欣圖軒 (已結業) 查看

好鍾意去K11 Musea行街，今次去咗位於商場地下嘅「欣圖軒」食飯。店名係取洲際酒店 InterContinental 嘅 「In」以及「Tal」音譯成。係欣圖軒食飯就恍如置身係博物館一樣，除咗用玉石鑲製嘅餐具外，不得不提當日座位旁邊嘅一幅雙面繡，近距離欣賞過先知呢種技藝有幾精巧。✨🫖大紅柑普洱茶屋企人有品茗嘅習慣，而我就獨沽一味普洱，呢壼普洱可以話係我飲過最好嘅普洱，簡直係成餐飯嘅亮點。😉 當時茶藝師有同我哋上過堂，但恕我已經唔記得佢講過咩啦，只係記得飲第一啖時陳皮嘅果香湧入口腔，令我好驚喜，往後幾泡就帶出返普洱嘅甘醇，利咽舒喉，特別係咁乾燥嘅季節飲覺得喉嚨好舒服。☺️🌟美饌海鮮三式餃由左至右分別係龍蝦蟹肉菜苗餃、XO醬紅蝦粿、黑蒜帶子餃，廚師建議跟呢個次序由淡至濃咁食。餃皮稍嫌過厚，但三個嘅餡料都好飽滿，而我最鍾意中間嗰粒，蝦肉鮮爽彈牙，配埋惹味嘅XO醬好好味。😋🌟花膠燉響螺湯嘅份量比相中多(我飲咗兩啖先記得影相😂)，每碗有一塊厚身大花膠，兩片響螺。花膠入口冇乜膠質，飲花膠湯我比較鍾意「漿住漿住」嘅濃稠口感。另外碗湯味道好淡，食唔到響螺嘅鮮味。雖然足料，但單點飲唔過，套餐升級會好啲

個半月前睇youtuber介紹呢間點心話唔錯，攪到我心思思，跟住我上網book最快要到12月26日先有位。 卒之等到今日， 仲差幾分鐘先到11:30,知客叫我和另一枱食客入去梳化位坐等等， 我玩玩下電話，店員奉上一杯熱羅漢果茶，好好飲，唔會太甜( 後尾先知係羅漢果菊花茶).裏面環境裝潢十分精緻，餐具精美，book枱時候我話留在窗口位，慶幸今日天氣非常好， 陽光充沛~! 入座冇耐就奉上六款醬料，三款辣醬，豉油 ,紅醋和甜酸醬，小食甜核桃好好食，後尾我食完，店員立即奉上一碟。(正) 今日唔係好肚餓所以冇叫粉麵，首先食呢個香芋鴨肉 酥皮包$81, 切開嘅時候我見咁似係叉燒包？問咗店員話呢個 餡整法同叉燒酥一樣，不過就係用鴨肉，咁我覺得呢個味道好一般，食唔到鴨肉味又食唔到芋頭味。跟住就係youtuber推介嘅鮑魚蟹肉蓋$138(唔記得咗個正確名), 鮑魚好食好入味好腍， 入面全部係蟹肉，不過鮮味唔夠足，呢個食一次就可以。蒸點叫咗兩個：金魚蝦餃$90&紫菜素菜餃$75。 蒸餃品質好高 , 首先個金魚餃賣相非常可愛，冇走樣，入面食到蝦肉同埋有啲大帶子粒，十分鮮甜。 素菜餃 餡料有好多紫菜再撈左d菇

惠顧欣圖軒已有數年，唯疫情下減少外出用饍。是次與家人於聖誕節享用午餐，為其中一難忘體驗。環境優美，於維港美景伴隨，加上欣圖軒團隊專業又親切接待下，整個體驗十分完美 於用饍後提供羅漢果菊花茶，除洗去油膩感，於疫情下顯得為一貼心之舉 另外，不得不讚賞，欣圖軒除提供不同類型的美食、點心，豐富的茶目錄亦另整個飲茶體驗昇華。特別喜愛－貢珠香片，清新怡人；大紅柑普洱為另一推介之選。 是次推薦菜式 － 黑松露龍蝦煎粉果／香煎金蠔

