段純貞牛肉麵 (如心廣場一期)

營業中

休息中

短短半年時間已經開咗三間分店嘅台灣過江龍段純貞👀，去開荃灣就試吓佢嘅人氣牛肉麵！⤑▫️原味牛肉麵 $ 84紅燒牛骨湯底沿用台灣秘方製作加上經過慢火熬製，真喺超濃厚😲！食落油而不膩果然喺主打🍜，麵類都可以選擇配搭刀切手工麵/細麵，鍾意有咬口嘅肥仔就挑選咗刀切手工麵，每條麵條都厚薄不均，煙韌有彈性非常吸收湯汁🤤，牛肉肉質軟腍，而且十分入味，同會附上一碟酸菜！⤑▫️蒜香手撕雞乾拌麵 $ 78幼麵更能掛上濃厚醬汁，蒜香味出眾🧄配料亦非常足料，雞絲份量極多食到個碗底都仲有大量😂，加上花生、香蔥炸蒜，同溏心蛋非常惹味，重口味首選！⤑▫️雞湯抄手 $ 48食咗兩款較濃味嘅麵，都喺叫碗清清地嘅雞湯抄手😆，雲吞皮都幾薄內裡紮實，一口一粒！⤑▫️香芋珍珠奶茶 $ 28香芋味幾香濃有啲似維記雪糕🤣，唔算太甜加上煙韌珍珠有驚喜！⤑▫️胚芽珍珠奶茶 $ 28奶茶比例唔錯夠順滑，彈牙珍珠配上香脆胚芽，口感更豐富🧋！

起荃灣試左段純貞😆餐廳裝修以木系古典風為主，環境夠晒光猛，叫左野食一陣，好快黎齊👍🏻店員好耐心甘解答我既問題，唔錯呀👌🏻1️⃣燉濃湯雞麵 $84依款燉濃湯雞麵😆我揀咗手工細麵～🥰黎到嘅時候見到勁大碗奶白色雞湯🤣多到連段純貞麵遮住左🥺雞湯飲落好鮮甜，味道岩岩好，無味精味感覺👍🏻👍🏻揀咗細麵可以吸到超多湯，手工細麵食落唔會淋，配埋隻黃油雞髀同埋一嚿雞件😛大大嚿雞髀🍗肉食落超滑超嫩口，有🐥既鮮味👌🏻2️⃣雞湯抄手 $48雞湯抄手比較少見🧐所以我無揀到紅油抄手，雞湯飲落清甜，其實味道同濃湯雞麵個個差唔多，抄手大大粒，皮夠薄餡靚，餡以蝦肉同埋豬肉為主，蝦肉食落爽口彈牙幾新鮮😚配埋鮮甜嘅雞湯😛推薦👍🏻3️⃣鹽酥雞 $48依款鹽酥雞嘅份量都幾多，鹽酥雞大細適中，炸皮唔會好厚，入邊嘅雞肉食落唔會乾身仲有少少汁😛調味方面偏向胡椒，唔會好咸👌🏻整體都唔錯，好有台灣嘅風味🥺

荃灣如心廣場係荃灣嘅新地標，呢度嘅商場又大又好行，而且四通八達，交通又方便，所以都有好多唔同嘅餐廳進駐。呢一間來自台灣嘅麵店，就喺如心廣場入面，交通便利，而且環境光猛座位舒服。餐牌做得都幾精美，食物款式多，除咗台灣牛肉麵，仲有牛肉嘅唔同部位可以揀，所以可以按住喜好去食唔同嘅牛肉麵。另外都有其他唔同款式嘅食物，又有台灣嘅飲品，感覺好多選擇。原味牛肉麵$84湯底用牛骨熬製，有牛嘅鮮甜味，唔會太鹹，牛肉選用來自美國嘅優質牛肉，有肉有筋口感一流。蒜香手撕雞乾拌麵$78入面有好多蒜頭，也有炸蒜，所以好香又好味。棉質好滑又彈牙，夏天食拌麵係一個幾好嘅選擇。新鮮豚肉鍋貼$48鍋貼皮薄餡大件，有豬肉也有椰菜嘅餡料好味，煎得夠香口。胚牙珍珠奶茶凍$28珍珠彈牙又有黑糖味，奶茶比較甜咗少少，欣賞餐廳用只飲管夠環保。荔枝乳酸飲料$28有汽又酸酸甜甜嘅開胃飲品。

