段純貞牛肉麵 (如心廣場一期)

營業中

休息中

台灣菜式係我擁躉之一，今次喺荃灣嘅一間台式餐廳試新野😌😌😌叫咗兩個餐，包括青椒手撕雞肉乾拌麵、原味牛肉麵，再加一個小食就係鹽酥雞!!!•🍀青椒花生手撕雞肉乾拌麵首先我想講佢嘅份量真係好勁😵😵😵😵好足料，啲雞肉係多到一個點🤣🤣🤣👍🏻👍🏻👍🏻👍🏻鍾意食辣嘅呢個係一個非常好嘅選擇，個人覺得好入味，再加上花生同埋脆豆嘅配合，好夾👍🏻👍🏻•🍀原味牛肉麵湯底夠濃，有得揀粗麵同埋幼麵，揀咗粗麵～牛肉夠淋👍🏻•🍀鹽酥雞通常去到每一間台式餐廳幾乎都一定會點鹽酥雞，一直都好想搵返台灣嘅味道🥺今次嘅鹽酥雞比較特色嘅地方係佢嘅雞件比較大同埋滑口～由於叫咗三樣嘢已經夠晒飽，決定下次返去試其他小食😎😎😎

過江龍台灣牛肉麵段純貞，成日都好想食，今日早放工，終於可以品嘗佢哋嘅牛肉麵 ⭐原味牛肉麵牛肉麵湯底用牛大骨獨門湯底餚製，麵質可以揀手工麵或細麵，我選擇左手工麵，佢嘅厚身麵條可以吸收好多湯底嘅味道，特別入味，而且牛肉附有點牛筋係邊位，又淋身又好味😋 ⭐青花椒香手撕雞乾拌麵手撕雞幼滑，青花椒又香，混合後拌麵好惹味😍 ⭐紅油抄手有豬肉同蝦肉嘅雲吞配上芽菜蔥花，加上點點麻辣更加開胃🥰 ⭐香芋珍珠奶茶⭐胚芽珍珠奶茶兩款珍珠奶茶都有大大粒珍珠，配香芋同胚芽都咁好飲😋

段純貞喺香港已經開咗排但係人氣就無減退過每間分店次次都好多人今次襯喺荃灣做完gym 2點幾3點竟然有位！就即刻衝入去原味牛肉麵 $84佢哋嘅麵仲有得揀幼定粗我就揀咗粗嘅手工麵個湯頭相信大家睇到個色澤都feel到唔野少事實係飲落真係好濃郁仲有微微嘅酒香味，唔知我有冇飲錯xd牛肉雖然我唔係揀半筋半肉但係牛肉嘅質素都好高每一舊都有少少筋癡住將入口即化嘅肉質更加提升咗質感仲有一小碟微辣嘅菜圃，減低咗油膩感新鮮豚肉鍋貼 $48哎呀，呢個都真係有驚喜雖然係鍋貼，但佢個皮一啲都唔厚仲煎到好香口添鍋貼入面嘅餡料都好夾啖啖肉，啖啖菜，好多汁我一個人啪哂5粒仲叫咗個胚芽珍珠奶茶珍珠煙韌，奶茶味香過江龍黎講，呢間都算幾高質價格亦算合理

過江龍台灣牛肉麵（段純貞）經過荃灣分店見到得幾條友排隊，見人少，去排隊睇吓係唔係人地所講咁好味。紅燒半筋半肉（手工麵）$881️⃣先講湯底有少少藥材味，唔太濃2️⃣手工麵係闊麵，好煙韌（Q彈）3️⃣有3舊肉，1舊筋，有輕微牛味不過份量有啲少▶️除左有手工麵揀，仲有細麵紅油炒手1️⃣唔食得辣既人唔好叫，辣既程度大約譚仔小辣2️⃣雲吞皮太厚，辣味遮蓋雲吞餡既鮮味▶️不推薦，唔洗叫蒜香手斯雞拌麵1️⃣撈麵有啲乾2️⃣雞肉有少少鞋3️⃣糖芯蛋正常▶️冇得揀拌手工麵整體來講，好普通，冇咩人排隊可以去試，叫牛肉麵會穩陣啲。臨走時見到人地食酥炸排骨麵幾吸引，炸到好金黃色，好似好juicy。