餐廳環境舒適空間感足夠，桌上擺放的玉製筷子座、湯匙、牙簽盒，精緻而淡雅。四周亦放置了不少藝術品🖼。餐廳有駐場的茶藝師🍵，亦有特別的茶葉，但由於我們沒有品茗的習慣，所以只點了一壺普通的鐵觀音。另有一碟琥珀合桃作餐前小吃，十分香脆、味甜而不膩。午市套餐有兩款，較便宜的是$488/人。原隻鮑魚海鮮脆芋盒(如在主餐牌單點正價$118)。鮑魚有咬口夠入味。芋盒外層夠脆身不油膩，芋頭香而軟滑，內裡還有一梳梳蟹肉🦀。唯一挑剔就是蟹肉微腥。黑松露菜苗餃及白玉素菜餃，賣相相比之下較為普通。不過黑松露味很足，至於素菜餃，媽媽就話味道一般不特別。加$90可由時令靚湯轉為花膠燉響螺湯，湯非常清，完全無油，而且十分足料，有一件大花膠和三塊響螺片。蝦球(忘記名字)外層的炸粉做得很簿，蝦夠大隻、肉質夠彈牙，但表面的醬汁過鹹。初時以為北菇蒸雞和炒飯係普通菜式，不過食落十分有驚喜！雞肉肉質非常細嫩入味，比想像中好吃。炒飯炒到粒粒分明，而且很有鑊氣，好味的程度係唔鍾意食飯的我都想食多幾啖！甜品係合桃露和紅棗糕，合桃露非常香，甜度適中，平時甚少食中式糖水的我都覺得好好味~至於紅棗糕紅棗味非常濃郁，入口清甜，但質感好似大菜糕

友人介紹，我們一家四位初訪欣圖軒。找了一陣子，因為現在酒店維修，要由商場進入。我們第一次來 ，環境寬敞，不過侍應們好像很忙，有些配搭不來的樣子。小食是琥珀合桃，甜甜的香脆不錯。有六款調味料，有點心思，雖然結果沒有大用，但提供了選擇算小貼心。小食是話梅凍山藥，清清地酸酸地 ，開胃菜來說不錯。 是晚有酒類特價，四百八十元一瓶紅酒，配餐ok。為什麼說強差人意呢？ 主要係服務方面，點餐的時候看到侍應配搭有點生疏，兩位其一態度冷淡，後來上鮑魚海鮮荔芋盒和黑松露龍蝦煎餃時又錯了數量，結果煎餃要再等好一會才有。如果在高級食府，這樣的失誤一般不會發生，而且錯了之後也沒有特別解說，只是過了一會下單的侍應過來說了句煎餃等等好快會上。鮑魚海鮮荔芋盒外型漂亮，因是家人吃我不知道味道。上湯黑松露龍蝦煎餃有特色，上湯清香，餃子口感不錯，只是刨黑松露時也有點搞笑，刨不太出來，所以見到專業程度很參差。香酥荔芋鴨，我們很喜歡吃的一道菜。這裏做得很出色，炸皮鬆脆， 連烤皮鴨肉排得非常整齊，吃起來不油膩，味道濃郁好吃這個竹笙菇卷好像是配有燕窩，中規中矩， 味道其實沒有特別，典型中菜比較濃芡的口感。估不到這個鱸魚也是煎炸的，

第一次去食酒店中菜，非常有驚喜！食物精緻又好食，服務又好！佢地一開始就會有6款醬料比你用，仲會有碟小前菜原隻鮑魚海鮮泥芋盒，呢個有驚喜！好好食，入面有好滑既芋泥，好多蟹肉同一啲海鮮，外面內軟，鮮味十足🤤🤤黑松露鍋貼大蝦，一開始以為係鍋貼點知原來係蝦多士，多士炸得好脆，但略嫌有點油膩香燒軟骨鴿，上碟不是太熱，但仍然好脆，亦有少量軟骨，好食，但可以不試叉燒好好食，半肥瘦，好淋！餸飯一流，但做吾到脆邊有點可惜⋯⋯焗釀蟹蓋，炸到非常之脆，蟹蓋亦相當大，內餡好足料！超多蟹肉，仲有少少洋蔥增加口感同香味，值得推介！👍🏻瑤柱花膠絲炒桂花翅，超級好食！好香！每一啖都食到瑤柱嘅香味，仲夾住蛋花同花膠，好出色！唯一嘅缺點係花膠無味鮑汁海鮮布袋豆腐，又係一款出色嘅菜式，佢係用響鈴包住新鮮嘅帶子，魚柳，蝦，一咬落去響鈴仲脆脆地，帶子非常鮮甜，配上鮑汁，好夾好好食，帶出鮮味用餐完畢後，仲送上甜品架同埋羅漢果茶，相當滿足

