影片
更多
2018-11-29
271 瀏覽
一向胃口都食得比較少既人, 所以放題都好少食, 一黎覺得放題係將貨就價, 兩黎就覺得唔回本唔抵食. 到左自己生日月份, 食飯次數多左, 今日男朋友帶我去食呢間比較高級既殿 大喜屋, 自己真係第一次黎食, 真係有d out啊!!!平日晚自選2小時放題$308/位, 計埋加一差不多要$350人頭費, 價錢對我呢個窮L而言真係有d高, 要不是男朋友建議食放題的話都唔想佢晒呢d錢. 黎到之後比我一向食開既放題有好大分別, 呢度除左有紙上點選既刺身, 壽司, 燒物, 鍋物等等, 估唔到大堂出面仲有形形式式既野食選擇. 甜品, 生果, 頭盤, 熟食...... 飲品除左有罐裝飲品之外竟然仲有少見既組酒, 日式白酒, 清酒 & 梅酒等等, 有邊間放題仲會有得任飲清酒? 感覺就好似去左食酒店buffet咁, 野食真係多到你估唔到放題提供既雪糕都唔係平價貨, 有MOVENPICK, Häagen-Dazs, Milk Top等等, 只要胃口唔忺我咁細既人食返多d刺身同食多幾杯雪糕條數就返返晒黎喇!!飲品攞左我中意飲既桃味酒, 酒閎成份只有3%, 味道甜甜好易入口, 感覺就好似飲緊桃味汽水, 岩晒女仔飲花
平日晚自選2小時放題$308/位, 計埋加一差不多要$350人頭費, 價錢對我呢個窮L而言真係有d高, 要不是男朋友建議食放題的話都唔想佢晒呢d錢. 
黎到之後比我一向食開既放題有好大分別, 呢度除左有紙上點選既刺身, 壽司, 燒物, 鍋物等等, 估唔到大堂出面仲有形形式式既野食選擇. 甜品, 生果, 頭盤, 熟食...... 
飲品除左有罐裝飲品之外竟然仲有少見既組酒, 日式白酒, 清酒 & 梅酒等等, 有邊間放題仲會有得任飲清酒? 感覺就好似去左食酒店buffet咁, 野食真係多到你估唔到
放題提供既雪糕都唔係平價貨, 有MOVENPICK, Häagen-Dazs, Milk Top等等, 只要胃口唔忺我咁細既人食返多d刺身同食多幾杯雪糕條數就返返晒黎喇!!
飲品攞左我中意飲既桃味酒, 酒閎成份只有3%, 味道甜甜好易入口, 感覺就好似飲緊桃味汽水, 岩晒女仔飲
花雕醉鮑魚 - 酒香都幾重但唔會覺得太過淆, 而且鮑魚有咬口食落都幾好bo!! 
呢個又係平時係一般放題唔會食到既鮑汁燴花膠, 花膠當然唔係比到好貴好厚又好漿水果種LA! 就算我講你都唔會信, 不過花膠都唔算薄身, 用鮑汁煮過味道都唔錯, 不過個人就覺得可以再入味dd, 但食到呢個質素都算ok
刺身方面冇叫到太多, 始終因為得2個人食得唔太多, 真係唔想晒野. 刺身蝦有分2款, 我點左既係赤海蝦, size屬中等但食落係有少少彈牙同有d甜嫁, 呢個我幾推介, 帶子就一般般唔算話好甜, 赤貝食落帶點爽口, 刺身方面推介赤海蝦同赤貝, 之後都再叫左幾轉赤海蝦, 食多幾隻又係抵返晒!!! XD
壽司叫左唔係好多款, 始終壽司會大大減低戰鬥力 LOL, 不過見到又想試下~ 鰻魚忌廉芝士卷不竟壽司係男朋友中意食既, 見到第一時間就點左, 賣相唔算好吸引, 因為靚既鰻魚位置都用晒黎做原條燒, 果款汁燒鰻魚係幾正嫁!!!! 大家中意食鰻魚既可以試下 (蒲燒鰻魚), 因為當中有忌廉芝士關係, 食落都比較漿口, 味道會有陣陣cream cheese溢出, 雖然cream cheese食得多會滯, 不過因為size唔會好大件, 一口一粒又唔會過火, 都ok
壽司當中個人極度推薦呢個鹽燒左口魚!! 唔係講笑, 同男朋友一致認為呢度既鹽燒左口魚壽司比得上出面既日本餐廳!!!!!!! 壽司細細粒唔會因為係放題所以比多d飯客人, 左口魚邊入口真係有種食緊魚油既感覺, 左口魚既油脂香一向都比其他魚重, 因為用火槍燒過關係, 除左食到有魚油香之外仲有程焦香, 伴埋飯一齊食反倒中和反冇咁膩. 真係超高水準. 食完呢轉之後都encore左好幾次, 我諗差不多食左有10件 LOL
海膽手卷要係出面大堂自取, 成個面都放上滿滿既海膽, 每個人每次可以取2個手卷, 鍾情海膽既我一個人食晒2個手卷, 海膽完全冇腥味/奇怪既味道而且味道都幾濃郁, 因為即叫即做所以連紫菜咬落都係脆脆的! 真係好邪惡既一個手卷~食多幾個又回到本
大喜屋食過好多間, 不過每家都有呢個招牌芝麻雞翼, 只要每次黎親食放題都會食最少3-4隻, 估下今次我又食左幾多隻? .
.
.
.
.
.
今次因為之前食左好多件左口魚壽司, 所以都冇食到好多, 最後只係食到5隻><
半全翼既芝麻雞翼係全炸既, 不過唔會沾過多既粉, 熱辣辣上枱食落你脆卜卜, 但入面既肉唔會整到好干, 係juicy好多汁嫁! 而雞翼尖都炸多好脆, 味道岩岩~正!!!
燒物只係點左幾款, 因為都已經食到好飽la! 海蝦肉質係彈牙既, 有微微咸香, 唔錯唔錯! 燒菠蘿真係超級甜, 不過可惜已經好飽如果唔係既就可以再去食多幾件喇><
食到9分飽又點可以係呢度個門口出去, 點都要食返個雪糕做結尾, 攞左朱古力MOVENPICK, 而其他? 係男朋友一個人包辦 XD 呢度有既雪糕價錢係出面單買都要幾十蚊個, 我自己就中意食呢個入面有朱古力粒粒既MOVENPICK, 而男朋友就試左MILK TOP既沖繩海鹽, 海鹽味既雪糕比較少有, MILK TOP一向都係出名牛奶, 食落奶香都幾重, 而且會有陣陣咸度, 食落唔會好奇怪反而幾好食bo!!!!另外仲有餐廳自製既奶凍同提拉米蘇等等, 味道同質素一d都唔差(每款我都試左1啖) 奶凍同提拉米蘇既口感都幾滑, 今餐真係食左好多野, 睇怕又要開始進行地獄式減肥喇~~~~~
張貼