和好友在荃灣覓食，又揀再訪段純貞牛肉麵啦🐮🍜👍🏻😋太正，食過返尋味❤️🌈◾ 主食📌青花椒香手撕雞乾拌麵🐔🍜(含花生) $78拌麵係固定使用細麵，拌汁能力極高🤩，香濃！配合滿滿配料，例如雞絲、花生🥜、黃豆，蔥花和滷蛋等⋯📌原味牛肉麵 🐮🍜$84揀了刀切手工粗麵，口感有嚼勁，湯底獨門秘方，滋味濃郁，醇厚香濃，好喝到嫑嫑😋😋牛肉則一如既往的香和腍👍🏻👍🏻👍🏻👍🏻◾ 小食📌紅油抄手🌶🥟$48相當高質，上面鋪滿涼拌豆芽，灑上香脆炸黃豆，下方雲吞粒粒飽滿◾ 飲品📌胚芽珍珠奶茶🧋$28奶茶順滑香濃，珍珠彈牙，胚芽香脆👍🏻📌荔枝乳酸飲料🍹$28冰爽清涼，酸酸甜甜，有兩大粒荔枝肉😋

適逢今日同奶奶行吓街，當然要帶佢食好嘢啦！見到段純貞就忍唔到入去，一於征服台灣牛肉麵😋餐廳坐位相當闊落，燈光夠哂光猛🤩由於奶奶好怕牛羶味，我哋就分別嗌咗兩款唔同嘅麵食！每款麵食都會配一小碟酸菜，酸菜入口爽脆，又唔會太酸，亦唔會嗱喉，越食超開胃，完全上癮！🔸三寶麵分別腱心、牛肚、牛筋，配料十足👍🏻腱心肉燉得好軟腍，完全無牛羶味，我忍唔住叫咗我奶奶淺嘗一口，佢食完都話好好食，完全唔抗拒，而且味道夠濃💯牛筋勁大條，有我三隻手指加埋咁粗😆肉質夠爽口又夠腍，彈牙又唔靭，簡直係一食難忘😍湯頭芳香撲鼻，帶有少少輕微嘅藥材味，飲落夠順口，又唔油膩，正👍🏻但如果湯頭可以再辣多少少，紅燒味道嘅感覺會再突出啲！粗麵口感適中，又唔會過硬或過腍，煮得啱啱好！🔹燉濃湯雞麵奶白色嘅湯頭，配上一隻黃油雞髀同一件厚雞件，未食已經令人垂涎欲滴🤤湯頭夠哂清甜，飲完後覺得喉嚨好滋潤！雞髀夠哂嫩滑，我奶奶讚隻雞髀唔會有雪味，食得出雞嘅鮮味，唔錯😊🔶滷水拼盤（牛肚/牛𦟌/滷蛋/豆干/鮮菌）牛𦟌夠腍，牛肚咬落好爽口，牛味十足！滷蛋係屬於溏心蛋，入口好滑，而且蛋汁流入口中，好香！豆干同杏鮑菇索哂滷水汁，夠哂入味！🔺冬瓜薏仁檸檬特飲入

上次一開衝左去食，當然食過返尋味😂😂比佢既三寶面驚艷到，今次梗係要再試😆今次帶媽咪黎食，我照叫三寶面☺️☺️當然無令人失望，份量照舊足料，牛肚好軟化，入口即溶🤪🤪牛筋好有骨膠原感😆😆又係好軟加少爽口，腱心就平時較少食，但都好入味，好鬆軟😋😋大大塊，仲有好多塊，可以同人一齊share😋😋😚牛湯底好香濃，無落味精既感覺，真係令人欲罷不能🤩🤩其次，上次既濃湯雞面都好正🥰🥰所以今次都叫返🤪🤪最正係湯底，好濃雞湯味，老火淆成的感覺，重點當然係大大舊雞髀🍗仲有滑嘟嘟既口感，如果想要唔同款一齊share，😚😚叫濃湯雞面係唔錯既選擇上次食左炸雞🍗做小食，今次叫左好吸引既滷水拼盤！🤗🤗由於好想試唔同小食，咁食拼盤就岩哂啦，有滷水豆腐、糖心蛋、大香菇、牛肚同腱心🤗🤗小食份量十足，每款有四塊左右😋😋最後，配埋荔枝乳酸特飲，感覺清新，又解渴，仲有兩粒真荔枝果肉🤩🤩

今日黎左呢到食台灣野呢到新開 而且仲係台灣名店 食之前都有D 期待首先叫左個滷水拼盤 一次滿足曬幾個願意望滷水汁好好味 唔係一味死鹹 食到其他既香味 材料都食得出滷左好耐 入曬味 隻溫泉蛋仲係流心架面就叫左兩款一款係出名既紅燒牛肉面。個湯底好濃味 牛就好腍好滑 我地叫左手工面 原來係好粗好大塊既面 好掛湯 好好味另一個叫左雞湯面 雞有好大隻雞脾 同埋其他雞既部分 個白湯 又唔同頭先 呢個有濃濃既雞湯味 無頭先口味咁重 至於雞都一樣係好滑 最後就係叫左兩杯野飲其中一係檸檬惹米 好解渴 惹米檸檬都好足料 飲埋就超滿足喇

