樓下冰室

營業中

休息中

樓下冰室選用左舊式冰室做裝修主題，好有趣～位置都係令人坐得舒服既卡位🤙🏻餐廳主打瑞士汁同特濃既蕃茄湯底，所以我地揀左特色蕃茄濃湯通粉配牛乳炒蛋，任選一餸揀左招牌瑞士雞髀🤗唔係講笑～雞髀勁厚肉，瑞士汁濃厚，咸中帶甜，用黎送飯都應該一流👍🏻蕃茄湯底真係好足料，唔係得個酸字，加埋上面既炒滑蛋我差啲連湯都飲哂！🥰去冰室最鍾意就係食菠蘿油同西多士！菠蘿油舊牛油真係令人又愛又恨😌值得一讚係餐廳全部食物都好熱！咁樣真係會為本身已經好食既野加分👍🏻西多士炸得金黃，入面既粒粒花生醬增添口感😍野飲我地叫左熱檸蜜同華田脆脆檸蜜唔會過甜好滋潤😃華田脆脆飲第一啖已經俾濃濃既華田味漿住個口，加埋脆脆口感一流😍

屋企附近的美味😋冰室主打番茄湯 · 瑞士雞脾，加上不含味精👍，每次經過都人頭湧湧，港女唔想等所以至今都未幫襯過，上星期經細妹不停游說下，終於的起心肝早啲起身去排隊……-☆ 招牌瑞士雞脾拼特色番茄濃湯通粉配牛乳炒蛋 HKD$50番茄湯酸中帶甜味道剛剛好，最鍾意有酸味既番茄湯，好多蕃茄蓉，咬到啖啖蕃茄肉，的確真材實料，明顯係煲左好耐先可以咁濃郁👍。炒蛋加左牛乳一齊炒，非常Creamy滑漏而味道亦好特別😍，唔似普通炒蛋咁乾爭爭。瑞士雞脾的確不負我望，大隻個手掌，好濃郁既自家製瑞士汁，甜甜地帶點香草味，雞肉十分嫩滑，瑞士汁分布均勻，每咬一口都充滿濃濃瑞士汁👍，必食推介。-**溫馨提示瑞士雞脾居然漏單，通粉食完好耐都唔嚟。可能因為太忙，侍應都唔係好得閒理你，不過咁好食就原諒你啦~

每次幫襯樓下冰室都係去路德圍 今次經過荃薈中心有分店就抱住好奇心黎測試下呢間分店會唔會保持到水準 究竟味道又會唔會拍得住路德圍呢？ 食用完後感 答案係能夠！至今仍保持到原有水準！ 樓下冰室以蕃茄作招牌 所以今次就嗌咗個蕃茄炒意粉 意粉同蕃茄焗豬排 pasta食落去唔會太乾太dry 另外豬排大件 夾抵食 真係物有所值架 最重要既係蕃茄味相當入味 酸酸甜甜相當開胃！ 另外仲嗌咗個瑞士汁雞脾 一上碟就見到雞脾好似手掌咁大 肉質鮮嫩多汁 個汁係調較方面亦做得相當唔錯 雞脾入味得黎又多肉多汁 配合埋紅豆冰真係一流

下班時，順道帶國內同事返酒店。他的酒店位於荃灣的悅來酒店，交通非常方便。到埗後，他提議一起吃飯，大家便到了酒店對面的樓下冰室。記得我曾經到過荃灣路德圍的樓下冰室，吃過它們的瑞士雞翼，那個滋味仍然記得起。可能是天雨關係，餐廳特別多客人。坐在鄰座的原來是一班韓國年青人，同事看著他們吃得津津有味的食相，偷偷笑了起來。這裡的裝修甚有老香港之懷舊之風，食物、飲品種類多。同事讓我來發板，我們點了: 瑞士雞翼、雞湯浸什菇娃娃菜、自家製叉燒滑蛋飯、金牌咖喱牛腩飯、紅綠椰冰、菠蘿冰和奶茶 (跟餐飲品享半價優惠)【菠蘿冰、紅綠椰冰】菠蘿冰冰涼清甜，飲落很爽。紅綠椰冰不太甜，啱味，紅豆綠弄好香好腍。【奶茶】茶味幾香濃。【瑞士雞翼】是必食的小食。瑞士汁的味道調得出色，雞翼又腍又滑。【雞湯浸什菇娃娃菜】專登點一個蔬菜來平衡一下。什菇和娃娃菜嗦滿雞湯，零捨好吃。【自家製叉燒滑蛋飯】這個飯值得推介。雞蛋炒得滑而且份量多，叉燒是切大片的，所以吃起來特別有口感，絕對不似得揚州炒飯那種切粒叉燒，吃得不痛快。【金牌咖喱牛腩飯】牛腩炆得腍，又入味，咖喱汁又香又夠辣，夠惹味，配白飯是一流。後來，同事說，這裡離酒店非常近，他們一