❀ 欣圖軒 #尖沙咀 ❀❗️洲際酒店內海景 多年米芝蓮兩星中菜廳❗️——————————————————DiningCity Restaurant Week優惠又返嚟啦，又可以以平價享用到多間著名餐廳嘅招牌菜式😆今次好好彩book到呢間位於洲際酒店內，榮獲多年米芝蓮兩星嘅中菜廳⭐️⭐️雖然現時稍被降到一星，但內裏嘅優雅高貴氣派、店員嘅服務、食物嘅質素依然甚為頂尖。.欣圖軒，取名於其英文名INtercontinenTAL嘅第一同最後一個音節，特色在於全間餐廳都用上翡翠色嘅玉石裝修，富有中國特色得來但又有高貴優雅非傳統守舊嘅感覺💚對住一望無際嘅維港景色，午市嚟到陽光照射入嚟閃閃新輝✨貴為多年兩星嘅餐廳，以及傳統五星級酒店品牌，服務質素當然有一定嘅水準，會為客人介紹食物，主動湛茶、帶領到廁所等等嘅基本服務都有做到(不過就始終比唔上同四季酒店內三星嘅Caprice)。.✷𝑀𝑒𝓃𝓊✷Restaurant Week Promotion Menu 菜單 $680 坐低先會提供餐前小食，係超級脆口嘅合桃。另外仲會提供三種唔同辣度嘅辣椒醬、同埋三款鹹、酸、甜嘅醬油，任君選擇。.☞ 薑蔥海蜇頭雞絲🐔涼涼甜甜地嘅雞

今日黎到欣圖軒食lunch事先book好位 有窗邊位坐 對住個景慢慢食~入去打算等齊人先入去時服務員叫我地坐住係呢度等 仲比左d茶我地飲~ 服務態度非常好!對住個景食 一流😄每枱擺左set餐具同擺設好靚翠玉 每件都好聚手下🤪因為老細發板 所以佢叫咩我地就食咩😂叉燒包叉燒包真係好普通同出面食既真係差唔多蝦餃個皮晶瑩剔透 入面d蝦好大舊好新鮮 好味！春卷好香脆 入面d蝦肉好彈牙蘿蔔酥呢個最好味 外型好可愛出面酥皮唔會太漏 入面d蘿蔔絲都好好味豉油皇榣柱炒腸粉如果自己叫一定唔會叫呢個超級普通 寧願出去食xo醬炒腸粉🙈個名寫住榣柱但真係唔係好見到~無花果穀飼牛d牛好有牛味好soft 入口即溶但配料同個味夾埋怪怪的🙈酸酸地 好似唔係好夾咁🙈榣柱蛋白炒飯呢個炒飯好味！好多榣柱 d飯炒到一粒粒 好味😋最後仲每人送一d茶葉～雖然d野食一半好 一半麻麻地但服務態度真係好好~同埋對住個景食真係好舒服☺️

欣圖軒 - 𝐉𝐚𝐝𝐞 𝐒𝐡𝐢𝐧𝐞, 𝐕𝐢𝐜𝐭𝐨𝐫𝐢𝐚 𝐇𝐚𝐫𝐛𝐨𝐮𝐫 𝐕𝐢𝐞𝐰, 𝐌𝐢𝐜𝐡𝐞𝐥𝐢𝐧 𝐎𝐧𝐞 𝐒𝐭𝐚𝐫First visit after they renovate to K11 musea. Super elegant dedor with sea view, details mind and friendly services, worth to have a Michelin one star ⭐ Toh Heen serves an exquisite Cantonese Cuisine at Intercontinental. I especially like the jade tableware and the ambiance, rich heritage, classy and spatial. Excellent services, the meal was served at the perfect pace.We try a restaurant week menu ($688+1), menu attached later. For me, it

裝修好靚，特別整張相係佢既玉器餐具同埋刺繡既屏風。座位距離吾算好近，但黎幫襯既多數係老人家或者一家大細，所以環境好嘈。我果日仲聽到後面枱個老豆鬧個喊緊既阿仔。1️⃣黎欣圖軒一定要飲佢既茶。我叫左陳皮潽洱，即係柑潽。茶藝師同埋侍應介紹茶葉歷史，係我面前盅碎個柑潽表演沖茶。味道越飲越有柑橘香，茶味又濃。2️⃣欣圖軒既點心製作出色，特別係佢既龍帶玉梨香。雖然炸過，但吾會膩。有帶子、龍蝦肉，新鮮既梨。好好食。3️⃣鮑魚海鮮盒都印象深刻，因為啖啖蟹肉。4️⃣wasabi咸水角係我貪得意叫，又幾好食喎。5️⃣灌湯餃呢⋯⋯⋯⋯我發現好多間米芝連中菜廳既灌湯餃都係有湯浸住。其實真正既灌湯餃係冇湯浸住，湯係餃入面架嘛⋯⋯不過！有長腳蟹肉同埋肥厚既竹笙（粗厚既竹笙都好貴架），算佢啦～6️⃣三色海鮮餃相信係人人黎到都會叫既。其實好多點心既餡都係海鮮，你有冇發覺？7️⃣叉燒就堅係No No No No!!!!!!!我要吐番出黎，絕對不是誇張。個汁又黏又過甜，舊叉燒肉肥膏多、肉又吾鬆軟。暫時天龍軒既叉燒係第一，第二係明閣。再有好食既我遲下更新。

