正潮樓 (富通大廈)

營業中

休息中

接老公放工後去左灣仔一頭搵食，行下行下黎左近地鐵站既呢間「正潮樓」。咁啱老公話凍凍地想食蠔仔粥🍲所以就入左去~多數潮州菜舖頭都少不必有D舊或者唔太乾淨😅，但呢間好在完全冇呢個感覺，好光猛乾淨✨，係外面都見到佢廚房添。咁樣都食得安心D🍵。坐低一睇menu，發現佢真係好多款式，好驚喜連粿都有好多款!!! 😍因為我想食粿，所以個蠔仔粥變左叫左一客，咁樣兩樣都可以食。不過佢既一客都好大份，我同老公都每人食左兩碗😛除左必食蠔仔粥之外我地叫半份鵝肝🦢，雖然有D唔夠喉…不過呢D都係只能少食多滋味🤭。半份有4大塊都好合理，而且都幾厚切。而且佢好乾淨，冇咩「騷味」，同埋個鹵水汗底好香😚~豆腐都好食。另外一個驚喜係個蕃薯苗🥬🥦，好大碟而且真係全苗! 平時自己煮都唔會咁好心機「西」走D莖呀咁😏，但竟然出黎食飯反而有餐廳咁有心機處理D菜，而且佢用豬油炒得好香，亦有D豬肉片，多一份口感🐷脆皮九肚魚🐟就用炒漿包住炸，所以冇咁易爛，不過個人就鍾意包生粉炸好食D😬另外一提，除左a la carte之外佢都有2人套餐，不過下次先試啦，今晚食得太飽，飽到連甜水都食唔落😛👏🏼

灣仔嘅潮州菜館正潮樓，佢哋做嘅係經典潮洲菜，用料夠新鮮。魚露浸花蛤：係正潮樓嘅生醃菜之一，味道極為鮮美，花蛤又夠大隻，肉厚飽滿，加埋用魚露、蒜、醬油、辣椒等配料嘅醬汁，就更能突出花蛤嘅鮮味。糖醋煎伊麵又名為兩面黃，係潮洲其中一款經典嘅麵食，將兩邊煎至金黃色，令其口感酥脆，而麵身則留有水份，所以食到外脆內軟嘅口感，而味道口味就因人而異，可自行加添砂糖或陳醋，食嘅時候仲有麵本身嘅蛋香，口感味道都好有潮式嘅風味。蝦棗拼蟹棗蝦棗用嘅係新鮮蝦肉所做，蟹棗就用新鮮嘅蟹肉，而前者會打到起膠，再裏粉下鍋油炸，而後者就炸完仍能見到一絲絲嘅蟹肉，鮮味十足，配埋秘製潮洲桔油，味道清甜，有效減低蝦棗蟹棗所帶嘅油膩感。金瓜五谷羹：金瓜意指南瓜，五谷就係粟米、綠豆、茨實、小麥、薏米。用料十足，啖啖都食到不同嘅五谷，口感豐富，味道清新。

今晚食左這家”正潮樓", 一睇名字就知主打潮州菜. 係灣仔呢個食肆林立的江湖立足, 當然有兩道板斧.主廚出自名廚世家. 爺孫三代都係大廚. 難怪有大食家蔡瀾亦為菜館提字. 菜館美食款式多, 但我們只有兩人, 實在選擇困難. 好彩佢地有套餐.  呢個套餐無名稱, 但D食物都係金黃色, 我私人命名佢為”黃金套餐”。先來個潮州冷盤— 魚露浸花甲. 花甲好大隻. 吾係一般花甲王，真情係花甲王上王，肉爽汁多。經魚露提味，鮮甜醒胃。再來個金瓜五谷羹，有松子，玉米等堅果，爽口又健康。同蔡瀾墨寶＂不怕膽固醇 ＂相映成對.第三樣係蝦棗拼蟹棗，上菜時呢兩兄弟一 圓一方, 一金一黃. 兩個都混有馬蹄. 蝦棗膠質重, 屬彈爽, 蟹棗則脆口D.最後, 糖醋煎伊麵,  睇落普普通通, 食落就知真功夫. 外脆內軟.本身香口香口, 加糖同醋後又多左層次. 份量十足, 食吾曬.

