正九清湯腩 (砵崙樓)

營業中

休息中

出名食牛腩既粉麵店舖唔多🐮，「正九清湯牛腩」係我食過有水準既其中一間✨，佢哋除左主打牛腩外，仲有其他小食同樣有質素。👍🏻清湯崩沙腩河$49+$8湯底用牛骨煲制，牛味十分香甜😋，而加$8可升級崩沙腩，崩沙腩肥瘦適中有層次👏🏻，口感豐富，絕對值得升級抵食，而且外賣將湯分上，唔會浸冧河粉，十分細心。🍻清湯牛三寶粗麵$61一次過可以品嘗牛腩、牛筋、牛肚，牛腩有咬口，牛筋爽口彈牙，而牛肚同樣出色👍🏻。紅油抄手$23小食紅油抄手帶點微辣🌶，辣度適中，抄手皮薄肉多，十分抵食。腩汁蘿白$16淨蘿白配腩汁一流，蘿白夠冧無渣✨，值得一試。整體平民價錢但有質素既牛腩粉麵店，值得推介。👍🏻

是日我哋嚟到旺角砵蘭街正值午飯時間望下附近有乜食MM 爸見到有間叫「正九清湯腩」嘅粉麪店未夠12點都有人食緊即管試吓MM爸點咗清湯牛腩拼墨魚丸粗麫（$55）蕉媽點咖喱牛腩河拼菜肉雲吞（$57）MM爸食嘅清湯牛腩有好多牛腩，數過有成10塊，真心係打工仔嘅福音。不過牛腩有少少硬，可能牛坑腩會軟身啲。蕉媽最初以為咖喱牛腩河係好似中環九如坊九記九腩嗰款，但原來係似茶餐廳咖喱牛腩飯嗰種，即咖喱牛腩和粉麫飯是另上的。咖喱係港式味道都幾香濃，可能因為有汁炆住，咖喱牛腩肉質比清湯腩嫩滑，幾Yummy🤩屬於快靚正之選嘅食店😎正九清湯腩 (常安樓) (油麻地)油麻地文明里11-13號常安樓地下1號舖旺角砵蘭街

要喺旺角搵平靚正午餐的確唔容易，尤其是我隔離仲有個紅碼人士😆最近舖頭樓下新開左間清湯腩，清清地啱曬唔想煮飯嘅日子食👍🏻我哋兩個都係叫最basic嘅清湯牛腩，個要米粉一個要河粉，河粉口感ok，唔會太腍或者加完湯就碎曬，牛腩方面睇到個樣都知唔錯，厚薄均勻，入口肉質腍身得黎有肉味。而且肥瘦適中，唔會瘦得滯太乾身但又未至於肥到入唔到口🙌🏻米粉方面就無咩特別正正常常，但睇得出兩碗牛腩都係咁靚仔，around $50呢個價位好抵食！下次可以再試吓咖喱牛腩或者比貴少少轉崩砂腩🥹🥹

今日約友人去旺角行街， 途經登打士街友人話有間新開既清湯腩麵，就帶我去試一試。　　#醉雞，轉雞髀🍗加$5好抵食，酒醃得雞件很入味帶點甜，好香嘅醉酒味，雞髀很嫩滑口又沒有骨啖啖雞髀肉，而且充滿蛋白質👍我最愛！！。#正九牛肉　　選用新鮮靚黃牛既後腿肉及牛脊，真材實料！！食落肉質香滑順口，湯味濃而沒有味精，營養豐富，原汁原味 相當唔錯，老少咸宜，牛肉羮啖啖肉，有清甜蘿蔔 ，加上薑絲陳醋，豐富味蕾，趁熱好好食。　　正九清湯腩 (旺角)旺角砵蘭街124-128號砵崙樓地下B號舖

