104
20
6
港鐵尖沙咀/尖東站 J 出口 繼續閱讀
電話號碼
23132323
開飯介紹
2013年重新裝潢的欣圖軒,設計糅合古雅華麗及現代中國風,坐擁維多利亞港美景。餐廳重新開業後加入多款新菜式,亦保留多年來的招牌菜,菜式看似家常,用料、調味及烹煮功夫卻講究。 繼續閱讀
獎項殊榮
米芝蓮二星餐廳 (2015-19)
營業時間
今日營業
12:00 - 14:30
18:00 - 23:00
星期一至六
12:00 - 14:30
18:00 - 23:00
星期日
11:30 - 15:00
18:00 - 23:00
公眾假期
11:30 - 15:00
18:00 - 23:00
付款方式
Visa Master 現金 AE 銀聯 JCB
座位數目
120
其他資料
Wi-Fi
酒精飲品
自帶酒水
切餅費
VIP房
泊車
電話訂座
加一服務費
海景景觀
食評 (142)
等級8 2019-02-21
6413 瀏覽
農曆年後,總有幾餐同朋友一齊聚一聚嘅開年飯,其中一餐就印象好難忘,就喺晌香港洲際酒店獲米芝蓮兩星嘅「欣圖軒」,從餐牌內頁嘅介紹,更喺福布斯五星嘅食肆。雖然,小弟唔會全然信晒啲乜星物星,不過,今次到訪過「欣圖軒」食午餐,享受咗一次粵菜藝術,就知其摘星有因,絕非僥倖!餐廳嘅入口位就位處食自助餐嘅「港畔餐廳」側旁,門面其實有點唔顯眼,不過,入到去你就知咩叫做深藏不露。原來餐廳剛由另一邊位置搬過嚟,屬全新面貌,由門口入到大廳,就會輕易發覺都喺以優雅嘅玉石做主題,中國人對玉石可謂情有獨鍾。先介紹吓接待處對出呢個位置,最初匆匆入去大廳時都無為意,以為只喺一個淺池,之後再細看,天花垂落嚟呢個其實喺印章,「欣圖軒」三個大字正正清晰鮮明倒映晌水池中,非常有心思。再經過由墨綠色玉石砌成嘅大門框後,影入眼簾就喺一條長長嘅長廊,長廊兩旁喺以人手鑲嵌咗用珍珠貝殼刻畫嘅圖案,一邊抽象咁展示出海岸、山脈……等等意境線條,另一邊則勾畫出富中國色彩嘅松樹與梅花,喺對中國文化嘅一種重視。此外,沿路、以及大廳,都放置咗唔少藝術品,雖然,小弟對藝術嘢一竅不通,但予人更感高雅脫俗。卒之嚟到大廳用餐區,感覺豁然開朗,因為,原來餐廳嘅對出景觀就喺「星光大道」,適逢「星光大道」工程完結再開放,加上落地大玻璃,令景觀非常開揚,燦爛嘅陽光映照入嚟,予人心懭神怡、精神倍添嘅感覺;而且,枱與枱之間編排闊落,亳無拘束感。而整個「大客廳」,可細味嘅裝修何止一、兩點?就好似啲絲綢屏風,唔介紹都唔知,除咗人手製作之外,屏風均用咗6種唔同層次嘅綠色絲線,以構成6層絲網,形成三維嘅層次效果;仲有,當中更以中國其中四種最能代表四季嘅花卉作主題,並以蘇州雙面刺繡、珠仔同青銅金屬定製,所以,前後睇都喺一樣咁精細,令整體更具古雅盎然。其實除環境寫意外,枱上嘅擺設亦顯出高雅精緻,好似小小一盆粉紅蘭花,襯啲插花技巧,已營造出好寧靜感;而一整套玉石餐具:餐碟托板、餐巾、湯匙、筷子及筷子托,唔單單喺用嚟食嘢咁簡單,更提高觀賞價值。平時去飲茶,坐落就更喺叫飲咩茶,呢道一樣有鐵觀音、龍井、壽眉、普洱……等等常見嘅茶葉供應,茗茶每位收$26,不過,如果你對中國茶有要求,又或好奇一啲特級嘅茶葉,依度一樣可以滿足到你。單喺講茶,已獨立有一本茗茶嘅餐牌,如大紅柑普洱茶、布朗山百年古樹普洱茶、芝蘭水仙、天山珍稀野菊、炭焙茶皇鐵觀音……等等,細看之後真喺讓小弟長知識,特聘專人搜羅各地得獎珍稀茶葉,更設有茶藝師作品茶指導,為咗將傳統粵菜與中國茗茶可以好好配合,更使人領略中國茶道之博大精深!鳳凰桂花香 $108 / 位不過,要一嚐此等特級茗茶,就需要有多點付出。呢一款「鳳凰桂花香」睇餐牌嘅介紹,屬半發酵烏龍茶,來頭唔小架,榮獲2011、2014年香港茶藝博覽會烏龍茶組冠軍,亦喺茶藝師嘅推介之一,功效有消脂去膩、強化血管、降胆固醇。色澤清澈而金黃,性平淡雅而清香。琥珀合桃餐前等待點心之際,一口清幽嘅烏龍茶,一口琥珀合桃,一清一濃,平衡不過。啲琥珀合桃喺自家製,入口非常香脆,而且,去足衣,完全無苦澀味,再者,合桃面蓋上薄薄一層糖漿,恰如其分,絕無過甜嘅問題。