殿 大喜屋

營業中

休息中

餐廳寬敞，座位很多，好快就坐滿人門口都好多人等緊位食物飲品甜品款式都好多 放題第一時間就叫刺身三文魚、赤貝、象拔蚌全都係我既最愛 樣樣都好新鮮最鍾意三文魚 厚切肥美，既鮮甜又爽口第二樣就叫壽司 忍唔住叫左好幾round d飲細細件 無甘易飽有我最愛既🥰海鹽燒左口魚左右魚火炙之後 入口即溶 魚油好香🥰三文魚壽司肥美 擺設又有心機🥰燒香草羊鞍香草味濃而且一啲都唔so 兩個人食左五、六件炸物方面都好多選擇🥰一口紫薯、炸年糕上台仲係熱辣辣、即叫即整食飽之後就想食甜野架啦🥰蜜瓜同哈蜜瓜好甜好好食 瘋狂夾左兩轉 都係我自己食哂飲品都好多選擇除左普通飲品仲有清酒、梅酒、日本酒 多到揀唔到 好正雪糕唔再得雀巢雪糕 haagen dazs🥳興奮興奮 食左cream cheese mochi仲有movenpick hehe

我個朋友係尖沙咀放工，所以我就去搵佢食飯，佢話想食放題，最後我地簡左殿大喜屋，佢呢間好食同多野食，簡直係放題中之冠！好開心，因為我地早去到，所以仲可以入坐，唔洗等，入到去門口已經好多人等位！開始劃野食啦～大喜屋刺身不嬲有保證，多曬新鮮，厚切，肥美花雕醉鮑魚～呢款係新野黎～鮑魚入味彈牙，我想食多幾隻一定要食我最愛的壽司🍣蟹籽軍艦，勁多蟹籽，好好食，超爽！仲有我最愛的芥末八爪魚出去排隊拎海膽手卷，真係好好食，海膽好甜好新鮮，手卷仲好大件，勁多海膽，我起碼食左四件，好抵蒲燒鰻魚又係一定要食，因為平時出去淨食鰻魚又貴，同多數都要配埋飯食，呢加真係任食唔嬲，好抵蒜麵豉炒虎蝦，好夠味，蝦都好大隻，又好入味，好爽口，配埋啤酒啫喱，好精緻蟹肉日式蒸蛋，呢個整得唔錯，d蛋整得好滑，下層仲有好多蟹肉海燕窩椰汁燉木瓜，成個木瓜刮黎食好正，個糖水好潤好足料呢間甜品都幾多，仲有勁多款牌子雪糕任簡，食多幾杯都抵返曬呢間放題都幾多不同種類嘅食物，果然有保證！

終於捱到放假的一天.可能上天憐憫🐰小妹辛勞工作左成個星期，今日竟然有個內地豪親戚黎請食🍣午市放題.係傳說中既殿-大喜屋！！ 估唔到午市放題都多人食（感覺除左自己，其他都係富人🤣）,食物都算多選擇 ✨但成餐放題最有印象都係呢set秋之精選😍.😋賣相好，味道都唔錯，尤其係有我的最愛-海膽杯，海膽都鮮甜，唔會有苦澀味.🐟仲有個白松露拖羅球，松露既味道香得黎亦唔會掩蓋拖羅既鮮味，亦係值得一試！👍.至於其他放題食物，都係正常發揮，不過壽司飯就驚嚇少少😖，雖然細舊，但飯水太多，醋味亦太重，食落漿口過酸，絕對不合格👎，可能為食客胃納著想，唔想大家食太多飯掛😂

今日放假就做下孝順女，請爸爸媽媽去食放題，享受一下，今次就去左尖沙咀既殿大喜屋，一上到去門口已經好大餐廳現加就有個優惠，7:30前離座同9:15後入座都有85折，折左之後真係抵左好多當然要先食刺食先啦，瘋狂食蟹腳同拖羅同蝦餐廳預先準備好剪刀比你，方便你食蟹腳蟹棒壽司加左芝士無得輸，好正！任食海膽手卷，海膽好新鮮，唔會有腥味留意返手卷係order紙到無得叫嫁，要出去排隊拎，不過好快就有鮑汁花膠盛宴聽個名都已經知豪華，睇落已經有好多骨膠原我同媽媽每人食左兩份和牛薄燒都好正，食得出係靚牛黎！我爸爸好鐘意食咖哩蟹，個汁好惹味如果有白飯配黎食更加正估唔到d蟹連蟹膏都有足足有三個甜品櫃蛋糕布丁糯米滋馬卡龍都有，滿足我既願望爸爸媽媽今次食得好開心，下次再帶佢地黎食