因工作需要，改左乘車上班的方法，平時都是知道附近得超級連鎖快餐點，仲要跟超多旅客迫埋一齊，今日把心一橫，行遠多少少，睇下有冇其他餐廳食早餐。終於俾我發現到一間可以keep住去的冰室（茶餐廳）了，雖然都是對住酒店，但食客大部份都是香港人，理少我食嘅時間係😂叫左個早餐C，沙嗲牛肉麵、炒蛋多士及凍檸茶，正常早餐價錢$34+$3（凍飲）多士係厚厚的，本人十分喜歡，如果再多啲牛油會更開心。炒蛋好食，好滑，有蛋汁～ 以往我係好少食晒炒蛋的主角味道是正常，夠味，okay~

平時冇特別野做，我地兩個都隨隨便便喺屋企附近食野，近期鐘意來荃薈樓下冰室，價錢抵食又好食。呢間分店裝潢幾得意，有少少懷舊feel。茶餐廳來講都算幾舒服，我地仲坐到卡位，店員做野好爽手利落，我地對呢間分店印象好好。menu選擇多，招牌都特別多，當然唔少得蕃茄湯通啊、瑞士雞脾啊等等，都好正。自家製叉燒滑蛋飯：因為之前我多數食蕃茄湯通，我地反而第一次食叉燒飯，好多枱都有點架，所以我好放心，應該好食。首先賣相真係好唔錯，雞蛋嫩滑，加埋蔥花，好香叉燒都ok啊，份量不少，唔會太乾。相對於而家好流行果種流哂心嘅滑蛋，間中食呢種都好過癮，同埋佢加入左瑞士汁，好鬼香瑞士雞翼：平時我已經好鐘意食佢地嘅雞脾，今次試左雞翼，原來都好好食。一份三隻，雞翼夠大隻，然後非常腍身，入口離骨。唔係淨係得層皮有味，雞肉都有，我自己好鐘意食雞翼，就俾好高分蒜蓉芝士多士：其實都唔錯，即時整嘅，如果芝士多啲就更加好。上湯浸娃娃菜，湯底唔會好鹹。凍檸茶、菠蘿冰

今日放工入黎荃灣嘆下午茶，自己一個悠閒時光！見這間冰室好特色又懷舊設計就入去了！下午茶時間都好多客人喔！這裡出名是瑞士雞翼雞肶、炒蛋及番茄湯粉、更有菠蘿油。咁當然要點我一向愛的番茄湯啦！有多款下午餐及所有粉麵飲品都免費，好抵食！點了熱奶茶，好大杯又熱騰騰，香滑奶茶，不用加糖已經好好飲，茶味濃郁，可以提起精神了番茄濃湯通粉配牛乳炒蛋多加了這裡的自家製叉燒，好快就到了！香噴噴的鮮紅番茄，好濃郁又酸甜開胃，茄紅素大增；牛乳炒蛋放在中央，厚厚香滑炒蛋滲入了番茄湯汁，通粉軟硬剛好（可轉麵）自家製叉燒好瘦健康又易咬

裝潢很特別，用上不少懷舊燈飾每次經過都會望一望價錢大眾化，選擇很多綠椰冰紅豆冰喝得多，綠豆冰也是第一次綠豆綿密而且不會太甜，很有特色新鮮菠蘿冰用上新鮮菠蘿，新鮮感十足，解渴一流招牌瑞士雞髀配沙律多士大大隻瑞士雞髀肉嫩且入味，難怪會是店內招牌沙律多以生果為主，有驚喜鮮茄牛肉燴意粉多汁燴意粉，就係小時候吃過的味道沒有不好吃的理由，份量十足西多士炸得外酥內軟，多士入面更夾住花生醬再加上糖漿牛油同吃，絕對邪惡萬分