醬料6式一般而言,到酒樓食點心,慣性不外乎辣醬,就喺豆瓣醬,但「欣圖軒」貴為星級酒店嘅中菜,豈會咁平凡。待點心送上前,先嚟6款醬料,左邊一組喺浙醋配薑絲、陳皮梅子醬、自家配方海鮮醬油,右邊一組喺海南黃椒醬、港式香辣醬、濃香豆瓣醬。究竟點配搭,簡單而言,隨心就得嘞,無需太拘束。極品三式海鮮餃 $168嚟到「欣圖軒」,點心嘅賣相都會預期喺極盡心思,就好似呢一道以長型蒸籠嘅出品「極品三式海鮮餃」:黑松露帶子餃、金箔燕液龍蝦餃、長腳蟹肶菜苗餃,單喺睇食材用料已知有幾矜貴,再加上別出心裁嘅配搭,每一件都好有個性,而且,手功好細緻,餃皮薄而柔韌唔黏牙、原片黑松露散發陣陣幽香、帶子清甜富鮮味、龍蝦肉鮮爽彈牙、菜苗刴得細膩清新……,將食材嘅鮮味原原本本咁帶出,真喺美食嘅藝術。至尊香脆三重奏 $168另一道招牌點心喺香脆為賣點嘅「至尊香脆三重奏」,3道點心分別喺杏片蜜桃海鮮筒、鴨肝香芋白玉佩、香芒牛油果焗蟹盒,貌似平平無奇,其實,貫徹配搭有心思。海鮮筒以米紙卷做成,入口十分香脆,鴨肝夾香芋,出奇地襯喎,而焗蟹盒內填滿咗絲絲蟹肉,混入芒果及牛油果,令味道更豐富。柚子明蝦角、黑松露和牛咸煎堆、星斑海鮮金魚餃今次無放啲餐牌資訊出嚟,因為上返佢哋官網就有齊晒。而其實,以上3款點心都喺散點嘅點心嚟,每客各3件,賣$75、$88、$88,不過,如果有部份點心好想試,人少少又點唔得幾多籠,喺可以事先跟餐廳經理溝通吓作出預訂,做成一份份「自定」三小碟、四小碟嘅點心小拼盤。明蝦角外皮包得摺紋細緻而香脆,加入柚子肉令味道清爽咗,和牛咸煎堆喺小弟最欣賞嘅點心,幽香得嚟有份鹹脆,而金魚餃造型像真,裡面嘅星斑肉堅喺滑溜到不得了!花膠燉響螺 $280有時食嘢,如果有留意啲細節位,就會發覺一道菜嘅好與壞,除咗用料,仲有就喺心機。當一打開蓋,湯色絕對喺清澈見底,喺清到半滴油都無,可見隔油嘅工序幾用心,而味道卻喺清甜且滋潤;撈上嚟睇睇有花膠、響螺,都喺大件嘅靚貨,咬落去花膠嘅膠性更有少少啜牙嘅感覺,響螺卻喺爽口帶韌勁,最好就喺沾少少海鮮醬油吊吊味。脆釀鮮蟹蓋 $238餐牌中有一系列「劉師傅巧手推介」,劉師傅喺邊個?餐牌中有介紹,佢就喺「欣圖軒」背後嘅靈魂人物,有超過30年粵菜經驗嘅行政總廚劉耀輝師傅。至於「脆釀鮮蟹蓋」喺巧手推介之一,整個蟹蓋炸得金黃,面層做得薄而香脆,卻喺全無油膩感,炸功了得,咬開裡面,啲蟹肉唔喺一絲絲,而喺一梳梳,白汁底又唔會太杰身,恰到好處,叫人食得十分暢快。蒜片青尖椒爆和牛 $300依個亦喺另一道「劉師傅巧手推介」菜式之一,查實晌餐牌中標價喺$600,怕一客太多食唔晒,但又想試,可以向餐廳查詢一下可唔可以做半份,眼前呢一客就喺半份嘞,其實話半份,一樣唔少,賣點就喺用上好靚嘅和牛,仲切得比一般大粒啲,所以,入口更具口感,且甚有油香;其餘嘅細節位亦無馬虎,如青尖椒炒到爽脆不辣,啱晒我,更伴以不少雞脾菇,就連啲雞脾菇為求美觀都切成精條狀且大小均一架。櫻花蝦八寶焗飯 $148 / 位講到啲飯麵,要留意一下,就喺部份菜式喺以每位計,部份喺碟頭計。「櫻花蝦八寶焗飯」以小瓦煲上枱,既古雅,又能更有效保溫。八寶焗飯喺以烤鴨肉、芋頭、瑤柱炒成,本身已經好夠味,再加埋啲櫻花蝦,就當然更有畫龍點晴之效啦,最正喺飯粒分明,入口有份清爽感。香芋奶凍伴糖心紫薯 $100最後,嚟一道甜點「些牙」吓,但最估唔到,原來「欣圖軒」晌甜品方面都下咗好多苦功,唔喺單單兩、三中式糖水咁簡單應酬吓,而喺有多款中西式甜點,部份更用上特別嘅食材。我哋呢個奶凍,香芋味非常突出,奶凍嘅質感柔滑而挺身,啲糖心紫薯則煙韌有咬口,好有薯香。餐後,餐廳更會送上一份小禮品以示謝意,希望客人用餐愉快,冀再次光臨。而小禮品裡面喺茉莉花茶茶葉,可謂物輕情意重,此外,因時值農曆新年,更有一封利是,仲以為會唔會喺啲餐廳優惠券,原來喺一張紅卡及一個朱古力金幣,前者以英文介紹乜嘢喺豬年?利是又喺乜?後者則帶點祝賀的意思,實在好有心思。「欣圖軒」嘅用餐環境予人舒服寫意喺無庸置疑,而服務更絕對喺酒店應有嘅級數,亦會為客人嘅需要而盡量作出安排。據介紹,如果晚上嚟用餐,更有點像品嚐法國菜般高級餐飲(Fine Dining)嘅細膩。食物方面,除用料精、廚藝紮實,更有好多創新嘅意念,當然,晌度食一餐飯絕不便宜,但加上環境、服務,仍喺物有所值,遇上特別嘅日子,確喺一個很好嘅選擇。 繼續閱讀