朋友生日🎂話想食放題，即刻諗起呢間殿堂級嘅放題。之前食過幾次，無論係食品種類、食物質素都非常唔錯！👍🏻放題唔少得各款炸物、燒物、刺身、壽司🍣，呢間放題除左呢d之外，仲有長腳蟹、鮑魚、鐵板燒！🤤飲品除左一般嘅汽水🥤同果汁🍹之外，啤酒🍺、紅酒🍷、白酒🥂、日本清酒🍶都係任飲。無酒原歡嘅朋友一定唔可以錯過啦～ 甜品櫃更係令人喜出望外，除左常見嘅一口甜品之外，🍦雪糕更可一次過食曬HäagenDazs、Mövenpick、Milktop！真係大滿足～ 😍 到現時為止，係我地係香港食過嘅最正嘅放題！無論係食物款式、食物質素、餐廳環境、服務質素都好到位！記得要預先Book枱～

朋友升職，當然要好好慶祝一番。朋友話要食好嘢，梗係要食放題。一於食到豪一豪，殿堂級大喜屋放題是不二之選。一坐低，當然係叫刺身。殿堂果然係殿堂，拖羅都有得食，肉質10分肥美。希靈魚10分爽口，三文魚都好肥美，仲叫咗啲螺片。然後，我們點了一些火炙壽司，火炙和牛壽司10分推薦，入口即溶。芝士蟹柳壽司亦都10分出色。殿大喜屋真係誇張，連鮑魚都有得食，我哋叫咗三次，點都返本啦。花雕酒煮鮑魚，味道10分夾。飲品櫃度選擇10分多動有啤酒、汽水、烏龍茶、麥精都有得飲。當然，仲有可以翻熱的日本清酒、紅酒、白酒都一應俱全。特別推介炸生蠔，外脆內軟，炸得10分香口。海膽手卷一級棒，每人每次只可以拎兩件，絕對係呢個招牌菜。海膽10分新鮮，份量亦都好夠，食到舔舔脷。餐前小食的選擇都10分多，有咖喱魚蛋，雞翼，小丸子，蔬菜，炒飯，最啱啲食物未黎之前填一填肚。哈根大師雪糕任食，仲有 Movenpick 可以選擇唔食返幾杯，邊度對得住自己？特別一提係，呢度的裝修都幾 grand，坐得十分舒服，兩個鐘頭都夠晒時間食。

本身食過幾次大喜屋唔同分店，一直都好想搵次試下殿大喜屋，今日有開心事想慶祝下，就放縱下自己豪番次。上到殿大喜屋，餐廳比一般放題餐廳闊落，樓底亦較高，環境舒適，好感度大增。殿大喜屋餐牌選擇較多，以下係其中一d食左ge食物：火炙壽司燒皇帝蟹捧/胡椒和牛燒/鹽燒三文魚腩/海鹽燒左口魚邊/蒲燒海鰻，每款都唔錯，特別推介燒皇帝蟹捧同埋三文魚腩。花雕醉鮑魚連鮑魚都有得食，緊係要試下。賣相已經唔錯，食落好有咬口，花雕酒味亦出，忍唔住encore左兩次。吉品鮑汁燴花膠盛宴鮑汁味濃厚，花膠大大塊，呢個都係回本之選，見到唔少枱都有order。焗帶子刺身薄切即燒和牛飲品選擇亦唔少，凍飲熱飲都有，亦都比平時特別d，最驚喜係紅白酒清酒都有。最後一定要留肚食甜品，呢度有任食ge Haagen Dazs 同movenpick，點都要食番兩杯先走。殿大喜屋絕對係CP值超高，下次食放題都樂意俾多少少食呢間。

