殿 大喜屋

營業中

休息中

大喜屋放題一直是香港最出名的放題餐廳，朋友聚會都會是優先的選擇。早前與朋友去過極尚系列，這次終於有時間來殿大喜屋朝聖。一見到餐廳門面已經知道與一般放題餐廳不一樣，門口的櫥櫃放了幾十隻小熊公仔，餐廳顏色以金色為主，裡面的座位全部都是非常寬闊的卡位，坐等很舒適。放題的款式當然是多不勝數啦！不過另一吸引我的除了是選不完的刺身壽司之外，還有文在自助區的飲料、酒類、小食、沙律等等，新鮮脆卜卜紫菜的海膽手卷同樣是在自助區即場製作的。放題當然要點刺身啦！刺身的選擇很多，特別要推介肥美嫩滑的拖羅，入口有甘香的魚油味。壽司的選擇也很多，卷物、灸燒和各式魚生壽司，全部即製。天婦羅炸粉非常薄，以鮮蝦和新鮮南瓜炸成，非常好味。 芝麻雞翼香脆肥美。牛油玉米、枝豆和燒菠蘿也是必點的。重點推介木瓜燉鮮奶，甜點適中！小小的一個剛剛好。

雖然價錢係幾貴 但佢嘅 食材係非常新鮮 而且有啲高級啲嘅刺身選擇 例如海膽壽司 同埋拖囉 而且仲有唔同牌子嘅雪糕 仲可以免費飲日本酒 串燒同小食都係即叫即整 熱得嚟又好食唔會凍曬

個晚係慶祝我同我老公既結婚一週年紀念，搵左好多間決定食呢間日式放題……以前同老公拍拖個陣經常都去旺角個間大喜屋既，不過今年我除左慶祝我地一週年之外，因為而家粗身大細，旺角個邊又太多人另外，聽人講話殿 大喜屋比起其他大喜屋都高級一些……於是我地就決定揀左呢間“殿 大喜屋”啦……環境方面，我覺得呢間大喜屋既坐得比較寬敞……感覺都係舒服乾淨……價錢方面，個陣我地5點半入場，7點半前離場有85折優惠，不過仲係原價再加一，兩人食左623蚊服務方面，反而之前去旺角個間大喜屋比較有服務質素，去左幾次都無試過有出錯問題，呢間大喜屋第一次黎已經錯左兩次，一是將人地點過既單入錯左我地枱……二是我地明明有點刺身，但就漏左單……不過出菜既效率都相當快安排位置方面，因為地方太大，5點半其實基本有一半既場是無人坐，到我地離場依然有一半場都無人坐，但待應卻安排我地既位置太入，以致我地攞野食要行好遠先攞到，令我覺得好唔方便，但出d既位置都有部份枱是無人坐既……點解唔可以方便下我地呢？食物方面，質素及種類大致跟旺角大喜屋一樣，刺身新鮮（我老公意見），熟食只有芝麻雞翼較咸，其他都好食，但刺身於旺角那邊是厚切同埋比較美觀多

其實唔少放題都有包括埋有限度嘅自助餐，可能係有飲品、甜品同小食，而殿大喜屋可謂係超越咗一般嘅放題，有full嘅日式放題加full嘅自助餐，有主食、蔬菜，仲有瀨尿蝦。飲品同甜品都好齊，酒類繁多，雪糕都係超班，有Haagen Daz, Mòvenpick, Milktop，少有齊章。刺身種類唔係特別突出，不過質素就好高，帆立貝刺身出色，而甜蝦都係重點，大大隻嘅甜蝦，好creamy 好黏口。壽司係放題嘅敵人，好怕俾啲飯喂飽，不過殿大喜屋嘅壽司款式好值得試，有左口魚群邊、劍魚都好正。重點嚟啦，就係標準大細嘅海膽手卷，雖然係要指定時段同要排隊，不過無限拎嘅次數，海膽份量奇多，新鮮又甜，係重中之重！熱食推介炸蠔同天婦羅，炸蠔真係可以點完再點。

