正潮樓 (富通大廈)

營業中

休息中

聖誕食得太多西餐，想念中餐了！魚露浸花甲花甲用左花甲王，超大隻！而且去左半殼，方便食用！一入口便是花甲既鮮香味，Juicy又彈牙，大大隻，好有口感！蝦棗拼蟹棗兩款都炸得焦香酥脆，蝦棗比蟹棗食落會多一番爽滑，個人更愛蟹棗～不得不提潮州特色桔油，絲絲果香帶點微甜，非常夾～金瓜五谷羹以金瓜打成蓉做成湯底，加埋五谷如粟米、松子、薏仁等，味道清甜，美味又健康！ 糖醋煎伊面表層食落酥脆但內層的麵體偏軟身，配以陳醋和砂糖齊食，酸甜開胃，減低油膩感，一人可食多塊！餐廳平日都滿座，記得book位啦！

有晚忽然想吃潮州菜，人在灣仔就搵下有咩選擇啦，結果搵到呢間「正潮樓」。Openrice 有得book檯加預付套餐，可以平d！潮式鮮味浸花甲套餐（原價$600，預付價$540）一個套餐有主食、炸物、湯羮同潮式海鮮，都幾豐富。魚露浸花甲- 花甲好鮮味，加上魚露浸底帶點鹹香。蝦棗拼蟹棗- 炸物永遠是邪惡的，但又難以抗拒！金瓜五谷羹 - 南瓜湯底配合充滿咬口的穀物，好有飽肚感。糖醋煎伊麵 - 甜甜酸酸、脆身加香口，既飽肚又開胃！

潮菜是歷史最悠久的中菜之一，選材、烹法、調味及配搭，創造出色香味俱全的鮮美佳餚，完美演繹古色古香的潮州菜式。魚露浸花甲 $188 力推！花甲肉身飽滿且鮮甜，以秘制魚露浸淫，不會太鹹，但能帶岀花甲之鮮味 。花甲已開殼，食客能輕易吃到花甲肉。老菜脯炖豬肚$68 用上30年的甘香老菜脯配以豬骨和豬肚燉煮而成，鹹香清潤不肥膩，可化痰、去滯、養胃，暖胃舒喉。蝦棗拼蟹棗$168雙棗炸至金黃香脆而不油膩。 蝦棗真材實料，蝦肉打漿並混入沙葛同少量肥豬肉等，口感豐富。蟹棗內混入了大量蟹肉，味道鮮味，沾上潮州桔油，惹味非常。金瓜五谷羹南瓜清甜，湯羹內滿滿粟米麥米薏米綠豆，口感充實，營養豐富，健康之選糖醋煎伊面 $118麵餅煎得香脆，蘸點紅醋和砂糖，味道酸酸甜甜，消除油膩感。📍地址: 灣仔謝斐道117-119號富通大廈地下2號舖 (TEL: 21856718) (WhatsApp:98181382)🚇港鐵灣仔站 A1 出口, 步行約3分鐘#潮州菜 #foodie #hkfoodie #blogger #hongkong #hk

魚露浸花甲👍🏻醬汁以白酒、蒜頭同辣椒醃製，但絲毫沒有嗆辣感，反而偏向淡麗，輕薄順口。花甲鮮香，配上大大匙魚露啪落口實在好滿足🥹 不過呢個菜式未必適合重口味人士👶🏿✨糖醋煎伊麵難得嚟到梗係要試下潮州地道菜式，伊麵煎得金黃，但唔算特別酥脆。麵餅配上糖或者醋一齊食用，好似食緊甜品咁，建議多人分享。我自己可能就比較鍾意鹹食多啲🙈油泡南澳鮮魷賣相靚仔嘅鮮魷，口感爽而不韌，冇油膩感。冇過多嘅調味料，主要係食返食材嘅原汁原味。老菜炆豬肚湯調味比例啱啱好，冬天飲到熱辣辣嘅燉湯真係好幸福。

