殿 大喜屋

營業中

休息中

大表姐一向都鍾情日式放題，今日約左佢預祝生日飯。日式放題選擇真的很多呢，然而這間一向係我既首選，更何況表姐未試過，有信心佢一定會超級喜歡。雖然是平日星期一，但都好旺場，不過侍應安排座位有效率！-環境方面，地方果然夠「殿」，餐廳舒適寬敞，有好多大大小小的沙發卡位，但無論什麼位置，都沒有像一般放題餐廳般的擠迫感。-食物方面，點餐紙由A至L😆款式選擇都多，而且外面還有自助區：沙律、小食bar、即做手卷等等，令人興奮。-飲品選擇亦都冇得輸，除咗大雪櫃飲品，連酒精飲品如梅酒、清酒、紅白酒都有呢！仲有咖啡茶包。而我當然係至愛梅酒！-食物方面更加無得輸，質素很高！刺身很鮮甜，當中至愛入口即溶的拖羅、爽甜大大塊的赤貝、雪白鮮甜帶子其實樣樣都好新鮮好正，encore 了幾轉。-壽司的款式亦有心思，有一些秋之精選，例如：迷利千層海膽杯也不錯，口感層次豐富，橘黃色的海膽鮮甜、粒粒爽口三文魚籽、還有海藻等等火炙左口魚也是最愛，魚油香滑爆登！-芝麻雞翼、天婦羅等等也是超正！即叫即製，雞翼皮脆得很！ 天婦羅🍤炸粉夠薄夠脆。無論冷盤/熱盤，都很有水準！ -最後甜品、雪糕種類選擇之多，一定奪冠！食咗三款貴價雪糕，簡直

今日一於豪一豪，食呢間係大喜屋系列最高級嘅<<殿。大喜屋>>，地方大不在話下，裝修佈置同食物質素都係"殿堂級"。在門口已經見到一排雪柜，一邊是放雪糕的，牌子有Haagen-Dazs, Movenpick, Milk Top等等，唔同其他大喜屋，見到的雪糕都是任食，所以我今天的目標要試哂所有款。另一邊有大量西式糕點及水果, 呢度嘅飲品柜係我見過嘅最大同最多飲品選擇。旁邊有其他即斟冷熱飲品, 海鮮頭盤, 沙律, 各式熟食可供選擇。回到座位, 朋友已經點好了食物, 刺身 (鮮蝦, 甜蝦, 吞拿魚, 三文魚....)新鮮冇冰硬冇雪味, SUSHI 款式超多, 而且竟然有花膠湯, 仲要隻花膠係勁大隻。另外, 大家一定要試下花鵰酒浸原隻鮑魚, 爽口加上味道好, 最少要食兩隻呀! 真係有好多好多野食, 寫唔哂加試唔哂呀, 下次一定要再黎食哂佢。

餐廳場內採用高貴設計，地方乾淨，坐得舒適晚市放題可以任飲任食2小時，大堂岀面設有自助飲品同美食區有熟食、沙律、多款飲品同甜品放題round 1必食刺身有齊基本三文魚、油甘魚、北寄貝、赤貝、鮮帶子、希靈魚、螺片、赤海蝦、甜蝦、仲有唔係間間放題都有既松葉蟹腳同拖羅全部都好新鮮，拖羅入口即溶非常鮮味而口內留有魚香滋味無窮秋之精選系列有黃金蟹膏伴松葉蟹散壽司、千層海膽杯、柚子什錦海鮮杯、白松露拖羅赤身繡球三文魚花之戀、三文魚子𩶘魚玫瑰、黑松露油甘玫瑰、燕窩三文魚花之戀全部都新鮮仲整到好細件可以一口食一件花雕醉鮑魚幾大隻肉質唔會韌醉味香濃夠曬入味食完再encore吉品鮑汁燴花膠盛宴~啲花膠好大塊入口好嫩滑配埋鮑汁更加鮮味和牛薄燒好有牛味肉汁多配埋炸蒜食非常香口蒲燒鰻魚多醬汁好惹味北海道燒帆立貝用左蟹柳粒、青椒粒、洋蔥粒、芝士、沙律汁去燒，帆立貝有咬口醬汁味道香濃非常惹味炸物食左天婦羅蝦、吉列蠔、芝士年糕、一口甜蕃薯、榴連炸彈，全部都炸得好香脆唔會太油膩，榴連炸彈好足料榴連香散發四周圍甜品非常多選擇，必食北海道3.6牛乳布甸夠香滑奶味濃，仲有Häagen-Dazs同movenpick雪糕