🐂段純貞牛肉麵🍜 原味牛肉麵（$84）湯底勁濃有四川二十三香等藥材 口感香沉醇厚 😮牛腱心好淋好入味🤤呢款選左細麵個細麵好有驚喜 😳好彈性之餘口感幼滑👍🏻與湯頭間取得平衡麻辣嫩五花牛肉麵（$84）麻麻而不嗆而且好種花椒八角味😻 五花嫩牛分量好多 值得一讚係牛肉上枱時係半生 咁就唔會比熱辣辣湯浸到老晒👍🏻 牛肉十分嫩滑🤤配埋手工麵超煙韌重好長好大塊😹掛湯強 索到好多汁😋👍🏻鹽酥雞（$48）份量都不少 雞肉好嫩滑 唔會炸到好乾好厚香芋珍珠奶茶（$28）香芋味好似維記香芋雪糕糯米糍嘅味🤣珍珠煙韌荔枝乳酸飲料（$28）好fresh! 酸酸甜甜咁 入面仲有幾粒荔枝肉 好清甜值得一讚係姐姐服務好好好細心！

早前係如心廣場一期新開了台灣過江龍段貞牛肉麵剛時簡直係人潮擁擁，所以就冇排隊去食但前幾日經過下午時段只需要排幾個人就可入座就即刻要試一試一入座已經睇到段純貞牛肉麵烹調精粹的牌匾，一碗套用18餘小時才能做出的牛肉麵實在是令人期待▫️麻辣嫩五花牛肉麵第一次食牛肉麵係嫩五花牛肉，的確幾有趣，好似平時食越式牛肉麵一樣利用湯的熱力去浸熟牛肉所以口感特別嫩滑，另外特別配了手工麵，寬厚麵條掛湯力強好適合麻勁十足的麻辣湯底▫️蒜香手撕雞乾拌麵一上菜時真係有少少嚇親，因為配料多到形成了一個小山，滿滿的花生粒蔥粒蒜粒和雞絲，還有1隻剛剛好的溏心蛋，麵條彈牙，係唔錯的選擇▫️鹽酥雞同喺街邊食的相比，雞件較大件又唔會炸到好乾身，調味剛剛好不會過咸，係分數幾高的鹽酥雞另外，叫麵食會跟碟小酸菜，個酸菜超好食！因為麵食都係偏濃味以中間食一食酸菜真係好夾～

是但搵左間台灣餐廳食餐飯聚舊😬所以入左依間試試 點知係咁伏🥲 叫左香芋珍珠奶茶 完全係水溝紫色色素再加珍珠咁 😵‍💫 我叫左個雞絲拌麵 好普通唔算難食我朋友叫左麻辣五花牛肉細麵 個湯較苦既藥材味完全蓋過左辣味 食到一半都放棄了另外兩個係牛肉麵一個係手工麵一個係細麵味道普通選擇細麵既份量係會飽肚 但手工麵既份量好小好似得5條麵咁另外加左個拼盤味道ok既 但份量算小4人嚟講😬總結： 最後賣單$576唔太值依個價😬亦都唔會再食