等級1 2019-06-07
0 瀏覽
以前嚟過欣圖軒。食品質素都唔錯。服務亦都合乎水準。今晚嚟到呢度係提前慶祝端午節。預先已訂了花膠湯片皮鴨 居然連前菜都要等成個鐘。 收尾發覺原來係留咗單 咁高級嘅酒店食肆居然會係咁。請埋啲人又唔熟手 一不單止服務差面食物亦都非常重手咁鹹啊士氣又差個Belt boy 喺度玩電話 總之一去到就發覺員工十分懶散。 係個大堂經理稍為好啲 成家人仲食咗成萬四蚊諗住呢間野都算係曾經有米之蓮冇理由咁差㗎永不錄用叫返做麗晶都冇用 繼續閱讀
(以上食評乃用戶個人意見 , 並不代表OpenRice之觀點。)
Chinese cuisines have always been my favourite comfort food. While I particularly enjoy dim sum, I also like Chinese stir-fries and high-end Cantonese dishes. Recently, I have been to the re-design and a newly renovated Chinese restaurant – Yan Toh Heen. I am super excited to share the experience since it is the second visit after my first to celebrate my 21st birthday.Yan Toh Heen is located at the lower level of the Intercontinental Hotel. It has an elegant and gorgeous interior, a hand-carved jade corridor, and breathtaking harbour views of the Hong Kong Island.We are so lucky to have Tea Master to make and serve us Charcoal Brewed Tieguanyin Supreme.First, come some candied walnut. It is TO-DIE-FOR!!! I can’t stop myself from eating the whole plate but we ended up finishing 3 plates of walnuts. Teehee 😀Next is a platter of signature Yan Toh Heen dim sum which are made into 3 colourful dumplings. They include steamed lobster and crabmeat dumpling with vegetables, steamed carabinero shrimp dumpling with homemade XO chili sauce and steamed scallop dumpling with black garlic.The three chili dippings served aside are amazing too.Followed by Chef’s Dim Sum Selection. A steamed garoupa dumpling is so eye-catching as it is made into a cute little goldfish. The two glutinous dumplings are filled with sea cucumber & pear and wagyu beef & black truffle respectively and they are both so crispy on the outside. My favourite goes to the crispy prawn dumplings served with a delicious homemade mango & yuzu mayo.We also tried a few seasonal and authentic wok-fried dishes. I loved the lobster with black garlic and herbs cooked in Cognac, as well as the incredibly tender wagyu beef diced and stir-fried with black peppercorns, served in a deep-fried crispy golden wheat flour basket. A highlight goes to one of the Chef’s signatures – crispy rice served with carabinero shrimp bouillon. The rice stays crispy in the broth and the Spanish oyster is particularly so meaty and fresh.Last but not least, Yan Toh Heen’s desserts are must-have. The Mango Sago is stunningly presented over dried ice with a smoky effect, very chill and delicious. The chia seeds pudding also looks impressive with some osmanthus on the side, longan fruit and a scoop of homemade ginger ice cream, which reminds me of my homemade ginger milk ice cream. 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-16
1210 瀏覽
第一次來 intercontinental 洲際酒店, 對上一次只係來飲,第一次來欣圖軒晚飯,第一個印象係佢地個中菜廳裝修好靚,好典雅既設計, 服務由外面到入坐,服務都係6星級, 到點茶及點菜時,由於我地有5位,各人想法不同,職員都好有耐性來一一講解,非常有耐性地提供意見及等我地做決定,中間仲要一邊點菜,一邊仍在想加菜,所以絕對要俾個LIKE佢地既專業服務及態度先來免費的柚子豆腐,非常清新,之後海折同一般用陳醋調味不同我最喜歡係素菜腐皮卷,外脆內軟,非常好食, 花膠桂花翅既花膠無乜味及硬,呢點有進步空間, 另外家人都非常喜歡海爐魚及雞, 魚皮非常脆,魚肉鮮嫩,雞亦係外脆內軟,裡面肉質好嫩滑木耳,及燒肉都有極高水準,但燒脆鱔就比較失望,因為唔脆而且有魚腥味, 希望日後會有改善飯後甜點都係非常推介! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-21
1133 瀏覽
新年既拜年飯選擇左呢間餐廳,整體表現係全5星!無論環境,味道,服務都係一級。果然米之蓮即係米芝蓮,呢個價錢係絕對超值👍🏻👍🏻👍🏻👍🏻👍🏻每一碟食物都好精緻,對住個海景食飯真係加爆分😍😍雖然菜品分量小,但好精緻而且味道十分佳,當日忍唔住做左一晚港女不斷影相😋當日叫左呢個menu,每份望落好似超少咁,但食到最尾甜品時已經好飽🤣🤣甜品既擺設都好有心思呢款甜品真係超令😍😍😍 繼續閱讀
(以上食評乃用戶個人意見 , 並不代表OpenRice之觀點。)