試欣圖軒，好普通😅真係暫時試過貴點心最好食係香宮。呢間每隻餃都無鮮味，食落感覺係厚少少既皮包下魚呀蝦呀咁。收成188蚊既三種餃什至好似一樣味咁；蝦餃唔好味，食落好似撈左牆灰咁既味，怪怪地（我無食過牆灰，聞既feel,利申 😬😂😂😂）。蘿蔔絲酥啲皮太厚，蘿蔔絲好少，有隻無味蝦係入面，食左半隻，後尾了開晒啲皮，飽飽地仲唔食到另外一隻。服務好細緻好好既算係。埋單475蚊，我俾505蚊佢，佢可能亂左啲急左啲問我洗唔洗找錢，老實俾埋銀仔你，唔通留30蚊貼士咩，俾得30唔俾埋個五蚊佢？我話要找。我係窮X，無俾貼士既習慣😂😂😂前一日book,都近窗，靚view既。但係我係唔緊張環境既人，如果食到人間美味，後巷食野完全無問題。暫時香宮最好，脆口香酥，層皮既糖厚度剛好。欣圖軒同嘉麟樓都普通，欣圖軒既份量仲少啲啲（都係一個人去食同嘉麟樓嘅比較）金魚餃，無感。厚皮，包下無味唔鮮魚肉啲野咁素餃都無感。三色餃食落差唔多，厚皮包啲野咁。唯一有分別嘅係有黑蒜既。食落完全係食到有片黑蒜囉😂😂😂但樣靚既，上枱面嗰下都開心嘅。超難食既蘿蔔絲酥😭 好浪費錢。皮厚到暫時成世人未食過。入邊隻蝦唔新鮮無鮮味。未去到超市急凍雪藏蝦

雖然洲際酒店在四月中停止營業裝修兩年，但佢嘅米芝連之星中菜廳-欣圖軒其實仲係繼續營業，個入口轉左喺K11商場入邊。今日食嘅點心好精緻，環境仲好舒服，酒店員工服務細心入微，真係不愧係五星級酒店嘅中菜廳，洲際冇咗，真係非常可惜啊！

男朋友生日 平日好少食中菜 特登 book 來同佢慶祝 試下米芝蓮餐廳叫左個488 lunch set , 再加左$90 飲花膠響螺燉湯 點心都精致 仲即刻整新鮮既黑松露落 d 餃度 。燉湯好清好好好飲 其他set 入面既野都好好食 散叫左蜜糖黑豚叉燒同鮑魚脆騷盒 都唔錯 但兩個人真係太多 食唔晒 酒店仲送左生果盒比男朋友 話知道佢生日 好細心好 suprised用餐經驗好滿意

2020年7月29日是香港因疫情下暫停堂食，因此在28日我選了欣圖軒作為午饍食堂，除了環境寧靜外，亦可一邊望着藍天白雲吃着美食，一絕是也。其優質服務及點心美味不用說，連小食琥珀合桃也比半島酒店嘉麟樓更好吃及出色，亦可免費添加，期待疫情過後才來光顧。是日點了筍尖蝦餃、海鮮金魚餃(待應看我一人來，逐建議上述二點心先來二件，一來可試其他食物，二來不用浪費)、三色海鮮餃、松露上湯浸蝦角、長腳蟹竹笙灌湯餃。

Exquisite Dim Sums with modern presentations are the essence of Michelin starred「欣圖軒 」Yan Toh Heen’s 3-generation culinary heritage. Be prepared for a journey across time as you enter through its brand new entrance via K11 MUSEA!Y’all must order at least three of the items here: they’re the Roasted Pork Belly, sooo delicately thin and crispy 🤤, the BBQ Pork with Honey, really tender and moist, and the last one, can you guess what it is...? It’s the Crispy Fried Rice with Crab Claw...my gosh it w