正九清湯腩 (砵崙樓)

營業中

休息中

今晚自己一個食，喺旺角呢間餐廳外賣左啲嘢食返屋企食。個牛展飯有啲驚喜，下次都會試吓佢其他嘢食。🍛五香牛展飯 - $59牛展炆得好琳，同應該有啲滷水汁一路浸住，所以夠淋身同入味。五香味濃得黎適中，仲食到有少少回甘味。飯面仲有少少滷水汁，加埋牛展一齊送飯好滋味。🥟紅油抄手 - $33好耐冇食過紅油抄手，平時都係茶樓飲茶先有得食。估唔到餐廳又做得幾好，個醬汁少少辣，同有啲酸甜，再配埋皮薄多餡嘅餃子，一咬落去仲有少少肉汁流出來。

天氣凍凍地，想食得清淡少少最好就係食碗暖笠笠既湯粉行過見到呢間正九清湯腩午飯時間人客非常多幾乎坐滿就行左入去首先叫左一碗牛腩河老闆建議我+8蚊升級做崩沙腩果然無介紹錯！湯底濃而不膩，唔會太油亦唔會太淡啖啖都係牛肉，牛骨既味道配搭不同既粉麵都適合崩沙腩每一塊都係十分平均肥肉瘦肉層層相間，口感十分軟稔肥肉部位牛油味非常突出瘦肉部分亦完全唔會“鞋口”另外叫左一份腩汁蘿蔔 蘿蔔本身清甜 亦煮得夠稔放入腩清湯比起跟上既腩汁會更加甜

今日收工諗住普通買碗麵拎返屋企一路睇劇一路食點知呢間嘢啲嘢食都幾有驚喜！清湯坑腩河依間清湯腩有四款牛腩可以俾你揀分別係普通牛腩，爽腩，崩沙腩同坑腩（除咗普通牛腩其他都要加$8）。可惜夜晚去到買得返普通牛腩同坑腩。 個坑腩有驚喜， 食落去非常淋有牛味加上佢係半肥瘦食落去個口感豐富啲但係又唔會有食緊肥膏嘅感覺。個湯底冇乜油有清甜嘅牛味，成碗湯正到。比我飲晒。魚蛋墨丸紫菜米線本身以為賣清湯腩嘅舖頭，魚蛋墨魚丸應該好普通，但係佢啲魚蛋同魚片都非常彈牙有魚味！墨魚丸睇得出用好多墨魚打出黎，食落去好正！ 同埋碗麵份量都好夠！抵食！腐乳通菜腐乳通菜正常水準，啲菜唔會烚到好林太老，份量都多。炸魚皮炸魚皮一包份量算多，夜晚買拎到返屋企都仲係好脆，浸住坑腩河嘅湯食真係一流。

正九清湯腩星期六甘岩經過呢間鋪頭，就決定食呢間！門面內在環境都四四正正，店鋪雖細，但整整齊齊清湯牛三寶河 加咖喱汁可以揀湯粉、麵或米粉，我就選左河粉，河粉嫩滑得黎又帶有彈性。一碗有齊牛腩、牛筋、牛肚，份量都算合理，牛腩份量好多肥瘦適中沒有肥膏， 肉質爽口有牛肉味及肉汁多， 牛筋軟硬適中煙煙韌韌，腍得黎又不失口感， 牛肚又好爽滑最重要係湯底有好香濃啲牛肉味。性價比好高，好抵食。建議先試清湯，再加咖喱汁，可以試晒原味和咖喱味！😏凍檸茶無論係湯底定係配料嘅質素都好高，我認為係食過最好食嘅牛三寶河！整體來說，正九清湯腩確實非一般好吃，行開都想食多豌

今日做完運動，又啲餓餓地，岀去搵嘢食，唔想食飯太飽，見到正九清湯腩，食碗粉都好喎！入到黎都幾乾淨企理，坐位都坐得舒服。好，坐低睇下有咩好食先。正九牛肉羹河，黎到第一下，要飲一啖湯試下先，個清湯熬得好清甜，冇味精，好好飲。輪到個牛肉，牛肉用新鮮牛脊肉去打，食落有牛味又滑口，完全冇筋，啖啖肉。炸魚皮，都係忍唔到叫左個炸魚皮，大大塊魚皮，又脆又香口，浸一下落湯度食，超正！叫左熱菜蜜，跟餐加8蚊，都唔貴呢！

行完旺角朗豪坊斜對面見到有間正九清湯腩，口痕痕想整番碗牛腩粉。清湯牛三寶河，內有牛腩，牛筋，牛肚非常大堆頭，份量都幾多！牛腩半肥半瘦炆得幾嫩淋唔黐牙，肉香味夠濃郁！牛筋大大條夠粗身，骨膠源感覺黏住口，而且又係夠入味"牛肚則夠爽爽彈牙，清湯無乜食到味精，飲完湯都唔口渴，帶點牛骨香味！非常有水準。紫菜三寶丸麵有魚蛋，墨丸，牛丸，魚蛋為白色手打魚蛋，一咬之下有"索"一聲既感覺，超彈又脆口，魚香味都幾突出，牛丸墨丸都亦係高質，加上有紫菜，感覺覺得香！腩汁蘿蔔， 蘿蔔冇渣又唔苦澀，還有帶出清甜感！大大舊幾好食，加上腩汁都幾入味。腐乳通菜新鮮夠清爽！翠綠夠靚仔， 腐乳醬汁濃而不咸，幾正！

