段純貞牛肉麵 (如心廣場一期)

營業中

休息中

早排見到荃新天地開咗間大排長龍嘅台灣過江龍 —— 段純貞牛肉麵，身為foodie點可以錯過，即刻一齊嚟試吓佢咩料啦！.紅燒腱心半筋半腩牛肉麵 $88食牛肉麵最重要嘅梗係牛肉🥩啦！ 👩🏻就揀咗牛腱心半筋半腩牛肉麵，原來每隻牛只可以仍到五份牛腱心肉，相當矜貴，牛肉炆得軟腍又入味，而牛筋就相當彈牙，但又唔會好似普通牛筋咁難咬，好Q彈，有口感。牛腱心肉同牛筋分別都有兩至三嚿。.第二重要嘅一定係牛肉麵嘅湯頭🍲，湯頭絕對係牛肉麵嘅靈魂。一睇就知道段純貞嘅湯頭夠晒濃郁，睇介紹話用咗8-9個鐘長時間炮製，仲用咗23種唔同嘅中藥材熬製而成。老實講，中藥材味就唔算好濃，入口主要都係牛骨湯味，但就正合👩🏻心意，唔會太重中藥味。面頭有薄薄一層油脂，但入口都唔會好油膩，一啖湯、一啖牛肉、一啖麵咁，最後都飲咗半碗湯，你就知幾好味啦！.第三重要嘅就係麵條啦，客人可以揀手工麵或者幼麵，我哋就揀咗手工麵。本來以為佢會似刀削麵，但食落又有少少唔同，麵質都算幾有咬口，又幾掛湯，但就比刀削麵略為厚身，食到最後啲麵都唔會痴埋晒一嚿。雖然份量睇落較少，但女仔食都一定會飽肚。.滷水拼盤(牛肚、牛𦟌、滷蛋、豆乾、鮮菌) $78滷蛋係

啱啱開嗰陣都已經想試因為好掛住台灣嘅牛肉麵🥲仲要有機會嚟試吓，平時食飯時間經過都已經見好多人排隊。麻辣燉五花牛肉麵 諗住試吓麻辣味，湯底濃郁但麻辣味就冇咩，所以係唔辣。燉五花牛肉呢款係似一啲薄切嘅肥牛唔係平時食開台灣麵嘅燉牛肉。如果想食返厚切嘅牛肉應該叫返原味牛肉麵😋。叫咗手工麵，手工麵嘅口感的確唔錯好彈牙。鹽酥雞青花椒香手撕雞拌麵 淡淡嘅青花椒香，好多脆口嘅花生😋，令到成個面個口感好強勁🤣，撈埋食好惹味，手撕雞雞肉都嫩滑☺️。鹽酥雞認為鹽酥雞呢餐入面係令我最深刻，佢哋個味道唔會過咸平時食嗰啲真係太過濃味。而且每件雞件大小都啱啱好啖啖肉🥰。食台灣嘢當然唔少得叫番杯珍珠奶茶啦😋。.

朋友住荃灣，間中都會嚟食牛肉麵，呢日跟佢嚟食。餐廳環境乾淨舒服，座位間既距離都ok，食得好放心。我地一人點一個麵一杯野飲，再加份小食。喺店外排隊既時候已經揀好食原味牛肉麵，麵底揀咗粗麵。好鍾意個用唔同藥材熬製既湯底，飲落好香，但又唔會過咸。牛肉同menu張相一樣咁大塊，咬落肉質軟稔又入味👍🏻朋友鐘意食麻辣，所以揀咗麻辣牛肉幼麵。碗麵嗰湯底顏色好紅，朋友話麻味同辣味都好夠。因為牛肉係切簿片，麵又揀咗幼麵，所以吸晒啲麻辣汁，鐘意麻辣嘅朋友會覺得好過癮🤣。麵會附上一碟小酸菜，同牛肉麵好夾，所以直接倒入碗麵一齊食。小食食鹽酥雞，每一塊都大大件，仲有九層塔tim。雞塊咬落外脆內嫩，雞肉鮮美多汁，而且九層塔脆而不油，正！飲品叫咗胚芽奶茶同珍珠奶茶，珍珠口感Q軟，茶味唔會太濃，係台灣珍珠奶茶既味道。

中午有啲肚餓.. 咁啱好想食牛肉面..咁就揀咗如心廣場嘅段純貞牛肉麵..主打係系出台灣既正宗牛肉面…湯底 招牌/麻辣/蕃茄有三款選擇..麵質就可以揀手工面同埋幼麵..在配搭大致可以揀牛肉或者半筋半肉..今次呢我就揀咗番茄湯配半筋半肉配幼麵湯底非常香濃.. 食得出佢係用咗好多藥材去煲.. 加埋蕃茄個種微酸 又幾夾.. 幼麵非常掛湯... 好似每一啖面都有湯既味道…半筋半肉就有牛展加牛筋… 兩者都滷煮得岩岩好… 唔韌之餘又入味.. 响我心目中屬於一碗幾高分數既牛肉面…