之前係觀塘總店同朋友食過一次，覺得超好食，仲回味緊。今日同屋企人係油麻地整完眼鏡，行過見到正九既分店，即刻衝入去食！😂清湯崩沙腩河 ($57)上次我就食過清湯牛腩河, 今次屋企人就加$8升級做崩沙腩。😋湯底一樣咁正咁入味，河粉亦都做到好爽口👍🏻崩山腩雖然係肥小小，但成個口感係爽好多，有入口即溶感覺，而且都滑好多！🤤牛味就一樣咁突出。清湯牛三寶河 ($61)牛三寶包括牛腩牛肚牛筋。簡直係不得了！牛腩出色就唔洗講。😂牛肚都好腍好爽，超級正。牛筋有入口即溶既感覺，出面食既都好硬好難咬，呢個係易入口，亦好有口感！超高質！😍😍腩汁蘿蔔 ($16)腩汁好香，蘿蔔超爽口，份量又多，正👍🏻凍奶茶 凍檸蜜 (各跟餐+$8)飲品方面都好有傳統茶記味道，不錯！

今日約咗朋友喺旺角行街，帶咗我去食呢間清湯腩，朋友話呢間有幾間分店好出名，仲話一定要試清湯三寶撈麵$71 呢個三寶係牛腩、牛筋、牛肚，想講真係醃得好入味，尤其是牛肚同埋牛筋，炆得好淋，牛腩脂肪分布平均，撈麵底仲有少少蠔油但係又唔會太鹹，仲有一小碗嘅清湯，仲有兩種食法添，幼麵好爽彈 冇鹼水味😋👍🏻紫菜三寶河粉$42一拎到碗麵過黎，就聞到好香既紫菜味🤤🤤而呢個三寶份量係有三粒魚蛋、一粒墨丸、一粒牛丸。魚蛋粒粒都大粒，夠曬彈牙，食完想再食。墨丸都好彈牙，入面有墨魚粒粒，口感好好！香墨魚味牛丸就有牛味香濃 ，彈牙多汁，都想食多幾粒！河粉好滑呀腐乳通菜 $19通菜新鮮爽口，配埋腐乳一流！紅油抄手 $23份量都算多，差唔多有十粒，比起川式抄手，呢隻冇咁辣，比較重麻油香，性價比幾高，值得一試。

👩🏻行過砵蘭街先知正九清湯腩開咗新分店。之前都食過幾次，覺得佢哋嘅牛腩正到不得了😆。✨淨牛三寶 $148一碗有齊牛腩、牛肚、牛筋。‼️肉嘅份量超多，反而墊底嘅蘿蔔好少，不過白蘿蔔又腍又入味。牛腩肥瘦適中，有少少筋膜幾好味。牛肚係靚靚金錢肚，口感彈牙。牛筋好爽滑，仲有滿滿骨膠原❤️。外賣嘅話湯係分開放，個湯好濃郁好啱煮麵。除咗牛腩，佢哋仲有香港少見嘅福建小食牛肉羹😍。📍正九清湯腩 (旺角)旺角砵蘭街124-128號砵崙樓地下B號舖

旺角砵蘭街食肆林立，但云云選擇中唯獨呢一間係坐無虛席，於是就去試吓啦🫶清湯崩沙腩麵有得食崩沙腩既地方唔多，難得有一定要點啦！係位於牛肚皮附近既腩位，上下有兩層筋膜，咬落口一啲都肥，反而充滿膠質既感覺😍清湯牛腩河朋友就點牛腩河，佢都話唔靭，夠軟熟😁另外一讚清湯唔會得個咸字，而且冇話食完好口渴👍魚皮好大碟仲要係即炸㗎🤣浸落湯仲會「炸炸」聲，好正🥰腐乳通菜另外仲點左碟菜，通菜鮮嫩夠稔，好抵食👍👍