每次食牛腩河都係我一個人速食之選，見到呢間新開環境唔錯👍，值得試下😁🥑清湯牛三寶（牛腩/牛筋/牛肚）唔好睇佢外賣好似細細兜，其實好多料🤭，每樣都有三四件，牛筋好霖滑🤤，牛肚好爽口，牛腩雖然係比較瘦嘅部位，但一啲都唔韌☺️。另外我仲加配左兩粒牛丸、雲吞、蘿蔔😉。蘿蔔好霖甜完全冇渣，雲吞好大粒係菜心豬肉餡好好味，牛丸就正正常常。🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 @annasan.cat

近期大家有冇發覺身邊好多食開嘅餐廳都執笠...香港幾時先可以走出陰霾...。由於呢幾日天氣開始轉涼，所以想食啲熱辣辣嘅湯粉，中午開會完經開旺角諗住食碗牛腩麵，但又唔知邊到好食，咪上網睇下有咩牛腩推介，搵到係附近有間幾多人讚既就即管試下。佢舖頭唔算好大，但見呢的時間人流不停出出入入，客源都算好多。好彩一個人食比較容易搵位，拿拿聲嘟完個麻煩安心，就安心開餐。相信大家都有個經驗就係去呢的餐廳地方都一定會黐立立，因為職員抹完枱後，牛腩啲膠質或者啲湯都會搞到黐立立，但呢間舖頭環境衛生乾淨一流，不得不讚有職員經常清潔。入正題啦，睇一睇張Menu， 見到佢有不同款式嘅湯麵，但係坐左一陣已經聽見部份人都係叫牛三寶，餐牌寫佢三寶包括咗牛腩、牛筋同埋牛肚，最鍾意食牛嘅我諗都唔諗就梗係試下。本身都想試下佢個撈麵，不過天氣轉涼想食返啲熱辣辣嘅湯粉，所以最後都嗌咗牛三寶河粉。喺我準備落單嘅時候，都見有客人都話轉崩沙腩同爽腩，再睇真啲個餐牌，原來加多$8蚊就可以轉。呢個時候就要拋下書包先(都係人哋教嘅)，崩沙腩係牛既橫隔膜，入口煙煙韌韌，是所有腩入面最有嚼勁的部份，以前試過一次真係幾鬼正~ 。所以最後我點咗牛三寶

🍲清湯牛三寶河粉（升級坑腩)- 牛三寶包括牛腩、牛筋和牛肚 全部都很入味！！坑腩很爽口肥瘦相間完全不會肥膩 有條件一定要升級來試試看 如果不知道吃哪款就選這款准沒錯可以嘗試到三種部位～🍜清湯牛腩河粉- 普通牛腩會比坑腩口感上再軟一點 湯底很香濃 問了店員湯底是每天用新鮮牛骨＆大地魚配上多款配料 ，新鮮熬製五、六個小時以上 難怪這麼入味！！🐂正九牛肉羹（小碗)- 是福建傳統小食 這是我第一次嘗試牛肉羹 雖然我叫的是小碗 可是我覺得分量給的很足 湯底很濃稠 牛肉也很彈牙 裡面還有兩大塊清甜多汁的白蘿蔔 喜歡吃酸的還可以自己加陳醋調味～🥟紅油抄手- 很好吃 味道無可挑剔～

夜晚係旺角想食個quick dinner，行咗去砵蘭街見到呢間食牛腩嘅舖幾好生意。價錢中規中矩清湯牛三寶飯（$69）- 牛三寶有有牛腩、牛筋同牛肚，本來以為每樣得幾件，點估到份量咁多，牛筋好彈牙，仲好似食極都食唔完咁。牛腩半肥瘦又軟腍👍🏿牛肚都好爽口；而底下仲有三舊大蘿蔔，好冧好入味。不得不提個清湯，用新鮮牛腩同牛骨整成，入味得嚟又唔會太鹹，我都忍唔住撈飯食（嗌咗少飯）！仲叫咗碟芥蘭（$19），要均勻飲食嘛～唔要芥蘭仲可以揀菜心、生菜或通菜。