好耐冇食個放題囉，對上一次食大喜屋都已經係半年前，約埋班朋友食飯次次都唔知食咩好，所以今次就決定去食放題啦。好正，入到去梗係要食咗雪糕先，有我最愛嘅雪糕同雪條，一坐低已經食咗兩杯雪糕，我嚇親我啲朋友。飲品都大同小異啦，每次食親放題我都會選擇綠茶，因為飲茶可以食得更加多嘢。大喜屋嘅刺身真係好肥美，冇得輸，三文魚刺身好新鮮，甜蝦好大隻，北寄貝好彈牙同爽口，正呀，因為朋友唔係食得好多，所以我哋都係叫少少試下。其他嘢食都好好食，價錢又唔算好貴，不過建議如果想來嘅都預早book定枱，因為都幾多人食。

好耐冇食個放題，今晚同女朋友嚟食個放題先。六點幾去到因為之前book咗位，所以好快就入得去。小食吧都幾多嘢食，有沙律、炸薯格，雞翼等等。飲品同甜品都幾多選擇，可能我哋係成組個批，啲嘢飲雪得好凍，正！有我最鍾意食嘅雪糕。黎大喜屋食梗係一定要試吓佢哋嘅刺身，佢哋啲刺身都幾新鮮，侍應上餸嘅速度都好快，侍應係一個人拎住幾盆刺身上菜。芝麻雞翼都係唔少得，真係好好食。其餘嘅食物都係唔錯好好味，另外我真係好鍾意食個焗扇貝，嚟到一定要試下。

朋友KK來電約放工飯聚，剛好這天有空，佢提議去尖沙咀殿大喜屋吃日式放題，咁近公司，我當然舉腳贊成，馬上訂位喇。  準時六點入座，呢間放題除咗點紙仔仲有自助區，自助區有多款餐前小食如瑞士汁鷄翼(鷄翼好嫩滑又多肉汁，好味)，燒章鱼丸子，咖喱鱼蛋，飲品都有好多選擇，除咗啤酒汽水之外仲有熱嘅清酒、梅酒，多款日式口味嘅果汁飲品，羅漢果茶同薑茶都有。 放題必食一定係刺身同壽司，刺身我哋就揀咗三文魚、帶子、赤貝、甜蝦、大大隻赤蝦 、蟹脚，仲有拖羅呀，全部都好鲜甜美味啊。壽司size細細一件，一啖一件好滋味，海膽手卷一定要食，d海膽一啲腥味都無，鲜甜又creamy。  日式放題竟有花膠同醉鮑魚食，大大件花膠，無魚惺味好軟滑又有口感，鮑魚帶些酒味，味道吾錯。炸物方面，有天婦羅、炸蠔、芝麻雞翼、炸榴蓮糯米糍等……榴蓮味道非常濃郁，不妨一试。最后當然要食甜品啦！ 甜品有奶凍，牛奶布甸，提拉米蘇，榴蓮糯米糍等等嘅糕點類，每款细细件，可以食多幾款！至於雪糕同雪條，佢哋提供嘅唔系平價货，有MOVENPICK、Haagen-Dazs、MILK TOP等， 我地3個人分享左4款雪糕，最鐘意係MOVENPICK瑞士朱古

肥仔書友生日，當然要好好慶祝，要食到佢滿肚腸肥揀呢間大喜屋中最豪既放題實無死。見大家戰鬥力咁強，於是我樣樣都叫d自己過下口癮，心諗食吾哂有壽星肥仔包底(哈~講笑，我當然食得哂先叫，吾做大嘥鬼)以下係我既encore之選茶碗蒸滑得黎又有淡淡蛋同上湯味，仲加埋蟹肉鳴門卷。份量適中，一人叫一碗都吾怕浪費過多胃容量。魚生鮮味十足，特別係甜蝦同赤海蝦。食左半個鐘左右，侍應提我地可以出去拎海膽手卷。每人每次可拎兩卷。海膽creamy吾腥，而且份量吾吝嗇。連平時怕腥既書友見我地食得咁滋味都忍吾住食左卷。炸物我試左芋泥丸、芝麻雞翼同榴槤炸彈。最鐘意佢個榴槤炸彈，一口咬開，真係好似炸彈咁榴槤味爆哂出黎，隔離吾食榴槤既就立即彈開丈遠。呢款水果蔬菜汁幾好飲，少甜，第一啖係水果味，然後有蔬菜味係個口慢慢滲出黎。鮑魚都係任叫，先黎4隻，彈牙吾韌，壽星好欣賞，所以再叫多兩隻。之後出去拎雪糕甜品發現仲有榴槤糯米糍食。本身估計係榴槤炸彈未炸既fd，點知佢個榴槤餡仲勁過炸彈，好濃郁份量又多，如果個皮煙韌d就perfect池。必食Movenpick朱古力雪糕。臨走見到coca cola plus都有提供，果然夠細心。