為左請朋友食飯，選左呢間食評好好但一直都仲未試過既放題。呢間任食放題CP值超高😍😍😍有分2個時段，限食2小時45分 及 自選時段限食2小時。我就梗係食盡2小時45分中啦… 2小時太急了海胆，拖羅 好味呀，海胆唔戥，拖羅當然唔會話入口即溶，但都唔錯呀。。。其他刺身都好新鮮花雕醉鮑魚 必食之選和牛燒 正呀，牛肉味濃，又唔韌鹽燒牛舌 我最中意就係爽口仲有紅/白/清/梅酒任飲，只係試左梅酒，好甜易入口椰子雞湯 第一轉飲好鮮甜呀，之後再叫，唔知點解就味精重左，味道唔同晒燕窩燉木瓜 好味又夠甜酸菜魚 我中意呀，我忍唔住成窩食晒🤣咖哩炒蟹，夠辣，味道幾好，但唔算惹味。不過肉質梅既，唔新鮮MilkTop海鹽雪糕 我真係第一次食，有驚喜，movenpick 朱古力都好正，唔太甜上菜收碟速度快，無漏單，勁👍 坐位舒適，見到好幾枱2人都坐4人枱 太多不夠盡錄，款款味道都唔會求其，高質😂 好抵呀😎 感覺以後唔想再食其他放題

上次黎過食中午放題，由於係lunch偷跳唔係好夠時間食，今日再次約同事夜晚去食盡佢，我哋book咗早場六點至8:15 ，但可惜我嗰日放工遲咗我去到都差唔多七點鐘啦，幾個朋友已經食到七八成飽咗，得返我一個人開始作戰，一開始梗係去攞兩件海膽手卷先啦，唔使排隊即叫即包紫菜都仲係脆嘅，海膽放上面又唔會吝嗇太少，我一共食咗五件非常滿足。跟住佢梗係叫刺身，佢嘅拖羅刺身同埋兩隻甜蝦帶子刺身都好新鮮好好味，但係由於只係我一個人嘅份量影出嚟張相就冇咁震撼，另外再食咗啲串燒，鮑魚，花膠，仲有炸榴槤同埋榴槤糯米糍，佢兩隻榴槤食物都好食，鍾意食榴槤嘅朋友可以一試，飲品方面啦成個飲品可以任你揀，我仲飲咗佢嘅梅酒同埋sake。最後開始食雪糕呀，我試咗佢三款大牌子嘅雪糕食咗三個非常之滿足，喺出邊食一個都要幾十蚊，食咗三個差唔多成舊水。今次由於我遲到嘅關係就唔係食咗好多好多嘢，但每一樣野都必食好好味嘅主打菜式，希望下一次我可以早啲嚟食到更多嘅嘢。

同D舊同學聚會 ，book咗呢一間放題，係前班長大人訂檯，佢真係識Book，呢間好多野食，好似酒店咁，勝價比高。環境又大又正，水晶燈，格局豪華，好酒店式，一行六人張大檯，大沙發，正!一坐下咩都唔理瘋狂柯打! 先叫了刺身，大部份好食，池魚王，赤蝦，甜蝦和海膽杯，松葉蟹腳，特別新鮮! 趁D野未嚟晒走出去自助美食區，那日有椒鹽瀨尿蝦，好食呀! D大泥猛就OK啦，原來炸腰果都有得食，好香口，D枝豆，甜魚仔都好好食，那晚又有炸薯格，章魚丸子，D蕃笳仔丸子好食，又有咖喱魚蛋同白菜仔，我覺得自助美食區都好多嘢啱食。飲品係成個大櫃你任取，好多款，反而我好Buy佢有果汁机，蘋果汁，橙汁飲，都幾好飲。咖啡机任飲，綠茶包，重有唔講得少熱清酒，啤酒，紅酒，重有Bar檯㨂cocktail，真正到無倫! 壽司水準好，我好愛吃黃金蟹棒和左口魚邊壽司，重有係蜜汁一口牛都好正!我地見有鮑汁燴花膠，狂叫，真係大大舊花膠好腍好正。串燒全部都有叫燒秋葵，菠籮，大海蝦，帆立貝好食，特別係燒五花肉，夠肥夠香口。冷面推介胡麻稻庭烏冬，重有個加拿大鮮蠔炒麵，燕窩鮮奶蛋白都有得食，好野!太多野好食，寫唔晒，重有甜品櫃，雪糕櫃D野食，