今日係母親節周圍，都好多人等緊位，見到段純貞呢間牛肉麵平日都好多人等位，今日竟然少咗人，就即刻衝左入去試吓，等咗一陣我嘅拌麵就嚟到蒜香手撕雞乾拌麵$78成碗面材料非常之豐富，有大細唔同嘅花生粒同蔥，手工麵同啲醬汁好夾個口感好豐富，而且啲手工麵非常之彈牙，絕對同機製出黎好唔同小食方面我哋就帶咗唔辣嘅雞湯抄手$48，雞湯味好濃而且啲雲吞吸收晒雞湯嘅味道，雲吞皮好薄，雲吞一個字正滷水拼盤$78一個拼盤有五款小食，有鮮菌，滷蛋，豆乾，牛肚同埋牛展，所有材料都吸收晒啲滷水汁，味道好豐富最後叫左個三寶面（牛肚，牛筋，腱心）$92個牛肉湯湯底用咗好多種藥材同牛大骨來熬製，湯好香濃而且唔油膩，手工麵煙韌好有口感，牛腱心仲有啲筋好好味

來自台灣的過江龍段純貞牛肉麵😍是台灣有名的牛肉麵之一🤤牛骨湯底以23種配料熬煮而成，更以自家製作的手工麵作招徠😳這次小編到訪的是位於荃灣的店舖，是香港第一間分店🤣#麻辣嫩五花牛肉麵 $84五花牛肉油脂分布平均😳上菜時牛肉還沒有全熟，所以口感較軟腍🤤而且牛肉份量頗多😍湯底較麻，辣度尚算可以接受，不屬於太辣～小編點了手工麵🥰屬於寬麵條而且較厚，但口感頗彈牙～味道小評分：😋😋😋😋/5#青花椒香手撕雞乾拌麵 $78嚐過了湯麵便嚐嚐乾拌麵🤣拌麵添加了辣油，整體微辛並帶有淡淡的花椒香～手撕雞口感頗嫩，不會太乾，配搭脆花生增加了口感🤤味道小評分：😋😋😋😋/5#紅油抄手 $48上菜時小編還疑惑了一下🧐原來這是紅油抄手🤣頂部全部放滿了新鮮大豆芽，抄手原來全都放在了底部🤤整體不算太辣但味道頗濃厚，外皮不會太厚～味道小評分：😋😋😋😋/5#胚芽珍珠奶茶 $28較為健康的選擇🤣胚芽可以幫助消化～小編點了少甜，所以茶底味道會較突出，珍珠頗煙韌味道小評分：😋😋😋😋/5#香芋珍珠奶茶 $28另一款經典珍珠奶茶🧋香芋味較重同時帶有奶香～味道小評分：😋😋😋😋/5🌟喜歡的話可以Like & Follow, 有你的支持是小編

原味牛肉麵🍜 $84手工粗麵夠曬煙韌，麵厚薄有唔同薄邊掛到更多湯汁，係保持煙韌口感既同時麵都可以夠入味，比起機器麵更添風味😋湯好濃，牛大大件煮得又夠淋。青花椒香手撕雞乾伴麵🍜 $78大量炸黃豆，好似唔使錢咁落左好多，最緊要係優質有機長型黃豆，溏心蛋有d鋪淨係俾半隻，呢度係全隻，份量係好抵食！微辣，我地再溝左紅油抄手既辣油，不得不提跟餐既酸菜勁好食😋好開胃！紅油抄手🥟 $48比較辣好滋味😋香芋珍珠奶茶🧋 $28胚胎珍珠奶茶🧋 $28奶茶茶味出奶味夠平衝得好好，飲得出水吧有落心機！

🍜紅燒腱心半筋半肉牛肉麵 $88✔️湯底香濃不味精✔️腱心肉 肉軟腍而厚、唔韌，油脂分布一流👏🏼✔️筋位 好入味 ，腍又大舊✔️手工麵掛湯能力高、有口感-Tsuen Wan Taiwanese food-Signature dish: beef noodles-Rich non msg soup base -Tender n large pieces of meet-Worth revisiting!🥰鹽酥雞都好食大大嚿唔會好厚粉👏🏼打卡度Igable: 8/10美食度Taste: 9/10 翻兜度 Worth revisiting: 9/10