今天想吃頓簡單一點的午餐，然後看場五點半，晚上再跟朋友吃晚飯。看來今天午餐是吃粉麵的節奏，不過，簡單不等於求求其其和hea，吃粉麵也要吃有水準的才對的住自己的肚皮。既然今天在旺角區活動，就跟男朋友來這裡吃牛腩粉吧。這裡的清湯腩非常受歡迎，我們來到的時候，牛坑腩已經賣完了，差不多每枱客人都二話不說點牛楠粉。男朋友也叫了一碗，還加了蘿蔔和雲吞。牛腩煮得夠淋夠入味，果然是鎮店之寶。我向來都喜歡吃蠔油撈麵，所以點了紫菜三寶撈麵和蠔油芥蘭。三寶有魚蛋、牛丸和墨丸，魚蛋十分彈牙，牛丸肉味十足，把紫菜放進隨撈麵附送的上湯，便變成紫菜湯了😁一碗麵有雙重享受，正👍🏼

我平時會特登搭車去油麻地食正九清湯腩， 今日經開旺角發現原來開咗分店， 我最愛這家的牛肉類製品，要食好野真係要趁早，今日光顧嘅時間係下午兩點幾，已經售罄崩沙腩/坑腩/爽腩。這家的牛腩真的很出色，重點係可以揀肥/瘦或者半肥瘦。 餐牌大致分為：湯粉麵/飯類/撈麵/小食。整體價錢唔算好貴，價錢對得住食物質素，good.在此為大家提供外賣自取電話店內環境唔算好大，一眼望曬，不過環境夠乾淨，座位唔多，張張枱都爆曬棚，生意好好 客接客，我等咗一陣好快都有位坐，客人都是快來快去的。清湯牛腩河 牛腩肉質軟腍卻又帶有口感 ，選擇了半肥瘦，脂肪甘香，入口即化，牛味香濃。 湯底很讚 是清香卻又濃郁嘅味道，真係好好味唷。另外加咗墨魚丸$8有2粒， 墨魚丸是我喜歡的口感，鮮甜又彈牙，絕對唔係食到成口粉嗰一種。麵質非常爽口 蛋味非常香濃 最重要係冇鹼水味菜肉雲吞擔擔麵 隻隻雲吞都飽滿肥美 只可以用皮薄餡靚來形容 確實非常出色 除咗牛類出色之外 雲吞也值得一試上海麵好滑身 條條分明 麵條之間掛湯效果一流。口水雞 雖然這裏不是主打川菜 但口水雞質素也不錯 第一個感覺係雞肉好滑 烹調時間剛剛好 雞件並沒有過火 第二是麻

牛腩我通常鐘意叫崩沙腩/坑腩崩沙腩入口最煙韌彈牙比起其他牛ge位置較有嚼勁-坑腩 坑腩ge牛味最香濃肉介乎肥瘦之間-清湯腩炆煮都好考廚師手藝火喉一定要掌握得好好時間長短都會影響肉質太腍或太韌-呢到清湯腩就做得到如常咁好味！炆得入口腍滑肉質有嚼頭，帶爽牛腩質地非常軟嫩完全唔韌啖啖肉無肥無筋唔痴牙-🍽清湯崩砂腩撈粗有人鐘意將撈麵放入湯內浸一浸先食令撈麵更濕潤及易入口又有人鐘意將湯倒入撈麵之內而我就係後者倒1/3碗湯落粗麵再同醬汁一併撈勻其實都幾惹味！粗麵唔重鹼水味仲幾爽口湯底清徹清甜-🍽清湯牛坑腩河河粉幼滑浸得耐唔會漲同埋一夾就散一啖河粉連埋清甜湯頭一齊咁食呢d就係美味

正九話咁快就黎第3間分店，今日突登黎試下新分店夜晚6:30左右來到，已經滿座了，幸好我一支公，可以立即有位我已經諗定食咩，清湯坑腩米線，加碟菜我最鐘意既係佢既湯底，之前觀塘總店比油麻地分店出色，旺角新店同總店一樣咁出色！因為顏色夠清，味道就夠甜！坑腩份量一如既往既多！好林！有根位好彈牙又有油香！正呀！食多碟生菜一間有誠意既清湯腩，先可以愈開愈多分店，而且成日滿場，呢間旺角分店位置好方便，書再黎捧場！

正九清湯腩（旺角）😋😋😋久唔久好正九旺角有間靚靚裝修麵店、店外貼滿裝🈵️美味相卡、完全吸晴、行過路過都會幫襯、全店都係清湯腩為主、有牛筋、牛肚、牛丸、牛展、當然唔少得嘅牛腩、牛腩可以升級崩沙腩、坑腩、清湯腩唔一定配麵、可以配飯更惹味！*店主只用牛頸脊+大髀內側、為鎮店🐂「牛」之寶😘、真材實料👏🏻👏🏻「招牌」清湯牛腩飯$59+$8牛腩升級崩沙腩😘😋濃香崩沙腩、係牛肚皮附近嘅腩位、上下有兩層筋膜、有嚼口、充滿膠質感、牛腩脂肪分布平均、仲炆得好入味、夠彈牙、口感豐富、性價比高！👍🏻營養紫菜湯$13大大碗嘅香濃清湯底、成碗🈵️紫菜、真係營養抵食！👍🏻正九清湯腩#旺角#唯一#專門店#消夜#旺角砵蘭街124號至128號砵崙樓地下B號舖港鐵油麻地站A1出口、步行約3分鐘