都係犯一樣，叫人唔用安心出行要填紙就係排隊到收銀時從屁股拎個表叫人填，唔怪得條人龍咁長買個車仔麵都咁耐。填咗佢的Google form又死唔信人，話人做錯又乜又物，仲等我從水吧拎住一盤麵加飲品要坐時，中途攔截話要教我填Goggle form。一直跟著我就要證明我係錯。其實咁驚咁怕啲客，就叫所有客人都登記安心出行囉，又驚趕客又要諸多阻撓。睇佢都似藍扮黃。

超鍾意食車仔麵，尋日喺銅鑼灣食完今日又去尖沙咀食，特登上網睇尖沙咀車仔麵邊間好食，心儀左兩間最後揀咗永年，初頭都好驚因為睇過啲食評話態度差，我好怕啲態度差嘅，但係睇到啲相，見到有鳳爪又想試吓喎。最後都去咗。一開頭喺出面排咗大約5分鐘等入去，跟住之後嗌嘢食，都係有個收銀機仲有個職員坐喺度咁樣叫嘅，最後坐低自己搵位同埋去攞嘢食大部份都係自助服務，所以都冇咩接觸餐廳員工。感覺沒有什麼特別好或者特別差。不過食物就很開心很有驚喜，因為個面好入味，個湯底好好飲，叫咗豬腸，豬腸好食，叫咗鳳爪，鳳爪好食。墨魚卷就冇乜驚喜。11蚊嘅肥牛得3小塊。仲有叫咗個手工嘅韭菜餃，我覺得有個餃啲硬。不過個面我叫咗油面配埋個湯，豬腸同鳳爪都好好味。會再去試其他唔同嘅餸款。