去荃灣幫阿媽買糯米池，順便食個午餐+下午茶先，見到樓下冰室新分店，又掛住佢既瑞士雞脾，一於呢度解決新店環境更寬敞，一貫既懷舊格調，坐得舒舒服服~跟餐揀左紅豆冰同阿華田脆脆，呢度野飲出名濃郁足料滑蛋叉燒飯 $50炒蛋滑嫩富蛋香，叉燒夠腍身，連埋淋面既香蔥豉油一齊食，非常惹味，份量亦很足~瑞士雞翼 $33瑞士雞脾/翼係呢度招牌菜，瑞士汁甜甜的很濃味，雞肉嫩滑，皮爽滑，夠入味，絕對係必食之選~西多士 $30炸得金黃既西多士，外脆內軟，蛋香十足~中間夾住足料花生醬~令人好滿足~可愛既調味樽~懷舊裝潢~咸檸7海報仲識閃燈架~食物選擇不少~

悅來坊一出見到呢間充滿港式塗鴉既冰室，未到11點半已經座無虛席忍唔住入去食個晏睇下係咪真係咁好食～食物方面幾多選擇，蕃茄濃湯加滑蛋好吸引，仲有好多特色小食，睇到眼都花埋。實物比細圖更出色，真係落原片厚切叉燒去炒，叉燒瘦得黎帶少少脂肪，食落好鬆化炒蛋夠滑，如果再生啲多啲蛋液會更好撈飯飯底加左瑞士汁，鹹中帶甜更加惹味。跟飯麵等主食可以半價加野飲，黎到冰室梗係要試特飲。椰汁冰好香甜，仲有好多紅綠豆蓉，好綿又唔係溝糖果隻死甜無諗過咖啡同紅豆又幾夾睇食評原來呢度既招牌係瑞士雞脾雞翼，個瑞士汁用頭抽煮成，夠色水又夠味雞脾啖啖肉，每一啖都係滿足推薦豬扒包麵包加左牛油烤得好香，口感似薯片咁酥脆，豬扒略油、嫩身唔乾，加埋煎蛋、沙律醬同雜菜，夠飽肚。西蘭花火侯控制得幾好，入口稔身易咬，唔會好硬，如果多啲芝士就更好冰室必點既邪惡西多～～～果然無揀錯，夠厚身，煎到金黃可口外脆內軟，蛋香十足，裡面仲夾左粒粒花生醬，好耐無食過咁正宗既港式西多肥兩磅都抵呀

嚟到荃灣呢個平民美食天堂，本來諗住去啲網上討論度極高嘅地方食飯，結果誤打誤撞嚟咗呢間唔喺我樓下嘅樓下冰室食飯身為讀VA嘅我，入到去第一睇見到個裝修勁靚勁oldschool令到我呆咗咁企喺度望，最深刻係天花板下面吊住啲好懷舊嘅舖頭招牌，而且每個細節位都勁精緻，再加埋帶黃嘅燈光令我感覺好似翻翻以前嘅年代咁。招牌嘅蕃茄濃湯唔係嚟到唔試下嘛蕃茄濃湯公仔麵一放上枱已經聞到陣蕃茄香味，湯底鮮甜唔會過酸，蕃茄味特出且非常濃郁，絕對唔怕水撩撩炒蛋放喺面，的確食落好creamy好重牛乳味，而且唔係炒到乾晒家人唔太喜歡食通粉同螺絲粉，所以嗌咗公仔麵，結果如我地所料公仔麵相當掛湯，的確可以將成個麵再昇華到另一境界，而且加埋蛋令到整體口感更豐富同樣係招牌嘅瑞士雞髀，的確非常出色平時最怕係啲瑞士雞髀又嚡又甩皮甩骨，但係呢個真係出乎意料地驚喜！雞髀好入味，又香又甜，即使食到裏面都依然夠味，真係食過返尋味，令我想食晒我家人個餐雖然我係比佢嘅蕃茄湯吸引而入嚟嘅，但係作為一個叉燒滑蛋飯嘅發燒友當然二話不說立即嗌個自家製叉燒滑蛋飯(多蔥)試完個蕃茄濃湯公仔麵嘅炒蛋之後，自家製叉燒滑蛋飯嘅滑蛋較遜色雖然係比前者嘅炒蛋滑身少