呢晚同外國返黎既朋友食飯：）我哋決定食啲中式菜，所以黎到呢間潮式餐館相聚～呢度嘅裝修佈置都好中國風，店員友善！！我地先點上兩款潮州滷水，分別係鵝肝同鵝蛋：）兩款都非常入味，沾上酸辣醬汁更覺醒胃！！！之後我地點左好幾款潮式小食，分別係荷蘭薯粿、鼠殼粿同玉米洛～三款都好特別，好有特色～荷蘭蘭薯粿好似薯餅混合蘿蔔糕咁～鼠殻粿就係甜食黎，外層脆糯，內含濃郁既芝麻香～玉米洛都好香，口感QQ的單食會食到玉米天然既淡淡香甜加上砂糖同食就完全成為另一款甜品咁xpp最後我哋仲要左一份沙茶牛肉炒粿條～份量不少，既惹味又飽肚呢！！！！

同事隨便選的一家潮州菜，出乎意料的好吃，最深刻嘅係生醃膏蟹，魚露浸花甲，川椒雞頸肉以及糖醋煎伊麵。生醃膏蟹用上酒醃製，蟹膏非常之多，肉質滑嘟嘟；魚露浸花甲入面花甲份量多，味道鮮甜，每一粒花甲都脹卜卜冇沙；川椒雞頸肉平時真係好少機會食到，雞頸肉非常爽口，口感特別，不會太辣，用咗川椒令個肉好惹味，送白飯好岩；糖醋煎伊麵製作須時，上菜時調味料同煎伊麵分開上，可以根據個人喜好調整酸甜度，伊麵非常脆身，加左糖同埋醋好特別。

📍正潮樓 (灣仔)灣仔謝斐道117-119號富通大廈地下2號舖未入門口就覺得幾古色古香既🏮，有中式格調，入面裝修環境闊落又乾淨，門面都幾高貴下👏🤩🥢滷水鵝片 $168滷水鵝片（例牌）算係老實，底部係豆腐，但就無芽菜嗰d⋯⋯🥢川椒雞頸肉 $148🐷頸肉就食得 多，🐔頸肉都係第一次😆原過又幾好味😋，係比較多油左d⋯⋯🥢勞粕春菜煲 $118都好大煲下😂而且春菜無苦澀味👏 食咁多肉，要食返d菜平衡返🤩🥢沙茶牛肉炒粿條 $148沙茶牛肉都足料，但碟粉就太多汁..😆

十幾年前喺山林道 “潮州名廚” 試過滷水鵝肝同埋炸雙棗, 大開眼界, 從那天起, 鍾意咗潮州菜.🥰 今日相約老友 “傻肥” 去灣仔玩具街買聖誕樹, 沿路見到新店 “正潮樓”, 門面裝修古色古香, 十個讚, 決定一試. 🥢 餐廳設多張圓枱及卡位, 舒適闊落. 今日點咗潮州菜必食嘅鵝片, 鵝肝, 蠔仔粥, 同埋蠔餅.🦢 滷水鵝片, $168. 鵝片切得好大片, 滷水甘香, 味道略為實淨, 不俗. 豆腐墊底, 點潮州辣椒醬, 掂!🤗 鵝粉肝, 半份, $128. 滷水味滲透鵝肝, 厚切, 口感相對結實, 老友 “傻肥” 話麻麻哋, 我就覺得唔錯喎.🦪 肉碎蠔仔粥, $68. 蠔超級大隻, 味道淡麗.🥟 汕頭煎蠔烙, $108. 口感煙韌軟糯, 食完又唔會飽飽滯滯, 蠔仔份量充足, “傻肥” 讚口不絕!🥰 總結: 餐廳地理位置優越, 喺灣仔地鐵站行3分鐘, 座位舒適, 服務殷勤. 論食物, 滷水鵝片鵝肝屬水準之上, 下次再試其他經典潮州菜式!