今日終於有機會閒日放假，同朋友黎到呢一間非常出名既過江龍餐廳試下佢d牛肉面!一打開餐牌，發現佢牛肉麵都分左好多款，而除左牛肉麵之外，仲有雞湯面，拌麵，同好多唔同類型既小食！我同朋友就每人叫左一款面，同埋小食。因為牛肉面類通常比較重口味，所以我地每人再叫多杯荔枝梳打解下渴不過就略嫌杯荔枝梳打唔夠多冰，但係職員知道咗之後都立刻俾咗啲冰我哋加落去，非常貼心。率先上枱嘅係滷水小食拼盤，入面有牛展，滷水蛋，滷水豆腐，牛肚同埋雞髀菇。個拼盤整得非常熱，而且滷水汁亦都好入味，款式種類亦都好多，我同朋友每人都起碼可以食到每款兩件。跟住就係重頭戲牛肉麵啦，朋友就叫咗最經典嘅紅燒半筋半肉面，我試咗一次個湯頭，非常濃郁。啲朋友揀咗呢度特有嘅手打闊面，我都試咗一條，真係好彈牙同埋好掛湯，如果食牛肉麵嘅朋友我都會建議揀呢一款。牛肉我就冇試，不過朋友話好好食，尤其是牛筋。軟硬適中亦都吸晒湯入面嘅花椒八角味。而我因為今日唔想食太重口味嘅嘢，所以就叫咗呢一碗雞腿湯麵，估唔到反而好有驚喜。我揀嘅係幼面，但係個面身唔會太過淋，加埋雞湯一齊食好香。值得一提既係個雞髀肉質好滑嫩，雞髀入面既雞油一直滲落碗湯度，加埋d麵一齊食真

逛荃灣如心廣場行到下午2點幾有些餓。我們點左麻辣蒜味腱心半筋半肉手工麵 $88，有牛腱心、牛筋。麻辣味濃，手工麵煙韌，牛肉腍滑夠入味，真美味。👍👍👍招牌紅燒腱心牛肉手工麵$84，湯底味香濃，牛腱心入口即溶，真唔錯。滷水拼盤$78，有牛𦟌、牛肚、滷水蛋、豆腐乾、雞肶菇⋯材料豐富，味道不錯。冬瓜薏仁檸檬特飲$30，少甜的冬瓜茶加檸檬🍋，酸酸地又甜甜地，味道好岩。金橘蜂蜜綠茶$28，味道清香少少甜。段純貞地址：荃灣楊屋道8號如心廣場1期1樓105-107號舖

日忙夜忙終於放假🥴 真係好想去旅行出走一下！唯有出去行下周圍覓食 食個靚lunch黎到荃灣 竟然俾我揾到 有台灣味道ge段純貞！兩個人一人一碗麵我叫左 推介ge 燉濃湯雞麵真係有大大隻雞腿ga🤩🤤D湯好濃好香 重點係 冇 油 ！ 食晒個麵仲想飲晒d湯🤤仲叫左碗三寶麵😍包括牛肚，牛筋同腱心~大大碗又多料~ 好豐富🤤配上自家製手工麵麵條寬得黎食落好實在~再來一個滷水拼盤！一次過食晒幾款滷水小食最正係鮮菌~ 真係好入味！今餐食左個豐富得黎 又好有台灣風味ge lunch~

仲記得第一次去台灣，食嘅第一餐，就係段純貞牛肉麵，對我黎講真係充滿回憶🤣得知段純貞開咗黎香港，即刻黎搵返初初去台灣嘅感覺，裝修同台灣店都有幾分相似😚• 麻辣蒜味腱心半筋半肉麵 $88一見到Menu有麻辣😯愛辣之人諗都唔洗諗啦下化😎湯底望落都幾紅，飲落真係偏辣同重口味，幾鐘意依種刺激感，無論牛筋定牛肉都煮得超軟淋🤤麵條可選手工麵或幼麵，手工麵即係粗麵，闊身大塊有咬口嘅，不過掛湯力就略嫌不足😗• 招牌紅燒腱心牛肉麵 $84超鐘意湯底嗰種淡淡嘅藥材味，比起麻辣口味更能夠突顯原本牛湯嘅優點，各有出色嘅地方‼️麵條方面依碗我哋揀咗幼麵，煮得較為軟身，口感比手工麵清爽，而且更加吸湯😚• 鹵水拼盤 $78拼盤中包括咗牛肚、牛𦟌、滷蛋、豆干同鮮菌，除咗滷蛋之外其他都幾入味，鮮菌即係台灣小食中常用嘅杏鮑菇😉• 冷泡凍頂烏龍茶 $30烏龍茶係用個玻璃樽仔裝住，茶味特別甘香，用嚟解辣好唔錯😌• 荔枝乳酸飲料 $28酸甜清爽，荔枝味都好自然😉