好既餐廳值得一食再食😎而台灣過江龍〈段純貞牛肉麵 〉就係其中一間款款麵食、小吃、飲品都好出色～超級🇹🇼食過返尋味😋木系古風裝潢令人有舒適感．📍原味牛肉麵 $84牛肉湯底以牛大骨熬足幾個小時製成～飲落非常順喉🍜 香口濃郁牛肉份量唔少啖啖肉而且濃郁嫩滑麵底分別有手工麵和細麵選擇食牛肉麵最襯粗身麵條手工麵條厚薄不均好有質感📍蒜香手撕雞乾拌麵 $78手撕雞份量又係十足無欺場雞肉非常入味又嫩滑麵底選擇左細麵作為乾拌麵超級掛汁撈勻各款配料之後唔會太乾配料有海量蒜片、脆花生、蒜蓉、蔥花仲有靚靚滷蛋一隻～層次豐富🤩啖啖都好有咬口而且醬料香氣四溢📍雞湯抄手 $48雞湯抄手呢個配搭特別$48 有六粒好抵食抄手有蝦有豬肉材料幾豐富皮薄餡靚🥰雞湯清甜📍香芋珍珠奶茶 $28📍胚芽珍珠奶茶 $28兩者都非常濃郁有奶香珍珠夠煙韌彈牙又夠冰凍～如果香芋味更突出就perfect 了

終於食到想食好耐嘅段純貞但估唔到失望而回🥲完全感受唔到台灣的味道🇹🇼˜”*°•紅燒腱心半筋半肉牛肉麵($88)🍜•°*”˜味道: 4/10可以選擇手工麵或者細麵本人鍾意實正麵條所以選擇咗前者腱心牛肉同手工麵係好食嘅但一切都比個湯頭破壞曬牛肉夠淋 筋同肉融為一體 好嫩冇渣手工麵厚度適中彈牙但係個湯真係鹹到一個點湯底鹹到另人提唔起勁一路食一路不自覺係咁講'好鹹呀' 講到埋單完全食唔到紅燒牛肉味/蔬菜味/藥材味/牛油香味/香料辣味腱心牛肉幾好食都救唔返(麻蒜湯底一樣結果)˜”*°•胚芽珍珠奶茶($28)🧋•°*”˜味道: 4/10眼見胚芽份量超少 飲落冇胚芽味茶重奶輕 偏苦 唔滑比例有點失衡珍珠好食嘅不過都係同個麵同一命運 救唔返p.s.可能個人偏心林東芳嗰種重牛油同藥材香嘅牛肉麵🐮🧈🪵🍜段純貞真心唔識欣賞🙇🏻‍♀️最後環境方面鋪頭有啲焗 唔夠冷氣仲有蚊一路食不斷飛好影響食慾

疫情間實在耐唔耐會好想食吓台灣／日本菜，好掛住台灣麵條嘅麵粉口感😭今日放工去荃灣搵屋企人放工，喺荃灣西鐵站落車，附近都有幾個商場，好多選擇。如心廣場聽就聽得多，但未去過，原來都有唔少餐廳選擇😯見到呢間段純貞，是台灣過江龍！！諗都無諗就入去試吓😋懷念一下台灣旅行嘅感覺餐牌內有好幾款牛肉麵：原味，經典，麻辣仲有青椒味.....好多選擇。餐牌仲介紹佢地既牛肉湯底用牛大骨淆製而成，我地揀咗一碗原味牛肉麵(手工麵)及一碗蒜香手撕雞乾拌麵(細麵)，麵條都好講究，有手工麵同細麵，手工麵好煙韌有咬口啱哂鍾意食有麵粉味既我，伴麵相當軟滑，牛肉相當淋身入味，伴麵材料豐富。另外加多個小食，台灣著名鹽酥雞～炸粉厚薄剛好，炸得好鬆軟。同2杯台式飲品～1杯珍珠奶茶，1杯香芋珍珠奶茶，質素同出邊手搖飲品差唔多，算唔錯👍🏻呢一餐都幾滿足，下次試埋佢既牛三寶湯麵先得🤤