朋友帶我食好西, 原本覺得個債錢有點貴, 但佢話呢間野好有水準, 果然無介媧錯, 一試難忘!選擇吾算多, 比起出面平價既, 但有好多高價一點既食物, 例如花膠, 燕窩那類! 平價既雞軟骨就無得叫!個海膽手卷要出去攞, 每人限兩件, 所以沒有出現人潮, 非常新鮮, 完全吾腥, 我一連KO左5件!燒鰻魚出面較少見, 好厚肉, 翻單又翻單!醉飽魚雖然有D咸, 但好大隻飽, 又彈牙!刺身亦非常新解,, 厚切!飲品亦有好多選擇, 汽水, 茶, 梅酒, 紅白酒, SAKE 等等...... 餐廳實在太受歡迎, 門口擠滿人, 侍應亦打衝瘋甘忙, 收碟派 ORDER 紙要追住好忽忙既侍應先可以, 我都替佢地辛苦

朋友生日聚會吾係打邊爐就係放提嫁喇 今次我地揀咗大喜屋另一間分店 殿 大喜屋 環境比其他分店優雅 光猛d 比極上大喜屋高級啲 另外有水晶燈做裝飾 以半自助餐形式 飲品 甜品 雪糕 小食都係自助小食我就揀咗d炸薯格 章魚小丸子 同蝦 都吾差每枱客必叫嘅花雕醉鮑魚 酒味唔會太濃郁 剛剛好吉品鮑汁燴花膠盛宴 嘩 真係大大舊花膠嫁 超級養顏殿堂咖哩蟹 咖喱味好出蟹味鮮甜 我地吾係話太鐘意食刺身 所以都冇叫得太多 刺身都新鮮 鮮甜嘅 太愛甜蝦 叫得最多嘅刺身和牛薄燒 真係好好味啊 和牛味好出 又吾會燒得好硬 真係切得薄薄 容易入口焗芝士凡立貝 芝士好creamy 再加埋洋蔥同青椒 真係一流 食完再encore燒翠肉瓜 新鮮熱辣即叫即燒 清甜爽口炸榴連 榴槤迷嘅我真係必叫 外脆內軟 煙煙銀銀 啖啖榴槤蓉

一直都未敢挑戰殿。大喜屋，因為知道唔係最好狀態都未必試到晒所有嘢食。到場之後發現真係有別於其他放題，熱鬧之餘，座位都寬闊好多，走郎同拎飲品嘢食嘅地方都行得好舒服。殿。大喜屋差唔多係分店中最高級嘅一間，原因唔止係併揍放題同自助餐，無論主菜甜品冷食熱食嘅選擇都係好多，其實淨係個海膽手卷都值門票價。放題落單通常都花多眼亂，不過菜單都有英文字母順序排列，唔怕點漏或者點多，職員嘅反應都好快，唔怕三催四請都落唔到order。飲品類型都算多，酒類都好齊全紅白酒、梅酒、清酒、啤酒都有，供應不斷，唔使同人爭。炸物係一大推介，芝麻雞翼同炸蠔係點完再點。中式嘅花膠都有！仲要一啲都唔失禮。其他重點之選仲有左口魚裙邊壽司同海膽手卷，海膽手卷唔係迷你嗰隻，係標準size！不過只有指定時段先可排隊拎，唔講得笑，係足料海膽，係好鮮甜。最後係雪糕之選，雖然每隻牌子都只有一種味道，但係都好吸引，推薦沖繩海鹽味！