近排周圍搵好食嘅潮州菜，今日就黎到灣仔 聽講都好出名架，因為係網上既評價都好好。加上平日晚上都勁多捧場客，搞到我都有啲期待！餐牌，圖文並茂介紹幾好魚露浸花甲早幾個星期係另一間食過，呢間就多咗蒜頭做都係一樣冇沙，但呢度度既花甲就鮮甜d蝦棗拼蟹棗咬落去滿滿既蝦肉同蟹肉，睇得出好足料好大滿足感！金瓜五谷葵夠曬健康，一碗營養十足，包括南瓜、薏米、粟米、綠豆及果仁等，口感豐富。糖醋煎伊面外層煎到金黃酥脆，入面仲保持到濕嫩，自己再可配上陳醋同砂糖，酸甜開胃！總結，正潮樓果然正呀！

呢間潮州餐廳成日都見人介紹，今日喺附近做完嘢，決定過嚟試吓係咪真係咁值得推介。〈滷水雙拼〉🦆🥓🦆🪱係咁多款滷水款式入面，我就揀咗鵝片同鵝腸，貪鵝片啖啖肉，又冇骨，肉質軟林林，非常熱鬧，滷水汁滷得好入味；而鵝腸非常爽口，清得好乾淨，雙拼份量超級多，非常抵食。〈鵝粉肝〉🦆🫁鵝肝好滑，滷入味之餘，仲食到好香嘅鵝肝味，下面仲有豆腐鋪底，索晒啲汁，送飯一流。〈煎九肚魚烙〉🐠🫓平時食煎蠔餅就食得多，煎九肚魚餅就第一次食，九肚魚嘅份量好多，用蛋煎得好脆口，分量超多，四個人都幾乎食唔晒。〈肉碎蠔仔粥〉🦪🍲估唔到一碗嘅份量都可以咁多，蠔仔新鮮之餘粒粒都好飽滿，份量都唔少，加埋肉碎同柴魚，食得出好鮮味，食潮州嘢又點可以唔食蠔仔粥呢！

今晚同男友食潮州茶，灣仔呢間古色古香裝潢佈置的［正潮樓］，有傳統正宗潮州菜式。滷水菜式及獅頭鵝，更是必食。另外，個人喜歡的熱辣辣用鍋上的炒飯，保溫又存香，岩哂冬天食。滷水鵝肉 $138份量很足，鵝肉帶骨特別香，肉質扎實好咬又夠入味，滷水用左紅糖、水、鹽、醬油、南姜、桂皮、八角等調味料及香料，細火慢煮，滷至入味放涼，上菜時再淋上滷汁。個滷水汁真係好正，鵝肉再沾蒜泥醋，更刺激味蕾又提味，清爽解膩。蝦棗拼蟹棗 $168球狀係蝦棗，圓柱係蟹棗，炸得金黃香口。蝦棗有濃郁蝦味，加左半肥瘦豬肉增加肉感同肉香，唔會好彈牙，但真材實料有蝦肉粒，仲有馬蹄粒爽脆口感。蟹棗有絲絲蟹肉，鮮味重d，口感鬆化微彈。配埋橘子蜜，清香又甜蜜，味道更好。梅汁焗豬手 $128好多骨膠原，好軟綿好夠膠質，豬手肥嫩香滑，加左梅汁的醬汁又濃郁又解膩，其酸甜開胃的味道，真係令人食唔停口，連拌菜的生菜都特別好味。芋頭炒香飯 $128用鍋上菜，可以保持炒飯溫熱，開蓋時傳來香味好吸引。芋頭軟綿香甜，加左咸肉粒、冬菇粒、蝦米蓉、薑粒、蛋......材料豐富，米飯炒到粒粒分明，乾爽有咬口，調味咸淡剛剛好，份量好足夠，食得好滿足。

剛從海外歸來，要將大冮南北地道中菜吃個夠😝潮州菜屬於粵菜的重要菜系之一，第一餐決定吃正宗潮州菜鄰近灣仔地鐵站的正潮樓門口掛住大紅燈籠及大大隻滷水鵝，相當吸引內裏裝潢用上白啡兩色為主，加上燈籠模樣的風扇掛燈增添了古色古的味道店內設有三間以潮州三條大江命名的包廂，並掛上香港權威美食家蔡瀾題字的對聯及墨戲這裡的滷水經長時間不停加入鵝肉、豬肉等食材滷製，滷水汁愈煮愈濃郁成為陳年滷水膽滷水鵝片鵝肉軟嫩，齒頰留香！墊底的普寧豆腐充分吸收鵝及滷汁，外脆內嫩涼菜豬腳凍採用去骨豬腳肉製成，滑嫩爽口並富含膠質沾裹鹹鹹的醬汁一起食用，冰冰涼涼超開胃，讓人忍不住一件接一件沙茶炒牛肉醇香滑嫩，沙茶醬汁稠濃鮮美糖醋煎伊麵煎得又香又脆，一面蘸沙糖，一面蘸醋，還有置底香噴噴的白葱段，吃得滿心歡喜潮汕特有甜湯清心丸綠豆爽清熱解毒，已去衣的綠豆粒粒分明，混合口感煙韌晶瑩的清心丸清新不甜膩