成日見到人地去食呢間牛肉麵，小編都bookmark左好耐🤤 呢間來自台灣既過江龍人氣好高，暫時有三間分店😗 餐廳裝修簡約舒適，都算幾闊落架🥰 而且值得一提既係呢間分店既員工都好nice🤣🌟 原味牛肉麵($84)有手工麵同幼麵可以選擇，小編揀左比較特別既手工麵🍜 麵身較闊同大條，入口都幾有嚼口，係小編鐘意既質地🤩 湯底好香濃既牛肉湯味，飲完唔會好口渴嗰種，絕對唔係味精湯😚 而牛肉份量都有4舊左右，燉得好軟😋🌟 青花椒香手撕雞乾拌麵 ($78)拌面既麵身都係幼麵，而佢既料仲多過d麵🤣 雞肉食極都有，重點係肉質絕對唔會柴，非常嫩滑😋 而且調味都剛剛好配埋蔥花同花生碎真係一流🤩🌟 紅油抄手 ($48)一上檯差d唔認得佢係抄手🤣 因為有滿滿既芽菜舖係面頭🤣🤣🤣 醬汁微辣，麻香味十足🌶️ 而芽菜配埋抄手又可以解膩，口感更豐富🥰 非常推薦！🌟 珍珠奶茶/香芋珍珠奶茶 ($28)食台灣菜點可以無珍奶🧋呢度既飲品好貼心，可以選擇甜度😙 啱曬香港人既口味～ 而且珍珠都幾煙韌架☺️*另收加一服務費味道：🌕🌕🌕🌕🌗環境：🌕🌕🌕🌕🌑價錢：🌕🌕🌕🌕🌘

段純貞一直都係我愛店，每次去台灣旅行都要預留一餐去食段純貞，依加佢終於黎香港，我亦終於食到啦。🤤🌶紅油抄手 $48一來先比佢咁大碟野嚇親，因為上面鋪滿芽菜，芽菜夠曬爽口，配紅油辣汁非常開胃。抄手共有六隻，每隻份量都唔細，內餡亦夠曬足料。不得不讚下佢個紅油醬，夠香得黎帶微微麻辣，好正！🐮麻辣嫩五分牛肉麵 $84湯頭濃郁辣香味非常吸引，辣度偏多麻少辣。我揀左手工麵，麵偏厚身亦有咬口，飽足感十足。嫩牛肉真係好嫩，因為牛肉切得薄，所以嫌太生可以再用湯底再煮熟啲。牛肉肉味濃，口感嫩滑。🐥蒜香手撕雞乾拌麵 $78乾拌麵認真不錯，唔會太乾所以完全撈得均。除左蒜片外仲有好多脆花生撈麵，增加口感層次。手撕雞又夠多，雞肉味香但不會嚡。但個人亦為麻醬味太重，有少少蓋過蒜味，但仍然係好味之選。🧋胚芽珍珠奶茶 $28珍珠奶茶係好飲嘅，茶味香濃，珍珠亦香甜有咬口，只可惜我飲唔出胚芽味。🍹香芋珍珠奶茶 $28岩岩都講過佢珍珠同奶茶表現係唔錯嘅，但香芋奶茶就真係有改善空間，芋香味唔夠，只有色無味，就差少少啦。#荃灣美食#伏遊荃灣 📍段純貞牛肉麵 (荃灣)荃灣楊屋道8號如心廣場1期1樓105-107號舖

我一直都對牛肉麵有份執着,一直都想搵一間好似台灣嗰啲咁好味, 但都一直都搵唔到..其實春水堂已經係算好唔錯㗎啦, 但都覺得硬係爭少少, 啲牛肉都係有時都會老左d, 所以就再四出尋找真正好味既牛肉麵!見到段純貞開左我急不及待仆左黎試, 啲牛肉好好味, 好嫩, 終於比我搵到一間牛肉麵唔只係麵同埋湯底, 連牛肉都做到返台灣既感覺😭食完個刻好滿足!!!個滷水拼盤都好味但個牛肉麵係搶晒分😂

段純貞聽過好多次了，又講係過江龍好犀利甘琴日終於有機會一試 排隊係常態起碼預半粒鐘起.終於到我地了！入門前講明有時間限制，ok可以接受啊.然後一入座沒幾耐 睇緊menu 個姨姨就已經開始係度催落單選擇困難症睇menu困難程度可想然知 …講未睇完等多陣再落 然後個叔叔又黎問係咪落單 真心服務“好”咯 原本想飲杯野 後尾甘搞法都沒心情點 上菜都算快 點左個麻辣噶湯底 講真 沒必要咯 作為一個挺喜歡吃辣的人來說 哩個湯底都幾失望可能為左迎合大眾口味 辣小小 麻沒咩咯（食面配湯底飲噶我 回家路上嘴唇都仲辣緊 唔明）*嫩五花牛肉 並無覺得嫩 反而似鴨胸肉口感？？*豚肉鍋貼 幾健康但唔多推薦鐘意重口香口噶朋友鍋貼噶脆沒體現到 餡適合口味清淡噶朋友 *不過都推薦腱心牛肉面 牛味重 入口即化不過同等價錢我相信會有更多更好噶選擇 可一試 但有下次幾率就微d咯