之前都係食過好多次嘅 由佢開張嗰陣有鮑魚終於都等到今次再有鮑魚啦 佢有返鮑魚我哋喺30內已經食咗三次， 我唔記得最初開張有冇花膠了 但係今次就有啦 第一次第二次食嘅時候都係因為有番鮑魚同花膠所以一定覺得好食， 魚生真方面一直都係可以接受，其實我不嬲都幾欣賞佢，大大話話我哋去殿，都已經十數次有多 所有日式嘅魚生呢佢都ok嘅，熟食又多款式飲品又多熟食又多又抵佢長期係咁旺嘅。服務方面不嬲都畀個讚賞佢，雖然唔係話好特別殷勤!但係其實個個都好nice，係咁忙碌嘅情況底下重保持笑容!都好好，亦都跟得好足.可能近呢三次去得太近太密，就剛剛呢次有啲膩口， 尤其花膠打個獻好溶 好易食滯。所以今次唔係食咗好多嘢，但今次好好彩，花膠好大塊，但今次就只食得一轉，平時呢就食成兩三次花膠嘅， 不過鮑魚就食咗成三轉，今次酒味重咗點， 海膽就一般般啦，可能因為就住人多整定咗喺度嘅關係 ， 嗰塊紫菜就好快淋添，要快吃，其它食物都算係咁，不過都一定夠曬飽，ok抵食嘅， 味道見仁見智啦，我覺得三次都唔同味道嘅，但係實在係太興奮都唔識得分好唔好食總之次次都冇覺得難食囉

今日同fd 去食lunch放題，去做尖沙咀殿大喜屋，好在lunch時間唔會好多人，唔使點排隊就入得。未坐低就見到好多野食！佢有分唔同既區域，雪櫃有好多唔同飲品選擇！真係勁多，有酒區！重有燒酒！全部任飲，岩灑好酒人士。一坐低就即刻叫左刺身！！鐘意食蝦既朋友要食赤海蝦，佢肉質會實過甜蝦，當然佢地甜蝦赤貝都好鮮甜。佢每件刺身都係厚切！另外我地重叫左其他海鮮，有松葉蟹腳，凍蝦同凍海螺。然後我見到佢有海膽手卷食，不過要出去排隊拎！好受歡迎包手卷既店員好豪氣，海膽新鮮好甜。重有好多唔同既熟食同燒物，我地叫左個北海道燒帆立貝，好濃味！燒得好香，一定係一啖將所有醬汁連帆立貝放曬入口再咬。全部熟食都好好味。最後仲有好多甜品同雪糕，仲要係Movenpick、MilkTop、北海道雪條同哈根達斯！ 甘多間放題，呢間算高質！

慶祝朋友準備結婚，順便聚舊，食餐飯。都唔差既😬幾好食👍🏻我鐘意飲梅酒，唔算太濃酒味，但對少飲酒既人黎講就有d濃。雪糕都有唔同牌子可以揀，雪得夠硬。都算多款，可以再去食但唔記得影多d相，掛住食

又同朋友lunch break去食呢間，日本野黎講算係抵食。一開始黎左個沙律同麵䜴湯，不過因為太肚餓，個湯未影已經飲左。個沙律汁酸酸地好fresh。醬油漬魚生飯魚生都多都新鮮既，唔似切剩咁！有蝦，三文魚同帶子，幾正。不過飯太多食唔哂。最後有個朱古力雪米糍，呢個比想像中好食，有細細舊朱古力係入面！！個餐仲包野飲，係個放題雪櫃入面自己拎，都幾多選擇！個場都幾大，多數lunchtime都唔洗等，所以推介各位試試！

今次由於收工收得遲，所以就食21:15果轉。宜家品知係咪因爲競爭激烈，早走遲去都會有85折discount，所以埋單大概3百多元。缺點：1）漏單，熱食炸物優先2）服務態度差左3）款式少左4）數量唔足優點：1）刺身新鮮2）任食雪糕甜品已經回本3）清酒好飲對比其他日式放題仍然都係較好，不過如果你食過更加好既一次就會覺得呢次出奇地差，唯有話因爲21:15既關係......推介食物：池魚、海膽、鰻魚、清酒、麥提沙雪米滋