呢個舖頭名絕都係我選擇呢度嘅原因，段純貞——聽起來好似武功好高強咁，好有氣勢喺如心廣場搵嘢食，喺水牌見到呢個名就決定要嚟呢度，嚟嘅時候唔係好多人唔使等位，舖頭好新，地方闊落好坐，十分乾淨。橫樑上掛住一幅字畫，講咗呢間舖頭嘅由來同埋製造食物嘅過程。原來創始人本身係四川人後來去咗台灣發展，可能係咁嘅原因佢嘅味道同我食開嘅台灣牛肉麵好唔同。我食嘅係三寶粗麵，有牛展、牛筋、牛肚。個湯10分濃郁，好深色，有啲似肉骨茶咁。問題係個粗麵實在太。硬。啦。吸收唔到啲湯汁，咬到好攰。另一碗係基本牛肉麵，因為係台灣麵（中等粗度）冇咁硬，所以覺得好食啲。另外仲叫咗雞湯抄手（張相係食咗兩粒先記得影）呢個真係冇乜特別，同埋用個碟來裝，好難飲到啲雞湯，如果用個湯碗會好啲。香港近來越來越多台灣牛肉麵店，自己一直都好鍾意程班長，但始終喺工廠大廈入邊，好似食快餐咁好快食完就要走。呢間嘅辨識度非常高，食一次就一定唔會唔記得佢嘅味道，但係呢個派別唔係好啱我，但相信有好多人都鍾意，因為佢門口預咗兩條俾人排隊嘅地方，旺嘅時間一定好多人等位啦。

有同事係咁推介我試呢間牛肉麵，話呢間係佢係香港心目中牛肉麵no.1😂 今日終於有機會黎試✌️我叫左個招牌紅燒腱心牛肉細麵同一杯荔枝乳酸少冰，朋友叫咗個麻辣蒜味腱心半筋半肉細麵走蔥同冷泡凍頂烏龍茶，另外仲加左個滷水拼盤share～我既紅燒湯底非常濃郁！😍 香濃既藥材味帶啲牛油香同埋好輕微既辣，有三大舊牛腱心，件件都好淋好滑好入味！🤤🤤喺我影相嘅途中細麵已經索曬個湯底😂 變得更入味更好食，細麵掛晒啲湯汁超正👍👍荔枝乳酸記得叫少冰但唔記得咗叫小甜🙈 所以偏甜左啲，不過荔枝味夠濃郁～朋友既麻辣蒜味湯底好似一個麻辣火鍋湯底濃縮版，一黎到聞到超勁麻辣味😂 佢話食落好香，唔算非常辣，牛筋，腱心同牛肉都好夠淋，完全唔會痴牙😂鹵水拼盤有五樣配料，全部都好入味😋蛋黃仲係流心既添！呢個拼盤可以試埋碗麵裏面冇嘅牛肚同牛展👏 我平時唔中意食牛展，但呢度都整得好淋好薄好好食😍 牛肚都好爽口～朋友既冷泡茶包裝好靚😁 佢話飲落唔會好澀但係有啲回甘，幾好飲👍👍同事果然無介紹錯😊😊呢度既牛肉麵真係超好食！解到下想去台灣旅行既癮，好滿足！😆

這間位於如心廣場內的台式麵店，主要以牛肉麵及多款小食飲品為主。三寶手工麵手工麵很粗，大約1.5-2cm粗，麵質有咬口，腱心炆至肉質鬆化，牛肉味濃郁；牛肚夠腍；牛筋入口溶化，筋位膠質豐富，湯底充滿牛骨香味，帶點紅燒汁惹味。燉濃湯雞細麵幼麵較爽滑，每啖都有濃香鮮雞味，飲完都唔會口渴，應該用鮮雞熬煮，完全無落味精，雞比嫩滑，份量十足。滷水拼盤拼盤滷得入味亦不會過咸，牛肚及牛𦟌夠腍；滷蛋帶溏心狀；豆干入味又夠滑。荔枝乳酸特飲&冬瓜薏仁檸檬特飲前者酸甜開胃，後者清爽又有點茶香。