經常都見有十數人排隊, 見網上食評不錯, 的起心肝來排一次試吓, 平日的晚上七時許, 等左15分鐘左近有位. 第一次食, 點了最多人叫的招牌紅燒腱心牛肉麵和三寶麵, 腱心牛肉非常軟腍, 口感不錯, 三寶麵有少許辣, 腱心、牛肚和牛筋各一件. 但有一樣令我不解的是紅燒腱心牛肉麵有三件腱心牛肉, 但比起三寶麵的那三件牛, 大小和厚度都小了一半有多, 價錢只相差 $8, 感覺很不值. 而粗麵的麵身太厚, 像食粉餅的感覺, 還是幼麵才有食麵 feel. 另外亦點了鹽酥雞、雞湯抄手、豚肉窩貼. 鹽酥雞外皮炸得很鬆化, 口感不錯, 但雞肉同樣鬆化得像粉的感覺, 不太實在.  雞湯抄手的雲吞都算合格, 豚肉窩貼就麻麻地. 飲品叫了胚芽珍珠奶茶, 這個毫無珍奶味. 總的來說腱心牛肉確有驚喜, 其他就不過不失, 有機會會再試埋紅燒牛肉(牛碾)麵 /濃湯雞麵/酥炸排骨麵.

荃灣都有唔少台式餐廳，今日揀咗段純貞😌 段純貞係一間台灣嘅過江龍，喺銅鑼灣同埋將軍澳都有分店～裝修用咗木色做主調，連隔板都有match返成個主題👍🏻 今次同樣揀咗一個湯麵同一個拌麵～•🥢 麻辣嫩五花牛肉麵 $84湯麵可以揀手工麵/細麵，我哋揀咗手工麵，餐牌介紹手工麵係由麵團反覆延壓維持韌性，食落都真係幾有咬口，雖然麵條厚薄不一，但唔會有啲太硬/淋，反而可以掛到多啲湯；一上枱係生牛肉，靠熱湯整熟啲，牛肉份量唔少，而且好嫩、好滑👍🏻 但麻辣湯嘅辣味遮咗牛肉味😢•🥢 青花椒香手撕雞乾拌麵 $78蔥同花生多到鋪滿咗成個碗，花生係炸到好脆，好好食😍 撈勻之後花椒香味好香濃，幾鍾意佢拌麵入面都有少少湯汁，咁食到底都唔會太乾！手撕雞有調味，份量好多，撈埋花椒等配料好惹味～•🥢 雞湯抄手 $48一份有6粒，抄手係胡椒豬肉餡，肉幾結實，皮薄👍🏻 但蝦應該混合咗喺豬肉餡，唔係幾食到；雞湯幾濃，同抄手都夾嘅～•🥢 胚芽珍珠奶茶 $28平時覺得台式餐廳嘅飲品都爭少少，但呢間嘅胚芽珍珠奶茶都可以一試，飲落有明顯黑糖味同茶味，珍珠有咬口，不過就偏甜咗少少。•🥢 荔枝乳酸飲料 $28普通啲乳酸飲品+荔枝，有兩粒荔枝

好耐冇去過台灣旅行，好懷念台式風味！今次就去咗荃灣如心廣場「段純貞」台式餐廳回味一番台灣好味道😋🔸青花椒香手撕雞乾拌麵好香花生味，手撕雞雞肉整得條條分明，容易咬同入味。🔹原味牛肉麵湯底色香牛味好濃，今次試咗手工麵（粗麵），比較彈牙同有咬感。如果鍾意更加入味嘅朋友可以揀幼麵，食落會更加幼滑。🔸鹽酥雞呢個好正，雞粒唔會太大舊， size啱啱好，而且炸得好脆口但唔會太油膩嘅感覺，I like it!🔹香芋珍珠奶茶 呢杯香芋味較濃同相比杯芽嗰杯較甜，香芋味重。🔸胚芽珍珠奶茶 呢杯茶香味特別濃，配淡淡甜味，鍾意茶香味濃嘅朋友推薦呢杯。