成班朋友今次發掘到間食正宗潮州菜嘅餐廳～尤其是過冬緊係食下中菜感覺又補又暖～★★★★★魚露浸花甲 $188凍吃花甲係潮汕嘅獨特食法以潮洲魚露﹑蒜頭、辣椒、白酒、芫荽、鹽、豉油等直接生腌味道鮮甜十足，粒粒脹卜卜，食落最緊要冇沙，又唔會過鹹，極為開胃★★★★粉肝拼鵝片 $250必食招牌潮州滷味，鵝肝鵝肉片滷至入味，肉質軟滑甘潤香醇鵝肝好粉嫩超正！份量仲唔少，食到滿口油香非常滿足★★★★老茶脯燉豬肚 $135著名潮州靚湯，用上潮州30年以上的老菜脯、豬骨及豬肚燉煮至深黑啡色老菜脯好滋潤補身，消滯化痰對腸胃好，豬肚湯濃郁回甘，帶少許胡椒嘅辛勁冬天飲一啖熱騰騰的湯真係非常暖胃★★★清湯燉牛腩 $136牛腩炆得夠稔，再有少少芹菜粒同蘿蔔吸收晒肉味，更帶清甜★★★★豆醬焗嫩雞 $198嫩雞配以豆醬、薑蔥、酒等醃製，再加上湯用慢火炆焗約30分鐘肉質軟滑鮮甜，濃郁嘅豆醬香味同鮮雞味非常balance★★★★香煎蕃薯烙 $88切成幼條既蕃薯製成pizza狀再煎成金黃色，軟糯香脆，好特別又少見嘅菜式～★★★★★香煎玉米烙 $98玉米烙口感則較香口清甜，再加埋砂糖食非常之夾🤩★★★笋乾炆鴨肉 $158鴨肉炆得

本身我好鐘意食潮州菜，所以成日迫我媽周圍試邊間好食～ 佢同我報料話灣仔開左間新既 正潮樓 ，咁我就梗係立即出動啦～～我地散叫咗幾樣野金瓜五谷羹個湯羹係南瓜底，加咗粟米、綠豆、茨實、小麥、薏米等谷物，係好清新既湯品～～蝦棗拼蟹棗係款潮洲經典菜之一，亦都我最鐘意既菜式！蝦棗蟹棗都係炸到金黃色，香脆可口，蝦蟹肉份量算足料，我地都忍唔住食唔停口！糖醋煎伊麵好多嘅潮州餐廳都見到佢～睇睇外面香脆，入面嘅麵仲保持水份，食既時候加砂糖陳醋好惹味～呢款魚露浸花蛤係佢哋嘅招牌菜之一，花蛤會煮熟，再浸泡於用魚露、醬油、蒜、辣椒、香菜等配料所製成嘅生醃汁，令花蛤嘅鮮味得到最大程度上嘅保留，鮮甜味美，肉質飽滿，口感彈牙。

自己都好鍾意食潮州菜，假日時候一於試吓呢間位於灣仔嘅潮州餐廳！餐廳位置好方便，灣仔地鐵站A1出口行幾分鐘就到～晚飯時間，佢有單點餐牌 或者唔想煩嘅 亦都有二人餐A or B 方便啲唔想諗嘅人 我哋決定要咗個二人餐B~包左四個餸 🌟滷水灼鵝腸滷水入味，份量都大份，而且鵝腸好肥美爽口，又好掛汁，好快就食晒！黑米焗鮑魚賣相一流，厚身鮑魚放進口感煙韌的黑米，食落去非常有層次 又夠滋補養生❤️川椒雞頸肉雞頸肉切得大份，肉質鮮美 辣辣地令人胃口大開勞泊番薯葉食返啲蔬菜平衡下 番薯葉夠晒嫩口 炒得乾身~ 好吃！呢間餐廳裝修不錯，食物好吃 性價比十足呢！

同潮州人去食打冷係別有一種樂趣，聽到佢唔覺意用埋鄉下話落單就知今晚有食神，果然真係好食，仲保證夠正宗添。滷水鵝片 ($168)睇個鵝肉紋理就知道肉質非常嫩滑，直頭係慢煮級數。 滷水鵝肉味好濃，輕輕有少少油脂夠甘香，幾入味唔會死咸。 底下仲有少少滷水豆腐，同樣地我鐘意佢夠入味，唔係表面染左少少色就收手，怕食豆腐冇味既我都停唔到口。汕頭煎蠔烙 ($108)同正宗蠔餅一樣，唔會過份酥脆，而係中間仲保持少少好似蚵仔煎個種煙韌。 當然香港人口味都係鐘意脆，蠔烙周邊煎得香口鬆化，仲有滿滿既蠔仔，無可挑剔。沙茶牛肉炒粿條 ($148)好有驚喜，沙茶醬做得好出色，多到滿潟既醬完全唔會咸或者膩，而係好惹味既咸香，咸淡得宜。 炒粿條其實有d似幼既河粉，煙韌乾爽，沾滿沙茶醬極好食，當然牛肉品質都唔錯，菜心爽脆，但同朋友一致認同就算冇任何配料，得個醬同粿條都已經食到lam lam脷。普寧豆腐 ($98)同預期一樣炸得好酥脆，外脆內嫩，點埋清新既醬汁好夾，份量多到好誇張，性價比一流。