今日同朋友食lunch,約咗喺佢公司附近食， 見到呢間餐廳好多人排隊， 既然我嚟到先，就即管排下隊，等佢收工即刻落嚟有得食……餐牌上有好多套餐選擇, 花多眼亂, 搞到我心大心細,都唔知今餐食咩好咖哩牛腩套餐， 咖哩味香濃， 牛腩炆得好林 ，好正！呢杯華田爆脆值得推介， 甜度適中， 華田脆脆好好食！朋友叫咗個signature dish，瑞士雞髀配沙律及多士， 瑞士汁好濃， 配沙律剛剛好另外我哋叫咗份公司三文治share一齊食， 估唔到個份量好巨型， 餡料有好厚的雞蛋、烤雞、蕃茄及羅馬生菜， 食到我哋兩個攬住個肚埋單走人！下次好想試下佢個潮州蠔仔肉碎泡飯， 因為我見到好多人點呢個飯， 見到個樣好似好好食咁

朋友係荃灣工作，咁岩我今日經過荃灣整野，就約左佢食個飯飯啦～～佢提議去 “樓下冰室”仲話有幾樣野係一定要食~特色蕃茄湯通粉配牛乳炒蛋 $50睇個顏色就覺得個蕃茄湯底好濃郁，有蕃茄溶和蕃茄皮，甜甜地無好酸，還有牛乳炒蛋在中間！叫呢個蕃茄餐仲有一個小食可以揀，我就揀左招牌瑞士雞髀🐔朋友話雞髀係必食的～我看看周圍的食客都有叫雞髀喔！原本見到有咁多豉油，怕會好鹹，但食得就唔鹹，係滷水味，肉質好嫩👍🏽厚切牛乳炒蛋治 $22中間果蛋治真係幾厚切呀！無呃人呀😎果蛋治有成五層咁～食落唔會好乾身，蛋味濃🥚我地2個都好想食曬呢2個焗芝士系列，所以我地叫曬焗芝士西蘭花🥦 $36 和 焗芝士肉醬薯角 $36。 送上來都會熱燙燙的♨芝士西蘭花🥦 就係芝士配粟米，粟米嘅味道好香！ 焗芝士肉醬薯角就係芝士配好似有啲肉醬，夠曬熱呀👍🏽薯角勁大條呀😍而且分量有好多華田脆脆 $22 面頭有佈滿了勁多的阿華田脆脆，好有口感🤤飲落每啖濃濃的阿華田味，出面有是啲愈飲愈淡味，呢杯反而無，每啖都有味😙真心正！😍令我想起小學既時候好鐘意食的阿華田"機智豆"糖，唔知有無人同樣喜歡呢？🙋🏽‍♀

今日近近地喺番屋企附近食個快飯 想黎呢度試下好耐 今日終於黎左我同呀媽都好餓 冇食到早餐 所以都叫左幾多野下 首先係瑞士雞脾配粟米雜果沙律 $42個雞脾要讚 色澤好吸引 望見已經好想咬佢 個汁好夠味 吾會淡茂茂咁 切開黎雞肉仲好嫩滑 有肉汁 可以encore除左呢個下午茶餐 我另外又叫左個西多 係我茶記必叫 炸得外脆內軟 同時間亦吾會油淋淋 係有技術嘅 如果佢再比多啲糖漿我就正啦 因為我通常狂倒糖漿至於呀媽好中意食飯 所以食下午茶都要食 叫左叉燒滑蛋飯 $50叉燒當然係叉燒 冇乜特別 但佢蛋真係落左好多同做得好滑！而且蔥都落得吾姑寒 成件事好香 我忍唔住偷左幾啖😂呢間野價錢合理又大大碟 真係食得好飽 而且佈置好有心思 可以打埋咭 幾欣賞

窩夫與蝦子餅曾經光顧過荃灣路德圍的樓下冰室，印象深刻，最近在熊貓酒店附近發現它的分店，便進去開餐。分店的裝修很懷舊，座位比路德圍總店闊落。瑞士雞髀($28)是必吃之選，雞髀大大隻，上色很均勻，自家製瑞士汁的味道很有層次，不只得甜味，還有香草香料的味道，稍嫌雞髀肉不夠嫩滑。新鮮菠蘿冰原價22元，跟主食可享半價優惠，用的是新鮮菠蘿，坊間少有，味道比較天然，不會很甜，有豐富的纖維。窩夫點了特色番茄濃湯通粉配牛乳炒蛋跟厚切牛乳炒蛋治($50)，再加8元追加豬膶。蛋治中間的炒蛋超厚，一人吃半份已經很滿足。番茄濃湯較杰身，酸甜度控制得宜，窩夫選了螺絲粉，軟硬適中，炒蛋也很滑，追加的豬膶很大塊，處理得不錯。蝦子餅點了鮮濃茄牛肉燴意粉($50)，非一般的快餐茄汁，牛肉的份量很多。