台灣過江龍牛肉麵 必食既竟然係....✅段純貞前幾日同媽媽行完街去醫肚食晚餐就揀左呢間過江龍牛肉麵係台灣好似好出名 但去過幾次台灣都冇試過佢地係以牛大骨熬煮牛肉湯底別有一番風味👍🏻咁我就揀左個麻辣既牛肉麵 同一個乾拌麵試下😝🔆麻辣嫩五花牛肉麵 $84佢個花椒味超強勁 未食就已經聞到！見到好多紅油係面 感覺好似好辣咁🤣食落辣度係有既 但就真係偏向麻多啲 係脷尖比較麻 鐘意食麻辣既應該會幾鐘意👍🏻不過食食下個湯底都有啲重口味 會比較咸🤔我哋轉左手工麵 姐係比較闊既麵條感覺就好似係刀削麵既質地比較掛湯👍🏻 推薦大家都轉呢款麵質！牛肉方面既份量都算多一上枱係生牛肉 靠個湯浸熟佢 又真係好似食生牛河咁 啲肉質都好嫩滑👍🏻👍🏻整體上唔錯 不過麻辣就搶哂原本牛肉湯既鮮味今次就未能夠試清佢個牛肉湯底了所以建議大家都係揀返紅燒同原味啦味道: 3.5/5賣相: 3.3/5🔆青花椒香手撕雞乾拌麵 $78呢個乾拌麵有驚喜！以為平平無奇點知佢比我想像中好食 覺得大家黎到必點！🌸見到圖就知啲手撕雞多到成座山咁仲有一隻溏心蛋 麵質冇得選擇 係幼麵 大概拌麵都係同幼麵比較適合🤣佢個味道好特別 有少少花椒既香

上年開將至今，一直也想試試；不過每次途經也見滿滿人潮而放棄。是日J先生提議去試人氣過江龍之段純真牛肉麵因時間尚早…只有數名客人等位獨門23種香料製作湯底配上幼麵J先生：香濃湯底帶辣牛肉麵湯底濃郁牛味；腱心肉比平時牛腩多了些筋位，入口軟腍帶點膠質厚薄不均的手工麵是為了能吸入更多湯底；麵質帶有韌性飲了一口；檸檬清香配上薏米嚼口鍋貼煎到外層焦香，內裡保留著肉質鮮嫩而帶少許肉汁J先生話：味道一般！段鈍貞 總結：值得一試！

叫左寫住必食的01三寶麵，揀左粗麵同叫左杯胚芽珍珠奶茶。珍珠奶茶好快到左，飲落有少少偏甜同重奶味，d珍珠好q彈，但茶味唔算太出，如果可以甜味降低少少，帶返出茶味就好啦。主菜牛肉麵，先飲啖湯，好濃醬油味，同埋有薑蔥爆香的味道，相當香濃。但同時食種香濃令人食到一半時有種味覺麻痺的感覺，濃味到要咬多2下麵中和返，變相好快飽。而主角的3款肉，牛肚正常有彈性，牛根正常軟熟，牛肉好食！牛肉要讚，唔記得佢係邊個部位，但有肉得黎有根位，軟熟得黎有張力，同埋都幾大塊，一碗有2塊係開心的。正體偏咸，重口味，如果再食會試蕃茄底，感覺清新d同埋可以只食牛肉，留肚細心品嚐❤️

疫情咁耐，好耐冇食過台灣牛肉麵😜台灣過江龍段純貞係荃灣開咗第一間海外分店，今日終於有時間去食😜餐廳以卡位為主，而裝修帶少許中國風，簡單而令人舒適~✨ 招牌紅燒腱心牛肉麵餐廳沿用台灣總秘方製作，湯底非常濃郁，以牛大骨同多種藥材製成，味道帶點藥膳香，愈食愈過癒呢款麵推薦選幼麵，非常掛湯，可以吸收湯底精華~腱心入口軟嫩無比，咬落Q 多汁😜果然係招牌菜✨ 麻辣嫩五花肉牛肉麵推薦！沒想到麻辣做得咁出色😜有四川風味~辣中帶微麻，非常過癒！呢款我就覺得揀粗都最岩，有啲似刀削麵，口感嚼勁而且滑溜配嫩五花肉係絕配，五花肉約6,7成熟，睇個樣好生，原來食落非常嫩滑，有啲似越南嘅生牛肉✨紅油炒手雲吞大約4,5件， 紅油炒手完全唔辣，如果辣度強啲會更好，另外， 芽菜分量非常多，芽菜係生芽菜，爽口，但唔太掛汁✨ 珍珠奶茶珍珠奶茶要咗少冰少甜， 可能係因為珍珠所以都係偏偏，珍珠夠煙韌彈牙，奶茶茶味香濃順滑，怕甜嘅朋友記得小甜✨ 香芋珍珠奶茶份量都真係幾大杯，香芋味似香芋雪糕😆帶微甜反而香芋味重，而小咗奶茶茶香，整體都唔錯！段純貞牛肉麵🌟荃灣楊屋道8號如心廣場1期1樓105-107號舖