🇭🇰#香港捐窿捐罅記 Instagram: foodkiller_dk終於可以講我成日食既放題🤤 我好大食 所以好中意去食🤤 今日就會講一間平民放題中既貴族🤴🏻 咁點解咁講呢 因為佢三百幾蚊又未去到好貴 但係又比正常二百幾既貴 😂😂😂 宜家睇下佢值唔值得去啦😋-我今日就主要講一下 平時放題比較少見既食物啦 因為平時食到果d 我想寫另一間果時先寫🙂間放題主打任食吞拿魚 🐟而佢提供既位置係Otoro（大拖羅）咁我係度補充返資料先 咁吞拿魚肉 通常分三種 Akami(赤身）🐟chutoro(中拖羅）🐟otoro(大拖羅）🐟咁赤身 係比較瘦 所以顔色都比較紅 食落去有小小鐵既味道 吞拿魚味都比重 而價錢係三個入面最平 而中拖羅就油脂分佈較多 味道平均 🤤 而大拖羅就好似和牛咁會熔化係口入面 但亦同和牛🐃一樣 味道唔太重 價錢亦係三個入面最貴🙂而今次佢既拖羅的確有溶既感覺 但可雪得太耐 真係冇乜味 連少少都好似冇😩😩😩 不過係幾過癮 所以我一個食左十幾舊😂佢另一個主打係海膽手卷🌯而最特別係要自己出去拎 每人每次兩個 😐 佢同其他放題相比係份量多好多 我諗5,6倍都有 咬落去成口海膽 而且海膽味道

朋友話呢間係大喜屋高級版，因為有醉鮑魚，海膽手卷等等，所以佢生日就話黎試試開始當然叫哂啲最多人介紹，例如海膽杯 : 可以唔洗食海膽手卷 : 堅多海膽，唔腥醉鮑魚 : 好入味，好淋燒鰻魚 : 好肥味燒和牛 : 個人認為最好味，所以叫多左轉花膠 : 食過就ok, 冇特別鮮奶燉木瓜 : 的確放題係好少見，好味的確好多推介係好味，但竟然最著普通既串燒雞翼，咩味都冇之餘，咬落去係好勁雪藏味，串燒翠肉瓜，2串都唔熟。到必食刺身，2款蝦(赤蝦，甜蝦)都唔新鮮總括黎講，如果係好飲得清酒，梅酒，紅白酒，呢到係好抵，但如果好似我地咁，淨食放題，呢個價錢就會有好多選擇。

環境佈置得很好，有宮廷的感覺，（視覺上既享受唔會覺得侷促）工作人員對客態度很好，會說明每一道上的菜色。（相當貼心，避免黎到又唔知咩黎）上菜收碟速度合理，不需要客人等待。食物相當新鮮，擺相亦十分好看，有讓人感到對食物的認真。菜式相當多足有二圖中兩本簿選填不重複價錢雖然比市場上略貴（人均300多+1）但一分錢一分貨，加上都唔係貴太多。唯一美中不足是喊歡迎口號時，略嫌尷尬有些員工只是喊一聲「4」，不過亦體熟每個客人入場時都要喊一聲是辛苦的。此外去廁所經過刺身部時看見內裡的員工亦會跟著喊歡迎光臨，建議可以先配備口罩增加衛生程度更佳。整體上都十分滿意。會願意和朋友再來光顧

這間殿大喜屋放題我去過很多次，每次都會有一些新品轉換，保持新鮮感，是晚揀選了我覺得最美味的幾款美食與大家分享一下。😋必食刺身拼盤~一開始每款刺身種類點每人一片，好食先再點，赤貝、北寄貝同牡丹蝦是最突出最好味，加點芥末鮮味十足。😋海膽手卷~海膽份量一點也不吝嗇，仲要係好味個隻，質感也很實在，香港好小食到呢種好味的。😋蝦天婦羅~外層炸粉夠薄夠鬆脆，不油膩，蝦肉鮮嫩彈牙，口感好好！🍤😋炸蠔入面保存蠔汁香濃，芝士年糕亦炸得好好，脆卜卜，煙煙韌韌最棒👍🏻😋燕窩木瓜滋潤養顏，像我皮膚乾食這個最適合不過了！除了填食物紙點選外，還可以到出面美食櫃自行選取，清酒都有得飲真係唔係好多餐廳會有！