滷水鵝片 (例) @$168: 鵝片啖啖肉, 肉質很o林, 沒有骨, 滷水味也很入足夠, 但不會過鹹, 魚露浸花甲 @$188: 花甲是已去一半殼的, 看得出是廚師的心機菜,  花甲同樣啖啖肉, 但花甲味道偏淡, 豬腳凍 @$108: 就是一塊塊沒有味道的o者o里口感, 而且是偏軟的o者o里口感, 不懂得欣賞此物,,, 汕頭煎蠔烙 @$108: 此蠔烙是油炸的, 絕對不是煎的, 口感軟糯糯的, 有點像台灣的蚵仔煎, 但油份太多了, 完全沒有瀝乾就上碟, 膩!!!,,, 這真是傳統的潮州菜?!,,,

📍 正潮樓 Best Chiu Chow Restaurant🌍 灣仔謝斐道117-119號富通大廈地下2號舖 Shop 2, G/F, Fortis Tower, 117-119 Jaffe Road, Wan Chai📝 整體評分：8 ／10🥢滷水鵝肝🥢 $128 (半份)4件又厚又大，勁肥美，滷水汁仲好稠密少少jelly質感，幾香香料味，下次要試埋滷水系列其他野~ 底下有D豆腐，凍凍地好滑溜溜~🥢沙茶牛肉炒粿🥢 $148炒菜心牛肉打左沙茶茨汁，撈埋蛋炒幼河底，牛肉大大塊又有肉汁粿條分明又唔明痴埋哂，賣相睇落幾吸引，份量仲好，正常飯碗盛到4碗，飽死~🥢蝦棗拼蟹棗🥢 $168蟹棗絲絲蟹肉加埋粒粒爽口既馬啼，好清甜；蝦棗都係啖啖肉，好彈牙~🥢汕頭煎蠔烙🥢 $108外皮金黃香脆，內裡Q軟仲有勁飽滿且鹹鮮既蠔仔。

中菜日常時候真係比較少食， 難得今日同屋企人出街食飯，梗係唔放過人多食中菜嘅機會。 餐廳嘅菜式都好多，裝修方面就只有牆身比較有古色風格。 主食方面今日叫左4道菜， 當中包括：糖醋伊麵，佢整到個造型好似一塊薄餅咁，圓軲轆一餅，每條面都沾滿糖醋汁， 口感比較脆口， 好似肉絲炒麵。 鹵水鵝片，呢個推薦大家可以一試， 鵝片肥瘦均勻，滷水好入味，最鍾意就係隔離嗰個醋汁。啖啖肉豬油炒蕃薯苗， 蕃薯苗都比較少食到， 仲要用豬油炒，另俱一番滋味， 聞落好香川椒雞頸肉， 豬頸肉就食得多， 但原來雞頸肉都好正， 唔好睇平時原隻雞d 雞頸冇咩肉， 原來都好有咬口。

🍀環境：古色古香，每台之間好闊落，坐得好舒服～～～💰價錢：每碟大概百幾蚊，但好大份，非常抵食，高級餐廳環境，大排檔價錢😂～～～👅味道：🌟 滷水鵝肉比想像中足料，大大塊鵝肉，鹵水味超香，同時又唔會掩蓋到鴨油味，大推👍底下還有鹵水豆腐，質感軟滑、入味，成碟都好出色🌟古法炸粿肉 & 普寧豆腐炸粿肉其實係用豬油網包住豬肉及香料炸成，但食落唔會好油，仲好脆口。普寧豆腐比普通炸豆腐軟，要蘸秘笈既蔥醬，好有特色🌟芋頭炒香飯沒有很多調味，正正好可以食出芋頭既香味！炒飯粒粒分明，唔會油，已經十分難得，值得推薦🌟沙茶生牛肉炒粿條很喜歡的一道潮州菜，粿條其實就係較細版既河粉，可以吸收到滿滿既沙茶醬汁！牛肉好嫩口，仲有芥蘭，去潮州既回憶返曬黎～～～