平日接近兩點同屋企人嚟到餐廳坐滿人 仲有唔少人排隊😳如果想食嘅 可能就要預番一啲時間排隊😚等候期間侍應俾咗餐牌我哋睇排隊揀定食咩先 咁坐低就可以直接落單😙我哋最後叫咗2碗麵🐮🍜1個小食同2杯飲品🧋✨原味牛肉麵(💰$84)每碗麵都可以揀要手工粗麵/幼麵 今次就叫咗粗麵 咬落幾煙韌彈牙👍🏼幾有咬口 又可以掛到唔少湯😆至於牛肉食落入口軟腍 幾入味 唔錯🤤而湯底就比較重口味 充滿鹹香味✨麻辣嫩五花牛肉麵(💰$84)同上面個碗一樣都係要咗粗麵😗上枱時 啲簿片牛肉係帶點啲粉嫩但浸番係啲熱湯就好快熟 食落都幾嫩滑嫁😆至於湯底就偏麻少辣 如果可以辣啲就好😌✨細碟酸菜每碗麵都會配一細碟嘅酸菜食落幾爽脆 又唔會太酸 啱晒配麵食🤓✨鹽酥雞(💰$48)每件鹽酥雞都好大舊🤩🤩食落酥脆 又唔會好乾 帶啲肉汁而且調味啱啱好 唔會好鹹😋✨胚芽珍珠奶茶 & 香芋珍珠奶茶(各💰$28)食台灣嘢就梗係唔少得珍珠奶茶飲落幾香茶味 而珍珠就夠煙韌彈牙😙我哋就比較鍾意香芋嗰杯多啲😝另外餐廳係俾紙飲管嘅 咁就環保啲♻️最後食到好飽 好滿足😆😆😆

台灣過江龍牛肉麵，台北台中台南高雄桃園都有分店，台灣就未試過，試左香港個間先，遲啲有得旅行先試台灣店😋原味牛肉麵 🐂小妹平時少食牛肉麵，不過都想試下～湯底係濃郁既，牛肉都有四、五件，肉質又淋又滑，有啲帶少少軟筯。揀左配手工麵，麵係粗身既，賣點係厚薄不均可以吸多啲湯。配埋酸菜，幾開胃😃HKD84蒜香手撕雞乾伴麵（含花生）🐥乾伴麵用細麵做底，上面放有海量雞絲蔥花蒜片脆黑豆乾，堆到成座山咁好大碗，仲有一隻流心蛋！醬汁係淺色的蒜香汁，蒜片經過處理，同埋冇生蒜，食完都唔會囗臭，怕食蒜香會口臭既朋友唔洗驚喇😆HKD78鹽酥雞 🐤食台灣野好多時都會諗起鹽酥雞，所以忍唔住叫左份。炸皮同平時係街食既炸大雞扒個啲炸皮好似，夠脆，雞肉keep到嫩滑唔鞋，調味就偏向胡椒啲既。份量都唔少，有八件，二人食就有啲多🤣HKD48胚芽珍珠奶茶 奶茶甜度適中，茶味較淡，飲完應該唔會瞓唔著。少少胚芽係個面度。珍珠煙韌有咬口～HKD28香芋珍珠奶茶似香芋珍珠奶，淡淡香芋味，甜度適中。珍珠煙韌有咬口～HKD28