眾所週知，殿係旗下大喜屋裡面最高級，價錢亦係最貴。之前已經試過大喜屋、樂天，同極尚，趁著聖誕節決定要好好放縱下自己🤣雖然平安夜食，但比較起其他西餐廳或酒店自助餐，其價錢加價幅度不算很大，按時段加$20-$40，係合理既加幅。出面自助區有不少冷盤，小食，如果要食海膽壽司🍣係需要出去排隊的，梅酒、白酒等🍶亦有提供。大部分食物同其他大喜屋係一樣，質素亦不相伯仲，最大分別係必叫任食鮑魚同和平薄燒，當然仲有任食Haagen Dazs& movenpick雪糕！佢地就係我今晚既3大目標😂花雕醉鮑魚鮑魚size唔係細細隻，最值得一讚係師傅將鮑魚清潔得好乾淨，四周唔會有黑色的污穢，而且充滿花雕味，令人開胃。鮑魚肉質煙韌彈牙，我encore左3次呢！和牛薄燒師傅燒得岩岩好，唔會老唔會overcook🥳，牛味充足，點唔點汁都可以，非常juicy！任食雪糕平時食其他大喜屋員只有一杯Haagen Dazs/Movenpick？呢度自取，仲要任食😻除左 Haagen dazs同movenpick，仲有milktop、道地綠茶，同其他雀巢雪糕，選擇好多～剌身鹽燒海蝦🦞一口牛

12月女團生日會去呢度食。訂位時，因我地有8個人，要先落訂留位，另外，因為有人下星期生日，喺頭7尾7生日黎食，有哈根雪糕火鍋送！超開心！ 講返主食，刺身無得輸！吞拿魚係拖羅，蝦有甜蝦同牡丹蝦，帶子同其他北寄貝、螺、希靈魚都好新鮮，我地叫左 3 round，都係第一round最好，另外兩 round 有啲冰。 呢度仲有比較少有嘅醉鮑魚同花膠，但都好一般。手卷要喺出面buffet station 拎，每人每次可拎2個手卷。海膽手卷係mini版，味道幾好，又唔會浪費我啲quota。但唔記得影相。另外叫左啲特色迷你飯，但麻麻地。薄燒和牛係推介！必食！熟成岩岩好！天婦羅都幾多選擇，上檯仲熱熱地，唔錯。甜品種種好多，女生至愛！

和家人在非繁忙時段來食放題，一次很不錯的選擇！呎度寫紙叫幾多食物就真係俾幾多食物你，唔會自己縮左水。我地叫左好多刺身啊！仲有一個自助bar，不過都係一啲平價又勁飽肚既食物，例如鱆魚小丸子、薯格、湯、沙律等，仲有不同種類既飲品，紅酒白酒清酒都有！啲刺身好新鮮，好好味！可惜熟食少左啲。

12月30日 男朋友生日，特登揀依間慶祝，因為有朋友介紹食物質素唔錯。座位稍為寬敞唔錯，就算係同一時間入場，上菜速度都唔算慢。重點係，半個鐘後開始不停的來錯嘢仲要係3倍的份量。更誇張係咁啱我哋正確柯打2人份量和錯咗既3人份量一齊上，張檯實在無位放。前後來錯3倍份量既次數有6次。搵咗2個類似主任級既人跟進，說話都未講完佢拎住錯既食物就走，2次啊，仲要一D表態都無，完全無講任何嘢。最後仲要催我Last Order埋單，我話第一轉落既嘢仲未來，不停來錯嘢，個類似短髮主任女士完全又係無反應（第二次）直接問我要咩。 然後Call麥話比埋佢哋啦！唔會再來，食物質素唔錯，但個過程太受氣。咁既價錢確有咁既員工質素。

好耐都沒去食放題了，前一陣子和友人去了聞名之極的殿大喜屋，一試高檔的日式放題。價錢方面，不比其他大喜屋貴很多，但環境卻更為寬敞舒適。黎食放題當然要叫一系列的刺身啦！甜蝦，三文魚，油甘魚，新鮮又大件。海膽手卷同樣也少不了，十分新鮮，紫菜如果脆就更好。牛肉壽司，蟹棒壽司，蟹子壽司都很出色，份量剛剛好。燒和牛給了我很大的驚喜，薄而嫩滑，一點也不膩。鰻魚燒得香軟，肥美而不甜膩。一口鮑魚十分爽脆。愛酒之人記得倒一杯梅酒，或者拿一罐紅桑子啤酒飲下。