平時食潮州菜，多數去九龍城朋友介紹話灣仔新開一間正宗潮州菜坐得舒適又好味魚露浸花甲每隻花甲都脹卜卜，勁肥美一啲沙都冇 。魚露調味剛剛好，又不會令到花甲本身鮮味流失蝦棗拼蟹棗最有名的潮州四拼盤之「雙棗」，蝦🦐棗非常彈牙，食到粒粒蝦肉。蟹🦀️棗真材實料，每一啖都食到一絲絲蟹肉非常鮮甜，配以潮州甜醬，味道更上一層樓金瓜五谷羹南瓜🎃蓉非常幼滑，配上健康嘅五穀，口感煙韌，又夠飽肚後👍糖醋煎伊面呢個真係好考師傅工價，每面都煎到脆卜卜，上枱時，首先響碟上加上韭黃菜才擺麵餅🫓，沾麵吸收晒韭黃嘅香氣，配上糖醋非常香口。

同來自潮州朋友相約灣仔酒樓「正潮樓」，酒樓菜色主打潮州菜，平日七點左右抵達，全場已滿座鹵水灼鵝腸第一次吃鵝腸，彈牙有咬勁，又有些脆脆的口感。正潮洲菜以鹵水簡單調味，吃起來清爽不膩。黑米焗鮑魚主角是超厚切大塊的鮑魚，吃起來軟且彈牙，味道新鮮。配角黑米帶點黏性，口感上有點像粥，很特別。川椒雞頸肉雞肉切成長條柳狀，肉質軟嫩入味，微辣的口味非常適合配上白飯勞泊蕃薯苗蕃薯葉和蒜末一起炒的非常入味。份量很大，有家的味道。整體而言，食物好味，份量適中，環境舒適！當日平日約七點左右已經滿座，建議先book抬再前來

餐廳位置非常方便，灣仔地鐵站一出行1分鐘就到。門口掛了紅色燈籠，佈置得中國特色。餐廳連接不上帶手機有幾張卡位兩間VIP房，另有一個大魚缸，有些生猛海鮮。食潮州嘢一定要食滷味，所以叫咗一碟例牌滷水鵝片。滷水鵝片好入味，花椒八角味很重，薦底的豆腐很滑，份量亦很充足。魚露浸花甲呢碟餸第一次食，有幾特別好食喎！花甲好肥美，每一粒花甲都脹卜卜爽口，加上魚露，識到陣陣鮮香。今餐試咗好多第一次，呢個唔嚟都係第一次食，芋頭蓉很軟綿。

好多人都鍾意食潮州菜，我都吾例外😅今日就揀左灣仔“正潮樓”內部裝修好有特色👍原本心裏面一早就諗定食煎蠔餅，蠔仔粥，鹵水拼盤。。。點知睇到有二位套餐，超抵食，仲全包添吾使揀，一於就食套餐B😅先嚟個鹵水灼鵝腸鵝腸入口爽脆，吾韌，好入味，醮啲酸醋特別醒胃😋😋😋黑米焗鮑魚黑米嘅功效同營養價值係人都知，黑米焗鮑魚都係第一次食，味道夠濃，黑米有口感夠煙韌，汁稠味純，豐富鮮香有層次。鮑魚肉質厚身腍滑，鮮味濃郁，帶出鮑魚的矜貴鮮甜味👍川椒雞頸肉雞頸肉都呈細長狀，夠厚、有肉地，有質感，彈牙👍中間位置有筋，有咀嚼感，辣味十足，惹味😋😋😋朥泊蕃薯苗朥泊即豬油渣是也，好有懷舊的味道，好有阿媽的味道😍用嚟炒菜最好不過，配蕃薯苗一流👍蕃薯苗菜味濃，嫩口，食落好滋味🤩望真裏面仲有兩三間貴賓房，私穩度高，三五知己閒來一聚，確是不錯🥰$600全包，冇茶錢，冇雜費，冇加一，抵👍