心癢癢又想食放題，今次來到"殿"食。IPad 點餐已開始普遍，WeChat點餐就第一次，一坐低就送來張QR code紙，入WeChat scan就能點餐，一目了然！用番自己手機，乾淨衛生入門就是一"辣" 甜品，乳牛布甸，朱古力蛋糕，草莓mousse, 黑加侖子吉士，mini百福豆腐花。。。每件都小巧精緻！仲有幾款雪糕，Haagen-Dazs(normal size, 唔係最mini o個種) , 雪條，雪米糍。。。整係甜點已經心心眼！"冷藏飲品：汽水，果汁，乳酸飲料，烏龍茶，韓式日式飲品，罐裝盒裝樽裝應有盡有！熱飲亦有羅漢果，桂圓紅棗茶及其他紅茶，煎茶等茶包，選擇多不勝數！柸裝刺身小巧精緻，幾款刺身集於小柸裡，賣相吸引，再放到冰盤上，尤如藝術品，靚！不得不提這碗花膠冬茹，真係落足本，點會諗到放題有如此高質的中菜口味蒸水蛋一定要食，一個字：滑！紫薯丸是我的最愛，面層一貫的薄身脆口，入面軟棉棉，口感一流，甜度適中，必食！燕窩燉木瓜，出入拎嘢食都見到好多食客有食緊，真材實料，非一般的熱糖水，好有誠意呀！食過不少放題，"殿"真是殿堂級數，款多味美，絕對超值！讚！

好耐無食放題，突然興起，於是同朋友約今日去食殿•大喜屋。Lunch hour 座無虛席，好彩有預約，一去到好快已經安排入座，店員介紹用wechat掃QRcode點餐。以前食放題畫完都記得叫左乜，有時點左啲食物又會漏單或重覆。而家一掃QR code，餐牌已經即時顯示，想食咩就揀返想要嘅數量，點左嘅食物亦可在app內睇返，非常方便。每樣食物都係點一兩件，食物上枱時真係點一件就上一件，唔會上得太多浪費食物。呢間殿•大喜屋亦係我同朋友都覺得係試過咁多間食物選擇最多質素最好嘅一間放題。餐牌內嘅食物除咗有一般嘅刺身、壽司、鍋物、燒物、炸物、天婦羅等等，更有雞湯、鮑魚、花膠、燕窩等等。出面亦有幾張吧枱可以自己攞食物，例如藥膳雞湯、日本燒酌、果汁、啤酒、多款罐裝枝裝飲品、多款甜品及雪糕雪條等等，非常豐富，每樣試少少已經飽左，非常滿足！最值得一讚嘅係食物上枱有晒擺盆，而且食物質素比一般放題高，絕對值得一試再試！

又來吃這間放題了！殿 大喜屋開業以來質素一直有保證，每次來都一樣旺場以下是個人比較推介的食物海膽手卷：手卷上有多塊滑滑的海膽，而且鮮味十足因為是任食，我們點了2次，2次都不錯～刺身：赤蝦爽甜鮮味，池魚和拖羅刺身則充滿魚油香壽司：壽司size迷你，所以不撐肚，可以多試幾個款式特別喜歡黑松露拖羅卷，鮮味十足！而且壽司飯是暖的，不乾不硬，抵讚熱湯：熱食的選擇有很多，吃了這麼多魚生、壽司等冷食，可以飲中湯暖暖胃這是海底椰燉湯，清甜滋補鰻魚、羊架：即叫即燒，非常惹味燒秋葵、翠肉瓜：加了少許鹽去燒，口感十足！飲品：飲品選擇有很多。梅酒清甜，容易入口還有韓國啤酒，清醇帶麥芽香。水果：雖然吃了很多很多，但放題竟然有水果供應，當然要點一些來吃，健康一點嘛點了蜜瓜、西瓜，兩者都新鮮、鮮甜！雪糕：雪糕有Haagen-Daz、Milktop和Movenpick可選個人大愛Milktop，這是沖繩海鹽味，簡單的牛奶及鹹香，為晚餐劃上完美句號