打風儲糧定下驚🫠講返正題 要定驚就一於食盡佢牛三寶撈麵😎有牛肚、牛筋、牛腩~六點幾去到已經賣晒崩沙腩😞 so sad 一場嚟到竟然冇晒我最想食嘅不過阻止唔到我食咗隻牛嘅決心各個部位都炆得好林好入味睇見咁深色就知份量又一啲都唔細另外仲加咗兩粒超巨型菜肉雲吞雲吞皮超薄好似小朋友拳頭咁大粒太早去到暫時未至於滿座感覺好企理睇睇下先發現原來有牛肉羹不過廣東粉麵唔啱口味嘅話都有口水雞、上海排骨湯麵等等實有一款啱你食

今日黎到旺角揾野食，想食番碗牛腩米暖下嗰胃仔😜😜就係登打士街路口位見到哩間店啦😃嗌左碗清湯牛腩米粉轉左崩沙腩，清湯牛腩真係美味可口，用清湯燉牛腩，以保存原味，以牛骨熬湯，再加牛腩，牛腩肉質鮮美，不但可帶出牛肉鮮味，而且連湯都非常鮮甜，唔會咸，喝起來一點都不油膩，但是又很濃郁呢☺️清湯牛腩飯，其實牛腩撈飯真係不得了，呢個雖然係普通牛腩，不過質素相都好，淨係個清湯而且足夠食一碗飯，牛腩好淋，好甜，相當唔錯🥰🥰炸排骨，金黃香酥，非常好吃，食得非常過癮，最喜歡熱辣辣炸起，份量又夠多😚油菜，菜心♥️♥️♥️

📍 正九清湯腩 旺角砵蘭街124-128號砵崙樓地下B號舖嚟到旺角食碗清湯腩 ，呢度有別於旺角一般的粉麵舖😎😎門面乾淨整齊舒適 環境亦光光猛猛，感覺乾淨食物質素好高！ 清湯牛腩米粉 ＋蘿卜 🤘🏻牛腩半肥瘦口感好正！肉質一絲絲好味道🙌🏻而且真係好大碗 湯底亦好香 😍加埋蘿卜好清甜！！ 味道確係有水準 🍴排骨擔擔面 ＋牛丸 🍴排骨炸到炸到金黃色〰️外脆內軟嫩！！肉質也不會過柴😋😋麵質彈牙 🤩🤩且掛上了濃香秘製花生擔擔面醬汁 十分吸引👅紅油抄手 🥄皮薄餡多的餛飩 一口咬下好滿足🍻食起上來口感飽滿不膩口 ～搭配特製醬料 好正💕💕腐乳通菜 🥗腐乳通菜帶小小辣，唔會太咸！菜嫩腐乳正，很新鮮💦💦

今日放工💼行經過呢間新開🎊嘅正九清湯腩，作為🐮牛魔王嘅我當然要入去會一會佢😏。入面雖然店仔細細，不過都乾淨企埋又光猛。我點咗個崩沙🐂牛腩撈麵加雲吞同埋凍奶茶🥤，個凍奶茶有啲驚喜🤩，香濃幼滑奶味重，幾啱我口味😋。🐂牛腩可加錢💰升級選擇🤤崩沙腩、🥰坑腩或者😍爽腩。我今次就揀咗😋崩沙腩🐮，味濃爽脆有咬口👍，撈麵爽口腩汁香濃🤩，正呀！雲吞亦都幾🤤高質，應該係用新鮮🐖豬肉包嘅，所以食起上嚟都幾😋鮮味。

原來而家旺角都開左分店，好近我返工既地方上次喺觀塘試過，已經覺得正晏晝食lunch已經唔知食咩好，附近d野食到悶呢個人流都係好多，坐滿晒人！我叫完外賣🥡都等咗幾個字先有得拎不過好食嘅，係要等下架啦今日帶咗清湯牛三寶河加牛丸、菜 $61+6+$8,佢lunch仲有飲品送!成碗野餸仲多過個河粉黐線㗎,啲牛筋炆到超級淋，食落骨膠原滿滿嘅感覺至於牛肚同牛腩都整到好出色，加埋辣椒油，味道好正啲河粉都係比較幼身，爽滑口感👍👍其實加$8啲菜都好多，成個碗滿曬而家咁近得閒都可以再去食