作為一個潮州妹，其實都盡量避免喺香港食潮州菜，因為好難食得返我想要嘅味道。不過OT完收工夜媽媽，冇咩好揀，見佢門面咁靚，今晚試一試。潮州菜一定會有滷味，今晚一於一嚟就挑戰佢嘅高難度，滷水鵝腸。佢啲鵝腸好夠爽脆，不過就見佢唔係滷得好夠入味，真係要點做嗰啲醋之後先叫有啲味。另外，佢有個幾特別嘅小菜，川椒雞頸肉，豬頸肉就食得多雞頸肉真係第一次食，因為雞頸通常都好多骨，但係佢呢度竟然可以起晒啲肉出嚟，我已經覺得好神奇。最正嘅係佢啲肉好有質感，我自己覺得幾好食。然後炒咗碟番薯葉苗，人哋話食番薯葉好健康，不過我自己本身唔係好鍾意食，因為驚佢會唔會潺，不過佢呢度炒得幾好，完全冇呢個擔憂。然後就係今晚嘅重頭戲，黑米焗鮑魚，佢一上菜嘅時候個樣好似碗仔翅，不過食落去就比較咸，個味道偏向似滷水味，不過啲黑米就煙煙韌韌幾好食。而入邊隻鮑魚都幾大隻，呢個價錢嚟講都算係咁。佢隻鮑魚唔係一啲新鮮鮑魚，食落去煙煙韌韌，有小小溏心feel，不錯。

講起潮洲菜的確會諗起細個同爺爺麻麻同住嘅日子個陣時日日食白粥春菜都咪話唔驚🫣偶然屋企人會帶我到屋企附近潮洲檔打冷點會少得鹵水同煎蠔餅逐漸長大..屋企附近嘅潮洲打冷檔無左，麻麻年紀大亦都唔會再煮春菜..突然好掛住傳統潮州菜好彩發現到灣仔開左間潮州菜館。一入到舖頭職員都好熱情招待要左煎蠔餅，鹵水鵝片，勞粕春菜煲同糖醋煎伊麵煎蠔餅用料好充足，每一啖都食到蠔仔。邊邊煎到好香脆!身邊個位突然討論係唔同地方嘅煎蠔餅，回想一下真係每個地方都有自己嘅特色🤔鹵水鵝片厚薄適中，充滿鵝香但唔油膩即使唔點蒜頭醋都可以下面鋪滿豆腐同花生，本人對個豆腐充滿期待。 一食係好滑，但可惜太鹹...大家都覺得有碗飯係會好啲糖醋煎伊麵，表面煎得香脆都唔會乾。加埋浙醋同砂糖出奇地好食～勞粕春菜煲。加左炸豬腩肉，當中嘅油份令到個菜好滑。係家的味道🤤其實仲有好多菜式好想食。例如反沙芋頭同粿搵一日要帶埋屋企人去試下

今日過嚟灣仔呢邊食飯，行過呢間潮州菜館，見到都幾吸引。裝修都古色古香，別樹一幟。有多張大枱一家人嚟食飯都方便。餐牌嘅選擇幾豐富，而且價錢都合理，灣仔來講唔算貴。《滷水灼鵝腸》鵝腸好爽好脆好薄，好好味，而且鹵得好入味，底底嘅酸菜甜甜酸酸，非常開胃。《黑米焗鮑魚》呢個菜式非常特別，黑米好似都係第一次食，原來口感係非常有咬口，煙韌，一定要試吓，至於鮑魚好大粒，好彈牙，汁底做得唔錯，入味。《川椒豬頸肉》辣辣地，加上有川式嘅調味，好香！豬頸力偏淋，似雞肉多啲，但係都好味。《番薯苗》裏面有豬油渣，好好味，令到番薯苗多咗種鹹香，唔單只係上湯咁寡淡，好嫩新鮮，好味。 總括嚟講我哋嗌嘅呢幾個餸都好滿意，服務都幾好，下次屋企人聚餐會再考慮嚟呢度。