黎得食放題梗係要簡間好食又多選擇既, 殿 大喜屋一定係首選。價錢中價但野食既質素有保證! 呢度既野食真係有好多, 點左野食之後就出去行左轉, 真係好多野食, 炸野, 前菜, 熟食, 生果, 飲品都多到眼花撩亂 熟食落左幾隻豉油雞翼, 都幾入味! 可以試下, 魚蛋就一般般唔係咁大驚喜行左一轉返埋位冇耐, d野食就開始黎, 快既速度真係快到你唔信! 本以為放題一定係會漏單同上得慢, 不過呢度唔會!! 因為枱唔係好大而野食黎得好快, 放到都就快滿, 所以我地就好自然加快自己既速度咁食, 自己諗返都覺得好似餓狗咁, 食左15分鐘就飽 XD其後就抖下又食下, 放慢返速度先食到其他野呢度既真係太多野食, 唔可以一一介紹, 就講D我覺得值得介紹 & 覺得一般般食放題都有花膠, 鮑魚叫? 係呀你冇睇錯, 真係呢3樣, 花膠唔可以話係好好食, 唔算話好入味不過都幾林, 整體不過不失但一定要叫黎食下, 回下本呀嘛!鮑魚食左2隻, 唔係細細粒, 都屬正常SIZE, 食落真係幾有酒味, 呢個鮑魚唔錯北海道燒帆立貝感覺好似滿滿醬料, 味道有少少似千島醬, 食味都唔錯! 不過略微放暖左先食, 如果熱辣辣既就更加正

一向胃口都食得比較少既人, 所以放題都好少食, 一黎覺得放題係將貨就價, 兩黎就覺得唔回本唔抵食. 到左自己生日月份, 食飯次數多左, 今日男朋友帶我去食呢間比較高級既殿 大喜屋, 自己真係第一次黎食, 真係有d out啊!!!平日晚自選2小時放題$308/位, 計埋加一差不多要$350人頭費, 價錢對我呢個窮L而言真係有d高, 要不是男朋友建議食放題的話都唔想佢晒呢d錢. 黎到之後比我一向食開既放題有好大分別, 呢度除左有紙上點選既刺身, 壽司, 燒物, 鍋物等等, 估唔到大堂出面仲有形形式式既野食選擇. 甜品, 生果, 頭盤, 熟食...... 飲品除左有罐裝飲品之外竟然仲有少見既組酒, 日式白酒, 清酒 & 梅酒等等, 有邊間放題仲會有得任飲清酒? 感覺就好似去左食酒店buffet咁, 野食真係多到你估唔到放題提供既雪糕都唔係平價貨, 有MOVENPICK, Häagen-Dazs, Milk Top等等, 只要胃口唔忺我咁細既人食返多d刺身同食多幾杯雪糕條數就返返晒黎喇!!飲品攞左我中意飲既桃味酒, 酒閎成份只有3%, 味道甜甜好易入口, 感覺就好似飲緊桃味汽水, 岩晒女仔飲花

同朋友黎試殿大喜屋，由於當日天氣涼左，一黎就叫左個湯飲，冇影到相呀，但好好飲！飲完唔會話好口渴！即刻好期待之後叫的野食！見佢湯水咁好味，立刻點左個鮑汁燴花膠，大大舊加！好養生呀。仲有咖喱蟹，咖哩味十足 蟹又鮮甜，羊架又唔會太穌，正。由於自己不太喜好刺身，但甜蝦真的不錯，也有好多熟食壽司照顧，非常周到啊，如鰻魚，蟹柳，牛油果，炸蝦壽司等我。所以我還過主攻熟食的吧！再來是粒粒炸榴連，外脆鬆軟，口感煙銀，仲有啖啖榴連蓉，大愛！仲有天婦羅炸一口蕃薯同樣惹，粉不會炸得太厚，外面設有多款小食區，如炸薯條，咖哩魚蛋，章魚燒等。甜品有布甸，朱古力蛋糕，草莓慕絲，款款細而精緻，不會太漏，雪糕有HaagenDazs 呀！仲要係正常size，非常有誠意！下次都會再來呀！