影片
更多
2018-11-29
259 瀏覽
黎得食放題梗係要簡間好食又多選擇既, 殿 大喜屋一定係首選。價錢中價但野食既質素有保證! 呢度既野食真係有好多, 點左野食之後就出去行左轉, 真係好多野食, 炸野, 前菜, 熟食, 生果, 飲品都多到眼花撩亂 熟食落左幾隻豉油雞翼, 都幾入味! 可以試下, 魚蛋就一般般唔係咁大驚喜行左一轉返埋位冇耐, d野食就開始黎, 快既速度真係快到你唔信! 本以為放題一定係會漏單同上得慢, 不過呢度唔會!! 因為枱唔係好大而野食黎得好快, 放到都就快滿, 所以我地就好自然加快自己既速度咁食, 自己諗返都覺得好似餓狗咁, 食左15分鐘就飽 XD其後就抖下又食下, 放慢返速度先食到其他野呢度既真係太多野食, 唔可以一一介紹, 就講D我覺得值得介紹 & 覺得一般般食放題都有花膠, 鮑魚叫? 係呀你冇睇錯, 真係呢3樣, 花膠唔可以話係好好食, 唔算話好入味不過都幾林, 整體不過不失但一定要叫黎食下, 回下本呀嘛!鮑魚食左2隻, 唔係細細粒, 都屬正常SIZE, 食落真係幾有酒味, 呢個鮑魚唔錯北海道燒帆立貝感覺好似滿滿醬料, 味道有少少似千島醬, 食味都唔錯! 不過略微放暖左先食, 如果熱辣辣既就更加正
熟食落左幾隻豉油雞翼, 都幾入味! 可以試下, 魚蛋就一般般唔係咁大驚喜行左一轉返埋位冇耐, d野食就開始黎, 快既速度真係快到你唔信! 本以為放題一定係會漏單同上得慢, 不過呢度唔會!! 因為枱唔係好大而野食黎得好快, 放到都就快滿, 所以我地就好自然加快自己既速度咁食, 自己諗返都覺得好似餓狗咁, 食左15分鐘就飽 XD
其後就抖下又食下, 放慢返速度先食到其他野
呢度既真係太多野食, 唔可以一一介紹, 就講D我覺得值得介紹 & 覺得一般般
食放題都有花膠, 鮑魚叫? 係呀你冇睇錯, 真係呢3樣, 花膠唔可以話係好好食, 唔算話好入味不過都幾林, 整體不過不失但一定要叫黎食下, 回下本呀嘛!
鮑魚食左2隻, 唔係細細粒, 都屬正常SIZE, 食落真係幾有酒味, 呢個鮑魚唔錯
北海道燒帆立貝感覺好似滿滿醬料, 味道有少少似千島醬, 食味都唔錯! 不過略微放暖左先食, 如果熱辣辣既就更加正
刺身呢個係放題必叫既野食吧! 刺身係正正常常冇話有太大驚喜, 但一定要叫呢度既赤海蝦, 大大隻又有口感, 食落好實在! 希靈魚唔係間間都有, 有既我都會叫, 因為佢食落係爽口果個感覺其他魚係比唔到我
壽司叫左鰻魚, 蛋, 蝦, 同左口魚邊, 前者都冇咩大驚喜, 個人覺得可以留呢D胃口食呢款 - 左口魚邊, 呢個壽司真係不得不讚, 好有水準! 油香頗重但食落唔會覺得有好膩既感覺, 一啖一件岩岩好, 之後叫左左口魚邊好多次
海膽手卷真係必食, 唔使多講, 睇下幾多料就知喇! 我1個人食左幾個, 海膽都幾新鮮食落有少少甘香, 加上今日係平日又冇咩人排隊攞, 食完又去攞多幾件
芝麻雞翼新鮮熱辣送上, 感覺就好似即叫即炸, 味道岩岩好同埋米得好香口, 不知不覺都可以食到好多隻
呢個燒鰻魚都幾好食, 因為佢係熱食黎, 鰻魚好多汁但味道唔會好咸, 岩岩好
最後當然唔少得食返個甜品喇! 甜品區都幾多野簡, 我自己就比較中意奶類製品, 呢度既提拉米蘇唔算好重咖啡味, 本物最怕會好濃郁, 但吃落一D都唔會啊! 我幾中意, 同埋佢地個奶凍都幾濃厚嫁!! 中意食奶凍既人一定要試下!! 
呀~~~唔記得左我仲叫左呢個木瓜燕窩, 燕窩我就唔係幾食得到同見到, 不過呢個木瓜燉奶都幾香, 我食完之後格離枱個叔叔都話好香要order一個... hahaha......不知不覺就食左2個鐘, 野食方面真係好多選擇, 岩晒一家大細 / 同朋友黎, 大家都可以食得到自己中意既野食, 係個好好既聚腳點!
張貼
